الاستهزاء بالمطاوعه

[نَظرآت بريئة]

السَلآم عَليكم ..

شخبآر البنآت ؟!كيف الاختبآرات ؟!

فيه مشكله منتشره البنآت يطنزون على المطآوعه بشكل مو طبيعي ><

يعني مثلاً : مطوعه بدويه .. مآآآلووو دخل يآآربي

وبعدين البدو أصل العرب

وبعدين فيه حديث بمعنآه : بدا الاسلام غريبا وسينتهي غريبا فطوبآ للغريبين

وش الحل مع ذولآ النآس ينرفزن مره >؛<

[ميــامن]

كلامك جميل وراااائع

نعم البدو اصل العرب وش السالفه ليش الأستهزاء بهم أو بالمطاوعه حتى ..إن اكرمكم عند الله اتقاكم

الحل اتركيهم على رب العالمين وبس

[اسطورة ملكه]

صصصصدقتي كلام ماله داعي بالاسساس,,
وكلللل وحدددده وتفكيرها يدل ع ششخصصيتها,,
والنعم بالببببببدو والله يالبييييييييه فديتهم,,

[شمس التفاؤل]

وعليكم السلام ورحمة الله وبركاته..

مدري شلون تجيهم الجرأه يتطنزون ع المطاوعه او الملتزمين اللي يطبقون ما امر الله به ورسوله صلى الله عليه وسلم ما يستحون من الله عزوجل !!
ما يستحون من النبي عليه الصلاة والسلام !!
ما يستحون من انفسهم يتطنزون على خيار الناس (ظاهرا طبعا لان الباطن يعلمه الله) ما اقول غير الله يهديهم ..!!

شي عجيب وغريب هالزمن وشنو المضحك بالاساس ..!
بالعقل والمنطق يضحكون على شنو؟؟!! الدشداشه القصيره تضحك !!
اللباس الشرعي والعبايه اللي يلبسونها جداتنا من زمن بعيد صارت تضحك الحين!!
اللحيه تضحك !!بالعكس انا اشوف اللي ماعنده لحيه هو المضحك شالفرق بينه وبين المره ..!!
طبعا بغض النظر عن الشرع لان الشرع لا جدال فيه بل نقول سمعنا واطعنا لكن انا اتكلم بالمنطق عشان يعرفون السخافه والتفاهة وصلت فيهم الى وين..
سبحان الله الزمن معكوس الحين..!

لكن اقول طوبى للغرباء..


تحياتي..

[سهام الأمل]

بسم الله الرحمن الرحيم



إن الأمربالمعروف والنهي عن المنكر واجب علينا جميعا قال تعالى ((ادع إلى سبيل ربك بالحكمةوالموعظةالحسنة وجادلهم بالتي هي أحسن))

فلماذا الاستهزاء بناس يقومون بما امرهم الله

من وجهةنظري: افضل حل لهؤلاءالناس هو الردعليهم بما فيه حكمة وآيةمن القرآن الكريم
وتذكيرهم بأن الدنيا فانيةولن ينفع الانسان إلا عمله الصالح لأن التذكير بفناء الدنيا بطريقةمناسبةتجعل الانسان

يدرك ما فعل وما يفعل والاستهزاءبحدذاته أمر خطير للغاية فما بالنا بمن يستهزأ بأمر من أمورالله

[شروق ،]

انتِ انصحيهم بطريقه حلو في وقت مناسب
وعليهم أن اكرمكم عند الله اتقاكم وليس بالنسب ولا الحسب
مع علو نسب البدو والحضر والجميع
واظهري لها الجانب الحسن من الملتزمين قد يظنون انهم متشددين
اظهري لهم أن م دام الامر مباح فلا ضير

هداهم الله

[SOKRH]

(وَلَئِن سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللّهِ وَآيَاتِهِ وَرَسُولِهِ كُنتُمْ تَسْتَهْزِئُونَ)
(لاَ تَعْتَذِرُواْ قَدْ كَفَرْتُم بَعْدَ إِيمَانِكُمْ إِن نَّعْفُ عَن طَآئِفَةٍ مِّنكُمْ نُعَذِّبْ طَآئِفَةً بِأَنَّهُمْ كَانُواْ مُجْرِمِينَ )

يعني شيخ + بدوي من اللي قال هـ الكلام ؟؟

بـ العكس المشايخ اراهم - ومن وجهة نظري - ارقى الناس خلقا واخلاقا , وهم اهل الحضاره


همسة ! !
كلمة مطوع خاطئة من حيث المعنى واللغة ..

[إِبَــاءْ]

وَ عليكم السَلام وَ رحمة الله وَبركاته
الأَفضل تَجاهل مِثل هَؤلاء والصَبر و الإحتساب
فَحتى الأنبياء عانوا مِن الإستِهزاء وَهذا يَعني أنها ليست مُشكلة جَديده

وَلكم أن تُذكروهم بِحكم الإستهزاء بالدِين وَأهلِه

أما الاستهزاء بأهل العلم والصلاح فعلى نوعين: النوع الأول: السخرية والاستهزاء بأشخاصهم، كالاستهزاء بصفتهم الخَلقية أو الخُلقية، فهذا النوع محرَّم لقوله تعالى: {يَاأَيُّهَا الَّذِينَ آمَنُوا لاَ يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلاَ نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ وَلاَ تَلْمِزُوا أَنْفُسَكُمْ وَلاَ تَنَابَزُوا بِالأْلْقَابِ}[الحـُجرَات: 11]. النوع الثاني: السخرية والاستهزاء بأهل الصلاح لأجل صلاحهم، وبأهل العلم لأجل علمهم، فهذا النوع كفر وردَّة عن الملَّة، لأن المقصود منه استهزاء بدين الله الذي يحملونه، فلم يقع الاستهزاء على أشخاصهم، وإنما وقع على استقامتهم وعلمهم. وقد جعل الله هذا النوع من الاستهزاء بالإسلام فقال تعالى: {وَلَئِنْ سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللَّهِ وَآيَاتِهِ وَرَسُولِهِ كُنْتُمْ تَسْتَهْزِئُونَ *لاَ تَعْتَذِرُوا قَدْ كَفَرْتُمْ بَعْدَ إِيمَانِكُمْ إِنْ نَعْفُ عَنْ طَائِفَةٍ مِنْكُمْ نُعَذِّبْ طَائِفَةً بِأَنَّهُمْ كَانُوا مُجْرِمِينَ }[التّوبـَـة: 65-66].

[روآكد,]

اي والله صادقه ..
طيب الحين استهأزاتي بالمطاوعه وتكلمتي عنهم وسبيتهم والنهايه اش صار..!؟؟ بس تجمعين لك ذنوب..

الله يشششفهم بس ويردهم لعقوولهم..

موضوع رائع تم الـ(+)

[مخضرمه]

هو ورااااااااااااااااااكم انتوا=
مسااااااااااااااااااااااكين اساسا , الدنيا بدون مطاااااااااوعه ماتسوواش حاااقه ,, اقوووووووووووووولكم حاااااااااقه
اذ تعــــــــــــــبــــــــوا الناااس وين يروحون له للمطوع يا مطوع اقرى علينا يا مطوع نبي زيت الخ واسمعوا الثانيه
يامطوع عندي حلم فسره لي الله يجزاك خير
وقوليلها اذا تبين تسالين سؤال شرعي عن الصوم عن الصلاه عن اي شي ماراح تسالين الا المطوع ولا مايبيلها تفكييير وقوليلها اذا توفاك ربي من بيغسلك ويكفنك الا المطووووع\ه ولا وشررررايها


هــــــــــــــــــــــــــــآ شرااااااااااااايك ف ردي عساااه اعجبتس ذذذذذذذ



سبحان الله وبحمده سبحان الله العظيم

[ثنايا عجوز]

سبحان الله
ويصفونهم بالجهل والتعقيييد


*آي واحد اتبع الصراط المستقيم وآمن بما أنزل الله يعتبر ملتزم ع الطاعه وموب شرط هو بدوي

[احلى طالبه]

اي والله اهنييك عالموضوع /
بالنسسبه لي مراا اتضاايق من البنات في المدرسه لانهم يعرفون اني مطوعة واهلي مطوعين ..
فمرة ععزمتهم على زواج اختي .. ماكانوا مررة مستاانسين لان الزواج اسلامي ..
ييعني لا موسيقى ولا تعري ولا شي من هذي الاشيااء ..\
لكن الحممد لله اهللنا نااس رااقيين .. وماا كاان فيه شي ييضحك ..
ببس بررضوا مو عااجببهم انا مقهوورة .. لليه اذا كان الشي بحدوود الله وفيما امر ماا يععجب الناس !!

[الحالمة بغد مشرق]

المشاركة الأصلية كتبت بواسطة نَظرآت بريئة وش الحل مع ذولآ النآس ينرفزن مره >؛<

أحيانا ردي عليهم و أحيانا طنشيهم ,
بالنسبة لي مثل هذولي الناس في العادة أرد عليهم
و أخليهم يكرهوا اليوم اللي قالوا فيه شي عن المطاوعة
مع إني أشوف المطاوعة لهم يد في اللي بيصير
لكن مايمنع إننا ندافع عن الفكرة و المنهج الصح بغض النظر
عن ممثليه !

[نَظرآت بريئة]

عندهم منطق مطوعه بدويه :|

اللي ينرفزني أكثر

أنهم سبوآ أمي وأبوي وبنت خالتي أنفجرت

شكراً لكم بنآت أفدتوني الصرآحة

[همي الاخرة]

يستهزؤون بالمطاوعه،، أنا اخذت هالكلمة مرات ومرات .. ولكن هم بشر بلا عقول ،


ونحن نفتخر نحن مطاوعه أو ذا استقامة ، أفضل وأرقى من محبة او عاشقة لرجلٍ ما ! فلنحمد الله تعالى


وهم محاسبين على كل كلمة ييستهزؤن فيها ، نحن ندعو لهم فقط بالهداية وتكبير عقولهم ، مع إحترامي لهن


بأشياء صغيرة نعرف شخصيتهن ،، وبالعكس حبيبتي ليه متضايقة هم مابعد كبرت عقولهم جيداً ،


والدين نصيحة علميهم إن هذا استهزاء ببنات المسلمين اذا قلتِ انت بدوية تجرحينها ، يأتي اخر يجرحك ..


كما تديين تدان .


شكراً لك

[تآإْهتُ آلخطوٍه]

لاحول ولاقوه الا بالله يعني ماشافوا غير المطاوعه تاج روسهم يتطنزون فيهم ..

من جد اللي يتطنز بلاعقل بس بعدين تعرف من المطوع !! الله يخليهم لنا ويحفظهم ..


.. تحٌ ـيآإْتي

[غيوم ~]

الله يشفيهم ..

هاذا الامر راااجع لهم ..

وششكرأًَ ع الطرح الجميل ..

غيوم ~

[نهاية الأرض!!]

اسفهي أبوووووهم ..
عادي جدا .. الصحابة ذاقوا الويلات في بداية انتشار الإسلام ..

أفضل حل هو عدم الإصغاء إلى ما يقولون ..
وبعدين وإذا صرنا قراوا << على قولتهم
ولا صرنا بدو !!

عادي طننننننشي

يعني إذا قالوا انتم قراوا بنصير زي ما قالوا ؟!
...
شكرا لطرحك للموضوع لأنه صار منتشر والبنات يعانون منه ..


ملحوظة هامه : وحدة من قريباتي " أيام كنا في المتوسط "
كانت تسولف كيف تلبسين وإيش نعالك وكذا .. إلخ
كانت تقول إلبسي شراب قصير نفس لون الجزمة عشان ما يقولون أنتم موب كشخة << سبحان الله الكشخة صارت بالشراب
والمشكلة لو لبسنا شراب قصير تطلع رجلينا والسيقان وإنا طالعين من المدرسة .. أو وأنا راكبة السيارة .. إلخ
فنصير زي اللي يحلق لحيته عشان ما يقولون مطوع !!

[Bird Back]

وش الحل مع ذولآ النآس ينرفزن مره >؛<

الحل أننآ نرد عليهم أننآ مااخترنا منهجنا بيدينا هذا المنهج المستقيم من الله
.
.
.
.
[ شذى بنت إبرآهيم | Shatha Bent Ibraheem ]
[ سعآدة , فرح , همّة ]

[♥أم معاذ و عمر♥]

كثير من الناس يستهزيء ،
لكن كملتزمين بدين الله و بشرعه ، نرمي كلامهم وراء ظهورنا ،
نبلغ اللي علينا ، و نعلمهم أننا نتبع الشرع و ماأتوقع يجهلون هذا الشيء ،
لكن كثير يحبون يتبعون شهواتهم ، و تهمهم دنياهم أكثر من آخرتهم ،
و تناسوا ان السعادة و البقاء في الآخرة ،
فنحن في هذه الدنيا في دار ممر لا بقاء ، في يوم ما سنحمل لقبورنا ،

المشكلة أنهم يفهمون و مافيه جهل ،
المحاضرات كثيرة و مليانة في المساجد ، في الملتقيات ،
يعني مافيه جهل ، لكن تجاهل بالأحكام و التساهل ،
و البحث عن أسهل الأحكام ،

و مثل ماقالوا البنات ، يحتاجون لوجود الملتزمين ، سوءا بفتوى أو قراءة و رقية أو حتى استشارة ..

لكن بعض الملتزمين أعطوا صورة سيئة نوعا ما عنهم ،
بعضهم متشددين ، حتى الطرحة يلبسونها عند النساء و لايحطون نقطة مكياج أو روج ،

بالعكس نتزين و نتجمل في حدود الشرع ،
و كثير من الملتزمات أشوفهم ، لبسهم أنيق و الكل يسأل عنه ،

أما الحل معهم بالتبليغ و النصح ،
و إذا مانفع ذنبهم على جنبهم ، الله هل بلغت اللهم فاشهد ..

و أهم شيء أننا مانلتفت لهم و لا نهتم لكلامهم ،،

........................................ ........................................ ................................ [ • ندى • ]