أسعار الضحايا نار وهنا نتبادل المشورة (صورة)

[الريــم التميمي]

وش هالغنمة اللي بثلاثة آلاف يوكلونه باتشي ؟ كلن قام يشفط من جهه الواحد ما يدري وش يبدي وش يخلي

[د.يوسف محمد السعيد]

اتصلت على بائع جمال فقال

عندي الناقة بحدود عشر الاف ريال و اقل سعر عنده بتسعة الاف.




شفتوا وشلون مشكلة غلاء الأسعار

تتذكرون لما خطيب الجمعة يختم خطبته بقوله

اللهم انا نعوذ بك من الوباء و الربا و الغلاء


انا امس ابي اشتري طاقية, قال بثمانية ريالات

كانت قبل بأربع او بخمسة ريالات


اختم حديثي

اللي يبي بعير كامل يخبرني

اعرف واحد اشترى له ضحية بعير (ناقة) و تزاين اختها اللي معها و اشتراها ايضا

يبي يذبح وحده و الثانية يبي يبيعها بسعر مناسب,

[(سلطان)]

أسعار السنوات إلي مرّت علينا ..

1431 : 1000 - 1100 - 1200
1430 : 850 - 900

وعلى حسب الأضحية .. بس التجّار زوّدوها والله .
خارج الموضوع :
حليب بوني .. حليب لونا .
لونا كان بريال بعدين صار بريال ونصف بعدين بريالين .
وبوني نفس الحكاية .. لكن بوني إلحين بريالين ونصف وراح يوصل لثلاثة ريال .
ذاك اليوم رجعت إلى البيت عشان نصف ريال تشوفون القهر كيف ؟!

[~ [ جناح ] ~]

عادي :/
__
ابتداءً لستُ بتاجر مواشي لا من قريب و لا من بعيد
لكن غلاء أسعار الأضاحي سببه سلسلة متصلة لم يُعرف آخرها إلى الآن , و يذكرون أن آخر واحد تسائل : لماذا الأسعار غالية ؟ اختفى من الأرض
و من يرمي بكل سبب لغلاء الأسعار على الباعة و التجار الذين يستوردون للمستهلك مباشرة فقط فقد جانب الصواب ..
__
ختاماً | اللهم رخّص أسعارنا ..

[كـش مـلـك]

ــ أشتريت اليوم نعيمي بلدي سمين بـ 1800 ريال .. وش رأيكم في السعر ؟

[د.يوسف محمد السعيد]

توني جاي من مزرعة عندها جمال عربي نجدي

تتراوح اسعاره ما بين 7700 الى 8800

بعضهن ثني و بعضهن رباع