[ طلب ] ساعدوني في اختيار القسم وشكرا

[أسيرة المعالي]

السلام عليكم ورحمة الله وبركاته


انا قسم ادبي ..}

ميولي ادخل رياض اطفال وبراسي قسم الديكور < يعني تدبير منزلي

بس كمان ابغا اقسام عدد الساعات قليلة مثل رياض اطفال

ممكن تدلوني على اقسام ساعاتها قليله وشكرا ..!!

ملاحظة ..}

لا تقولون لي عقيدة ولا دعوة ولا شريعه ولاادب ولا لغة A او E لأن هالاقسام ساعاتها مش ولا بد وغير كذا مالي فيها

[السعــادة]

:



وعليكم السلام والرحمة
اممم برأيي لا تجعلي عدد الساعات القليلة هي المعيار لأختيار التخصص

بعض التخصصات ساعاتها كثيرة لكن المحتوى سهل نوعاً ما
والبعض الآخر ساعاته قليله لكن المحتوى مركز أكثر

انتِ وازني بين قدراتك ورغباتك
وحاولي تلبين المناسب لها .

فقدراتك كل ما تملكينه من ملكة للحفظ مثلاً أو ملكة للفهم وهكذا .
ورغابتك التخصص الذي تحبين ، وترغبين دراسته .

بعد أن تحددي ذلك سيتضح لك القسم المناسب لك .
ولا تنسي الإستخارة

يُسر أمرك (:



:

[عطر وردة]

وعليكم السلام ورحمة الله وبركاته


حبيبتي نصيحة لك ، ومن قلبي كمان ،
حتى ما يجيك يوم وتبكي دم

لا تخلي معيارك لاختيار التخصص مدى السهولة أو قلة الساعات
لأن مدى السهولة يختلف من وحدة لوحدة ، وبرضو سهولة التخصص وعدد ساعاته يتغير بتغير الجامعة

ادخلي التخصص اللي رغبتك فيه قوية ، ادخلي برغبتك لهالقسم لأنك تبينه هو مو عشان أي شيء ثاني

وعالمثال اللي قلتيه " رياض أطفال " ، فهذا تخصصي ، وبالنسبة لجامعتنا التخصص فيه جدا جدا جدا صعب ، وأبو الكرف ، وساعاته كثيرة
ما أقول لك هالكلام عشان أحبطك ، بالعكس إذا هو رغبتك ادخليه وبتستمعين ، أما إذا ما كانت رغبتك ودخلتيه عشان " يقولون .... " فصدقيني إنك راح تبكين دم

في أي تخصص تبينه ارجعي للجامعات اللي محتمل تدخلينها وشوفي خطة التخصص ، المقررات اللي ياخذونها وعدد ساعاتها وسوي بينهم مقارنة لين توصلين لنتيجة

الديكور شيء جميل ، خاصة إذا كنت بالرياض ودخلت جامعة الأميرة نورة ، فعلى الخطة الجديدة هو الآن ضمن كلية التصاميم والفنون وما عاد يتبع التدبير المنزلي ، بس دراسته فيها حقها

لا تنسي ، ناظري للتخصص من كل الأبعاد ، واسألي ، واستخيري قبل ما تقرري
وتذكري إن اختيارك للتخصص راح يؤثر على باقي حياتك ، وظيفتك ، كونك متخصصة بالمجال الفلاني فهذا معناه إنك راح تتوظفي ، تتثقفي ، تعيشي غالبا على هالأساس


وإذا بخاطرك تدخلين رياض أطفال بجامعة الأميرة نورة وتبين تعرفين عن التخصص أكثر فأنا تحت الخدمة ^ ^



بالتوفيق

[بصمة خير..}]

وعليكم السلام ..

أهلاً يافاضلة ..

محدثتك قسم دراسات الطفولة ..
وهذا القسم ممتع جدا + كرف لأبعد حد .. بس اذا دخلتيه عن رغبة ومرة حابته بتستمتعي وتبدعي فيه ..

فأول شئ لاتشوفي عدد الساعات لأنه مو مهم بقدر انت ايش تبغي ..
الرغبة جدا مهمة ..
واستخيري اول شئ ..
بالتوووفيق ..