المرأة والجوال

[تأثير]

صافرة انذار وش رايك انا وانتي ومن اللي بيدخل معنا من البنات نبدأ بحملة مواضيع مثل اللي يسوونه اعضاء الاسرة الرجال ( ابو يزن وهبوب الشمال وطقتهم )
ونسوي مثلهم نفتح موااضيع هذا يشتري شماغ ابو الفين وفوق ومايقتصد وهذا يمشي بالشارع جنب مدرسة بنات المفروض يمشي بالشارع الثاني ذذ
ونفتح موضوع بعد نقول هذا يهتم بمضهره ويطول شعره مثل الحريم ..
وهذا معه سياره اخر مودل ونكتب العنوان الرجل والسيارة ذذ
خلينا نكتب مواضيع عنهم ... نكرهم بقسم الاسرة مثل ماكرهونا فيه
كل 24 ساعة .. نلقى موضوع وش الحل مع المرأة و عنوان ثاني لازم الرجل يتدخل بملابس بنته وماني عارفة ايش
تراني احتري موضوع ينزل منهم عن لازم الرجل يضبط تنفس المرأة .. كل اربع عشرين ساعة نفس واحد والباقي تكتم ذذ

[تأثير]

صح تذكرت .. انا لي موضوع عن الرجل بس قهر لقيته بالعاصمة ذذ

http://forum.ma3ali.net/t693939.html

السلام عليكم ورحمة الله وبركاته قولوا لي ماذا نفعل بهذا المجتمع الذي جعل شبابنا لا يهتم باخطائه ومتى ماكبر واكتفى من شهواته انتهى من تلقاء نفسه قولوا لي ماذا نفعل بهذا المجتمع الذي جعل شبابنا لا يخاف من نصيحة او من العواقب واقصد هنا العواقب الدنيوية اخي شاب ولن اتكلم بمثالية كما هو الحال في هذا المنتدى فكلاً هنا لا يتكلم عن نفسه او اهله الا بمثالية الا من رحم الله اعود واقول اخي شاب واقولها بملئ فمي ( يغازل ) جهرا .. ليس جهرا فقط اكتشفت انه يتباهى هو واقرانه لا استطيع ان اقول اقرانه الرجال اخي يغازل منذ ان كان عمره بالعشرين والان عمره 23 او في نهايته وان نصحته بيني وبينه .. قال نافخا صدره الرجل عيبه في جيبه

ودي ارفع الموضوع ... يابنات من تأيدني ذذ

[وآنـا أخت راشد]

وعليكم السلام ورحمة الله وبركاته
موضوع رائعه .. لكم جزيل الشكر

صراحةً المرأه معروف عنها " غيوره " تغار من صديقاتها او قريباتها
وتبي تكون هي الافضل .. طبعاً بعض النساء وليس جميعهم
فـ غيرتها ترهق الزوج ، لكن الامر كله يرجع للزوج
ممكن يعطيها كل اللي تبي بس بحدود وضوابط ! والمفروض إن الزوجه تراعي زوجها

آما بخصوص حديث النساء في الجولات عن الكوافيرات وغيره .. ترى هذه طبيعة المرأه
هذا إهتمامها .. عن الجمال والتجميل والطبخ و.......... الخ


والحل لهذه القضيه أرى إن الزوج ينصح زوجته بعدم الإسراف في المكالمات باسلوب طيب ومقنع
وإذا مانفع معها .. يمنعها !

موضوع مميز واشكركم مرةً أخرى

[مُستنيرة ~]

تأثير حبيبتي ..
فعلا صدقتي ناس مايقدرون يكملون النقص الي فيهم
الا لما يحتكون بغيرهم خصوصا اذا كان الطرف الثاني بنت>>اوني ابضاي .!><
الحل الامثل ما تسوون لهم سالفه ..!
واذا بتردين ردي على طرف عاقل في الموضوع عشان تطلعين بفائدة
حرام تضيعين طاقتك على عجاج ..!
بالنسبة لي تكفيني فائدة وحده يذكروني فيها من كل موضوع يكتبونه ..!
اني عايش في مجتمع عااااز الانثى ومنصفها ..!
اشكر ربي ..وادعي لبناتهم ان الله يجعل ما ابتلاهم تكفير لذنوبهم ^^

[مُستنيرة ~]

المشاركة الأصلية كتبت بواسطة مـــــي غدا أجمل... مراكب العزم تقصد... انه بعدين بتصيرين انتي اللي تصرفين ع البيت كله .. وبكذا تصيرين مااستفدتي شي :/ عذرا على التدخل مراكب..

شوفي اناانسانه صريحه ..
اذا كانت "والله لايقوله"ماديته قليله..
ممكن اساعده بمبلغ معين ولا راح اعوده عشان لا ياخذها
على انها واجب مني..
اما اذا كان مقتدر لا ياقلب امه راح اقولها بوجهه..
فيه اشياء كثيره ماتقدر توفر لي وتعتبر كماليات
فانا بتنازل وبشتريها من فلوسي لكن الحاجات الاساسيه راح تكون منك^^
وقاالوها الرجل على ما عودتيه..
والعود من اول ركزه..اذا شافك صامله من البدايه راح يتسنع
هذا اللي تعلمته من خواتي وحياتهم ماشاء الله ناجحه..
^^


أضيفت عن طريق ma3aliMobile

[سليل الحرف]

اسجل كلمة شكر لكاتب الموضوع
مع تأكيدي على أن المشاكل غالبا تكون من الطرفين
شكرا لك...واصل ابداعك

[الريــم التميمي]

محد قال سدد لا منه انقطع شهر شهرين تتسنع

[abuyazn]

المشاركة الأصلية كتبت بواسطة تأثير صافرة انذار وش رايك انا وانتي ومن اللي بيدخل معنا من البنات نبدأ بحملة مواضيع مثل اللي يسوونه اعضاء الاسرة الرجال ( ابو يزن وهبوب الشمال وطقتهم ) ونسوي مثلهم نفتح موااضيع هذا يشتري شماغ ابو الفين وفوق ومايقتصد وهذا يمشي بالشارع جنب مدرسة بنات المفروض يمشي بالشارع الثاني ذذ ونفتح موضوع بعد نقول هذا يهتم بمضهره ويطول شعره مثل الحريم .. وهذا معه سياره اخر مودل ونكتب العنوان الرجل والسيارة ذذ خلينا نكتب مواضيع عنهم ... نكرهم بقسم الاسرة مثل ماكرهونا فيه كل 24 ساعة .. نلقى موضوع وش الحل مع المرأة و عنوان ثاني لازم الرجل يتدخل بملابس بنته وماني عارفة ايش تراني احتري موضوع ينزل منهم عن لازم الرجل يضبط تنفس المرأة .. كل اربع عشرين ساعة نفس واحد والباقي تكتم ذذ

ابو يزن !! والله ضحكت من قلب .. بس وش أقول ؟!! غير الله يسامحك ..
بعدين مستغرب صراحة تحكين كأنك متابعة ولك بالمنتدى عشر سنين !!

عموماً الله يهديك إن كان لاحظت مني تركيز على المرأة ..
فهذا سببه أني على يقين أن المرأة لها دور مؤثر وشأن عالي في الأسرة .

[طهر المشاعر]

المشاركة الأصلية كتبت بواسطة هبوب الشمال خذ النصيحة من مجرب اجل اكيد انت صرت خروف وبعدين عقلت وصرت ذيب ههههههههه 8 دعابه يا اخي الحبيب واشكرك على مشاركتك الرائعه وياليت كل الرجال مثلك كفو يابعدي

هههههه لا وأنا أخوك ماصرت خروف وبس ! إلا صرت زريبة غنم بكبرها ههههههههه
لا ولايهمك ماعندك مشكلة
دام الموضوع بالحريم < فانا أول واحد معك ^^

[طهر المشاعر]

المشاركة الأصلية كتبت بواسطة صافرة الإنذار لعنبو رجل ٍ يشـوف المرجلـهْ بقهر الحريـم !! من متـى كانـت رجولتكـم علـى ظهـر النسـا ؟! (ضلع ٍ أعوج ) بس مـو دايـم بكسْـره يستقيـم !! قوّمُـوه فْعُمْـر لينـه .. يستقـيـم الـيـا قـسـى يا رجال اليـوم ( رفقـاً بالقواريـر ) .. و قديـم .. قالوا: (أخيَرْكم .. رحيم الصبـح // مِكـرام المسـا ) ما يبات الليل كاسرهـن .. و الـى جَـنْ البهيـم .. مركـب يدينـه علـى مرسـى مدامعـهـن رســى بيـض الله وجـه جابـرهـن بعيـشـات النعـيـم و سـود الله وجـه جابرهـن علـى عيشـة أسـى ذاكر حقوقـه ليـا قيـل ( اربـع ) بشـرع الحكيـم وإن وصل لين ( اعدلوا ) طنش ابو الشرع و نسى !! كِن ( سي السيد ) خلقْـه الله علـى أهلـه زعيـم .. طاغي معربدْ .. قسم باللـي بْيحاسِبْـه .. ايخسـا !! لا الرجولـة بالعنـاد ولا هـي بقـهـر الحـريـم لي متـى والعنـف صايـر ظاهـره ضـد النسـا ؟! --- الله يخليك لي يآبوي ويحفظك من كل شر .. الحمدلله اذا طلبت جوال جديد مايرفض ، والتلفون وكل شي مفتوح لنا ، ماأحتاج يوطى على روسنا علشان نقتصد بالمكالمات والفواتير ، ومع ذلك ماعمرنا زعلناه والا كلفنا عليه فوق طاقته ،

يوهـ ! ليكون طق عرق عندك !
يابنت الحلال أنا ماأقصد أهين الحريم ولا شي ! بالعكس الحرمة مانعيش بدونها !
لكن ألي أقصدهـ إن الحرمة إذا الرجال أرخى لها الحبل من أول شي / إخنقته به < وكنت أقصد إنه يشد عليها شوي حتى تشوفه رجال بعينها وبقلبها وبعدين يرخي معها ويدلعها
لأن وانا اخوكي بعض البنات ماتنعطي وجه / وبعض البنات تسوى ألف رجال
لكن قليل الحين البنات العاقلات والمحترمات / والله يهدي لجميع

عموما شكراً على الهجاء والمهاجمة الشرسة
أعطينا بس من هالقصايد ترى وربي أتونس لما أحرق أعصاب البنات
ههههههههههه

[مـــــي]

توقعت ان ردك كان استفزاز لا أكثر..

لكن ليش ماعندك حل وسط... ياتشد أو ترخي...
المفروض المعاملة تكون وسط.. وإذا شفت أنها تمادت أو تعدت الحدود فذاك الوقت لكل حادث حديث..

شكرا لجميع النساء العاقلات اللاتي اعترفن باخطاءهن

كون انه اعترفنا بأخطاءنا...هذا مايدل انه كل النساء على هالشكل...
وانه رجال كثير يشابهون الحريم من ناحية الجوال...
فمثلهم مثل النساء بالضبط في منهم من فاتورته توصل الالاف وفيه من يتابع أحدث موديل للجوالات ماان يطلع جوال جديد إلا وهو شاريه...

لكن ماله داعي كل ماحطيتوا موضوع عن الحريم قلنا والرجال بعد :/
ولا اذا تكلمنا عن الرجال قلتوا والنساء:/
فاحنا ناقشنا بس الموضوع اللي تكلمت عنه...

[طهر المشاعر]

المشاركة الأصلية كتبت بواسطة مـــــي توقعت ان ردك كان استفزاز لا أكثر.. لكن ليش ماعندك حل وسط... ياتشد أو ترخي... المفروض المعاملة تكون وسط.. وإذا شفت أنها تمادت أو تعدت الحدود فذاك الوقت لكل حادث حديث.. كون انه اعترفنا بأخطاءنا...هذا مايدل انه كل النساء على هالشكل... وانه رجال كثير يشابهون الحريم من ناحية الجوال... فمثلهم مثل النساء بالضبط في منهم من فاتورته توصل الالاف وفيه من يتابع أحدث موديل للجوالات ماان يطلع جوال جديد إلا وهو شاريه... لكن ماله داعي كل ماحطيتوا موضوع عن الحريم قلنا والرجال بعد :/ ولا اذا تكلمنا عن الرجال قلتوا والنساء:/ فاحنا ناقشنا بس الموضوع اللي تكلمت عنه...

كلام عين العقل >

[SAЯI]

بدل من أن نضع حلول إيجابيه للمشاكل التي نواجهها نلجأ إلى تبادل الأتهامات بين الرجل والمرأة
ومن ثم ندور في حلقة مفرغه لا نهاية لها
فالذي يتهم المرأة ويعيبها مؤكد أنه يعاني في حياته اليوميه من تصرفتها فــ (يفش غله ) في المنتدى
والعكس كذلك ويعتقدون أن الناس يفكرون ويعيشون بنفس الوضعيه ...

إذا دخلت موضوع وأنت واثق أن الهدف منه أستفزاز أو رفع ضغط ليش ترد ليش ترفع الموضوع ليش تشارك ؟!!
تذكر المقولة القائلة ( أميتوا الباطل بعدم ذكره )

تستطيع أن تميز من يكتب بعقله من اللذي يكتب بقلبه وشتان بينهما