اجتمــاع الجيران..وش اسوي؟؟

[سامية الروح]

اخواني واخواتي ..
السلام عليكم ورحمة الله وبركاته

ابي منكم جزاكم الله خير افكار لتوزيع
لان كل شهر يجتمعون حريم الجيران كل شهر في بيت..وكل وحدة تعطي اشرطة ومطويات ..وهذا الشي يتكرر
انا ماحسيت لها فايدة لاني اشوف امي تجيبها ونادرا ماتسمعها..لان الحين في قنوات .وصار الاشرطة ماتتشغل الا بالسيارة...
وهذا الشهر علينا..والوالده الله يسامحها مصممة توزع عليهم ..وماتبي اشرطة لانه ماراح يستفيدون منها كثير..
يااليات تفيدوني بافكــار او اي شي ممكن يتقدم ويستفيدون منه..
رجاء ردوا علي لاني وربي مضغوطة..عندي دوامين..وماعندنا شغالة.
.علشان كذا ودي ابدا من بدري..واروح اشتري الطلبات..
الحريم مو كثار تقريبا 13..
انا بانتظــار اي فكرة اة اي شي..يفيدني...
ويالرجاال..اسئلوا اهلكم يمكن عندهم افكــار وتكسبون الاجر
ومن كان في عون اخيه كان الله في عونه ..

[سامية الروح]

وابيها تكون انيقة وبسيطة بوقت واحد...
مشكورين...

[مرثية فرح]

وعليكم السلآم ورحمة الله وبركآته
حلو تعبئة سلة شوكولاتة وبكل حبة فيها ورقة مكتوب
فيها كلمات قليلة وبسيطة ذآت فائدة وخلي تكون الفوائد متنوعة حتى يستفيد الجميع

هذآ اللي عندي بحكم إنك طلبتي شي بسيط وأنيق ~

وفقك الله لكل خير ق1

[سامية الروح]

مشمورة الله يجزاك خير..بس مافيه غير الشكولاته..
كاننا بعيد؟؟مو اجتماع بسيط.....
مشكورة..وجزااك الله خير

[M O N O]

وش طبيعة الحريم ؟
هن كبار أو صغار أو يقرأن أو لا ؟


لكن على العموم أفضل شيء خصوصاً بهالوقت
إنه يكون شيء فوري ، يعني بدون توزيع ولا غيره

الوالدة في اجتماعاتها مع الجيران الدورية دائماً ما تحكي لنا عن بعض الحاضرات وعن الكلمة المؤثرة الي ألقتها

يعني لو تعدين كلمة بسيطة مكتوبة ويكون فيها قصص مؤثرة أو يقرأها أحد غيرك لكن تكون بأسلوب جيد وبإلقاء مرتب حتى تكون أكثر فائدة
والكلمة ممكن تكون في سيرة أحد الصالحات سواء من الصحابيات أو غيرهن
فدائماً مثل ما هذا ما تعلي الهمة في النفوس

هذا ما استطعت كتابتة وأرجو نفعه

[ضياء البدر]

وعليكم السلام ورحمة الله
تفضلي

حتى أحبه : بطاقات (سنن يومية موقوته ) للشيخ عبد الله بن حمود الفريح | مجلة حورية النسائية

في الرابط مجموعة من البطاقات (تزيد عن الخمسين ) من القطع الصغير والمتوسط والكبير
متضمنة سنن مأثورة عن النبي صلى الله عليه وسلم
جميل لو تطبعين إحدى البطاقات وتوزعينها ، لاسيما تلك السنن التي هجرها المسلمين


نفع الله بكن وبلقاءاتكن

[همساااات]

اذا كنت حابة تكون التوزيعات مختلفة
مثلا أشتري تحف صغيرة أو علبة أو صندوق صغير وضعي بداخله أما عطر او حبة بخور ...وغلفيها ومعها جملة لحكمة جميلة أو كتاب صغير ان كنتي ترغبين بتوزيع كتيبات .... وتكون الكتيبات هذه عبارة عن حكم جميلة تخص الحياة اليومية ...
وراح تكون هذه الهدايا غير مكلفة و بسيطة ...

[سامية الروح]

المشاركة الأصلية كتبت بواسطة M O N O وش طبيعة الحريم ؟ هن كبار أو صغار أو يقرأن أو لا ؟ لكن على العموم أفضل شيء خصوصاً بهالوقت إنه يكون شيء فوري ، يعني بدون توزيع ولا غيره الوالدة في اجتماعاتها مع الجيران الدورية دائماً ما تحكي لنا عن بعض الحاضرات وعن الكلمة المؤثرة الي ألقتها يعني لو تعدين كلمة بسيطة مكتوبة ويكون فيها قصص مؤثرة أو يقرأها أحد غيرك لكن تكون بأسلوب جيد وبإلقاء مرتب حتى تكون أكثر فائدة والكلمة ممكن تكون في سيرة أحد الصالحات سواء من الصحابيات أو غيرهن فدائماً مثل ما هذا ما تعلي الهمة في النفوس هذا ما استطعت كتابتة وأرجو نفعه

جزاك الله خير اخوي..
الحريم مو كبار..ومتعلمات...
وبالنسبة للالقاء كلمة احد الجارات داعية ودائماجزاها الله خير تلقي كلمة..او نصيحة..

جزاك الله خير...

[سامية الروح]

المشاركة الأصلية كتبت بواسطة ضياء البدر وعليكم السلام ورحمة الله تفضلي حتى أحبه : بطاقات (سنن يومية موقوته ) للشيخ عبد الله بن حمود الفريح | مجلة حورية النسائية في الرابط مجموعة من البطاقات (تزيد عن الخمسين ) من القطع الصغير والمتوسط والكبير متضمنة سنن مأثورة عن النبي صلى الله عليه وسلم جميل لو تطبعين إحدى البطاقات وتوزعينها ، لاسيما تلك السنن التي هجرها المسلمين نفع الله بكن وبلقاءاتكن

رااائعة..جزاك الله خير..
وفعلا مهمة..
بوركتي...عزيزيتي

[سامية الروح]

المشاركة الأصلية كتبت بواسطة همساااات اذا كنت حابة تكون التوزيعات مختلفة مثلا أشتري تحف صغيرة أو علبة أو صندوق صغير وضعي بداخله أما عطر او حبة بخور ...وغلفيها ومعها جملة لحكمة جميلة أو كتاب صغير ان كنتي ترغبين بتوزيع كتيبات .... وتكون الكتيبات هذه عبارة عن حكم جميلة تخص الحياة اليومية ... وراح تكون هذه الهدايا غير مكلفة و بسيطة ...

فكرة رااقت لي..
بس وش غير العطر..او البخور...

والكتيب يااليت اذا تعرفين كتب مرت عليك واعجبتك ..تذكريني فيها..
لاني ماعندي وقت اروح ادور...
مشكورة الله يسلمك..

[سليل الحرف]

الله يكتب أجرك

[موون2009]

اخيتي لو كنتي بالرياض ممكن افيدك بشئ

[سامية الروح]

لااا يااقلبي مو في الرياض...
ليه.زاذا فيه شي ممكن اوصي عيله...
رجااء ردي علي..
اشكرك ..

[(الفارس الملثم)]

اختي اهم شي الأخلاص بالقول والعمل ..
الأخوه والأخوات قالوا لك توزعين كلمه مع شوكولاته قلتِ ماتصلح
قالوا كلمه فوريه قلتِ فيه داعيه ..
اخلصي النيه ووزعي منشوره مفيده مثلاً >صيام اثنين وخميس ..
وعرض مشروع كهذا عليهن من باب التعاون على البر والتقوى ..
او قومي بعرض بعض المقاطع والفلاشات المفيده ..والتي تحمل معنى جميل اثناء الجلسه ..
والله يوفقك..

[سامية الروح]

اخوي الفارس..
ماادري وش علاقة الاخلاص بطلبي...
لان كل راي اشاروا فيه ماكان يناسب ..
واما من ناحية الكلمة..هل يعقل ان تكون فيه داعية اعلم مني..واجي انا القي كلمة...
وكل الي ابيه اني اقدم اشياء يستفيدون منها,وافكــار جديدة بس...
وعالعموم جزاك الله خير على النصيحة...

[(الفارس الملثم)]

المشاركة الأصلية كتبت بواسطة سامية الروح اخوي الفارس.. ماادري وش علاقة الاخلاص بطلبي... لان كل راي اشاروا فيه ماكان يناسب .. واما من ناحية الكلمة..هل يعقل ان تكون فيه داعية اعلم مني..واجي انا القي كلمة... وكل الي ابيه اني اقدم اشياء يستفيدون منها,وافكــار جديدة بس... وعالعموم جزاك الله خير على النصيحة...

كل الأفكار استهلكت ..ولكن بالنيه الحسنه قد يؤتي الشريط الذي لانرى فائده من توزيعه ثمار يانعه ..
لانحقرن من المعروف شيئا هذا مااقصد ..
بوركتِ يافاضله

[رذاذ...♥]

بورك مسعاكِ أخيتي..

وزعي سواك به بطاقه مدون بها حديث نبوي أو همسه مذكره بها موقف المؤمن من الفتن
بمعنى كلمات يحتاج المسلم بالتذكير بها في زماننا هذا..


او إن أردت إيضاً عمل مسابقة لهم بشريط نافع قيم...وهذا جيد

فعلا أخيتي كما قيل الأخ الفارس الملثم الأفكار جميعها مستهلكه لكن ضعيها أنت بقالب أجمل..


اسأل الله أن يسدد خطاكِ ويرزقك الأجر,,,

[سامية الروح]

المشاركة الأصلية كتبت بواسطة (الفارس الملثم) كل الأفكار استهلكت ..ولكن بالنيه الحسنه قد يؤتي الشريط الذي لانرى فائده من توزيعه ثمار يانعه .. لانحقرن من المعروف شيئا هذا مااقصد .. بوركتِ يافاضله

وصلت الفكرة...
وجزااك الله خيرا..
واعتذر عن سوء فهمي...

[سامية الروح]

المشاركة الأصلية كتبت بواسطة رذاذ...♥ بورك مسعاكِ أخيتي.. وزعي سواك به بطاقه مدون بها حديث نبوي أو همسه مذكره بها موقف المؤمن من الفتن بمعنى كلمات يحتاج المسلم بالتذكير بها في زماننا هذا.. او إن أردت إيضاً عمل مسابقة لهم بشريط نافع قيم...وهذا جيد فعلا أخيتي كما قيل الأخ الفارس الملثم الأفكار جميعها مستهلكه لكن ضعيها أنت بقالب أجمل.. اسأل الله أن يسدد خطاكِ ويرزقك الأجر,,,

جــــــزاك الباري خيرا...
ووفقك لكل خير..

اسال الله الا يحرمك الاجر والمثوبة

[سامية الروح]

اختي الغاليه..
(سفيرة شخصيتي)
اولا اشكرك على اسلوبك الراقي..والي دل فعلا على شخصيتك...
ثانيا::السبب في اني اطلب شي يكون نوعا متميز.لان نفس (موال) الاشرطة..,المطويات يتكرر في كل اجتماع...
..زلاني اريد ان اضيف شيئا جديد..ونافع بنفس الوقت..
اتمنى وصلت الفكرة...
ولاادري..
هل فيه تعارض.بين البساطة والاناقه..
يعني اذا طلبت شي او فكرة متميزة..وتكون غريبة..هل هذا يعني اني مااخذه الموضوع ك(عادة)وحب تميز..
بصراحة انصدمت شوي..

واشكرك فعلا على افكــارك الرااائعة...

وفكرت اني اقدم بيوت المصاحف ..وتكون في اشكال ناعمة...
وكتيبات دينية للخادمات ..
انتظر..رايكم...