عندما يتعرض طفلك للضرب من طفل آخر .. ماذا تفعل ؟

[توّاق !]

الحل الاسلم هو التوجيه ,
مثلاً تقول عيب يا ولد أنتوا اخوان , ولا تححاول انك تجمعهم بالالعاب عشان تكون قلوبهم متصله !

[انتظر عَوْدَتُك!•°°•]

أتل هالغثيث بعلباه و أعطيه بيدي على قفاه لين يتفل العافية .. و يصير

يذكر هالعلقة كل ما جا يطق ولدي و يحرّم !!



طبعاً هالحل بينقز قدام عيوني أول ما أشوف وليدي يكفخ على يدي طفل شرير .. بس الأكيد

إني لازم أتعوذ من إبليس و أهجد لأن لو أبسوي هالشي فيها أمور سلبية للأم و لطفلها منها :

1\ بتصير الأم مخفة للصغار و الكبار صعبة كل ما انطق ولدها تطمر تنجده !
2\ الولد بيصير رخمة و خواف و اتكالي و ساعة يحس بالخطر يهرول لأمه باحثاً عن النجدة.


لذلك يجب التروي في مثل هالأمور و حلها بشكل ودّي و سلمي .. أحسن للإثنين " لولدي و للطفل الشرير"..
سمعت عن حل ( جيبي هدية و عطيها ولدك يقدمها للشرير ) << بس المشكلة إن خذها الطفل العدواني
عادة و صار كل ما اشتهى له هدية بط وليدي بط القدرة ! .. و حل آخر سمعته من الشيخ وجدي غنيم و أعجبني
صراحة و حمدت الله إني ما بعد ربيت أطفال و إلا كان أبــ(ودّرهم) أي أبوديهم بستين داهية .. يقول الشيخ : علّم
ابنك يأخذ حقه بمعنى إن ضربه أحد فلا يفوت للضارب ضربته بل يردّها له بالمثل .. << ناوية أقول لهم سامحوا سامحوا!
و عندما يصل الابن لمرحلة إنه يقدر يآخذ حقه , علّمه إن فيه شي اسمه تسامح و عفو , و ننمّي هذه الخصلة فيه و نشجعه عليها .. عندها ينشأ طفلاً شجاعاً يقدر أن يسامح إذا أراد ..

[abuyazn]

آخر التطورات في هذا الموضوع ..
حدث ليلة البارحة ..

حضر إلينا هذا الطفل المعتدي مع والدة ووالدته ..

وقام ولدي الأكبر (10) سنوات بإدخال أخوة الصغير (4) سنوات وستة اشهر الذي تم الاعتداء عليه سابقاً + الطفل المعتدي (6 ) سنوات إلى غرفة بالمنزل وإغلاق الباب .. وقام بمسك الطفل المعتدي على الأرض والجلوس فوقة وجعل أخوة الأصغر يضرب الطفل على وجهه بقدمه وكان لابس طفلي الصغير الله يعزكم حذاء رياضي غير مستوي من الأسفل مما أحدث كدمات قوية على وجه الطفل المعتدي !!

صراحة أنا تفاجأت منظر وجه الولد المعتدي كان يحزن جداً ..
على باللي طايح من الدور الثاني على وجهه !!
وكان خائف جداً موب راضي يقول من عمل فيه هذا العمل !!
بس ولدي الصغير اعترف بالسالفة وقال أنا ضربته مع يزن ..

حينها أنتفض أبو الولد المعتدي .. قال هذه آخرتها يا أبو يزن !!
مسوين عصاية على ولدي !! قلت والله ما عندي علم باللي صار ..

لكن أنت وإهمالك السبب وقاموا عليه الرجال اللي بالمجلس كلهم ..
وقالوا نشهد أنه ابو يزن عدة مرات طلب منك تعالج هذا الموضوع مع ولدك وانت ولا على بالك !!

وخرج وهو زعلان وأخذ زوجتــة وولده ...
وزوجتي زعلانة وتقول فشلتنا انت وعيالك الإرهابيين !!
وصرت متعجب من ولدي الأكبر وخايف من هذه العدوانية اللي فيه أول مرة ألاحظها ..
كنت بمشكلة وصرت بمشكلة ثانية !!

وصباح اليوم تلقيت إتصال من أخوي ..
بعد السلام ..
قلي وش رأيك ؟
سألت بأي موضوع ..
قلي اللي صار البارح ..
قلت وش صار ..
قال الدرس اللي أخذه ولد فلان !!
إستغربت وانت وش علاقتك بالموضوع ..
قال يا أخوي أنت كل فترة تتكلم بالموضوع وأنا حليته لك ..
قلت كيف .. قال أنا فهمت يزن وش يسوي وطلع ولدك ذيب !!

قلت مين الذيب!! .. هذا إرهابي .. شغلك معي بعدين .

[~ شاعرة العرب ~]

^

لا مشكله .. وان كان افضل استخدام اسلوب اخف في الضرب ..
لكن اخبرو ابا الولد انهم اطفال يتضاربون اليوم ويتصاحبون غدا .. هذا ولدكم يضرب ولدي ولم احمل بقلبي ..
وليس في كل مرة ستسلم الجره ..


اعانكم الله .. واصلح الحال ..

.

[ريلام]

أتدخل بعد ما أتيح فرصه له لإثبات وجوده وتكوين شخصيته , أما إذا كان التدخل دون وجود ردة فعل له فهذا فيه تربية على الضعف والإتكالية على الأخرين لإخذ الحقوق الشخصية وإن غاب الأخرون أدى به الى الإنهزامية والإنقياد للغير للضعف الداخلي في نفسه ..

إن كان ثمة تدخل فسأتدخل تدخل على مستوى الطفوله و لا أتدخل دخول يوصل الدم الى الركب وتشتعل بها حرب القبايل , لأن بعض الناس هداهم الله يكبر المسألة وربما تصل الى المقاطعة من أجل شيء تافه ..

وفق الله الجميع وأصلح لكم الذرية ..

[جمر الشوق..]

المشاركة الأصلية كتبت بواسطة abuyazn آخر التطورات في هذا الموضوع .. حدث ليلة البارحة .. حضر إلينا هذا الطفل المعتدي مع والدة ووالدته .. وقام ولدي الأكبر (10) سنوات بإدخال أخوة الصغير (4) سنوات وستة اشهر الذي تم الاعتداء عليه سابقاً + الطفل المعتدي (6 ) سنوات إلى غرفة بالمنزل وإغلاق الباب .. وقام بمسك الطفل المعتدي على الأرض والجلوس فوقة وجعل أخوة الأصغر يضرب الطفل على وجهه بقدمه وكان لابس طفلي الصغير الله يعزكم حذاء رياضي غير مستوي من الأسفل مما أحدث كدمات قوية على وجه الطفل المعتدي !! صراحة أنا تفاجأت منظر وجه الولد المعتدي كان يحزن جداً .. على باللي طايح من الدور الثاني على وجهه !! وكان خائف جداً موب راضي يقول من عمل فيه هذا العمل !! بس ولدي الصغير اعترف بالسالفة وقال أنا ضربته مع يزن .. حينها أنتفض أبو الولد المعتدي .. قال هذه آخرتها يا أبو يزن !! مسوين عصاية على ولدي !! قلت والله ما عندي علم باللي صار .. لكن أنت وإهمالك السبب وقاموا عليه الرجال اللي بالمجلس كلهم .. وقالوا نشهد أنه ابو يزن عدة مرات طلب منك تعالج هذا الموضوع مع ولدك وانت ولا على بالك !! وخرج وهو زعلان وأخذ زوجتــة وولده ... وزوجتي زعلانة وتقول فشلتنا انت وعيالك الإرهابيين !! وصرت متعجب من ولدي الأكبر وخايف من هذه العدوانية اللي فيه أول مرة ألاحظها .. كنت بمشكلة وصرت بمشكلة ثانية !! وصباح اليوم تلقيت إتصال من أخوي .. بعد السلام .. قلي وش رأيك ؟ سألت بأي موضوع .. قلي اللي صار البارح .. قلت وش صار .. قال الدرس اللي أخذه ولد فلان !! إستغربت وانت وش علاقتك بالموضوع .. قال يا أخوي أنت كل فترة تتكلم بالموضوع وأنا حليته لك .. قلت كيف .. قال أنا فهمت يزن وش يسوي وطلع ولدك ذيب !! قلت مين الذيب!! .. هذا إرهابي .. شغلك معي بعدين .

لا يابو يزن..
التصرف هذا لاهو من صالحك ولا من صالح ولدك يزن..
كذا الولد بياخذ كل الامور على العنف والضرب ومد اليد.. بعدين يمكن تتطور ويمد يده على اللي اكبر منه..
ولدك يزن لازم تعاقبه ولا تتركبه.. كذا بيحس انه بطل وقوي وبيكررها..
بعدين الولدين مررررره صغار 6 و4 سنوات.. هذا عمر بناء شخصياتهم اللي بتمشي معاهم طول عمرهم..!!

نصيحه لك ومن وااااااقع تجربه.. اذا تعودوا عيالك اليوم على مد اليد والانتقام وهم صغار بكرا اذا كبروا وقوى عودهم بيمدون يدهم على الكبار ولأتفه الاسباب..

ولا تخلي المبزره يمصخونها ويقطعون علاقات الكبار..