أختك أو زوجتك تلاحق .....

[بسمة الفجر]

البنت إذا ذهبت إلى السوق وهي متسترة كما ينبغي ومحتشمة في كلامها وتعاملها مع البائع فإن أول من يهابها البائع نفسه وإني أرى البائع حين يرى الفتاة كما ذكرت فإنه والله (عن تجربة) يضع باقي الفلوس على الطاولة ولا يجرؤ أن يمدها مباشرة للبنت احتراما لها

ومن الضروري جدا أن يرافق الفتاة مرافق أخ ولو كان صغير أو أم أو أخت أو صديقة صالحة .

بارك الله فيك أختي الكريمة على موضوعك الحيوي

[إبـحار]

ما يبي لها شي ..
اللي يقول لك هذا يناسبك و هذا مقاسك ..
قولي له أنا أعرَف .. و ما أحتاج رايك .. و تكفي : )
ما أِشوفها مزعجة لهالحد لأنه البعض يعطيهم وجه ..

صراحة الله يجزاهم خير الرجال اللي ما يضايقون
بزحمة الأسواق و خصوصاً وقت الزحمة و هالأشياء غالباً ما تصير بوقت
زحمة ..

مجرد رأي شخصي : )

لكن انا اهلي غالبا يقعدون 8 ساعات

يآآلله ! 8 ساعات ..
ماشاء الله عليهم .. ياصبرهم !
ما قد جربت أكثر من 4 ساعات .. هذا آخر حد ممكن أتخيله

[أطياف الذكريات]

حقيقة انا ماأحب أروح للسوق أبدا:/
وإذا رحت ماأحب يكون معنا رجال بصراحه يربكونا وليه تشترين هذا وليه تاخذين هذا....
أنا طبعا مستحييل أروح لحالي إذا رحت مع أمي وخواتي أريح لنا : )
لكن اللي ماعندها غيرأخوها أو أبوهاأو زوجها ورافض فهنا المشكله: (

[قَطْر الندى ؛]

أكثر شيء يعقدني محلات المكياج و العطور ,,

أنواع العذاب ()

حسبي الله و نعم الوكيل ,,
أنا ما عندي محارم يرافقوني للسوق اروح مع امي و خواتي و الحافظ الله ,,
بمحلات المكياج نجرب على اختي الصغينونه >> بس المشكله إذا كبرت
و العطور الشكوى لله نآخذه بالاسماء بمشورة صديقاتي و يا تصيب يا تخيب :/

اللي يحددون جنسيه معينه يقولون تجنبوها على أي أساس ترى أنا ما عندي خبره كثير بهالأشكال :/

[مُستنيرة ~]

 اماااا انا ومحرم بسووق!!!!
مسستحييل ما نجتمع:/
انواع العذاب النفسي
ولله المنه اخواني مايحبون الاسواق 
واصلا مو فاضين لنا الكبير بس هو اللي نخبره ترى بنروح لكيت وكيت
ويعيد اسطوانته المعروفه"غطو عيونكم وقضوا لازمكم بسرعه وترى ما فيه ترجيع"
على طاريه اذكر من زماان ايام ماكنت الله بالخير كان اخوي ناشب بحلقي الله يجزاه خير خصوصا عند السوق
المهم مره قدر الله وراح سواقنا()
فضطرينا نروح معه هو واهله لما نزلنا نزل معنا انا جتني الصيحه()
قال غدا اجمل ذذ واختي اللي اكبر مني تعالو معي والباقين يدبرون عمارهم
وبدينا نتسوق اول محلين دخل معنا ثم صار يستنى برى المحل ثم صار يكلم ثم صار يسبقنا واحنا نلحقه ذذ
بصراحه ماحرصنا انا ندور كويس عشان نخليه يحرم يمشي قدام السوق ذذ
وفعلا وصلنا نص السوق ماشرينا ولا قطعه عاد عصصب الحين ليش ماتشترون قلت بكل برود مالقينا شي مناسب!
اتششت معه قعدنا تقريبا4ساعات ما طلعنا اللا ببدي!
اول ماركبنا عطانا محاضره إلى اليوم وانا اهذري بها!!
(صحيح انها ذكرى مأساويه بالنسبه لي ذذ لكن يكفي اني طلعت بفائدة وحده انفعتني إلى يومكم
وحتى قلّت بواااااجد روحتي لسوق ،،
اللي هي اذا لقيتي شي اعجبك ولو كان غالي خذييه وحركة يمكن القى احسن منه انسيها 
وكمانا اي شي تشوفينه من اول مره واعجبك ويوم تمقلتيه زين ترددتي اشتريه وانتي ماتشوفين الجاده<<تكرنت ذذ
واهم حاجه تخيلو ان عبد الله يستناكم برى هذا وجهي ان ما شريتو المحلات بكبرها ذذ<<متعقده من اخيها ذذ
اي وبس واذا ذكرت شي جيت وسدحته<<الله يعينكم بتفرش مرقدها فيذا
وعذرا على الاطاله ياحلوين


أضيفت عن طريق ma3aliMobile

[العاصف]

الموضوع محزن .. وأسفي على الرجال اللي يحطون حريمهم بالسوق ويخلونهن يسرحن ويمرحن على كيفهن .
ولا يضر ساعة أو ساعتين تروح مع أمك زوجتك .

[خـــلود]

.

المشاركة الأصلية كتبت بواسطة مراكب العزم بجد سؤالك يبيله تفكير ... أذا لقيت إجابة خبرتك... سؤال بالله عليك ما قد شفتي بنت تقلد شخصية إعلامية أين كانت؟؟؟ أنا ما أتكلم عن الفتيات الراقيات في التفكير أمثالك... لا حبيبتي شفنا هالأيام بنات تدخل المشغل وتقول أبي قصةوصبغة المذيعة ... وهي قزع يعني حرام وش تسمين هذا !!!و(إنتي بكرامة) حتى جزمتها قلدوه وآخر صيحاته التاتو (الوشم) وللآسف فيه بنات كبار بالجامعة قلدوها وإحنا نعرف أيش حكمه أتوقع قصدي واضح من أقصد... عذرا لصاحبة الموضوع نقاش خارج الموضوع

لا ، هو ما نقلد الممثلة خربوطة بشكل مباشر
بس يعني فلانة سوته ، و صارت موضة

و عاد ياويلك ما تقليدنهم !!!

طبعا ، انا احط الي احب و إلي ابغى
و ماعلي من الموضة ، لو عجبتني حطيتها
لكن لو ما عجبتني مسستحيل احطها

اما وشم و القصات الغريبة ، الحمد الله ما عندنا احد يسويها
و جعلنا ما نشوفها ان شاء الله ~ .

[خـــلود]

. ندى ، على يديكِ ~ .

[الحالمة بغد مشرق]

من وقت نزول هذا الموضوع و أنا أريد أن أكتب رأيي ,
لكن لم تتيسر الظروف !
فعذرا لرفعه ..
في البداية رأيي هو وجهة نظر شخصية لا ألزم أحد بها ..
أرى أن وجود المحرم مع المرأة في السوق ليس له أي داعي أبدا
خصوصا إذا كان وقت موسم و السوق ثلاثة أرباعه - إن لم يكن بأكمله -
نساء فوجود الرجل في مثل هذا الوضع لا داعي له , في أحيان كثيرة
عندما أذهب للسوق أجد المحل مليء بالنساء و هناااك في وسطهن رجل يتلفت يمين و شمال
ينظر إلى هذه و إلى هذه و الإمرأة التي معه في عالم آخر .
غير أننا إذا أتينا للشرع نجد أنه لم يشترط لخروج المرأة من منزلها وجود محرم
معها , اشترطه فقط في مواضع معينة كالحج و العمرة و السفر و ما إلى ذلك ,
الشرع لم يلزمنا بالمحرم لأنه أعلم بالأصلح لنا ثم يأتي البعض هنا
و يجعل وجود المحرم كأنه واجب و يستنكر مِن مَن تخرج إلى السوق بدونه !!!
على مايبدو أن البعض إن أعتاد على أمر ووجده واجب و من ثم حديثه
يكون على هذا الأساس ..!
أتمنى أن يكون هناك فصل بين العادات و أن المرأة لاتخرج للسوق إلا بمحرم - طبعا
عند من قال بذلك - و بين ما أباحه الشرع و لم يأمر به .

جزيتِ خيرا موضوع جميل ()

[OFF]

المشاركة الأصلية كتبت بواسطة خـــلود . شيء خارج الموضوع ، لكن دايم افكر فيه ! شلون قدرت الشركات الأجنبية تجبرنا على شراء بضاعتها و متى ما رفعت سعرها و خفضته طعناها !!!! سواء يناسب مجتمعنا و ديننا او ما يناسب ! من جد كل ما رحت السوق يصير كل تفكيري هذا شلون قدروا يجبرون الناس على بضاعتهم !! دايما افكر وش الشيء اللي سووه !! .

اللي سووه ياحلوه .. هي تصاميمهم الحلوه والمميزة وأفكارهم المبتكرة !
أختلف معك بأنه يهمني ديني .. ولايهمني مجتمعي !

[[ هتيف ]]

لالا ما ايد يروح معنا ابوي او اخوي بصراحه ماعرف اشتري خااصه اخوي بسرعه يطلعنا ماخلصنا
وابوي انا اقوله خلصنا ويصير باقي اغراض ماقضيناها عشان مايتعب ياعمري وش ذنبه اكسر رجوله بالدوران
بعدين يعصبون خواتي

عشآآن كذا صرنا نفضل السوق بدونهم
والحمدلله مانكلم البائع ولاكلمه لان الاسعار مكتوبه خلاص بس ناخذ ونحاسب
واذا جا بائع يشرح لنا عن بضاعه او شي نهج عنه ونروح الجهه الثانية او نطلع من المحل
واخواتي اخليهم يسكرون النقاب ويلبسون شراب

مشكورة على الموضوع
وتقبلي رأيي

[al-bir]

يعني أتوقع إلي ماتعطيه وجه من أول مرة مستحيل يجيها ويهذر فوق راسها يعني ليه إذا كلمها ماتبين له إنها مو مهتمه باللي يقوله وتصد عنه ... والله محد عزمه وقاله تعال اشرح لنا !!

والله انهم نششششب ! تقل مغرزين عند رجولك وراسك !

حتى بعض الاحيان نحتد اننا نزبد له نقوله خلاص مانبي شكرا ونصد عنه وينشب ><"

أما عن سالفة الاخوان اولًا دخولهم للسوق شي شين حتى هم من نفسهم يقولون لاتكسبون أثم فينا

لأن الصراحه اسواقنا الحرمه تنفتن فيها شلون الرجال !

الحرمه تحتشم ويصير معها اما ولد عمره متوسط لاهو طفل ولا كبير و لا تاخذ معها حرمه ثانيه وتاخذ غرضها وتطلع

والله يهدي شباب ونساء المسلمين .

[al-bir]