مغترررربة~

[شـ قلب غاف]

جواهرو شروق,أبو البراء, ماسة مفقودة , سحر ,تيمية , طالبة الشهادة, قوافي الحنين

مرحبا بكم في جرووبي المزعوووم,
حياكم المولى..

غياب بسبب الدروووس والواجبااات ,, واختلاف التوقيت>>>>>>>>محد سأل

أبو البراااء....شكرا لتواجدك,

اسمحي لي أقول الشباااب أردى حالاً من البنات

رأيت شاب يلبس قميص مفتوح الصدر واساور وحلق وقبعه وبنطال طيحني وفي جيبه سلسلة,,, ماذا يحس به

والله لو إنه يوطوط عند باب الملحقية إنه يحب العافية>>>>> ممنوع

لكن كون ان الشباب يتحرشن بالبنات لم اسمع به ولم يحدث معي... الحمدالله

أصدقك القول ان البناات هم من وجودوا الحرية والابواب مفتوحة وهم من يسمح للشباب بهذا

يتعللون بأننا ندرس في نفس الفصل وأحيان تضطر الفتاة أن تشارك الشاب في عمل جماعي

فتبدا الضحكات والحركاات بتاعت البناات

وبعدها يبدا كيف حالك يافلان.. وتسمي اسمه(...) وشخبارك؟ ياترى حليت الواجب؟ وش سويت في اختبااارك؟

ثم الايميل والفيس بوك وعادي زملاء ~

يقولون انهم ناس (Open mind ) الله يخلف عليهم.

وسمعت نقلا عن احدى البنات من فتاة لها اختلاط بحدود مع الشباب انهم يطلبون منها انها تعرفهم على فتيات سعوديات لماذا؟ الله أعلم >>>> مقاصد رديئة

ماقدروا عليهم فالسعودية يلحقونهم براا
........................................ ....

أما من سألت تيمية

بصراااحة ياأختي انعدام الفرص الوظيفية والدراسية جلست فترة بعد التخرج من غير وظيفة وحاولت ان ادرس الماستر فالداخل فلم احصل عليه فكانت البعثة هي الخيار الأصعب على نفسي ~

فالبداية كما قالت طالبة الشهادة فرااق الأهل صعب ومر ... لكمن لما تضبطين اوضاعك ويصبح تركيزك دراسة وبس ..

تتعدل النفسية شوية ~

ندمت فالبداية لكن عيرت رأيي لأن مي وأبي أكثر فرحاً بذلك مني,,,,ربي يحفظهم

وفقني الله وإياكم لما يحب ويرضى,,,, اعذروني على الخلط بين العربي والعامي

والله من وراء القصد

ودي~

[شـ قلب غاف]

طالبة الشهادة حياك في كل وقت تنورييييين ياحبيبة

[خـــلود]

طالبة الشهااادة

أنت مبتعثثثة ؟ الله يصبرك الله يصبرك ، لا لا ما تخيلت أبدًا أبدًا ..

ذات السؤال كنت بسأله لك بس خلاص جاوبتِ


لبّى أنا و الله

ما أقتنعت بالدراسة هنا و مب عاجبني وضع التدريس ، تبيني أقنتع هناك
و ما أقتنعت بإبتعاث الشباب ، تبيني أقتنع بابتعاث الفتيات

و بعدين أصلًا سمعة الدكاترة في الجامعات مش كويسة ، أجل وشوله ناخذ الدكتوراه إذا كانت أمانتنا معدومة؟
يعني أنا أدرس عشان تكون أخلاقي أحسن عشان تكون ثقافتي أفضل ، عشان أصير انسان راقي يحمل معاني الإسلام و يطبقها ..

إذا انا نفسي قبل ما أدرس من ناحية الأخلاق و الأمانة و فهم الحياة ، و الإيمان و حمل العلم معي و هم نشره
كل هذي الأمور لم أحملها فليه أتعب ؟

أقعد في بيتنا أحسن ، لأن النتيجة وحدة الشهادة هي ما يحمله الإنسان من أفعل
لا ما يحمله الإنسان من ورق كُتب عليه بعض الأحرف المنمقة و ختم أزرق !

أما إذا انا أبي عشان الوظيفة و كذا ، هذا تكلمت عنه وااجد
يا ليل الوظايف يعني راتب كم ألف ما يطلع ربع عشر اللي تعبته

أروح أفتح لي مطعم و أصير أم صالح للأكلات أبرك و عشان الناس يتحمسون أحط تحت طبخ قصيمي
السموحة حبايبنا القصمان بس شنسوي حريمكم سنعات

و إللي مهناش في الطبخ و كذا ، أدور لي شغله ثانية
و الأشغال واجد بس من له خلق و عنده مخ

و بعدين عادي أفتح لي كوفي و أدبل السعر حبتين ، و أقول لأن حنا كشخة و كذا
و أحط ديكورات محترمة ، و الناس ما عندها مشكلة تشتري و تتحمس

و ش هي عاد يبي لها تخطيط شوي و كلها كم سنة و أجب لي مديرة أعمال من أي جنسية عربية
و تضبط أموري و ترتب وضعي

بل دراسة و هم و شغل الراتب اللي ما يوكل عيش و سالفة
بس يبي لها تشغيل مخ شوي

-

طبعًا أنتم هالحين طاح الفاس في الراس مالكم إلا تكلمون و الله ييسر لكم ، و يحفظ لكم دينكم يارب ^^()
دعواتنا لا تفارقكم ، متشوقين لحروفكم هنا ^^ لا تتأخرون كثير ^^


بحكم أن الموضوع يغلب عليه البنات أسمحوا لنا بوضع الوجوه التعبيرية الضاحكة =)

[خـــلود]

شغاف قلب ..

و الله مالنا إلا نقول الله ييسر أمرك ، خلاص أنتهى الأمر
لكن في المرة القادمة لا تجعلي نفسك معبر يسير عليه أعداء دينك !

هذه المرة سرت طريقًا و جسرًا لهم ! وانتهى الأمر ..

لكن احذري في المرة المقبلة فالجسر لم يكتمل بناءه بعد إحذري أن تكون المكمل !!!


دعوتنا معكم و لا تفارقكم ^^

[حسم الصراع]

كان الله بعونكم , أمس ماتحتاجون له الإيمان بالله والثقة به والرفقه الصالحة


نحن الآن بين ظهراني المسلمين لا تؤمن علينا الفتنة إلا التسلح بأسلحة الثبات , فكيف بكم الحال


كان الله بعونكم .



-

[SOKRH]

موفقه شغااف .. الله يردك لـ اهلك باللي تمنيتيه ()

* شوفي حل مع الخاص تبعك ..


طالبه الشهاده .. اي دوله ؟ واي قسم ؟!

[طالبـة الشهادة]

يابروفيسورة تيمية ذذ
السالفة عندك مو سالفة بره أو جوه !!!
الدراسة خير شر مو عاجبتك بسبب تدني الأخلاق في الجامعات بنظرك

وكأنه مسار الموضوع اتغير شويه ..

ياحبيبة بما انه فترة امتحاناتي وبكره كمان امتحان
بأرجع قريب ان شاء الله
صح على فكرة.. مو مبتعثة وإنما مغتربة..


شغاف..
تسلمين ()
صحيح تساهل الكثير .. مزعج بشكل فضيع جدا ..
يصير كل شئ عندهم عادي.. وفري وايزي .. إلا هو زي أخويا !! وحتى أبويا !! ثم حدث ولاحرج ! إلا فيما ندر بالطبع ..
الله يصلح الحال

روما ..
تخصصي طب ..

كل من كان هنا.. شكرا لكم

[خـــلود]

^

الله يوفقك يارب ^^
استعيني بالله و ان شاء الله تجيبين درجة حلوة ^^

[العلياء !]

الله يحقق لكم غاية مناكم :*
تحمّست معكم , طيب ما تعرفون بنات سعوديات ويكون بينكم دوريات وعزايم .. تخفف ألم الغربة :*

[حمامة الفجر]

السلام عليكم ورحمة الله وبركاته



يسّر الله أمر دراستك ووفقك وأعادك لديار الإسلام

لم أنوٍ الردّ إلا لأقول :
الحديث عن المُنكر يجعل المُنكر مُستساغًا لأبناء الإسلام
ويجعل راية الأمر منكوسة .


إن تحدثنا فليكن دعاٌء بالهداية يا أحبه
لا أظن أننا استفدنا شيئًا مما ذكرتي


كلام أخت لا أكثر

[DorahQ8]

السلآم عليكم

الله...درآسه وبآلخآرج..و إالتزآم بالدين .. وتشريف للبلد والأهل..

أمنـــــــــــــــــيتي أدرس برا وأدعو للإسلآم()

بما إني لقيت موضوع عن اغتراب بفضفض اسمحولي:$


كنت أحب الإنجليزي عشآن أصير دآعيه بهاللغة*, ودخلت تخصص أدب إنجليزي بس أكره الأدب


* سبب هآلشي..إني كنت صغييره, شفت وحده أجنبية جت تكلم أمي(وأمي تلبس غشوة طويله أطول من لحيه أبوي ) وكلمتها وبعدين رآحت فسألتهآ شنو كآنت تقولج؟ قآلت :كآنت تسألني شلون تتنفسين وأمي ردت عليهآ .. وفكرت يومهآ لو أمي مآتعرف إنجليزي هل بتقدر ترد على هالأجنبية ؟ من يومهآ زآدت علقي بالإنجليزية وبأمنيتي في تعلمها

نكمل/

بما إن أبوي مآيرضى أكمل دراستي برا,, ولما أقوله اني بكمل الماستر بلندن يقولي : بالمشمش ,, مع ان عندي عمي بلندن وأخوي المفروض يدرس وأروح محرم له (لأني الكبيره ) إلآ إني غآسله يدي بالروحه..أبوي بالحج أو بالعمره مايرضى أروح من غيره

قلت بقلبي مآكو غير يجي عريس الغفله ويكون عنده طموح يدرس برا وأروح معآه .. وظلت أمنيه بقلبي محد يعرفها

وفجأه انخطبت أختي من واحد يدرس برا وهي رفضت وقالت حولوه لأختي دامها تعرف عنقليزي تقدر تمشي حآلهآ بالغربه..أنا بقلبي قلت مرحبا مرحبا بس رفضت قدامها (الصرآحه يدرس طب وهالشي يقهر حلوة ذي كم بنت شافها وهيك يعني >>تراه ماخطبك )

ورفيقتي انخطبت من واحد يدرس برا وقهرتني رفضته تقول توه صغير>>وجع شنو صغير وهو معتمد على نفسه كنت ع وشك اقولها وراتس ماعطيتيه عنوان بيتنآ بس استحيت

>>>ترى القصتين مجرد سوالف لاتاخذونها ع مبدا الجد ياحبكم لسوء الظن

وأنا شكلي بتخرج وماشفت واحد عنده طموح
اكتشفت ان معظم شبابنا همه الأكبر كيف يطيح فلانه ويرقمها حتى النموذج االفاشل اللي يفشل ديرته وأهله..يعني حتى وهو مسافر نفس الهم ماتغير..مااااااااالت عليهم بس وأخوي يبي يسافر معصصصصصصصصصصصصصصصصصصصي مايسافر إلا و مزوجينه


انتوا يابنات فديتكم بس وفديت قروبكم لبآآآآكم يآ فراشات

مشرفين أهلكم وديرتكم ودينكم ونفسكم

ومشرفيني أنا (بتقولون وش دخلك ) لأن انتوا إن شاءالله حققتوا حلمي ()

ربي يوفقكم وييسر أموركم و يستر عليكم ويكفيكم شر من حولكم

[عرش الورد]

المشاركة الأصلية كتبت بواسطة غداً أفضل!! ثبتك الله وأصلح أحوالهن ... أعز مانملك هو ديننا فاجعلي هدفك الأول ( أن لا يؤتى الإسلام من قٍبلك ) فكوني هناك في غربتك خير سفيرة لدينك أولا ثم لوطنك حفظ الله عليك دينك ودنياك ...

أصبتِ النصح..
وفق الله الجميع..