[ فضفضة جامعيّة جـ 4 ]

[)(green)(]

.
.
.

بس للاسف الحين ما عندي الا مصريات وسعوديات وسودانيه

ودي صراحه تدرسني سودانيه

عشان اتقن اللهجه

أول ما أعرف مصري ولا تونسي ..

بس من أخونا في الله ، صرت حريفه لغه

[الشـــــامـــخه]

^ ^

هههههه لا اغلبهم من زمان بالسعوديه بتلاحظين ان معالم لهجتهم اختفت تقريباً

بس مشكلة السودانيات يا تجييك حبيبه وتهببل يا نذله و و و ........... مشفر خخخ

يعني السودانيه اللي تدرسني اقدر اقول حبوبه بس ما تتكلم سوداني

اما دكتوره عند اختي سودانيه اصلي حتى ما توقف اذا جت تعطي المحاضره ععجااازه والكل يدعي عليها من نذالتها

ماشاء الله اذا تتقنين تونسي وش خلييتي بس
شوي ويصير عندك خبره باللهجات كلها

انا الحين صرت اعرف اهز راسي مثل هنودنا لبى قلبهن
اتحدى احد يعرف

[رُدَينَة]

.
.

أنا مايفرق عندي أي جنسية ..
المهم تفهّمني وكلش وخلاص
صحيح إن غير السعودية تحسين إنك تسرحين في لهجتها أحيانًا بس معليه خخخ
جربت مرة هندية ومرة سودانية ومرة مصرية ومرة تونسية
ومرة أردنية ومرة فلسطينية ومرة سورية ومرة أمريكية
ومرة بريطانية والباقيات سعوديات :D

كلهم ياربي لك الحمد كانوا حبّوبات ويازينهم ومتعاونات ()_()
بس إللي أحس إنهم كانوا المثاليات بينهم : تيتشر فرهين الهندية و فكتوريا البريطانية ()_()

[روح البدآية ~]

سؤال !
فيه أحد بجامعة الملك عبدالعزيز - السليمانية - هنــا ؟
ولا بس أنا =/


< ودها تقول ترى جدة مب من المريخ =" !

[ليلكية ؛]

^^
ايه ابشرك فيه سمية عبدالرحمن

وانا في الرحاب =)

[سُمية عبدالرحمن]

يب أنا هنا
قليل اللي هنا بجامعة الملك عبدالعزيز
.

[)(green)(]

.
.
.

الهنود

تدرون وش تأثرت منهم فيه ؟

وانا اذاكر اذا دخلت المعلومه هزيت راسي هههههههههههههههههههه

اتخيلها وهي تقول :اوكي -بهزه راس - ؟

ههههههههه ، لا واذا انتهوا من فقره مهمه هزوا راسهم عشان يتأكدون أن المعومه و صلت

عاد أغلب الطلاب تلقائيا يهزون راسهم كردة فعل ، هههههههههههه

[ليلكية ؛]

^^
ترا هذا دليل على الانسجام والتركيز (الميلان بالراس)
قريتها بكتاب عن لغة الجسد
عاد قلت انا مركزه دايم ماشاء الله احس راسي مايل في المحاضرات

[)(green)(]

.
.
.

^
ايه الميلان دليل الاستمتاع .. قد سويت بحث عن هذا .. [=

بس انا قصدي هزه الرأس حقت الهنود هاللي مالها حل

احس معناها I get it

[هذيان قلب]

طاب صباحكم


أحس إني محبطة من جدولي ضغط جداً هالمستوى
وحاولت أعدله متعارض متعارض متعارض !!! قهر الحمد لله = )

[ღβόναяđίαღ]

الا متوفر اذا كنتي من سكان الرياض ، ما أدري صراحه عن باقي مدن المملكه .. بس في الرياض متوفر في أغلب المكتبات . ( زي مكتبه دار شمس ، مكتبة الشقري .. وفيه غيرهم ) ايضا يتوفر منه نسخه إلكترونيه .. انا كان عندي نسخة إلكترونيه منه محملتها على الآيباد اذا تبينها أعطيني خبر أرفعها لك ,, بالتوفيق يارب ()"

لا أنا مو من الرياض
والنسخة الالكترونية عندي خذيتها من الدكتورة
بس يوم سألتها وش المهم قالت بس الصور >>ريحتني
يعطيك العافية وبالتوفيق
سوعال:أنتي تخصصك علاج طبيعي؟

[الشـــــامـــخه]

الحمدلله على كل حال

انا مستعده انضغغط لحد ما انفقع واتبهذل وادرس بصعوبه وتعب
بس بالمجال اللي احبه بالتخصص اللي ابييه واللي حلمت فييه

املت نفسي كثر ذاكرت للقدرات والتحصيلي وجبت درجات عاليه تخرجت من الثانوي بتفووق
دخلت التحضيري واخذت 4.92 اقدر اقول انها خياليه بالنسبه لي
لكن على المستوى الثاني خلاااص قفلت تعبت اجامل واقول راضيه بالمسار العلمي والجامعه الفاشله اللي ادرس فيها

كان تفكيييري اكبر بكثييييير واملت نفسي سنيين مع ان 1 % النسبه المتوقعه لتحقيق اللي ابي وما استسلمت < هذي غلطتي
حاولت وكافحت واجتهدت وكان محكووم على كل شي بالاعداام من اول لحظه بس كنت احاول اغمض عيوني عن الوااقع

صرت مجاامله لاكبر درجه ابتسم واجتهد امثل دور الراضيه والمحبه لدراستها
ومجرد ادخل غرفتي دموعي اربع اربع

فكرت كثير اجلس بالبيت ارحم لكن النتيجه اللي طلعت بها غيااب + نفسيه زفت + تحطييم داخلي فظييع

< فضفضه نرجع للموضوع الاساسي

تخصص الرياضيات هل له فروع بالبكالريوس ؟ وايش فروعه لو فيه ؟
قدامي مفترق طرق وانا واقفه بالنصف مو عارفه ( رياضيات / علوم حاسب )

اذا فيه احد تخصصه رياضيات ابي اعرف اكثر عن هالمجال

[هذيان قلب]

^
الله يكون في عونك يارب : ( بجد شيء يقهر تتعبين على شيء أنتِ مو راغبته !
بس مثل ماقلتي لاتستسلمين أبداً إن شاء الله ربي بيكتب لك الخيرة فيه تأكدي : )



الله يوفقك يارب : )



بس الضغط شين بنهاية الترم تحسين بتنفجرين ><

[رفيف]

.


جدولي المدري وش يبي
أصلًا عادي ماعاد تفرق
صح كنت أبي الأربعاء يكون محاضرتين وأطلع بدري بدل الأثنين
بس فكرت بعمق ولقيت إن الأربعاء دوامه خلقه خفيف فما يضر لو تأخر لين 12
عكس الأثنين وكذا < أصبر عمري
وأصلًا دامه راح الأوف بكيف كل شيء ماعاد يهم وشلون شكل الجدول
وأهم شيء عندي بعد يكون الريض المحاضرة الأولى قبل مايصدع الراس وتقفل الأخلاق
ويارب الدكتورة تصير زينة لأن ما أشوف عليها إقبال خخخ
والله يعين ويسهّل

[الزوجة الصالحة]

انا اتقبل اي نوع من انواع الدكاترة الا الاردنيات يععععع
نفسهم بخشمهم

[عَ ـبِيرْ]

أنا لا أتقبّل أي أحد
ولا أريد أي ناس

Aßeeŕ

[فرحانة]

المشاركة الأصلية كتبت بواسطة الزوجة الصالحة انا اتقبل اي نوع من انواع الدكاترة الا الاردنيات يععععع نفسهم بخشمهم

قسم مثلي

ماكنت أعرفهم قبل
بس لمّا جربتهم ندمت إني كنت أكره المصريين
طحت بواحد شايف نفسه مدري ع أيش
وأسلوووبه قاسي يرفع الضغط يحسسك أثناء المحاضرة إنه متفضل عليك وإني أنا الياي والأحسن منكم كلكم ><
عاد ياليت يشرح زي النّاس
ييي يارب يروووووووووووووووووح عنّا ماأبييييييييييييييه
لقد إنكِ جيتي ع الجرح

[ليلكية ؛]

المشاركة الأصلية كتبت بواسطة الزوجة الصالحة انا اتقبل اي نوع من انواع الدكاترة الا الاردنيات يععععع نفسهم بخشمهم

بالعكس عندنا مره عسولات ()

المشاركة الأصلية كتبت بواسطة فرحانة قسم مثلي ماكنت أعرفهم قبل بس لمّا جربتهم ندمت إني كنت أكره المصريين طحت بواحد شايف نفسه مدري ع أيش وأسلوووبه قاسي يرفع الضغط يحسسك أثناء المحاضرة إنه متفضل عليك وإني أنا الياي والأحسن منكم كلكم >< عاد ياليت يشرح زي النّاس ييي يارب يروووووووووووووووووح عنّا ماأبييييييييييييييه لقد إنكِ جيتي ع الجرح

بالعكس زي ماقلت لروان
الاردنيات عندنا جدا ذوق واخلاق وشرح وتعامل
المصريات لااا><
ما احب التعميم لكن فعلا المصريه الي عندنا والثانيه ماجربت لكن ماعجبني اسلوبهم ولا انشطتهم
حبيت الاردن من محبة استاذاتي ذذ

[هذيان قلب]

ياجماعة الخير الكلام مو على الأردن وإلا مصر الكلام على الأستاذة نفسها !

يعني ناس تجيك أخلاق وشرح وأسئلة ودك بس ماتفارقينها
وناس الله لايبلانا نفسها في رأس خشمها وساخطة على أمة محمد كلها



* أنتم مثلي عجزت أدخل جو الدراسة مع هالمستوى ماادري مزاجي ماش

[أمَـــلْ]

.

^

أنا مثلك مالي نفس أبد هالترم ..
مع إني المستوى الأخير لازم أكون متفائلة أكثر بس ماش عجزت ..

.