بيتي الخاص عندما كنت طفلاً ,

[خـــلود]

من ضمن المواقف الطريفة ..

كنت في مزرعة أحد أقرابي ، المهم كنت ممرحة عندهم و سهرانين كالعادة ، اتوقع إلى الظهر و إحنا قايمين
المهم كانت المشاكسة تطغى على الأطفال هناك بشكل عجيب ، المهم كان فيه مسجد يخص هذي المزرعة ( يعني داخل المزرعة و مكان آمن )
كنا مجموعة بنات ، أعمارنا من 7 - 11

ومعنا ولدين ، قالوا شاريكم نروح المسجد و نشغل المكرفون ؟
المهم رحنا و شغلنا المكرفون و كل واحد بدا يشتغل عليه صجة و ازعاج و هذا يقلد الشريم و هذا السديس و هذا يصحح له و هذا ينشد مدري وشو ( بالعربي صججة )

و من نعم الله علي ، إني كنت هادية و خايفة و واقفة عند الباب ما دخلته
و طبعا الأطفال منغمسين في اللعب ، و الساعة 9 الصباح و العالم نايمة !!
و في المزرعة أكثر من 7 أسر كل أسرة ما يقل أفرادها عن 4 !! مختلفي الأعمار ..

ومن الإزعااج لعل في قسم الرجال ، أحد الشبان ما أتذكر كم كان عمره لكن في العشرينات " جامعي أغلب الظن "
قام من الإزعاج الفضييع !
جاء يركض بنعلة " زنوبة " ، و بحكم اني بجانب الباب فأول من هرب أنا
و توزيت ورى المسجد ، و هم راحوا مع جهة ثانية ، و هو ظل يراكض وراهم إلين اتوقع دخلوا قسم الحريم
وبعضهم أكلوها ضرب خاصة الولدين

-

أذكر لعبة انسان حيوان جماد
كانت دفعة الأطفال اللي كبري ، أنا أكبرهم بعضهم بسنة و بعضهم أشهر
المهم يحسون اني انا الفاهمة و كذا ..
فكل ما جيت ادور اسم حيوان او شيء ، و ما لقيت أألف لهم شيء جديد :d
و كل ما قالوا اول مرة نسمع به ! قلت شسوي فيكم انتم مب مثقفين !
> و مساكين يصدقون :d

[خـــلود]

صراحة أنا أعترف أن البنات أميز في تأليف الالعاب , من الأولاد ,

الأولاد مضاربات !
و سيارتنا احسن من سيارتكم و ابوي أقوى من ابوك و عمي يشيل العالم بأصبعه الصغير ( هذي سمعتها كثير )

[المستشار الخاص]

هههههههههه
يالله انا اعترفت ان البنات افضل في الالعاب
بس موب تسوقون الاولاد بهذا الشكل المحرج

[نهاية الأرض!!]

يا سرعها مرت .. نلعب كلنا أولاد وبنات " خليطي "

لا إنا كنا نسوي بيت جماعي يعني ما فيه كل واحد له بيت .. نصف المساند ويله ندخل وسط البيت " ويا حياتي جدتي نقلب لها المقلط " ..

مرة نلعب وندخل فيه كأننا غنم و هذا حوشنا

بس ما أتوقع إنه فيه دافع قوي غير اللعب بس لاغير ..

والله تذكرت أول وجلست أضحك تذكرت موقف طريف صراحة..
مرة من زمان حتى أنا ما أتذكر زين ..
كانوا البزران يلعبون وبنوا لهم بيت متكامل ماشاء الله .. وحطوا غرفة و حمام في ذا البيت ..
لكن أحدهم كان مندمج مع اللعب وحس برغبة للذهاب للحمام .. لكن طغى عليه جو اللعبة و .. سواها في الحمام اللي في بنوه في الغرفة ..!