"إذا تزوجتِ " ..!

[قــلمـ أنيــق]

عذرا سأعيد ردي مع بعض التعديل لأن المنتدى أغلق أثناء التعديل..

المشاركة الأصلية كتبت بواسطة هبوب الشمال المشكلة الحقيقيه انكم انتم ايها النساء ناقصت عقلن ودين ولاتعرفون مصلحة انفسكن !! تريدون الخروج لأجل الفرحه والوناسة وكل وحده تعلم الثانيه انها كشخه ويتجاهلون اخطار الطلعه ولو جلست اشرح من اليوم الى بعد 20سنه لن تفهمن !! انتن تتساهلون في امور كثيره حتى يأتي ذاك اليوم اللي ماينفع فيه الندم والمشكلة ان بعضكن تعتقد انها محرومه وتوحي لنفسها بهالشي وهي اساسا غير محرومه ولكن فيه امور اهلكم ابخص فيها واصلا من قلة الادب ان البنت تعطي نفسها الشعور بالحرمان لإن هذا الشي فيه اتهام للام والاب بالتقصير

غالبا ما تردد هذه الكلمات على ألسنة الشباب ناقصات عقل ودين، وهم لا يفقهون معناها، ولا يعلمون أنها تكميل للنساء لا للتنقيص، وأخيرا لا يكملون الحديث فقط يأخذون منه النصف الأول ويفسرونه على مايشتهون، ولو أكملوه لعلموا الحقيقة بعينها وكان الحديث ضدهم لا معهم.
الحديث بالكامل:
خرج رسول الله صلى الله عليه وسلم في أضحى ، أو فطر ، إلى المصلى ، فمر على النساء ، فقال : يا معشر النساء تصدقن فإني أريتكن أكثر أهل النار . فقلن : وبم يا رسول الله ؟ قال : تكثرن اللعن ، وتكفرن العشير ، ما رأيت من ناقصات عقل ودين أذهب للب الرجل الحازم من إحداكن . قلن : وما نقصان ديننا وعقلنا يا رسول الله ؟ قال : أليس شهادة المرأة مثل نصف شهادة الرجل . قلن : بلى ، قال : فذلك من نقصان عقلها ، أليس إذا حاضت لم تصل ولم تصم . قلن : بلى ، قال : فذلك من نقصان دينها .
الراوي: أبو سعيد الخدري المحدث: البخاري - المصدر: صحيح البخاري - الصفحة أو الرقم: 304
خلاصة حكم المحدث: [صحيح]

وعلى كلامك النساء لا يعرفن مصلحة أنفسهن، هل يعقل أن عائشة وفاطمة والصحابيات رضي الله عنهن لا يعرفن مصلحة أنفسهن! حاشاهن والله، ونحن المسلمات نقتدي بهن ونعرف مصلحة أنفسنا فافهم هذا.

[قــلمـ أنيــق]

المشاركة الأصلية كتبت بواسطة ربى حمد أختي قلم أنيق هبوب الشمال قدم اعتذاره للكثير ومن بينهم أختي الأكليلة وهذا رابط الأعتذار http://forum.ma3ali.net/t826099.html فكانت مشاركته هذه بتاريخ 29 / 5 إي قبل أعتذاره فاعفا الله عما سلف

لم أنتبه، لكن إن لم يكن له فلغيره ومن على نهجه آنذاك..

[قنديل الهداية]

الله يعينتس حبيبتي ..

فعلا هالمشكلة منتشرة في أغلبية البيوتات ..

بس ما اعتقد ان هالشيء له علاقة بالثقة ابدا


والحمدلله كثيرا وداااائما ماعند هلي هالكلمة الا نااااااااادرا وفي اوقات الغضب الشديد هع

[| سـلـمـان ~]

* * *
* *
*


قد يكون الموضوع قديم .. لكن سأتكلم عن قضية " إذا تزوجتِ " ..

أما مسألة خروج البنت لبعض الأماكن وو .. فماعندي إلا أخت وحدة وصغيرة ولحد الآن ماجربت هالأشياء ومسألة
الثقة في الصديقات ومن هالكلام الطويل .. والله يعينكم ويصبركم عليه ويرزقكم أجر جلوسكم في البيت وتقديم طاعة
والدينكم على سعادتكم مع صاحباتكم ..


قبل كم شهر كتبت رد عن علاقة الأخ بأخته .. في هذا الرابط
http://forum.ma3ali.net/t814529-2.html#post13150421
الرد رقم 30 ..

إختصار لكلام الرد ..

مسألة إن بنتي أو إختي إذا طلبت مني شيء أقولها إذا تزوجتي يجيبه لك زوجك .. أشوفها وبكل صراحة لؤم :/
أنا جايب البنت عشان أخلي زوجها يلبي طلباتها ولا عشان ألبيها لها أنا ..
ونفس الشيء أختي .. هي أختي وبما إني الولد من حقها علي إني أنفذ طلباتها وما أقولها مثل هالكلام ..
المشكلة الي كثيير من الأباء والأخوان ماينتبهون لها ..
إن البنت إذا مالقت أحد ينفذ لها طلباتها وهي عند أهلها ويسمع كلامها ويسولف معها ويحسسها بيقمتها كـ " ملكة بالبيت "
راح تدور الي يسمعها وينفذ طلباتها من خارج البيت ,,

غير كذا .. كثير من الشباب ألحين كرهوا الزواج لأن البنات صاروا حنانات وطلباتهم كثير ويبون يتدلعون ويعيشون أحسن عيشة
والشباب مرات مايقدر على هالاشياء .. وهذا مو بسبب دلع البنت في بيتهم بالعكس ..
البنت الي تكون مدلّعه في بيتهم إذا حبت زوجها حب صادق مستعدة تضحي بكل شيء وتعيش معها لو على بساط الفقر .
لكن المشكلة في البنت الي تكون كل طلباتها مؤجلة لوقت زواجها :/
أي شيء تطلبه يقولون لها إذا تزوجتي خلي زوجك يسوي لك الي تبين ..
فـ البنت مسكينة طالعة من البيت مأمله ومعلقة كل حياتها بالزوج وتبدأ لا إرادياً وبدون شعور منها تطلع الأشياء الي كانت
من زمان ماسكتها بقلبها من طلبات ومن أمور كثيرة وأهمها الحنان والعطف وو ..
بينما الزوج المسكين مايقدر يجمّع ويوفق بين هالأشياء الكثيرة في غضون أيام بسيطة يحتاج وقت عشان يستوعب أولاً
كون إنه متزوج وعلاقة جديدة عليه ووقت عشان يفهم كيف يتصرف مع الحرمة وكيف يبادلها الحب والحنان والعطف
ووقت لين تتماسك علاقتهم بشكل أقوى ,, بينما البنت مو بيدها هالشيء طلعت من البيت لهالزوج على أساس انه هو المنقذ
لذلك ماتنلام إذا " كبّت " أو انهالت عليه بالطلبات أو الأشياء الي كانت نفسها فيها وماقدر زوجها يوفرها لها بسرعة ..
وقتها تكون صدمة عنيفة جداً للبنت .. وصدمة للزوج يقول : وش هالي بلشت فيها :/

لذلك أساس المشكلة في الأب والأخ ..

يعني إن ماسنعتوا بناتكم وخواتكم من يسنعهن ؟
بتقولي زوجها .. ؟
أحب أقولهم : لاتستغربون لو سنّعها ولد الجيران :/
ثم تجي بكره بعد مايطيح الفأس بالرأس تقول : ليتني التفت لبنتي أو لأختي قبل لا يلتفت لها أي ذئب بشري بهالدنيا :/ !

الكثير من الشباب الصيّع والي مايخافون ربهم صاروا مايعاكسون بالشارع وبأسلوب همجي قديم !
صار يتسّمع للأخبار وللسوالف ويدور البنت الي أبوها وأخوها ساحبين عليها ومايعطونها وجه ومايهتمون فيها
لا ينفذون لها طلبات ولايسمعون كلامها وفضفضتها وسوالفها ولايعوضونها بالحنان ..
هذي تعتبر أسهل صيده له , حتّى لو كانت ملتزمة .. الشيطان يجري في ابن آدم مجرى الدم ..
يقدر بكم كلمة أو بكم خدمة يقدمها لها إنه يملك قلبها ويلعب فيها مثل مايبغى ..
وقتها البنت ماتنلام ع الي تسويه لأنها خرجت عن السيطرة على نفسها , لأنها لقت الي يعوضها بشيء ماكانت تحصله
عند أبوها وأخوها ..


فـ الحل في نظري لمشكلة نقص الحنان عند الأباء والأخوان لأخواتهم هو تنبيههم وتفهيمهم إنهم إذا ما انتبهوا لبناتهم وخواتهم
وصرفوا كل شغلاتهم وطلباتهم بالزوج المسكين الي ماراح يمديه ياخذ نفس إلا والبنت المسكينة منهالة عليه بالطلبات
ووووو .. راح يجيها أي واحد من الشارع ويقدر يلعب عليها بكم كلمه حلوة وينفذ لها كم طلب ويملك قلبها
وإذا فات الفوت ماينفع الصوت :/ !

يمكن كلامي مايكون معقول نوعاً ما وصعبه إن أي واحد من الشارع يجي يلعب ع البنت وو .. لكن
الشياطين الآن تشكلت على أشكال البشر وصار البشر بعضهم أشطر من الشيطان :/
الكلام مكركرب شوي , لذلك المعذرة منكم إن كان من خطأ أو تقصير ..

*
* *
* * *

[جـَواهـر ,]

الحمدلله ما قاله لي أبوي أبد الله يخليه لي - مع أننا من نجد خخ - ,

إذا رفض يوضح أسبابه وش دخل إذا تزوجتي :/ ! واخزياه بس -__-

وغالباً سبحان الله اللي أهله منغلقين وكل شيء لا تتفجر بعد الزواج وتشوف أنه كانت محرومه وتعوض >< ,

[شمس الكون]

مب لذي الدرجه عاد