ضايقن صدري ع أخوي

[جمر الشوق..]

ما شاء الله..
الاعضاء كفوا ووفوا..

بس حبيت افيدكم من تجربتي..
النفس ما تقبل النصح المباشر والمكرر.. يمكن الواحد يسكت ويتقبل مره.. ومرتين.. وثلاث.. بس بعدين يطفح الكيل..
وانا مجربتها.. قبل سنتين صارت لي ضروف وبدا كل واحد يشوفني يبدأ ينصحني.. والنصائح هذي تشبعت منها بشكل كبير لدرجة اني اذا حسيت ان اللي قدامي بيبدأ بالنصح او بدأ فيه اصرف نفسي بأي شي اهم شي اني ما اجلس واسمع النصائح المكرره..(امي تناديني/ جوالي يدق/دقيقة - وبعدها سحبه- /اخوي يصيح)// او اني اقول( ايه فاهمة /انا عارفة)... واسكته..


اتوقع لو انك توضحين لامك بطريقة حلوة ان اخوي ما تمشي معه النصيحة.. وانه يحس انه كبير وما يحتاج نصح.. اقترحي عليها انه اذا اتصل عليها تبدأ تسووولف عليه سواليف حلوة ومضحكة عشان يزداد شوقه وحنينه لكم والجلسه معكم ويكرر اتصالاته لانه بيحس انكم مصدر ترفيه وسعة صدر اذا ضاق خلقه واشتاق لكم..شاوروه حتى لو هو بعيد.. مثلا:: بنطلع الخميس شرايك نروح كذا ولا كذا؟.. كذا بيحس انه قريب منكم ويمكن يتصل عليكم ويسألكم عن طلعتكم ويتمنى انه معكم..

ارسلي له انتي رسايل حلوة تبين انه بقلوبكم ولو هو بعيد وانكم مفتقدينه ومشتاقين للجلسه معه.. ومره جهزوا له هدية اذا جا.. مثلا:: تورته واكتبوا عليها( تو ما نوّر البيت..).. او اي عبارة.. وشوفوا فرحته.. وسووا اكشن معه..

اهم شي ابعدوا قدر الامكان عن النصح المباشر واللي اتوقع ان عقله الباطني تشبع منه واللي اتوقع بيحس بقيمته اذا كبر ومرت فترة الدراسة,, والاهم حببوه فيكم وبقربكم ولا بتأثر ببعده ويعتاد عليه وتصير شوفتكم وغيابكم عنده سوى وما تحرك فيه شي..!! وان شاء الله من بعدها يتقبل النصح بس خلوه على خفيف وبعد مدّة..

تقديري لامك الحريصة,, الله يخليها لكم..

[دروب الياسمين]

طيب جربوا احد ثاني يكلمه غير أمك يمكنه من النوع الي يسمع ل اصحابه اكثر ,,

[هيبه صمت]

بسم الله الرحمن الرحيم

السلام عليكم ورحمة الله وبركاته
غاليتي ان اغلب شبانا اليووم لا يتحملوون النصاااائح ويشووفون انهم كبرو عليها

والحل


انتي ووالدك حفظها الله حاولوو قدر المستطااع عند الجلووس معه او مهااتفته ان لا تتكلمو معه بجفاءاو تعااتبوونه وقوولكم ليش او لا تسوي او هذا غلط اللي سويته اي نووع من هالكلالام ان يحذف من قاامووسكم


بل كل شي خذووه بعااطفه مثلا لما يتأخر باتصال عليكم اتصلوو انتم قولو فقدنا اتصالك ونبي نطمن عليك لا تقااطعنا ومن هالكلالالام

ولما يجلس معكم او مع الوالده احرصووو انها ما تعطيه محااضراات ع قولته ولا تنصحه بس تلمح له ع اللي تبيه بطريقه غير مباااشره وينتهي الموضووع عشاان ما تخسرووونه وتخسرووون اتصالاته او جلسااته معاكم

والله يهديه ان شالله

[سليل الحرف]

اتركوه يختار طريقه
انتهى عهد الإملاء والأوامر
والنصيحة إن كثرت...وجعت وأوجعت
هدى الله الجميع لكل خير

[Black Jewel]

كثير من الشباب في هذه الفترة تلك طريقتهم
لا يتقبلون النصح من أهلهم على وجه الخصوص
ربما لو كان صديقا له لتقبل منه فورا
المشكلة حتى لو اقتنع في داخله لكنه لا يظهر ذلك
أسأل الله أن يهدي شباب المسلمين ويشرح صدورهم

[أحاسيس متنآثره]

الله يهديه ويفرحكمـ فيه ..

ما أزيد ع كلام اللي ردو ا

[أجنـــآديـنْ]

اذا كنتم جربتم جميع الاساليب معه
فانصحكم بالدعاء له والله الهادي في كل حال.

[نون را]

الله يخليه لكم ويهديه

جربي معه هالرسائل وسترين الفرق ( جربته مع أخواني ونجحت)..

ارسلي له رسالة وقولي له فيها: اشتقنا لك, الله يعطيك العافية متى بتنور البيت؟

طولت غيابك يالغالي علينا؟

وإلا كلميه وقوقلي له: مانبغى إلا سلامتك..بس مشتاقييين لك كثير..

اوحشتنا ماطرالك تجينا؟

الكلام الحلو يفتح النفس ويقربها للأخرين..

حتى لو مو متعود هالكلام منكم أكيد بيقبله في الأخير وبيأثر فيه..

[فتاة مختلفهـ]

شكرا لكم جميعا ..
بصراحه جربت طريقة الرسائل التي تخاطب لغة العاطفة ولله الحمد .. أعطت نتجيه ممتازة ..
في الوقت الذي كتبت فيه هذا الموضوع كان هناك اختلاف بين أمي وأخي ..
بعد ما قرأت نصائحكم .. قمت بكتابة ايميل له .. قلت له فيه بأن أمي جدأ مشتاقة لك وتفتقدك وهي كانت بالفعل كذلك ..

بعد فترة اتصل هو بنفسه عليها .. كلمها واعتذر منها .. وهو الآن عندنا ..

شعرت فعلا بأن اسلوبنا نحن كان خاطئ .. ربما أني تغيرت الآن ولكن عليّ أن أخبر أمي بما تعلمته منكم ..

شكرا لكم كلّكم ..

[~ شاعرة العرب ~]

^


موفقين .. أسعدني ماقرأت .. جمعكم الله على الخير ..


دمت في عز ..

.

[خـــلود]

المشاركة الأصلية كتبت بواسطة فتاة مختلفهـ شكرا لكم جميعا .. بصراحه جربت طريقة الرسائل التي تخاطب لغة العاطفة ولله الحمد .. أعطت نتجيه ممتازة .. في الوقت الذي كتبت فيه هذا الموضوع كان هناك اختلاف بين أمي وأخي .. بعد ما قرأت نصائحكم .. قمت بكتابة ايميل له .. قلت له فيه بأن أمي جدأ مشتاقة لك وتفتقدك وهي كانت بالفعل كذلك .. بعد فترة اتصل هو بنفسه عليها .. كلمها واعتذر منها .. وهو الآن عندنا .. شعرت فعلا بأن اسلوبنا نحن كان خاطئ .. ربما أني تغيرت الآن ولكن عليّ أن أخبر أمي بما تعلمته منكم .. شكرا لكم كلّكم ..

الحمد الله ، ردك أسعدني جداً ^^

خـلود

[بــ الصمت ــوح]

كلام الأعضاء يكفي ويوفي

ما شاء الله

[موون2009]

الله يحفظ لكم غاليتكم وتاج روسكم ويطول بعمرها
ليتك ياغاليه ترسلين لاخوك رسائل استعطاف له
وثقي ان الرجال ليسوا صخور ستتحرك عاطفته لها
يعني لا حسيت امك مجهده قولي والله امي تعبانه
اذا حسيتي مشتاقه له قولي له احس امي مشتاقه لك
يعني حسسيه ومع الوقت بيحس هو من نفسه
ربي يخليها لكم ويخليكم لها يارب