اختباااار القدراااات

[الشــمــوخ]

السلام عليكم ورحمة الله وبركاته

لمن لديه علم بهذا المُحطّم لكلّ الآمال والأمنيات

ذلك الذي يُدعى ( اختبار القدرات ) :

متى يبدأ التسجيل فيه ( للبنات ) ؟؟

وكم فرصة لدي أو كم اختبار يحق لي التسجيل فيه ؟؟

وهل أسئلة العلمي تختلف عن أسئلة الأدبي ؟؟


وجزاكم الله خير

[Bird Back]

و عليكم السلام و رحمة الله و بركاته

لمن لديه علم بهذا المُحطّم لكلّ الآمال والأمنيات ذلك الذي يُدعى ( اختبار القدرات ) :

حبيبتي ماهو لهالدرجة و أنآ مجربته قبل ماأختبر أسمع العالم تقول و تتكلم عنه بشكل مبالغ لكن موب هالصعوبة
يعني هو يبي تشغيل مخ و تركيز و هدووء
فيه شي أفادني جداً جداً الحمدلله و بفضل الله ثم هالشي ماكان جبت درجة انقبلت بها انتظام بالقسم اللي أبيه
ابحثي عن دورات القدرات أنآ حضرت وحدة وبجد مفيييدة طبعاً الدكتور عن طريق الشبكة و يشرح لنا بيفهمك طرق الحل السريعة على حسب السؤال تقريباً أنآ حضرت دورة بسعر 350 ريال بس حلال عليهم ما توقعتها أفادتني لهالدرجة طبعاً بيومين و يستقبل أسألتنا و يعطينا اختبار تجريبي و طريقة حساب الدرجات
يعني أنآ شخصياً استفدت من الدورة أكثر من الكتب ...

متى يبدأ التسجيل فيه ( للبنات ) ؟؟

الفترة الأولى : اختبار القدرات العامة

التسجيل ..
البداية : 1433/3/5
النهاية : 1433/3/25

الاختبارات ..
1
الأربعاء
1433/4/14
2
الخميس
1433/4/15
3
الأربعاء
1433/4/21
4
الخميس
1433/4/22

دخلي موقع القياس بأرسله لك على الخاص يعني بوقت التسجيل لازم تسجلين من النت بس إذآ جاء وقت التسجيل نصيحتي تدخلين الظهر و تسجلين أو من بعد الساعة 11 الليل أخف للزحمة ( من العصر إلييين العشاء ) الموقع يكون زحمة و بطيييء جداً جداً و لو تسجلين صباحي أفضل من المسائي لأن النهار يكون العقل شغال زين

-------

وكم فرصة لدي أو كم اختبار يحق لي التسجيل فيه ؟؟

طبعاً للطالبات في ثالث ثانوي اختبارين الفترة الأولى اختياري اللي هي الوقت اللي كتبته لك فوق و الفترة الثانية لازم عليك تختبرين لأنه قدرات و تحصيلي و يكون بعد إختبارات آخر السنة

-------

وهل أسئلة العلمي تختلف عن أسئلة الأدبي ؟؟

أيوة تختلف لأن الإختبار أسألته تنقسم لاثنين كمي و نظري
الكمي : حسابات و جذور و كذا
النظري : قطع و عليها أسألة أو أسألة نظرية مو حسابية
فالأدبي و التحفيظ الكمي يكون أقل من العلمي
و أصلاً أيام الإختبار للعلمي غير أيام الأدبي

أشياء ركزي عليها ليلة الاختبار لا تفكرين تذاكرين و لا تشتتين ذهنك توكلي على الله حاولي تنامين مبكر و اصحي قبل روحتك للإختبار بساعة و نص أو ساعتين
افطري على رواقة فطور يشبع
حاولي تمشين بالحوش صدقيني مزاجك بيكون رايق بعدين و خاصة مشي الصباح يجنن ووصي أبوك و أمك يدعون لك مافيه زي دعواتهم
روقي أعصابك لا تصيرين متوترة لأنه كل ماتوترتي راح تلخبطين و مراح تركزين بالإجابة لمن تجين تدخلين القاعة حاولي تختارين الأول ليش ؟
أنآ بأقولك سبب اختياري للمكان الأول في كل الاختبارين في الفترتين لأن لو فيه وحدة قدامي راح أنشغل و كل شوي أطالع فيها لو تحركت و زي كذا
و إذآ بدي الإختبار فيه شاشة كبيرة قدامك أول شي طريقة تعلمك شلون التظليل و غيره
و بعدين لمن تبدون في الشاشة ساعة لزمن الإختبار
أهم شي لا تتوترين
و لا تبطين بالإجابة حاولي تستعجلين إذآ ماعرفت لهالسؤال انتقلي بسرعة للسؤال اللي بعده ثمن بترجعين له بالنهاية
إذآ خلصت بدري قبل انتهاء الوقت ركزي على التظليل و عيدي التظليل زين
طبعاً الٌأقلام و المساحات من عندهم
إذآ خلصتوا من كل الأبواب و انتهيتي صكي الكتيب
و إذآ خلاص انتهيتم و طلعتي من القاعة << تحسين براحة حتى لو فيه أسألة ما عرفتي له توكلي على الله
أهم شي اعملي اللي عليك عشان مايصير تواكل و الأمر كله لله

أدري طولت ردي لكن حاسة فيك مثل معاناتي قبل مآ أجرب الإختبار
وفالك التوفيق و النسبة العالية وتدخلين القسم المحبب لك يآآآرب

.
.
.
.



Shatha Bent Ibraheem

[الشــمــوخ]

أولاً أختي الفاضلة أعتذر عن التأخر بالرد

كذا مرة أكتب ويكون طويل وبضغطة زر يطير

حبيبتي ماهو لهالدرجة و أنآ مجربته قبل ماأختبر أسمع العالم تقول و تتكلم عنه بشكل مبالغ لكن موب هالصعوبة يعني هو يبي تشغيل مخ و تركيز و هدووء

هو صح ياغالية

العام الماضي واللي قبله أخوي اختبره والحمد لله مشت أموره

لكن كثير من أقاربي ومعارفي شبه جابوا العيد مع ان بعضهم متفوقين بدراستهم

فيه شي أفادني جداً جداً الحمدلله و بفضل الله ثم هالشي ماكان جبت درجة انقبلت بها انتظام بالقسم اللي أبيه ابحثي عن دورات القدرات أنآ حضرت وحدة وبجد مفيييدة طبعاً الدكتور عن طريق الشبكة و يشرح لنا بيفهمك طرق الحل السريعة على حسب السؤال تقريباً أنآ حضرت دورة بسعر 350 ريال بس حلال عليهم ما توقعتها أفادتني لهالدرجة طبعاً بيومين و يستقبل أسألتنا و يعطينا اختبار تجريبي و طريقة حساب الدرجات يعني أنآ شخصياً استفدت من الدورة أكثر من الكتب ...

ماشاء الله

ماعليك أمر ياليت اذا يصلح تدليني عليه هنا أو برسالة ع الخاص لا هنتي

طبعاً للطالبات في ثالث ثانوي اختبارين الفترة الأولى اختياري اللي هي الوقت اللي كتبته لك فوق و الفترة الثانية لازم عليك تختبرين لأنه قدرات و تحصيلي و يكون بعد إختبارات آخر السنة

أهااا

طيب ما تعرفين جامعات مهوب لازم التحصيلي يكفيهم القدرات ؟؟

لأن ذا بصراحة متأكدة اني بجيب به العيد وبقوة بعد

ــــــــ

جزاك الله خير ويعطيك ألف عافية ماقصرتي والله

وأعتذر مرّة ثانية عن التأخير الغير مقصود ،،

[Bird Back]

لكن كثير من أقاربي ومعارفي شبه جابوا العيد مع ان بعضهم متفوقين بدراستهم

أنت حطي ببالك القدرات ماهو دراسة و حفظ تقريبا يعتبر مهارة إذآ فهمتي و استوعبتي طريقة الأسألة

ماعليك أمر ياليت اذا يصلح تدليني عليه هنا أو برسالة ع الخاص لا هنتي

ابحثي في النت من الآن دورات في المحافظة اللي أنتي فيها أنآ الدورة اللي حضرتها عندنا بالخرج (:

طيب ما تعرفين جامعات مهوب لازم التحصيلي يكفيهم القدرات ؟؟ لأن ذا بصراحة متأكدة اني بجيب به العيد وبقوة بعد

شوفي هذا دليل جامعات الرياض لقبل سنتين بس مآ أتوقع إن فيه تغيير D:

http://www.4shared.com/office/Zp8a1Wy_/Dalel.html?

و أعتذر على التأخير توني أنتبه لردك

[الشــمــوخ]

و أعتذر على التأخير توني أنتبه لردك

لا عادي

يعطيك العافية صمت ماقصرتِ والله

شاكرة لك اهتمامك ،،