الزيارات المفاجئة !!!!!!!!!

[نحووله]

المشاركة الأصلية كتبت بواسطة أبيك لغربتي ديره ااااااااااااه والله أنكم بنعمه نعمه كبيييرهـ حنآ الشمال ومآ أدرااك مالشماااال <<خاطري حتسي كثير حييل عنه ومتكسله اكتب هالحين لأنوه لو كتبت اخاف أغفل عن نقطه لي عووودهـ مطوووله <<لآتشرهوون لو انوه بعد سنه خبري الضيوف المفاجئين مايفارقون بيتنآ

شسمه على فكره تدرين انو طرح هالموضوع لو أقووله لأبوي تطيح من عينه ويين صفات أهل الكرم والجود

[ربى حمد]

المشاركة الأصلية كتبت بواسطة أبيك لغربتي ديره ااااااااااااه والله أنكم بنعمه نعمه كبيييرهـ حنآ الشمال ومآ أدرااك مالشماااال <<خاطري حتسي كثير حييل عنه ومتكسله اكتب هالحين لأنوه لو كتبت اخاف أغفل عن نقطه لي عووودهـ مطوووله <<لآتشرهوون لو انوه بعد سنه

بعد سنه شكلتس تنكتين
على العموم حياتس الله وبياتس وسدد خطاتتس ننتظر حتسيتس بعد ماتنشّطين ولو بعد 10 سنوات بننتظرتس

[[ شهد الشوق ]]

.

المشاركة الأصلية كتبت بواسطة ربى حمد شكلك دابله تسبدهم وأنتي ماتدرين على العموم الحمد لله حسيتي بنفسك

أظنّ الأخت تقصد أنَّ هذه التصرّفات أصبحت قديمة ، وانتهى وقتها ولم يعد أحد يفعلها... ليس إلّا

[سوار الحرف]

كل السالفه إنهم قالوا نحتاج للشقيري يعلمنا آداب الإستئذان وأنا قلت لو نمشي على الأدب النبوي المعروف مانحتاج له

المشكلة في ( لو ) ..
يا ستي كثير من الناس ترك الآداب الشرعية والنبوية ولهى عنها ..!!
لذا كانت مثل برامج الشقيري فيها بصيرة للغافلين وربط لطيف للواقع مع ما هو مدون في المنهج الإسلامي ..

وللعلم ترى لو قالوا نحتاج للشيخ العريفي يسوي لنا حلقه عن الآداب بيكون نفس كلامي بقول مانحتاج للعريفي

[العيطـــموس]

المشاركة الأصلية كتبت بواسطة ربى حمد العيطموس تعرفين الشعب متنّك ومتنّح مايستوعبون بالقراءة لازم نطبق قدامهم بشي عملي وعساهم مايجيبون العيد فينا عشان كذا صدقيني بنحتاج للشقيري والعريفي وغيرهم ..... بسم الله عليك من الموت على كذا بعظ على شحمه وبستقبلهم من أجل عين تكرم مدينه على طاري الضيوف حدث ولا حرج تبين الصدزز خربّتها البارحة مع أمي وزعلتها مني ماطلعت لهم وسحبت عليهم بس ما طلعوا إلا طيبت خاطرها لحست عقلها وطيبت خاطرها بكلمتين وحده من الجيران تبيني أطلع بالقوة تناديني وتغني فيني وتمدحني تبيني أطلع لها بس كنت راكبه رأسي لـ أنهم مسخوها وتقول وش فيها اليوم علينا ما طلعت لنا أهم شي أنها ما تدري حطي تحتها خطين -فيه حركااات تنرفزني في جمعات الجيران: سيّرت علينا جارتنا قالت أبي دورة المياه (وأنتي بكرامه) شوفي لي طريق رحت شفت لها الطريق دخلت دورة المياه ورجعت لحريم الغفلة بعدين قلت بروح أجيب الشاي من المطبخ أول ما وصلت للمطبخ ألا الحرمه شفتها في وجهي أثاريها خذت لها دوره في البيت من الداخل لين طلعت لي في المطبخ أنا طيرت عيوني من الصدمة حرمه وعند باب المطبخ وش تبي أول ما شافتني تبتسم وراحت على طول للمجلس بعدين عقبها صرت أسكر كل الأبواب ألي تدخل جوه البيت لـ أنها بجد نرفزتني بحركتها عقبها صرت أسميها الملقوفة الله يتوب علي وأكثر ما يزعجني لين الوحدة جت و وتضف وتجر هالحريم معها تقولين بيت أبوها وكل ساعة تتصل و تقول أنا عند أم عبدالرحمن الحقوني والله الضيفه مهيب سهله تعزم على حلال غيرها أحسدها على ثقتها الزايده بنفسها

ربى كذا أحرجتيني وبعدين وش الناس الغريبه اللي يجونكم والله يخلي أم عبدالرحمن شكله حبوبه والناس تحب جمعته الله يعينك عاد سلمي الأمر لله
وأمك قوليلها الناس جايه لك أنتي أنا وش دخلني أطلع كل مره ترى إنقرضوا البنات اللي يطلعون لجمعات الجيران والله لو تشوفني أم الجيران ماتعرف من أنا هي جايه لأمي أنا وش يخصني بسولف له عن عيالي وإلا أبو عيالي مثلا!

المشاركة الأصلية كتبت بواسطة سوار الحرف المشكلة في ( لو ) .. يا ستي كثير من الناس ترك الآداب الشرعية والنبوية ولهى عنها ..!! لذا كانت مثل برامج الشقيري فيها بصيرة للغافلين وربط لطيف للواقع مع ما هو مدون في المنهج الإسلامي .. بس هذا شئ معروف الإستئذان ياناس من الذووووق مايبيلها شرح وتذكير وبرامج الشقيري أنا معها وأتابعها للأمانه وحتى ماتفهمون إني ضدها لكن القصد إن هذا الموضوع بالذات مايحتاج لتذكير بس الله يهدي البعــض!!

^
تذكيير بحسن الظن: )

[ربى حمد]

العيطموس

ربى كذا أحرجتيني وبعدين وش الناس الغريبه اللي يجونكم والله يخلي أم عبدالرحمن شكله حبوبه والناس تحب جمعته الله يعينك عاد سلمي الأمر لله وأمك قوليلها الناس جايه لك أنتي أنا وش دخلني أطلع كل مره ترى إنقرضوا البنات اللي يطلعون لجمعات الجيران والله لو تشوفني أم الجيران ماتعرف من أنا هي جايه لأمي أنا وش يخصني بسولف له عن عيالي وإلا أبو عيالي مثلا!

شكلك مافهمتي أم عبدالرحمن هي أمي والحرمة قوية الوجه جالسه تعزم في بيت أم عبدالرحمن الي هي أمي أبشرك اليوم سحبت على الحريم اليوم جيش تقولين نمل وياعمري أمي مبسوطه ومتشققه وطايره من الفرحه بجيتهم عكسي تماماً
بس أمي مقهوره مني وتشوفينها تدعي علي بس مو من قلبها والجيران يسألون أمي يقولون وينها وش فيها مرتين نجي ولا تطلع لنا
و أمي ياحياتي كل ما سالت وحده عني تجي أمي تبشرني تقول أم فلان تسأل عنك
قلت لأمي لاتحاولين مارح اطلع خليهم يفهمونها ولا عاد يجووون
وربي اليوم ماطلعوا الا الساعه تقريبا 12 بالليل الغريبه وين رجاجيلهم عنهم وين عيالهم ماعندهم مدارس مايبون عشا والله عجيب أمر هالحريم ماينعطون وجه جعلهم مانيب قايله

[ربى حمد]

مساحه لفش الخلق من زوار الغفله

[العيطـــموس]

^^
لا فاهمه إنه أمك الله يخليها لك يارب
وأمر جيرانك فعلا غريب مالك إلا الصـبر وأمك مع الوقت بتتعود على طريقتك فهميها قولي تراهم عجايز أقابلهم وش أقول المهم أنتي ياماما بسطي معهم وأنا من خلف الكواليس[قهوه وشاهي وخرابيطها ]

[ربى حمد]

المشاركة الأصلية كتبت بواسطة العيطـــموس ^^ لا فاهمه إنه أمك الله يخليها لك يارب وأمر جيرانك فعلا غريب مالك إلا الصـبر وأمك مع الوقت بتتعود على طريقتك فهميها قولي تراهم عجايز أقابلهم وش أقول المهم أنتي ياماما بسطي معهم وأنا من خلف الكواليس[قهوه وشاهي وخرابيطها ]

لأنك ماتدرين أنا الي وهقت نفسي مع هاالعجزه لين قعدت معهم تقولين عجّيز خالصه ولين قعدت مع تقولين خالصه عشان كذا فاقديني وحالفين أني أطلع لهم ياويل قلبي ويلاه

[العيطـــموس]

وإذا جلستي مع شبابات وش تصيرين ماشاءالله ياطول بالك عطيني شوي

[ربى حمد]

المشاركة الأصلية كتبت بواسطة العيطـــموس وإذا جلستي مع شبابات وش تصيرين ماشاءالله ياطول بالك عطيني شوي

اذا جلست مع الشبابات أصير مش ولا بد

اليوم جيران بفن توهم داخلين ويسألون عني أخرتها تو مرت جيرانا داقه علي من جوال أمي تقول أنزلي لاتزملين منا
وأخزيااااااااااااااااااااااااااه بروح لهم
يالله أستودعكم الله الذي لاتضيع ودائعه

بالله شوفو لي حل

[دموع ساااجده]

هههههههههههه
موضوع رائع
وصراحه انااا مااحب اللي يجوون فجاه ومن غير اتصاال حتى لو زوجات اخوي

يعني بعضهم مايعطونا خبر ويقولون نبغا نريحكم ولانكلف عليكم
وبالعكس اللي يجي من غير مايعطينا خببر بعدين نحووس ونكلف اكثر
يعني مثلا احد دق علينا وقال بنجيكم اصلح كل شي من البيت حلا ومعجنات وارتب واجهز نفسي
واكون مبسوطه لجتت وانا مجهزه كل شي
لكن اذا جت فجاه كل شي اجيبه من برااا واحووس تلاقين وقتي كله اجهز الضياافه

واناا مااحب اروح لاي احد الا اعطيهم خبببر
لازم الواحد يستاذن ويعطي الناس خبر ممكن
مشغوولين او عازمين احد...
مو كذا فجاه وثقاله.
الله يعطيك العافيه يالغلا

[مجرد من أنا]

أتفق مع رأي سوار الحرف, الحياة العصرية متعبة نفسياً, ومن حقي أخذ مساحة للإسترخاء !
ثم إنه أليس من الأدب تحين أوقات الزيارة المناسبة, وهذه الأوقات تتفاوت بين بيت و آخر, هناك أوقات قد يتفق فيها الجميع بعدم مناسبتها, لكن قد تجد أوقاتاً تناسب البعض ولا تناسب الآخر ..

طيّب مثال, هناك بيوت يكون جدول الحياة فيها مختلف قليلاً بحكم وظيفة الأب أو الأم, لايخفى عليكم بعض الوظائف التي يختفي فيها الأب عن عائلته إلى بعد منتصف الليل!

القصة كلها إتصال أو رسالة نصية, على الأقل قل " سأزورك اليوم الساعة كذا " حتى استطيع تعديل جدول اليوم ولو قليلاً حتى لاتتراكم علي الأعمال ..

تدرون وش المشكلة في الموضوع, إنك لما تقول أو تلمح لأحدهم بذي المسألة, يزعل ولاعاد يزورك
ذكرى : مرة زارنا قريب, جلس من المغرب إلى مابعد منتصف الليل, وأنا الصباح عندي إختبار نهائي ..
غصب عني أتضايق من وجوده

[شادن$]

ياهلا والله مرحباب بضيف

حنا بابنا دوم مشرع الضيوف

ومستعدين كل الحظه الاستقبال الضيوف


هذا من طبع بيتنا


ماشوف فيها شي


طقو الباب رحبي فيهم ودخليهم الغرفه المخصصه

روحي غير ي ملابسج

وطلبي من الخدم تحضير القهوه


وانتهت سالفه



بس في ناس من طبعهم مايحبون احد يجيهم مب مساله ماخذ راحتي بالبيت واو شي ثاني


ودمتم سالمين

[ينابيع الوفاء]

بلـعكـس

أحب الزيارات المفاجأة

تحسين لها بطعم ولذة..

نادر الأن أحـد يزورك بدون موعد

[الريــم التميمي]

المشاركة الأصلية كتبت بواسطة غدقْ _ س/ دار بين نفسي " بعد تلك الردود الهاجمة على الزياره المفاجأة ! آلم تكن تلك المفاجأة من روح تاقت إلى لقياء من أحبت ؟ أو شخص أحس بتقصير في رحمه فأرد الثواب من ربه ؟ أو قريب أهلكت مشاغل الدنيا ففرغ نفسه تلك الساعات لزياره ؟ فلنفتح قلوبنا قبل أبوابنا لمن فكر في زيارتنا , عجباً من تلك النفوس ~ .

غدق بلاهم ما دخلوا عليتس كاشخين و عطور و مكياج و أنتي توتس قايمة من النوم وعليتس قميص روز برتقالي تقولين من لحجيات الحرم و شوشتس تحجب الرؤية ..!!!


و الله عيب يدخلون و الناس بحوستهم هم و بزارينهم ولا مرتبطين مع أحد ولا عندهم ظروف

أنا مدري هم ينبسطون لا شافوتس مرتبكة ولا ما عندهم دم ولا وشو بالضبط ؟

[ديم الصباح]

المشاركة الأصلية كتبت بواسطة ربى حمد اذا جلست مع الشبابات أصير مش ولا بد اليوم جيران بفن توهم داخلين ويسألون عني أخرتها تو مرت جيرانا داقه علي من جوال أمي تقول أنزلي لاتزملين منا وأخزيااااااااااااااااااااااااااه بروح لهم يالله أستودعكم الله الذي لاتضيع ودائعه بالله شوفو لي حل

الله يكوون في عونك

الحل
أعتقد مافي غير حل واحد بس 00 إنك مرة تطلعين لهم و اذا زاروكم مرة ثانية لا تطلعين لهم يعني مرة قابليهم و مرة أو مرتين لا تقابليهم طبيعي اذا سحبتي عليهم مرة وحدة و فجأة صرتي معد تطلعين لهم راح يفتقدونك لإنهم متعودين عليكي 00 يعني أتدرجي معاهم << فكرة جهنمية
الين خلاص معد يسألوون عنك فقدوا الأمل انك تطلعين لهم
جربي و ان شاء الله تنفع معهم

[دانة البحور]

المشاركة الأصلية كتبت بواسطة الأميرة الحزينة الله يكوون في عونك الحل أعتقد مافي غير حل واحد بس 00 إنك مرة تطلعين لهم و اذا زاروكم مرة ثانية لا تطلعين لهم يعني مرة قابليهم و مرة أو مرتين لا تقابليهم طبيعي اذا سحبتي عليهم مرة وحدة و فجأة صرتي معد تطلعين لهم راح يفتقدونك لإنهم متعودين عليكي 00 يعني أتدرجي معاهم << فكرة جهنمية الين خلاص معد يسألوون عنك فقدوا الأمل انك تطلعين لهم جربي و ان شاء الله تنفع معهم

ماشــــاء الله خـــطـــــة جهنمـيــــــــة أوافـــقـــــك الـــــــــرأي
الحين ماعاد أحد يفتقــــــد الثــــــاني كـــــلوووو واحد الله المـــــســتعـــــــــــان بس