حَ ـيْثُ أكُونْ ♥

[WOW !]

يَا ليَالي الوصلِ عودِي
واجمعينا أجمعينَا
واذكري لـ الحب عهدًا
واذكريهم واذكرينَا
واسمعي الشّوق ينادي
خافقًا فيهم وفينا
نشعل الوجدان وجدًا
يبعثُ الآه الدفينَا ~

[WOW !]

قسسم تنرحمون
هالأيّام أشم ريحة الخيّاطين والمراييل والأقمشة
واللي بأول سنة من الجامعة وللحين ما اشترت تنورة سوداء ترى عندي فائض من التنانير السود الزينة
ويلا أول يوم مريولي ما أدري ضبط ولا لا والا البس مريول العام ع بال ما يطلع
بألحق على المكان الزين بالفصل اللي ما تجيه الشمس وما تشوفن المعلمة أسولف على كيفي
وبنات الجامعة يحوسون ويدوسون بالجداول والشعبة الفلانية قفّلت وأحذف هالمادة وإلا أضيفها قلق يا عمري
وإختبارات دوريّة وعندي اختبار ما عندي إحتبار
ويا حياة الشقا زوريهم .. وبالشقا متّعيهم

صح إني ما كمّلت 4 شهور كاملات متخرجة إلا إنه يبقى أني حرّة طلييقة واااوز
أنام واقوم على كيفي
عادي عادي لو كرفت بالبيت لمين أقول بس ..
البنت ما لها إلا البيت والكرف فيه عادي هماي ما وراي دوام عادي
عاد أتذكر وحدة قبلي بسنة تخرّجت ميتة تبي التخرّج أشد مني بعد أتذكر تقول لو يطقّون جيراننا ويقولون تعالي نظفي بيتنا بس ما تدرسين عادي عندي قلت لها أجل تعالي لبيتنا

لحد يدقّق بالفيس المزيون اللي بالصورة

[WOW !]

A mute mode is a good solution for many things in our life , like a passive ideas and people who talk to frustrate others.

[WOW !]

أعانق طيفهُ فأهيم شوقًا .. وحبًّا زاد في قلبي لظَاهُ

[WOW !]

متصفح الإكسبلورر
يذكّرني بعام 2000
يوم يقولون العالم بتنتهي بعام 2000 خخ
كنت برابع إبتدائي وأتذكر أخوي كان يشتغل ع الدايل أب طبعًا وأشوف شعار الإكسبلورر أحسبه هو بس للنت يعني هماه حرف E < بسم الله علي أعرف أفكر
وإلى بعد كم سنة يمكن يوم كنت بالمتوسّط أو الثانوي ما أدري بالضبط
أهم شيء انه أخوي وكان يستخدم الفايرفوكس ومستغربة شلون يشغّل نت
وبعدها أخوي الثاني نفس الشيء يستخدم فايرفوكس فـ خلاص حبّيته حسيته ياي
وكنت وقتها ما أفتح نت بشكل رسمي إلى ما اشتريت لي جهاز وعلطول رحت ادور الفايرفوكس ما أبي الإكسبلورر
وإلى الحين والمتصفح الرّسمي هو الفايرفوكس
الإكسبلورر على إني ما قد استخدمته إلا أنه قليل أدب بس يعلّق وغبي وأحس ما أدري وش يحس خخ
جرّبت فترة من الفترات الأوبرا هَهْ ما عليه بس ولو ما حبّيته كثير
وجرّبت الكروم كثير مدحوه وماش حسّيته قلق شوي
والسفاري جرّبته بس على خفيف ما عليه حليو
بس الفايرفوكس قاهرينن كاثرة تحديثاتهم كل شوي تحديث وإذا حدّثت خربت الإضافات قلق هالحالة
غير الإنهيارات الرقيقة ياي خخ إلا وراه بس هو اللي ينهار ذذ
بالنهاية ماش عجزت أتعوّد على غيره
عاد أنا من النوع اللي يوالف الشيء
يعني إن تعوّدت على شيء صعبة أغيّر علطول يبيلي وقت أتأقلم

وش سبب هالرّد ؟ هع
سببه تحديثات الفايرفوكس السقيمة والكثيرة وراحت علي إضافتي المفضلة حقت داونلود مانجر اللي أنا وإياها توم وجيري
أعدّلها وتطس
تزهّق قسم بالله
المفروض كل شيء يطلع تحديث مب لازم يسوون قلق كل شوي
" يوجد نسخة جديدة حدّث الآن "
يا حظّك عندك نسخة جديدة
إذا صرت أبي أروح أدوّر مب تسوون لقلق كل شوي -.-

[WOW !]

ترى لفظة " قلق "
تختلف حسب النّطق عندي
قلق بتفخيم القاف يعني قلق حقيقي حق الأطباء وذا
أما قلق بترقيق القاف هذا شيء روتيني لأي شيء مزعج أوصفه بهالصفة
ويا نبي سلام عليك خخ

[WOW !]

يا علّتن متعلّلةٌ علّلت براسي المتعلعل ><"
وش ذا كلّش خرب مع بعض ><"
ليش كلش يبي تحديث وليش كلّش يبي كراك ما أدري سريال وهالخرابيط
إيقالهم حقوق وما أدري ايش
طيّب ماخوذة الحقوق ماخوذة وش تستفيدون طيّب
محد منقهر إلا اللي يقعد يمرمط يدوّر كراكات ويعجز يفهم لهاالكراكات وما كراكات
هف بس :@

وتقل ان أصوات الـ mp3 ما تشتغل
ترى وقسم منب راااايقة لكل شيء يخرب
ابي متصفح ما يحدّث كل ثانية ولا يعلّق ولا ينهار ومليان إضافات زينة

[WOW !]

أحب شهد البرد حبًا شديدًا كثيرًا قويًّا
دايم لا كتبت هنا شيء عن الفايرفوكس تصير متبهذلة زيي ذذ
عاد هم الفايرفوكس ما يستحون يحطون عشرين تلاف تحديث وحنا الضحيّة
أبفهم وشوله تحديثات وهو ما بينهم فرق
أهم شيء اني حذّفت الفايرفوكس وحمّلت نسخ قديمة ورجعت للجديدة ومرمطة منّا ومنّا وآخر شيء رجعت للنسخة اللي كنت عليها ذذ
عطتن برنامج حلو شبيه بالداونلود مانجر بس مجاني لكن ما ضبط ع الفايرفوكس خخ
بس يلا إضافة فلاش قوت تفي بالغرض تقريبًا
أهم شيء اني يوم حذفت برنامج الداونلود اللي عندي من زمان يوم جاء العصر بقوم أصلّي وأتذكر الملفات اللي حمّلتها عن طريقه قلت تخيل بس يصير راحوا مع الحذف كان أصيح علطول خخ كل شيء عليه محملته
وأشوى فتحت الجهاز ولقيتهن موجودات وارتحت ذذ

وأعتذر ع اللقلق سواء هنا والا التويتر
بس للحين بخاطري شيء ع الفايرفوكس ذذ

إيه ترى فزت بمسابقة سياحة عدسة ذذ
شوفوا تقريري الفائز :$ خخ
http://forum.ma3ali.net/t833045.html#post13467552

--
أبشيّك على سربي وأحذف بعض الردود أحس كثرت الصفحات بسرعة
إلا ع طاري الصفحات فيه أحد الحين بخارج السرب يعني كثيرة ردوده بس الصفحات أحس ما تكثر
اما سربي بسرعة يكثر أحس انه

^
عشر تلاف سالفة برد واحد خخ

[WOW !]

أنا والصور الرمزيه مرض × مرض كل شوي أغير كل شوي

ابتساام
أششششوى فيه أحد نفس حالتي
شكرًا على الرابط الجميل

انا اللي يخلين ما أصبر أجمّع صور وأتحسف فيهم وبس أحوس بالفوتو وأحط

[WOW !]

وبنكهة أخرى




المفروض منزلتهم بالفليكر بس عيّا يسجّل دخولي
نسيت الباسوورد والحساب كله وتذكرت الحساب والباس ما قدرت أتذكرها
وسويت كل اللي يقولون اني نسيت الباس ويرسلون بالبريد
وعيّت تضبط
اللي قاهرني الفايرفوكس البثر كل الباسووردات حتى البايخات حافظهم وحقات الفليكر ما حفظهم ليه ما أدري
جرّبت أدخل بحساب ثاني بس مو لي شخصيًا وعادي دخل
بصيييييييح أبي يرجع حالًا بالًا :""""

[WOW !]

ودّعتكم وفراقكم أبكاني

تصيّح الأنشودة
وخلّصت الإجازة وجت الدراسة مفرقة الجماعات
و جت ضيقة الصدر وأيام القرف حتى لو كنت منب دارسة بس يبقى جو كئيب وسخيف
وسافروا أخوي وزوجته لكندا
ما اسرع ما طار الشهر والنص
والله يسرّع بالأيام وترجعون للسعوديّة سالمين غانمين


للتحميل

[WOW !]

و لا زالت جملة " النظام متعطّل " تلاحقني حتى في إستلام وثيقة التخرّج !
جامعة القصيم تبين نتصدّق لك بنظام وإلا تصريفة من تصريفات المسؤولات !

كنت حاقدة على جامعة القصيم وبعدين حقدت على جامعة الدمّام مع اني ما أعرفها بس أشوف طالباتها يسبّونها وتقل بديت أهوّن وأحب جامعتنا بس اليوم عصّبت ورجعت لكرهي لها خخ
صراحة أحس جامعة القصيم وجامعة الدمّام
كلهم أحسّهم وجهان لعملة واحدة
وأتوقع السّر لأن آخر حرف من اسم الجامعة حرف الميم
فممكن يكون وباء " المنّة " مشترك بينهم خخ

مسمّى جامعة القصيم الوعّة " جامعة التحطيم والجحيم والموظف/ـة السقيم " إلا من رحم ربي طبعًا خخ

< تحليلات وحدة منقرفة وما نامت من أمس ولا أدري متى بتنام خخ
أكيد عين وحدة من بني طويلب ما تهنّيت بصباح أول يوم عطّالي بطّالي
آآمزح ترى وقسسم خخ

[WOW !]

يا رفيق العمر يوم إنك نويت
تعرف الlكنون في قلب حنون
بأعترف بالصدق لا مني حكيت
حبّك الغالي والله ما يهون
المحبّة حق إذا إنّك ما دريت
في صميم القلب دايم تسكنون
من حبّكم والله يا حبّي جنيت
السعادة يا الحبيب لمّا تجون
أبتهج لما أشوفك واكتفيت
وتكتفي أوهام قلبي والظنون
وأفتخر إنك بعمري سميت
بالعُلا حبّك دايم ما يكون

[WOW !]

و مع كل نسمة صبَاح يتجدّد الأمل
اللهم اكتب لي الخير حيث كان ثم ارضني به :"
و يَا رب ّ !

[WOW !]

حلووة
وبعد حقت المؤثرات تحمّس

لا أحد يقول خلّص العيد
عيدي هالسّنة إلى 15 شوّال
كيفي لا دراسة ولا شيء بأطوّل العيد على كيفي
تخيلتني عاد بكرى بما انه يوم 15 ألبس لبس العيد كختاميّة للعيد يعني ذذ
المشكلة كل العائلة الكريمة تدرس
ما فيه إلا أنا وعزوز
شكلي بأسوي العيد لي أنا وإياه بلحالنا
< الفضَاوة مب زينة

[WOW !]

غراسٌ من النور يسلو البصائر
وسقيًا من الطهر تروي الضمائر
ولحنٌ من الفجر في كل فجّ
يناغي القلوب ويغشى المشاعر
إلى لُحمة الجيل تهفو رؤاه
وفي كفّه ساميات البيادر
وصالٌ على الدرب ملء الهدى
ليرفل بالخير عهد المآثر


تجنن هادديية وحلللوة
و عن غراس عاد ما أدري مين غراسه خخ
بس أهم شيء انه غراس اللي أحسه شيء يجنّن وملوّن وكشخة وكل شيء
ياخي غش ليش ليش كل شيء زين بالرياض وإلا بالشرقيّة
وقسم القصيم مب بعيدة عن الرياض وأهل الشرقيّة ثلاث أرباعهم أصلهم قصيمي
جد القصيم دايم خايسة ليه
خصوصًا "قريدة" - بين قوسين بريدة خخ - ذي ما أحبّها
أحس عنيزة أهون مع إني ما أذكر رحت لها من قلب بس أحس عندهم حركات وذا
مب حنّا ما أذكر شيء زين من قلب
حتى الملاهي خايس من عرفت الدنيا وهو هو ما تغيّر وكل ماله أردى
والأسواق بعد مب ذاك الزود
ولا فيه شيء حريمي خالص مُبهج مثل الملتقيات وذا
يقولون ليه تحبّين الرياض ياخي أحسها منعشة لو إنها حر والا فطسة بس كلّش فيها
وحتى الشرقيّة أحبها مع ان أحس ما فيها مجمّعات نسائية خالص بس عندهم ملتقيات حلوة وحركات أصلًا هي توسّع الصدر مباشرة

أكرهكِ قصيمنا الغرّاء



للتحميل

[WOW !]

اليوتيوب عالمٌ من السماجة إلا من رحم ربّي
جد العالم ما أدري شـ تحس على المقاطع البايخة والسامجة
يجيك واحد كبير ويسوّي نفسه بزر
يا ويليييه وش هالسّماجة ذي
والا مقطع واحد اشتهر بعد كم يوم يجي خمسين الف مقطع تقليد له وإيقالنّهم يستهبلون
جد عالم ما أدري وش تحسّ
الحمد لله الذي عافانا مما ابتلاهم به

كمثال مقطع ذاك البزر اللي يعضّه أخوه ويقول آوتش جولي
مليون مقطع تقليد له بس على سماجة مب طبيعية
وهذا مثال من عشرين مليون مثال
أستغفر الله بس

[WOW !]

الله يا الدّنيا
صاير سربي يرجع للصفحة الثانية
ما خبرته كذا أيّام الدراسة
راحت الدراسة وراحت الهذرة معها

على طاري الدراسة
فيه شيء قاهرن
أتذكر يوم كنت أدرس كنت أحيانًا أحاول أنام بدري من 10 أو 11 عشان أصحى بدري
بس يصير العكس بالموت أقوم وكله واحد إن نمت بدري أو متأخرة الفجر مالي خلق وبالموت أداوم
ألحين انقلبت الآية
يعني واحد ما عنده دوام المفروض ينام ويقهر اللي عندهم دوام
أنا لا إذا جاء الفجر ما فيه أحد قد رواقتي والصحصحة اللي أنا فيها ما شاء الله
أروح أفطر معهم وأهذر على روسهم ومروقة وهم مب لمّي
ويوم كنت أداوم لحد يكلمني ونفسي فوق راس خشمي
شفتوا قد إيش الدراسة تأثر بالنفسيّات

[WOW !]

انتشر بالنت هالفترة وخصوصًا بالتويتر سالفة ابتسم بالعربي
اللي هو بدل ما نحط السمايل كذا : ) < طبعا بدون مسافة ذذ
نخلّيه كذا " ت " حرف التاء يعني سمايل
هو صح نفس الشكل بس ماش ما خشّت مزاجي هالسالفة
أصلًا الرموز مو إنجليزية ولا عربية بكل لغة تستخدم ومن علامات الترقيم
يعني وشوله يعقدونها قال ايش قال عربي
لأن أصلا أحس غلط أقرأ كلام فجأة أقول تاء لأني شيء طبيعي بأقراها تاء حتى لو أنا عارفة انها ابتسامة
والا بعد يقولون حرف " ي " يعني فيس حزين عاد ذي ما تجي أبد بطة ممكن بس فيس حزين مب لمّها
ت ت ت ت < إيقالي أبتسم خخ

[WOW !]

ينفع الواحد يحوس بكل شيء لمين يطلع بنتيجة
متعودة أي رابط مباشر لأنشودة مثلا أروح أفتح الموقع اللي محمّل منه
أو سمايل أعجبني أروح أفتح المنتدى التابع له وعادي أسجل عشان السمايلات
المهم اليوم فتحت أنشودة واستغربت موقعها قلت أشوف وشو نجرب وش ورانا
طلع موقع لازم تسجيل فيه ويثبّت على الجهاز بعد
الزبدة انه جازلي وحسيته زين
وجرّبته وضبط وجاب رابط مباشر
ذا هو
https://www.dropbox.com/

يبي شرح للي ما يعرف أبد لكن أحسه واضح اللي بيحوس فيه يقدر يعرف له - كنت بأشرح وتعيجزت أبرنت وأحوس ذذ -
وأحس فيه أشياء كثيررة بس للحين ما تعمّقت فيه
بس قلت بأحطه للي يبي يجرّب ويحوس

اللي أخذتها منه الأنشودة ذي :


المؤثرات ممكن زايدة حبّتين

لحد يقول العيد قديمة بس حاطتها عندي ونسيت أسمعها وتوي أذكر