ابي مساعدتكم انا في حاله مايعلمه الا الله

[اتعبني الحلم]

المشاركة الأصلية كتبت بواسطة نبــــــــراس إن كان فيه أمل إصلاح ليه ما يكون فيه محاولة ؟! ( ما دمتِ ترينها أكثر من أخت بالتأكيد تستحق من يتودد لها ولو قليلاً ) . أما مسألة نسيانها تماماً فهذا شيء صعب ! , إلا بعد فترة وبعد تكوين علاقات جديدة .. نصيحتي : حاولي تكوين علاقات جديدة لا تدعِ حياتك وعلاقاتك تتوقّف بسبب مشكلة لا تستحق كل ما تتعرضين له ! بالتوفيق ,

جزاك الله خير اخوي

انا الحمدلله عندي صديقات دراسيا لكن هذي غيييييييييييير

من بعدها مدري ليش حسيت انه محد يبيني اقول لنفسي مين انا عشان انحب>>انعدمت ثقتي بنفسي مررره

[اتعبني الحلم]

المشاركة الأصلية كتبت بواسطة بصمة ضياء اختي : العمر مرة مو مرتين واذا بتضيعين حياتك في تذكرها بتتعبين كثير --- اهما شيئين : 1- امسحيها تماما من ذاكرة عقلك 2- اشغلي نفسك بأي شي ثاني: قراءة/مشاريع دعوية/مشاريع تجارية/حفظ قرآن أو الالتحاق بحلقة قرآن تراها ماراح تنفعك ابد ، ولاتنسين امسحي رقمها من جوالك او طلعي لك رقم ثاني حتى تنسينها تماما مع تغير ايميل المسنجر ولاتدخلين على المسنجر السابق وفقك الله ويسر أمرك

يعطيك العافيه اختي

اما مسأله نسيانها هذي امنيتي لكن صعب صعب

اما تغيير ايميلي ايضا مستحيل ما اقدر اغير شي الشيء مو بيدي

[اتعبني الحلم]

المشاركة الأصلية كتبت بواسطة مراكب العزم طيب حبيبتي أغلب الأخوات ما قصروا معك وما راح أضيف كثير على كتبوا بارك الله فيهم ... بغض النظر عن اللي صار لك واضح إن عندك وقت فراغ كثير وأنتِ قلتي برد لك ماني عارفة كيف أشغل وقت فراغي ؟ 1_ أحب أنصحك من قلب محبة لك التحقي بركب حافظات القرآن (دور التحفيظ ) هناك راح تلقين عالم ثاني تعيشين جو أخر مع كتاب لله تلاوة وحفظ وتدبر غير الأنشطة التي تقام من دورات مهارية وبرامج توعوية ترفيهية اجتماعية (وناسة من نوع خاص ) وإذا لم تتوفر لك الظروف التحقي بالمواقع الموثقة لتعليم القرآن عن طريق الغرف الصوتية ... 2 _تفتشي عن نفسك أكثر وشوفي وش ينقصها أو وش تحتاج بالضبط حاولي تنمين موهبتك وما فيه وحده منا ما عندها موهبة نقدر نطورها من دراسة دورات في مجال اللغة والحاسب والتجميل والطبخ والتصميم وغيرها... أو على حسب موهبتك أو ما تحبين ... 3_ خصصي لك وقت للقرأه في المجال اللي تحبينها وعندك حاليا أغلب الكتب تلقينها أكتر ونياً منزله على الشبكة العنكبوتية صدقيني راح تبحرين بعالم أخر غير كذا بصير مخزونك الثقافي عالي من ضمنها راح تحلين مشكلاتك بنفسك وما يحتاج تفضفضين لأي وحدها... 4 _خصصي وقت أنك تجلسين مع أهلك وسويلهم قهوة وحلى واجمعيهم أنتِ و سولفي معهم أو أطرحي شيء تتناقشون فيه وعاد مايحتاج أقولك بالأخص والدتك ويا ليت هذي الجلسة تصير يوميا لأن جلسة أهلك ما تتعوض بثمن .. 5_حددي لك أهداف تنجزينها بوقت معين ... 6_إذا أهلك يسمحولك انضمي للعمل التطوعي في مجالات الخير والله يحتاجون بنات كثير عاد أنت واللي ناسبك منه سبحان لله لما تدخلين هالعالم بذات تحسين كربك تفرج بعد الله ودائما سعيدة لأنك ساعدتي أبتغى الأجر لا لشيء أخر 7 _خلي لنفسك وقت ترفية بحدود المعقول (وما يحتاج أشر حلك عاد ) وشوفي يا لغالية النسيان نعمه من الله علينا سبحان الله يوم نفقد أغلى الناس ننساهم وسط زحمة أشغالنا فما بالك من موقف ظلمت فيه صفي قلبك علية وأدعي لنفسك أن الله يشغلك بعبادته وينسيك تلك الشخصية من غير ضراء مضرة عليك ،وصدقيني راح تصير عندك في سلة المحذوفات طبيعي أول الأيام بتتعبين لكن بعدين بصير الأمر عندك طبيعي جدا ... وبالنسبة لقولك ما راح أثق بحد يا حبيبتي أصابع اليد مو مثل بعض والناس برضوا مو مثل بعض لا يصير عندك نظرة سلبية للمجتمع والله فيه أخوات ينحطون على الجرح ويبرى بس اهم شيء نبني علاقاتنا على أخوة في لله مو لغرض دنيوي انتبهي تتقوقعين على نفسك ولا تفكرين تكونين صداقات بل عيدي تكرار التجربة بس أحسني الاختيار خليك حذرها من ناحية الفضفضة على قولتك .... وتحية أخوية وأعتذر على الإطالة (وهذا أنا قايلة ما راح أطيل بس العتب على تزاحم الأفكار برأسي الله المستعان )

يعطيك العافيه

1-للاسف ماعندنا دار تحفيظ
2_بالنسبه اني اخصص وقت لمواهبي او انضمامي للاعمال التطوعيه ماعندي وقت انا ثنويه عامه

يعطيك العافيه اختي

بالعكس كلامك ان شاءالله يفيدني كثييير

جزيتي الجنان

[السندريلا رجاء]

لا تدي الموضوع اكبر من حجموا

بنات الخليقة كتييييييييييييير بس ابحثي عن الكويسات

حياتنا ماتنتهي بفراق صديق بل احيانا تبدا نحو افاق اكبر

اتعرفي على تانيات ولاتنسيها من الدعاء لانها كانت يوما من الايام صاحبتك

احفظي الجميل وابحثي عن البديل اي كان صاحبات اخريات اعمال اخرى مفيدة

وبما انك ثانوي اشغلي حالك بدروسك ومعدلك

بالتوفيق اخيتي واسفة لو جاء الحل متاخر الاخوة ماقصروا ماشاءالله

[اتعبني الحلم]

المشاركة الأصلية كتبت بواسطة human being ياأختي يسر الله الخير لك..بما أنك تريدين شيئا يشغلك عن التفكير وتريدين النسيان نحن مسلمون لنا في رسولنا أسوة حسنة.. كان صلى الله عليه وسلم إذا حزبه أمر فزع إلى الصلاة..عليك بالصلاة الخاشعة سواء فرضا أو نفلا واطلبي العون والفرج من الرحمن واجعلي هذا السلوك مبدأ لك في الحياة حينها ستكونين أكثر سكينةً.. ثم هذا التفكير سيزول بإذن الله لكن يحتاج الأمر بعض الوقت..المهم أن تنشغلي بتفكير إيجابي يعود عليك بالنفع حينها يزول التفكير المؤلم هذا.. هوني الأمر على نفسك لكن استفيدي من التجربة مستقبلا والمؤمن لا يُلدغ من جحر مرتين..وفقك الله

جزاك الله خير

يعطيك الف عافيه

[اتعبني الحلم]

المشاركة الأصلية كتبت بواسطة غ ـــــــادهـ .. . || ㋡ ■ ■ مثل ماقالت احد الاخوات الايام بتنسيك هذا يمكن لانك قريب افترقتوا فشيء طبيعي انه تكون عندك هالمشاعر وسنتين موب هينه الواحد ينسى اللي فيها بلحظات يعني الامر طبيعي جدا انك تفتكرينها هالايام ولو تلاحظين كلامك هنا اغلبه مااقدر انساها مااقدر انساها من قال ؟؟ تدرين انك كذا تعززين هالشعور عندك وانتِ ماتدرين ؟ قولي لعمرك المسأله تحتاج وقت واكيد بنساها !! كرري هالجمله كل ماتذكرتي الموضوع واشغلي نفسك بشيء مفيد و حاولي تتعرفين ع بنات من هالمنتدى الجميل ترى مايتفوتون البنات هنا واساليني عنهم () انتِ تعالي ملتقى الفتيات وادخلي دكه السواليف كم يوم وقولي لي بعدها تفكرين ف هالبنت ولا لأ < اضافه بنصيحه مراكب العزم () .

يعطيك العافيه>>بس انا تبت من المنتدياااات خلااااص(لايلدغ المؤمن من جحر مرتنين)

[بصمة ضياء]

المشاركة الأصلية كتبت بواسطة اتعبني الحلم يعطيك العافيه اختي اما مسأله نسيانها هذي امنيتي لكن صعب صعب اما تغيير ايميلي ايضا مستحيل ما اقدر اغير شي الشيء مو بيدي

ايش اللي مو بيدك

او اقول غيري الرقم لرقم خرافي ماتعرفينه وراح تنسينه
وقبل كل هذا لاتنسين سجلي عندك الايميلات اللي تحتاجينها
والا فراح تضيع حياتك بين هم وذكريات مالها لزمه ..

اسأل الله تعالى ان لايشغلك الا بطاعته
وان يرزقك السعادة وراحة البال والسكينة دائما وأبدا
وان يجعلك داعية إلى الله تنفعين الامة الاسلامية بعلمك وصلاحك