أختك أو زوجتك تلاحق .....

[♥أم معاذ و عمر♥]

بسم الله الرحمن الرحيم
السلام عليكم و رحمة الله و بركاته

للتو قرأت أحد المواضيع سأطرح لكم المفيد منه ،

ظاهرة منتشرة بشكل يضايق غالبية النساء تذهب للتسوق والبائع يلاحقها في كل مكان وما أن تعاين أحد القطع حتى يبدأ بسرد كل المعلومات عنها وأين صنعت وما هي المقاسات المتوفرة وأعتقد لو طلبتِ أنتِ منه وصفاً دقيقاً كهذا ما أجاب بهذه الحرفية ليست المشكلة هنا أبداً المشكلة الحقيقية حينما يبدي رأيه هذا يناسب وذاك لا ؟؟؟؟؟؟؟!!!!!َ!

مع الاعتذار لصاحبة الموضوع ...

لكن بصراحة أحببت طرحه هنا ليراه الذكور ،،
ماردة فعلك عندما قرأت هذه الكلمات ،
و أنت توصل أختك أو أمك أو زوجتك لوحدها للسوق ،
و تتعذر بانشغالك بأعمال ! أو بالشباب و الزملاء ؟

تخيل أن هذه الكلمات صدرت من أختك
أو أمك
أو زوجتك ...


أين غيرتك ؟
أين نخوتك ؟

و أختك تلاحق من بعض العاملين و يطرح رأيه أيضا؟
أين غيرتك و زوجتك يقف العامل بالقرب منها ليعرض البضاعة عليها ،، و هي تكاد تسقط من الحياء و من قلة أدبه ،
أين نخوتك و أمك الكبيرة يلاحقها الرجل و يبدي رأيه و ياخالة ياخالة ،،،

عذرا ..
على كلماتي ،،،
لكن مثل هؤلاء الرجال هم السبب في فساد بناتهم و زوجاتهم ،،
حوادث الخطف و مواقف كثيرة تتعرض لها النساء ....
تغضب ، تستنكر المسكينة ،،،
لكن محرمها دائما مو فاضي لها ،،،
ما أحب السوق ، أكرهه ،،
أو ظننتم أننا نحن النساء نحب السوق ، بل نكرهه من كثرة الفساد ،
لكننا مضطرات لشراء حاجياتنا ....

و هنا اقتباس لردي على صاحبة الموضوع و ذكرت هذه القصة :

أعرف قصة بنت ، أمها كانت بواحد من المحلات ،، نزلها أبوها قال لها روحي نادي أمك ، بعد خمس دقايق جات الأم لحالها و ركبت السيارة ، قال الأب : وين البنت ؟ قالت : ماجتني ،، انصدم الأب ،، البنت قدامه دخلت المحل ،،، و المحل الآن قاموا العمال يصكونه علشان الصلاة قعد يصارخ عليهم ، بنتي داخل ، افتحوا قالوا : مافي أحد المهم قام الأب يصراخ و يتهاوش معاهم . و العمال مصرين يقفلون ، جاء واحد و مسك العامل و ضربه و مجموعة رجال دخلوا للمحل يدورون البنت ، آخر شيء لقوها بالمخزن مغمى عليها ، مخدرينها العمال حسبي الله عليهم و ناوين عليها .. يعني الوحدة تضمن مايجيها أحد و يخدرها و يشيلها ،، الحين الوحدة مع زوجها أو أخوها او أبوها و ماسلمت منهم و من نظراتهم مع أنها بكامل حجابها ... المفروض الوحدة تخاف على نفسها ،، تقولون لي أمان ،، أمان صح ،،، بس فيه ذياب بشرية ،، تدور و تتقنص البنات ، وش يفيد لا طاح الفاس بالراس ،، كثيرين جتهم مصايب و بعدها اتعظوا مايطلعون إلا بمحرم رجل معهم ، بس بعد إييييييييييييش ؟ إذا أبوي أو اخوي أو زوجي ،،، مايغار علي ،،، أجل وين رجولته ؟ وش قيمتي عنده !!!

لا يضر أبدا مشوار ساعة أو ساعتين مع أهلك ،،
تكون قريبا منهم ،
تردع عنهم الرجال الفاسدين ،
تكون حصنا لأهلك ،، و تحمي عرضهم ...


احتسب الأجر في مشوارك ،،

و الله لن ينفعوك الزملاء أو العمل ،،
إن حصل شيء لا قدر الله ...


ليس كلامي هذا من باب التشاؤم أو نظرة سوداوية للمستقبل ....
لكن الفساد بالأسواق انتشر بشكل فظيع ...

سواء من العاملين من داخل البلد أو من خارجه ،،،


احرصوا على نسااااااااااائكم ،،،
فنحن بحاجة لرجال ، ليس بالمسمى فقط ،،، بل بالمعنى ...

أسأل الله أن يستر علينا .
و أن يردنا إلى الصواب ..

[[ мεссди ῟ ]-]

وعليكم السلام ورحمة الله وبركاته

من أبغض وأكره المواقع في حياتي الأسواق !!
لكن الروحه مع الأهل للسوق إجباريه
الله يعيني عليهم في السوق والدخله والطلعه كل مرة محل
والله يعينهم عليّ إذا ركبنا السيارة متجهين للبيت

كلامك في محله وأغلب أعذار الرجال واهيه
الله يجزاك خير على حرصك

لك تقييمي على هذا المقال الواعي

[abuyazn]

حياك الله أختي كاتبة الموضوع ..
ردة فعلي كولي أمر معروفة أرفض بشد ولا أقبل ..

لكن كنت أتمنى أن يبحث الموضوع ...
عن الأسباب الفعلية التي تؤدي إلى ..
تذمر ولاة الأمر من السوق وعدم إرتياحيهم لمرافقة ذويهم عند الذهاب للسوق ..
وما هي الحلول التي تجعل مرافقة الأهل للسوق أشبة برحلة ممتعة للطرفين ..
وأنا لا يكون الدافع فقط حمايتهم من شياطين الأنس ..

هذا ما أرى والله ولي التوفيق ،،،

[بصمة ضياء]

ممكن ابدي راي اختي سحابة خير ...؟؟

بتكلم بأسلوب يمكن كثير بنات مايعجبهن
بس صراحة في بنات مصختها وزودتها حبات مو حبتين
يعني على كل دقه تروح السوق ..!
يعني الوحده صح تروح السوق وتشتري ووووو الخ ...! لكن بحدود معقولة ...

( يمكن الرد اللي فوق يعتبر ماله معنى عند الكثير ، لكن هو واقع )

لو تشوف البنت ليش ابوها او اخوها مايبغي يروح معاها السوق
ممكن يكون اهوا من نفسه مايهتم
او ممكن يكون من البنت أو الزوجة نفسها
1- تتردد للاسواق كثيرا كثيرا كثيرا
2- ماتاخذ حاجتها بسرعة لازم تعمل 10 لفات للسوق ..!
وبالاخير تطلع بشغله او 2 وكل هذا تعب على اللي معاها

بصراحة أنا بنت أحب اشتري وأكيد أروح السوق بس مو ضاربه مسمار بالسوق
ومايعجبني أروح مع أي وحده وحتى إن كانت اختي ، إذا أنا عارفه إنها راح اتحوس وادور بالسوق وبالأخير تطلع بشغله او 2

---

2- أي بائع مايجي عند أي مرة ..!

يعني أتوقع إلي ماتعطيه وجه من أول مرة مستحيل يجيها ويهذر فوق راسها
يعني ليه إذا كلمها ماتبين له إنها مو مهتمه باللي يقوله وتصد عنه
... والله محد عزمه وقاله تعال اشرح لنا !!


مع أن في مجموعة شباب ماشاء الله يغارون على أخواتهم ويخرجون معاهن للسوق بس في كثير محتاجين أحد يأدبهم اشوي ...!!


وأخيرا لاتنسون دعاء الخروج من المنزل والسوق
وبارك الله فيك اختي سحابة خير على الموضوع المهم
ونتأسف على الإطاله

[مـشــاعل]

^
بوركتِ بصمة.
و البلا لا صار الرجل يتمشى هو و أهله بالسوق :\
أعتقد مافيها مشكلة أبدا إذا الوحدة راحت السوق مع مجموعة نساء
محترمات حالهن و عارفات حاجتهن بوقت السوق يكون فيه ناس و حركة .

[abuyazn]

المشاركة الأصلية كتبت بواسطة بصمة ضياء وأكيد أروح السوق بس مو ضاربه مسمار بالسوق

[abuyazn]

المشاركة الأصلية كتبت بواسطة ينبوعة ^ بوركتِ بصمة. و البلا لا صار الرجل يتمشى هو و أهله بالسوق :\ أعتقد مافيها مشكلة أبدا إذا الوحدة راحت السوق مع مجموعة نساء محترمات حالهن و عارفات حاجتهن بوقت السوق يكون فيه ناس و حركة .

هذا أحد الحلول الجيدة لترتاح المرأة من تذمر الرجل عند ذهابه معها للسوق ..

لكن بعض النساء لا تجد مثل هؤلاء النساء حولها لظروف معينة ..
حينها على المرأة أن تفكر في إسلوب يجعل الرجل يرافقها إلى السوق وهو مرتاح وبدون تذمر .

[♥أم معاذ و عمر♥]

بصمة ضياء ، ينبوعة
شكرا لإبداء رأيكم و صدقتم في كل كلمة ...
بعض النساء محترمات و بعضهم هم اللي يجيبون لنفسهم الشر بسبب تميعهم و تبرجهم ...

لكن ياما و ياما حريم بكامل حجابهم حتى النقاب يلبسون نقاب أفغاني الشبك اللي حتى مايبين بياض العين منه ...
لكنهم لاقوا مشاكل من العمال ...
صدقوني و الله بعض العمال تجرأو على الحريم حتى و لو هي محجبة ...

مرات يصعب جدا تواجد المحرم فتضطر المرأة تروح مع مجموعة نساء و يكونون محترمات ،،<<<< هذا مانقول عليهم شيء ...

لكن أقصد الرجال اللي متسدحين و متبطحين و زوجته أو أخته تترجاه ينزل معاها و هو ماعليه و لاهمه ،،،
هذا اللي يقهر ،،، لزملاءه فاااااااضي على الآخر لكن إن اضطرت الزوجة تنزل للسوق أو الأخت لحالها تركها في السوق و راح ....

المجموعة من النساء ماأقصدهم بكلامي ...

لكن تنزل لحالها هنا المصيبة ،،، أولا كيف يرضى محرمها ؟
أقلها تدوخ ،، تتعب لا قدر الله مافيه أحد يساعدها ...

و على ماقالت بصمة ضياء بعض النساء الله يهديهم و لا عشرين ساعة بالسوق ،،


أما تمشية السوق ،،
و الله قبل ماأروح للسوق دمعتي على خدي ،،، كارهة نفسي يوم أنزل السوق ،،،
الله لايبلانا أجل يعتبرونه تمشية ....


شكرا لكل من مر ،،
و الأكيد أن بعض النساء تكره الرجال بنزول السوق من كثر لفها و دوارنها و حوستها ...

الله يهدي الجميع

[طير حوران]

حلاة السوق ساعه ساعتين ثلاث بالكثير

لكن انا اهلي غالبا يقعدون 8 ساعات تشوفهم يتجهزون من الظهر ونطلع العصر وما نرجع الا الساعه 11 فليل

الي يقهر يشوفون المحلات كلها واخر شي يقولون ماعجبنا شي @@


انا قايل لاهلي تبون اوديكم اي مكان بوديكم اما السوق والله لو كل وحده تقط 500 ريال يمكن اوديكم


المشكلة هم مايحسون يفرون فر لا اله الا الله وانت تحبي عشان تلاحق وراهم

[ريلام]

وعليكم السلام ورحمة الله وبركاته ..


إن المرأة حفظت كرامتها ولا أهانت نفسها وأقامت حق الله وحق من يعولها فإن الله كفيل بحفظها ,
وأنا مثلكن أذهب للأسواق وأرى من مشاهد الفتيات - هداهن الله - تجبر الباعة لإمتهانها , والجرأة عليها , وخلوة المرأة بالأسواق أو حتى رفقتها لمن ليسوا أهلا للذود عنها كفيل بأن يضعها في مثل هذه المواقف,
وأعود لأقول إن المرأة خافت الله في نفسها وراعت أنها تعامل رجلاً غريباً عنها فإن أُريد بها سوء حماها الله وأبعده عنها وإن قُدر ووقعت فيه فإن الله سيوفقها للخروج منه وكأنه شيء لم يكن ..

ومع هذا لا نغفل جانب أولياء الأمور في حفظ رعيتهم واحاطتهم بكل شي , فبعضهم -هداه الله- لا يعلم أنهم خرجوا للسوق أصلا , فكيف به ملاحظتهن حال الخروج وبأي حال خرجن , أم كيف به مرافقتهن ..

والمجتمع لا يخلو من الخير ومن الرجال الغيورين ..

وفقك الله ..

[بصمة ضياء]

المشاركة الأصلية كتبت بواسطة ينبوعة ^ بوركتِ بصمة. و البلا لا صار الرجل يتمشى هو و أهله بالسوق :\ أعتقد مافيها مشكلة أبدا إذا الوحدة راحت السوق مع مجموعة نساء محترمات حالهن و عارفات حاجتهن بوقت السوق يكون فيه ناس و حركة .

اتصدقين أن اغلب اللي بالسوق حدث ولاحرج ..!
والله حتى احيانا كثيرة المحترمات انفسهن يغرقون أمام بحر المتبرجات اللي مايخفن الله

[بصمة ضياء]

المشاركة الأصلية كتبت بواسطة أبويـزن حينها على المرأة أن تفكر في إسلوب يجعل الرجل يرافقها إلى السوق وهو مرتاح وبدون تذمر .

الأمر سهل إذا كانت تعرف ماتحتاجه قبل ذهابها
وتختار وقت مناسب لذلك. مهب وقت الشغل والزحمة
واتوقع لو راحت مع امها أو إمرأة كبيرة راح تسلم من كل شر

[غمام]

هذا الكلام ينطبق على أول , لكن الحين لأ !
الحين السوق كله حريم وما علينا إلا العافية ..
دام الوحدة عبايتها كويسة و محترمة نفسها محد يتجرأ يسوي لها شي
-
أصلاً لو بيدخل السوق معي رجال ما عرفت أشتري شي لأنه بيزهق من الدوران :/
يعني لا أنا بأرتاح ولا أخوي بيرتاح فـ ليه كل واحد يغصب نفسه :d !
أروح مع أمي و يالله من فضلك أدخل وأنا مروقة محد يقول خلصي ما خلصتي ><"

[بصمة ضياء]

المشاركة الأصلية كتبت بواسطة •• سحآبة خِير •• لكن أقصد الرجال اللي متسدحين و متبطحين و زوجته أو أخته تترجاه ينزل معاها و هو ماعليه و لاهمه ،،، هذا اللي يقهر ،،، لزملاءه فاااااااضي على الآخر لكن إن اضطرت الزوجة تنزل للسوق أو الأخت لحالها تركها في السوق و راح ....

ماشاء الله من هالنوع كثييير ، ومليانين الدنيا!
بس صراحة ارحم زوجاتهم واخواتهم وبناتهم .. يعني والله قهر.. ..!
هالنوع صراحة محتاجين من يأدبهم !
واتوقع إنهم مايتأدبون إلا إذا صار شي لأخواتهم أوبناتهم ..
( الله المستعان )

[abuyazn]

المشاركة الأصلية كتبت بواسطة بصمة ضياء ماشاء الله من هالنوع كثييير ، ومليانين الدنيا! بس صراحة ارحم زوجاتهم واخواتهم وبناتهم .. يعني والله قهر.. ..! هالنوع صراحة محتاجين من يأدبهم ! واتوقع إنهم مايتأدبون إلا إذا صار شي لأخواتهم أوبناتهم .. ( الله المستعان )

أنا اشوف اللي مثل هؤلاء الرجال .. قلة ..
أقصد اللي يتعمدون ترك أهلهم في السوق لوحدهم بدون سبب وجيه ..
أو لأسباب تافهه مثل الطلعة مع الأصدقاء ..

بس هناك فئة من الرجل يتركون أهلهم بالسوق وداخلهم غير راضي ..
والأسباب ..
طول فترة التسوق مما يشعره بالملل الشديد ..
تواجهدهم في مكان ( السوق ) يكثر فيه النساء غير مريح بالنسبة لهم ..

أعتقد هؤلاء من الظلم أن ننظر لهم بنفس النظرة التي أشرتم لها ..

هنا يجب على النساء أن يراعو وضعهم ويحاولوا ينسقوا طلعة السوق بشكل يجعل تواجهدهم بالسوق لفترة قصيرة قدر الإمكان .

[بصمة ضياء]

المشاركة الأصلية كتبت بواسطة أبويـزن أنا اشوف اللي مثل هؤلاء الرجال .. قلة .. أقصد اللي يتعمدون ترك أهلهم في السوق لوحدهم بدون سبب وجيه .. أو لأسباب تافهه مثل الطلعة مع الأصدقاء .. بس هناك فئة من الرجل يتركون أهلهم بالسوق وداخلهم غير راضي .. والأسباب .. طول فترة التسوق مما يشعره بالملل الشديد .. تواجهدهم في مكان ( السوق ) يكثر فيه النساء غير مريح بالنسبة لهم .. أعتقد هؤلاء من الظلم أن ننظر لهم بنفس النظرة التي أشرتم لها .. هنا يجب على النساء أن يراعو وضعهم ويحاولوا ينسقوا طلعة السوق بشكل يجعل تواجهدهم بالسوق لفترة قصيرة قدر الإمكان .

أنا أوافقك أخي الفاضل أبو يزن وبقوة
ولو راجعت ردودي راح اتشوف أنه مشابه تقريبا لما تقول

لكن فعلا نسمع عن أناس كثيرة تقول ولدنا فلان موفاضي لنا أو زوجي فلان موفاضي لي ..!
لكن حقيقة من ظمن أسباب عدم الموافقه في الخروج معها في نظري أنها تجلس لساعات طويلة في السوق ومايزعج في الموضوع كذلك إذا كانت تسأله عن رأيه في الشغله الفلانية عشرين مرة وبالأخير تقول خلاص ماابيها !!!

[♥أم معاذ و عمر♥]

^
أكيد ،،
لكن مرات يكون عذر الرجل المنكر اللي يشوفه في السوق ...
طيب المرأة إذا ذهبت لوحدها أليست تتعرض أيضا لمنكر و فساد ،، و بعض الشباب ،،،
فلو كان التنازل من الرجل و المرأة لكان أفضل ...
فمثلا الرجل يتنازل و يذهب بأهله ...
و المرأة كذلك تتنازل عن الساعات الكثيرة اللي تقضيها بالسوق ،،
و الأفضل تكتب في ورقة حاجياتها و تصير عارفة الأماكن اللي تقصدها ..
بكذا يرتاح الرجل و ترتاح المرأة .... و خصوصا المرأة التي لاتحب الذهاب للسوق بدون محرم رجل






بالنسبة لبعض من رد ،،، فيه حريم يحبون ينزلون لحالهم بدون رجال و هذولا بكيفهم و على راحتهم مانقول شيء ...
لكن المرأة اللي تترجى و تتطلب المحرم أنه ينزل معاها ...
أتمنى يكون وضح الأمر ...

بالإضافة إلى أنه كثير من رجالنا مافي أحسن منهم نسأل الله أن يبارك فيهم و يكثر من أمثالهم ...

[خـــلود]

. شيء خارج الموضوع ، لكن دايم افكر فيه !

شلون قدرت الشركات الأجنبية تجبرنا على شراء بضاعتها
و متى ما رفعت سعرها و خفضته طعناها !!!!
سواء يناسب مجتمعنا و ديننا او ما يناسب !

و كيف قدرت تخلي بضاعتها بالنسبة لنا اساس من اساسيات الحياة
مع انها اساساً تعتبر من الكماليات !!

من جد كل ما رحت السوق يصير كل تفكيري هذا
شلون قدروا يجبرون الناس على بضاعتهم !!

دايما افكر وش الشيء اللي سووه !! .

[إبداع ريشه]

وعليكم السلام ورحمة الله وبركاته
اول ماشفت الموضوع لم أفهم المراد فحينما دخلت عرفت بأن المراد من تلاحق>>ألحق عليها..
................

بالنسبة لي
السوق كان عندي قسمين :
في السابق في ايام الدراسه كنت اذهب له في الخميس و الجمعه لكن اوقات مبكره بحسب الظروف..
مثلا في فصل الصيف اذهب من عصر رب العالمين و هنا يكون قليل التواجد للفئة الغير طيبه( شباب متسكع او تبرج ملفت)..
وكذالك بالنسبة للشتاء..
اما حينما انهيت الدراسه فتغيرت الظروف..أصبحت اذهب في ايام الأسبوع و ايام الأمتحانات فأجد السوق مناسبا لي..
.......................
أما من يقول ربع ساعه وانتهي من التسوق..فهذا مستحيل بالنسبة ..
والدي سلمه الله علمنا ان نعرف هل القطعه التي اريدها مناسب سعرها لها وا لا..وهذا لا يأتي
إلا بعد فرفره من محل إلى محل..
.. طبعا ذهابنا للسوق غالبا يكون بصحبة الوالدين و في أحايين قليله بصحبة الوالده فقط او اختي الكبرى..
والحجاب مهم جدا جدا في إيقاف الغير متربين عند حدهم..
....................
ومن يلاحق الوحده من محل إلى محل او في المحل نفسه يشاركها في اختيار القطعه
فالأفضل هو الصراحه>> لو سمحت خلنا لوحدنا..طبعا تكون بصوت عادي و بكل صراحه..
.................
فالمحصله
أختيار الوقت و المكان مهم جدا في البعد عن مثل تلك الأمور..
والإحترام موجود مادام هناك أمرأة تمشي بكامل الحجاب الشرعي الصحيح و ليس الحجاب المعاصر..
.............
سحابه ..شكرا لك لهذا الموضوع..

[مراكب العزم]

المشاركة الأصلية كتبت بواسطة الأمجاد ، . شيء خارج الموضوع ، لكن دايم افكر فيه ! شلون قدرت الشركات الأجنبية تجبرنا على شراء بضاعتها و متى ما رفعت سعرها و خفضته طعناها !!!! سواء يناسب مجتمعنا و ديننا او ما يناسب ! و كيف قدرت تخلي بضاعتها بالنسبة لنا اساس من اساسيات الحياة مع انها اساساً تعتبر من الكماليات !! من جد كل ما رحت السوق يصير كل تفكيري هذا شلون قدروا يجبرون الناس على بضاعتهم !! دايما افكر وش الشيء اللي سووه !! .

الأنهم سوقوا علية في وسائل الأعلام بطريقة عجيبة !!!

تلقين البنت نازلة السوق تبي زي لبس المذيعة والممثلة .... بدون تفكير من قائم بصناعتها أو بالأصح

وش حكمها ؟ الدعوى تقليد في تقليد...

وبرضوا عزيزتي مافية بديل أحيانا لمنتجاتهم...

لي عودة بإذن المولى لقرأت الموضوع جيدا ...