مع عديمً غضوب ٍ للحباري عنيد .. افحج ًجير صدره تقل زمت نهد !! للشاعر براك الجربا

[أسد حائل]

بناءا على طلب اخوي الغالي أبو عبدالإله

المشاركة الأصلية كتبت بواسطة أبوعبد الاله واضح فيها لهجة البادية وهـذا شئ قوي وصف لشخص عاشق للجيب موفق للخـير شاعرنا براك ولو دعيته لنا ليكون ضيفاً عزيزاً هنا وهناك فهو رائع بس نبي قصائد له غير هذه حتى نشتاق لشعره مشكور يا أسد حائل المحبوبة لقلبي منذ مبطي

قصيدة الطير



يابو صالح تراني لا سمعت القصيد
الخفوق المولع من همومه هجد

والمشاعر تصافق مثل صفق الجريد
هزها انفاس غيث ٍ مقتفيه الرعد

دايم اشتاق واطرب ياسمعت الجديد
ماتمنى لو اني ماسك ٍ لي جلد

شرقة الشمس في ارض علاها الجليد
بالمطامن مناقع .. وبالشغايا برد

ابي اسرّح معها وابي اعُب النشيد
مبعد ٍ عن عيون ٍ جعلها للرمد

في فلاة ٍ بعيدة .. منوة اللي يصيد
اشهد انه طرات النفس ياهل الهدد
....
مع عديمً غضوب ٍ للحباري عنيد
افحج ًجير صدره تقل زمت نهد

ياكشفله وفرع والحباري تحيد
خربها يوم شافه في مكانه لبد

لكن الموت جاله مع سريع ٍشديد
ابيض ٍ يوم هده من مكانه صعد

واعتلى واشرف الفيضة وجالك زهيد
موهف ٍ له صفير ٍ مثل نجمً صهد

ناوي الخرب يُكتب في سجله شهيد
من سبب كف حر ٍ .. مايرده ابد

قام يمزع بغيضٍ ٍ من وريد لوريد
ياتمقلت وجهه ياهذات السعد

والمخاليب وصفه مثل شِنك الحديد
فوق مركاب ٍ مقمر عَليّلَه وتد

راكزينه بروض ٍ في مكان فريد
لا تشوف النعـيّمي .. ولا تشوف النجد

بالفلاة العذيّة من طهور الصعيد
حظ منهو لربه في صعيده سجد

وتابع الي روى حديثهآ ابو سعيد
بالفلاة أتّــضاعف عن صلاة البلد

لكن اللي حملني للمجارى بريد
يوم شفت القصايد قلت لازم ارد

قولكم ان قريت سعيّد ٍ او سعيد
الاسامي بقوله ماتجي بالسعد

والنبيّ المشرّع قال قول سديد
كل مولود ٍ من اسمه نصيب الاسد

واختمه في صلاة للحميد المجيد
على محمد وازواجه وآله بعد

عد ما بالسما نجم ٍ قريب وبعيد
وعد مابالخلايق .. والدُ وماولد



للشاعر
بــرّاك الجــربا

[أبوعبد الاله]

^^


قصيدة متميزة وفيها رمزية قوية

ولو جبتها صوت نكون لك من الشاكرين

لأن بعض الرموز بصراحة تدل على شاعرية قوية

وخاصة عند التشبيه العذري...



بورك فيك وجعلك تسلمـ يا ولد حائل الأبية

[أمـ القلم ـيـر]

صح لسانه وسلمت يالذيب

ماشاء الله

صحيح ليتك جبتها بصوته
أظن بعض الكلمات مكتوبه خطا

بيض الله وجهك ولا تقطعنا من جديده

بإنتظارك
(+)

[عبدالمحسن العمر]

صح السانك على هذي الجزله

[أسد حائل]

المشاركة الأصلية كتبت بواسطة أبوعبد الاله ^^ قصيدة متميزة وفيها رمزية قوية ولو جبتها صوت نكون لك من الشاكرين لأن بعض الرموز بصراحة تدل على شاعرية قوية وخاصة عند التشبيه العذري... بورك فيك وجعلك تسلمـ يا ولد حائل الأبية

أبوعبد الاله
الف شكر على مرورك العطر
وابي احاول اجيبه لك صوت
وتقبلي ودي قبل ردي