][ ♛ قَاعَةُ طَالِباتِ الحَاسِب الآلِي الجَمِيلات ♛ ][

[إِكليل]

المشاركة الأصلية كتبت بواسطة صابونة السلام عليكم ورحمة الله وبركاته اسعد الله الجميـع , اخباركم آل حاسب لدي مشروع بناء موقع انترنت متكامل , أود معرفة ماهي البرامج التي تساعدني في تصميم الواجهة وغيره مثل dreamwever , frontpage .. اريد غير هذه المواقع ان امكن ,, برأيكم استخدم لغه php او asp.net ? شكراً لكم كثيراً

بالنسبة للواجهات ،
القوالب الجاهزة كانت مريحة جدًا ..
كل شيء مرتب ، و ملف css لحاله و منفصل ، بس تناديه في كلّ صفحة و يطبّق التنسيق .
ملفات html أيضًا مرتبة و مقسمة واضحة ..
يكون مثل القالب و أنت تغيري عليه كل شيء ..

+
php
بسيطة و سهلة و خفيفة ، بس ساعات يبغالها طولة بال ..
حرف بسيط يعمل error بالهبل ، لأنه يستلزم تكتبي الأكواد .

ماجربت أي واجهة رسومية كقاعدة بيانات ، و هذا شيء مفضل عندي لو كان الموضوع واجهة رسومية .

____________

الموضوع نسبي ، لو كان هذا مشروع تخرّج ، فيكون اللي قالت عنه وتين سلس ، يشيل عنك مجهود و وقت .
لكن لو كانت المادة قواعد بيانات و هذا مجرد مشروع تطبيقي لكل المواضيع اللي درستوها ، فphp حلوة .

[إِكليل]

شجوان /
هههههههههههههه
الحل بسيط : تحطي قرآن في شنطتك



عوضًا عن أن تستعيني بأحد ، قراءة القرآن كافية تسخر لك عباده ، و تشوفي كذا التسهيلات و إنت ماشية ..
لو كنت شايلة هم كتاب ما صورتيه ما اشترتيه ، بأقدار الله تلاقي وحدك جنبك معاها الكتاب .
لو كان في بالك تسألي البنات عن الواجب و كيف ينحلّ ، راح تلاقي الموضوع ينفتح لحاله و هلمّ جرًا ...

و اهمّ شيء أهمّ شيء البركة في الوقت ، و تلاقي وقتك مرتب من حاله ، و ربما تصرفي عن حضور يوم أو محاضرة
و من نصيبك المقدر إنّ الدكتور غايب ..

و لا تنسي مواد الحاسب كلّها كلّها ما فيها روح ، شيء يجيب الغم و لا يجلي هذا كلّه غير كتاب الله ...

و راح تتكسر سنون الحاسب في ظرف آية .

[إِكليل]

قطر الندى /

إلهي يلهمك رشدك و يسددك و يكتبلك التوفيق في أيامك ، و يريك الحق حقًا و يرزقك اتباعه و الثبات عليه ..
لأن في ناس تختار الجواب الصح بعدين تشطبه من قلبها ، يا ربّ ما تكوني منهم

[إِكليل]

وتين /
بما أنّك الأكبر سنًا و تخرّج .
إليك السؤال : أنا الآن محتارة لو كنت مثلي إش راح تسوي ؟؟

[إِكليل]

مشروع تخرجي اخترته أولًا لأن الدكتور متميز جدًا ، بروفيسور ، شيء تتشرفي إنّه يوم من الأيام كان المشرف على مشروع تخرجك .

المشروع يعدّ الناس في الطواف و يقدر عدد النّاس .
و بعدين صار شيء !!!!!!!!!


قبل كم يوم كان يشرح مادة غير المشروع طبعاً و جات على باله فكرة جديدة تطبيق للآيفون دليل عمرة للمعتمرين .
طبعًا الموضوع مغري جدًا لأن هذا المستقبل ..

بس المشكلة / الدكنور ما عنده أي خلفية عن برمجة الجوالات و لو غامرنا و اشتغلنا ، ما يقدر يساعدنا ..


فهتيني ؟

[إِكليل]

أبغى مايكروفون ، أنادي عليكم يا نايمين يا ساكتين يا مشغولين




قطر الندى / اختبارك كيف كان ؟؟؟ و موقعك و فكرتك ؟؟ ترى الصورة إهداء إلك .. هذا تاق مميز في html
وتين / وينك ؟؟ حكايات بنات التخرّج ما تخلّص ؟؟
كاميليا / وش صار عليك ، شكلك بس تدعين عليّ ، اختبرت و لا لسّه ؟؟
أنفال / هاتي ما عندك حكاية وحدة للي ما عندهم فلك ؟


وينكم بنات ؟؟ بليز تعالوا فشّوا غلّكم قولوا أي شيء .

[وتـــيـــن ..~]

إكليل شكلو حنبدأ نخصم في درجات الحضور ..

المشاركة الأصلية كتبت بواسطة إِكليل مشروع تخرجي اخترته أولًا لأن الدكتور متميز جدًا ، بروفيسور ، شيء تتشرفي إنّه يوم من الأيام كان المشرف على مشروع تخرجك . المشروع يعدّ الناس في الطواف و يقدر عدد النّاس . و بعدين صار شيء !!!!!!!!! قبل كم يوم كان يشرح مادة غير المشروع طبعاً و جات على باله فكرة جديدة تطبيق للآيفون دليل عمرة للمعتمرين . طبعًا الموضوع مغري جدًا لأن هذا المستقبل .. بس المشكلة / الدكنور ما عنده أي خلفية عن برمجة الجوالات و لو غامرنا و اشتغلنا ، ما يقدر يساعدنا .. فهتيني ؟

آهـ ذكرتيني بمشروع التخرج .. الأزمـــة الكبرى .. :/
المشكلة نبغاهـ يطلع بأحسن صورة و نحط جهد كل السنين عليه
بنفس الوقت ما نبغى نجرب شي جديد نروح ما نـتـقـنـه!

ترى كثيـــر بنات الحين نفس الشيء حايسين .. مشروع تخرج عادي أو تطبيقات ؟؟

كنت أعدّي في نفس الأزمة برضو،
فكرت أعمل تطبيقات أندرويد .. و جتني كم فكرة < فكريني أقولك هي بعد ما نخلص الموضوع هذا ..

بس بجد مخاطرة ..!
خصوصاً انه مافي أحد يساعدنا ، يعني كلها الي في النت كتب بسيطة و دروس و دورات متفرقة عن صنع التطبيقات
يعني حتى لو كان عندي سؤال أو شيء و سألت واحد فاهم مستحيل أقعد أسأله طول المشروع ..
غير لما يكون دكتورك المشرف بيساعدك و يوجهك

لو حتسوي المشروع على خطتك الأولى حتعمليه و إنت مرتاحة و مطمنة
و عارفة مستوى مهارتك في لغة معينة و خبرتك في التصميم و فهمك في برامج إدارة المحتوى ... و .... و....
أما لو كان تطبيقات هذا كل حنفقدهـ و حيكون كل شيء تجربة !

خلاصة إلي طلعت منه .. إنه مشروع التخرج يكون على جنب ..
و التطبيقات أندرويد/آيفون على جنب ثاني ،يعني نشتغل عليها كمشروع لنا احنا .. منفصل عن مشروع التخرج ..

بكذا نربح الاثنين
مشروع تخرج مُتقن + تطبيقات ..

نمسك العصا من النص ; )

و قبل هذا كـــلــــه استخيري أهـــم شـــيء .. الله يفتح عليكِ فتوح العارفين و يلهمك الصواب و الرشد يـــــارب

بالنسبة لي احتمال أبدأ في مشروعي الترم الثاني .. لأنه الدكتورة المشرفة اعتذرت فـ بـيدوروا على دكتورة 2 تشرف علينا ..
يعني حناخذ الترم الثاني + الصيفي

فــ لسه ما اعتمدت فكرة معينة للمشروع : /

[قَطْر الندى ؛]

المشاركة الأصلية كتبت بواسطة إِكليل قطر الندى / إلهي يلهمك رشدك و يسددك و يكتبلك التوفيق في أيامك ، و يريك الحق حقًا و يرزقك اتباعه و الثبات عليه .. لأن في ناس تختار الجواب الصح بعدين تشطبه من قلبها ، يا ربّ ما تكوني منهم

ربي يسعدك و يخليك
لأ أنا أمهم مو منهم و بس بس الحمد لله هالمره ربي ستر

المشاركة الأصلية كتبت بواسطة إِكليل أبغى مايكروفون ، أنادي عليكم يا نايمين يا ساكتين يا مشغولين قطر الندى / اختبارك كيف كان ؟؟؟ و موقعك و فكرتك ؟؟ ترى الصورة إهداء إلك .. هذا تاق مميز في html وينكم بنات ؟؟ بليز تعالوا فشّوا غلّكم قولوا أي شيء .

ههه شكراً عالإهداء الجميل

الحمدلله الاختبار كان أسهل بكثيير مما توقعنا ( استاذة العملي هي اللي كاتبه الأسئلة ) و إلا الآن ما أعطتنا درجاتنا مع إنها قالت لنا يوم الأربعاء إن الدرجات ما أعجبتها كثيير ناقصين على أشياء تافهه

الموقع الأستاذة في النهاية حددت فكرتين و قالت ما أحد يسوي غيرها
1- مجلة متخصصة في مجال معين ..
2- موقع متخصص في االطهي ..

كنت بسوي مجلة أطفال لكن البنات اللي معي فضلوا موقع الطبخات و الحمدلله سويت ملف المشروع و اللوقو تبعه و خريطة الموقع و أعجبتها كثيير


هالوقت وقت اختبارات ميد عشان كذا البنات غايبين
كنا متفقين في بداية الترم إن نصف الاختبارات قبل الإجازة و النص الباقي بعد الإجازة
الان بقدرة قادر كلها صارت قبل الإجازة :/

[قَطْر الندى ؛]

المشاركة الأصلية كتبت بواسطة وتـــيـــن ..~ شايفة كيف هاللغة ما هضمتها أبـداً .. ما أدري وش تحس فيه !! الله يفتح عليك و فل مـــارك يـــارب () بشرينا عنك بعد الاختبار

الله يعين يارب عليها ://

اللهم آمين لا أبشرك الحمدلله كان الاختبار ممتاز عقبال الجميع ^^

[صابونة]

,

إكليل ,

شكراً لكِ : )

و للجميــع

ما قصرتِ يالغاليه ..

هو مشروع لمادة internet information application ..


بنسبة للاخيارات ,

php لبناء الموقع

dreamWeaver cs5 لتصميم الصفحات

phpMyAdmain كقاعدة بيانات (فيها واجهة رسومية بعيداً عن الاكواد )

مع اني كنت ارغب باستخدام MySql ~



تحمست جداً , لتعلم php ..

شكراً لكم

[[ Gain ]]

.
.
.
. يا ليل الشباتر الناقصة
المشكلة أن الأستاذة ساحبة على ايميله ، وعجزت وأنا أبحث عنهن بس ما لقيت شي :""


لاحظت أن الأستاذات الأردنيات هن اللي ماسكات زمام الأمور !
بس أحسن شي أنهن متعاونات ويترجمن ويحددن ( يخلونتس تمشين بس الأكيد أنتس ما تدرين وين ربي حاطتس ) .
.
.
.

[إدراك]

تاج كنت توقعه انك تدرسين في جدة

من قالت بتسوي موقع لطبخات << نسيت !
المهم فيه موقع اجنبي مره تعجبني طريقته و الناسبه اكلاه خطييييره ومضبوطه 
بدور لك الرابط لاني مضيعه , الهمم فكرته  يعرض صور صغيره ل الاكلات بس ، كل صوره له ا رابط يودي للمصدر الطبخه
ب امكانك تصنفين الطبخات حسب الدوله و بحس ب لغة كتابة المقادير  و اسم الطبق و اسم  الشيف او اسم الموقع اللي اخذتي منه الطري قه ,
๑๑๑

[إِكليل]

^
^
الله عليك
<<القدرة على التصنيف موهبة ، اسم الله

[إِكليل]

وتين / طلع الموضوع فيه تصويت و احترام الرأي الآخر
أنا قلت الأول . قالوا الثاني و تمّ أمر الله .


تم الmeeting الأول . ولا زلت مخنوقة و مكتومة ، أنا لا أفضل العمل الجماعي أبدًا

[تـــاج]

المشاركة الأصلية كتبت بواسطة إِكليل تاج ؛ يعني لأنّك تاج ما تجي إلّا كلّ ثلاث صفحات مرّة ؛ زعلانين منّك .. نسيتِ ؟؟؟ هاه ؟؟؟ يا ليل بنات الحاسب المشغولات ههههههههههه أهلن بالمدينة و أهلها و بنات الحاسب فيها ، نوّرتِ .. احم احم ، التربوي بكبره مو حلو ...

ههههههههههههههههه

ماودي اقولك اني نسيت ادخل مرة ثانية ههههههههه
ما ابغى احطمكم ترا جاتني حالة زهايمر شنيعه بعد التخرج ههههههههههه
ياهلا والله فيك




ادراك*

اهم شي احساسك قرب كلها في الغربية

[إدراك]

foodgawker | feed your eyes
هذا الموقع حق الطبخات ؛ ع الهامش " جربت كذا كيكة منه رهيباااااات !

المشاركة الأصلية كتبت بواسطة إِكليل ^ ^ الله عليك <<القدرة على التصنيف موهبة ، اسم الله

موب موهبه لووووووول ؛ درسنا التصنيف بماد ة تحليل نظم ,
๑๑๑

[قَطْر الندى ؛]

المشاركة الأصلية كتبت بواسطة إدراك تاج كنت توقعه انك تدرسين في جدة من قالت بتسوي موقع لطبخات << نسيت ! المهم فيه موقع اجنبي مره تعجبني طريقته و الناسبه اكلاه خطييييره ومضبوطه  بدور لك الرابط لاني مضيعه , الهمم فكرته  يعرض صور صغيره ل الاكلات بس ، كل صوره له ا رابط يودي للمصدر الطبخه ب امكانك تصنفين الطبخات حسب الدوله و بحس ب لغة كتابة المقادير  و اسم الطبق و اسم  الشيف او اسم الموقع اللي اخذتي منه الطري قه , ๑๑๑

المشاركة الأصلية كتبت بواسطة إدراك foodgawker | feed your eyes هذا الموقع حق الطبخات ؛ ع الهامش " جربت كذا كيكة منه رهيباااااات !

حلوة فكرة ربط الطبخة بصورتها بأحاول أسويها إن شاء الله
ههه أهم شيء معجبتك طبخاته و اللي يقولك إن استاذتنا نفس الشيء شكلها طباخة درجة أولى كل المعامل لازم يكون التطبيق طبخة ذذ

[قَطْر الندى ؛]

اختبرنا 3 اختبارات

تراكيب ميد :- متوسط
نظم تشغيل " عملي " :- سيء جداً وعدتنا بـ " بونس " و إلا يوم طلعنا من الاختبار أغلب الشعبه ناوين يعتذرون عن المادة ذذ

أساسيات " كويز " :- ممتاز و الحمد لله

الأسبوع القادم عندي
ميد ( ذكاء اصطناعي + HTML , CSS )

[صابونة]

السلام عـــــــليـكم

اخباركم جميعاً ..

وكيف اختباراتكم يـارب النتائج جميله مثلكم ..

..

عندي استفسار بسيط

من الي جربت تشتغل ع phpMyAdmin ?

أو تعرف احد جرب اشتغل عليها وممكن اتواصل معه

..

الموقع الي نشتغل فيه بالغه العربية

لما اضيف اي بيانات لقاعدة البيانات طبعاً تكون مكتوبه بالعربي مثل الاسم وكذا

تظهر و كأنها فاضيه .. مادري بالظبط وين المشكله وكيف ممكن اقدر احلها



حتى لما اسوي لها استدعاء علشان تعرض عندي ع المتصفح تكون كذا الخانات الي مكتوبه بالعربي ما تطلع ..!

مع العلم ان نوع collication = utf8 unicode

..

اتمنى من تعرف حل لهالمشكله تقولي

فرج الله كربكم ووسع رزقكم

: )

[كاميليا ..}]

إِكليييييييل

-