مواقف ..مضحكة...وحتما مزعجة

[بسمة الفجر]

بعيدا عن المواضيع الجادة وفي محاولة لرسم البسمة على الشفاه مع ما يتخللها من فائدة بإذن الله أبد أ

كلامي حول قصة أخت صديقتي والتي تبلغ الآن عامها السادس عشر ..كانت منذ صغرها مولعة بالمقالب

تطبقها على من حولها فمثلا تمد رجلها ليسقط الماشي وتضحك ويضحك أهلها ومرة بدلت كتب أخيها

بكتبها ويتفاجأ في المدرسة ويضحك عليه الزملاء ...وحين يخبر أهله يضحكون على تصرفها وتقول الأم (الله يقطع ابليسك ) والولد مقهور ومن هنا بدأ الغلط المفترض يفرق

الأهل بين المزح الثقيل المؤذي وبين المرح ...وحين رأت البنت سكوت أهلها على تصرفاتها تمادت إلى ماهو أكبر

في إحدى المرات كان والدها ذاهبا لصلاة الفجر فاختبأت وراء باب غرفته وحين دخل قفزت على ظهره

وأمسكت رقبته ففزع فزعا شديدا (يحسيها حرامي) فأمسك بها ورمى بها على الارض فأصيبت بشدة...

وفي إ حدى المرات حبست القطة في درج مكتب أخيها وحين فتح الدرج قفزت القطة في وجهه مذعورة

ومن يومها هجر غرفته وماعاد ينام فيها

وفي موقف آخركانت أختها المعلمة والدة وحين حضرت زميلاتها لزيارتها وكانت أختها أحضرت صبابة لصب

القهوة والتقديم للضيفات العزيزات .... طلبت البنت من الصبابة أن تبادلها بملابسها ولبست ملابس الصبابة ووضعت

مكياج ثقيل ولبست شيلة ودخلت تصب القهوة وطارت عيون أختها ولم تقدر تتكلم والمشكلة إن البنت ما

تعرف تصب و تفشلت الأخت أمام زميلاتها ...... وبعد ذهاب الضيوف حبست الأخت الوالدة أختها في غرفتها

وقفلت عليها ....وبعد مضي ساعة تقريبا وحين لم يسمعوا للبنت صوت فتحت الأم الباب وبحثوا عن البنت

ولكن لم يجدوها في الغرفة وصاحت الأم تنادي واجتمع كل من في البيت ينقبون في الغرفة ولكن لم يجدوا

أحدا وأخذت الأخت تبكي وتقول نبلغ الشرطةوبن راحت !!! أو يمكن خطفها الجن (بسم الله ) وفجأة حين رفع الأب بصره وجد

ابنته فوق الدولاب متربعة تضحك على أختها

نستفيد من المواقف ( وليعذرني أخي الكريم سوار الحرف ) اقتبست فكرته الرائعة

أنه يجب على الوالدين تعليم أولادهما أن هناك حدود للعب والمزح يجب عدم تخطيها

وأن من المزح الثقيل ما يورد المهالك لذا يجب علينا قبل أي تصرف أن ندرس عواقبه

وأن حريتنا تنتهي حين تبدأ حرية الآخرين فلا نتعرض لأحد بالإيذاء سواء بالكلام أو الفعل حتى لو كان أقرب قريب

هذا وأتمنى ألا أكون أثقلت وأطلت عليكم

[هـوآ الفجر]

جزااك الله خير اختي الغالية عالطرح .. حديث واقعي وذو شجن الصراحة : )

أخوي في خامس ابتدائي .. ماشاءالله ..عليه تنصل من المواقف بشكل يضحك : /

كثير الشغب الله يصلحه وماعليه من أي أي أحد ...

أذكر مره مادري اش كان مسوي المهم اني جالسه أهاوشه , وفي عز عز الكلام ..

يلهمه الله التبلد ليجتث أعصابي ويقول ( وليه مافي نعووول ؟! ) ويفقعها ضحك و ركضضضض !!

ويتركني من وراه أضحك والأعصااب ميته حاله مستعصية هذا

( وليه مافي نعول = >مقطع كد طاح فيه , كان فيه هالنص )


,

ومره على الفطور في رمضان كان أخوي في المتوسط يناقش في موضوع وبشددة ..

يلتفلت له الموقر الي أصغر منه صاحب الشغب يقول : والله حدفنك هنا والله حدفنك !
< يقلد نص بمسلسل دموع التماسيح بالمجد

[وآنـا أخت راشد]

.

يالله .. هالبنت راعية مقالب على مستوى .. !
شلون عندها قلب تسوي هالمقالب !
انا حتى المقلب البسيط ضميري يأنبني وقلبي مايطاوعني
طبعاً هي صغيره وماتحس في قيمة المقلب ..!
بس آحسها مسويه جو في البيت من شطانتها .. الله يحفظها

مثل ماقلتي المفروض والدينها يضعون حد لهذه الصغيره
ترى الطبع هذا يكبر معاها ويضرها
فـ من الآن اهلها يحاولون يفهمون بنتهم ان " مقالب مافيه ، مزح ثقيل مافيه "
>> طبعاً بأسلوب طيب ويفهمونا مدى خطورة هذه المقالب .

شاكره لج آختي بسمة الفجر
موضوع مميز

[حلمـ لمـ يكتملـ]

وووين أنالوعندناوحده بالبيت كِذا كان ذبحتهامِن زمااان..!!

[مُستنيرة ~]

ههههههههههههههههههه
مسسسكته هالبنت ! تكفين ابغى رقمها ذذ
مقالبها مؤلمه في وقتها بس !! لكن بعدين توسع الصدر !
شسمه ..

اذكر مرّه كنت نايمه عند اخوي وعنده بنت باارده ومتنحه فالواحد ما يشك ان وراها شيء !
المهم بعد ما صليت الفجر جلست شوي على السجاده اقرأ قرآن والغرفه هدووووء وانا داخله جوّ بقووة
ما حسيت الا بيد على خصري وصوت بوو بااارده ماتروع لكن اللي روعتني مسكتها جعله مهوبه ..!
ثم رااحت ررركض تعلم البنااات هبببلتها وهي تضحك !
وانا افرررك من القهر مقدر اهزأها خانقتني العبرره ولا اقدر اجلدها حشمتن لأخيي ..!
والله إلى يوومك كل ما ذكرتها ودي اني فازعتن لعمري بلا اخو بلا هم
<<مشكله اذا احد عرف بنقطة ضعفك تحسين ماعاد لك حييله بهالكون! لاعاد وصار بزر!! يالله من فضلك

[بسمة الفجر]

الأخت الغالية هوآ الفجر أشكر لك مرورك العاطر وحفظ الله أخيك فمواقفه طريفة وخفيفة ليس بها ضرر بل تهديء الغضب

جزاك الرحمن الجنة والرضوان

[.: الإمبراطورة :.]

قسسم هآلبنت رهيييبه مت ضحك على موقف الصبابه وموقف فوق الدولاب ههههههههههه
تدرين وش المشكلة ان أهلها مايردون لها المقالب المفروض يعطونها اشكل خلها تحرم تسوي فيهم شيء ~
بس مع كذا اعجبببتي مسوية جو بآلبيت ليتهآ عندي تعاوني بأختي دايم اوقات مقالبهآ غلط مثلا أكون طالعة من الحمام (اكرمكم الله) الا ذي بوجهي بووووه وأنا تقولين شابكيني 220 ~
ما أقول الا اللهم سلم سلم
عوااافي بسمه عآلموضوع جنآاآن ؛؛


أضيفت عن طريق ma3aliMobile

[ثنايا عجوز]

خخخخ والله خطيره معنااااتي اكره المقالب الي كذا

[بسمة الفجر]

الأخت الفاضلة العنابية صحيح أن المقالب توسع الصدر ولكن المشكلة لما تكون فيها خطر أو تسبب مشاكل

شرفني مرورك ياغالية واثابك الله جنته ورضوانه

[بسمة الفجر]

الأخت الكريمة حلمـ لمـ يكتملـ

شرفني مرورك الكريم وحماك الله من المقالب المزعجة

[بسمة الفجر]

الاخت الكريمة غداَ أجمل

فعلا موقف مزعج ودائما المواقف إلي فيها تخويف تثير الأعصاب وأحسن مافي الموضوع إنك مسكت أعصابك وفوتيها

أثابك الله ياأخية جنته ورضوانه

[بائعةالريحان]

.

الأبتسامة جميلة إذا كانت بالمواقف ..

*إحدى الصديقات حاولت تعمل مقلب في زوجها فعندما طلبها عمل كاسة شاي أتت بكأس فارغ وجاءت مسرعة تسوي إنه مليان وحار وتقول أمسك أمسك وتطيحه من يدها عليه ! وهو ع باله إنه مليان ويقوم بقوة وبقفزة من مكانه بغى يضرب السقف يوم شافه فاضي لفها بكف محترم ...

*تخيلي أنكِ قد أزهقتِ نفسك بالشرح الطويل في الحصة وانتهى الدرس ثم تقوم أحد الطالبات لتقول لكِ أستاذة وش تدرسينا ؟؟؟

*وتخيلي أنك في وسط الشرح ووسط الحصة وفي وخضم التعب وصوتك تعبان من تسكيتهم وفي أثناء واستنتاج واستجواب معهن فتقوم إحداهن لتٍسألك أستاذة ممكن سؤال : إنت قلت لنا وش اسمك ؟؟

أدام الله علينا وعليكم الأبتسامة

[&حنان الروح&]

المشاركة الأصلية كتبت بواسطة بائعةالريحان . *تخيلي أنكِ قد أزهقتِ نفسك بالشرح الطويل في الحصة وانتهى الدرس ثم تقوم أحد الطالبات لتقول لكِ أستاذة وش تدرسينا ؟؟؟ *وتخيلي أنك في وسط الشرح ووسط الحصة وفي وخضم التعب وصوتك تعبان من تسكيتهم وفي أثناء واستنتاج واستجواب معهن فتقوم إحداهن لتٍسألك أستاذة ممكن سؤال : إنت قلت لنا وش اسمك ؟؟

خخخخخخخخخخخ شكلك مدرسه وعاانيتي من هالاشكاال

[بسمة الفجر]

الأخت الغالية الأمبراطورة أسعدني مرورك وتعليقك الظريف وأتوقع مقالب أختك حلوة على الأقل مافيها خطر

أسعدك الله وبارك فيك

[ينابيع الوفاء]

روووعة هالبنت بسم الله عليها
الله يحفظها وه بث

[ياليل الصب]

الله يهديها ويصلحها..

مثلها يعطون جو في البيت ويحركونه..

لكن..مو لهالدرجه من المواقف لو تخف شووي بس يكون أحسن

[بسمة الفجر]

الأخت الكريمة ثنايا عجوز شرفني مرورك العاطر وحياك الله ووفقك

[تعثرت خجلا]

بالعكس وش زينها ..
أحب أصلح بإخوأني مقالب ،
بس أحد يسويلي مقلب ، لااا ماحب ؛ لأني خوافة !

"
بس والله هالبنت فاكهة البيت ، والدليل إن أمها تضحك على حركاتها ومستانسة عليها ()

[zezo7]

ههههههههه

والله هـ البنت يبيلها وآحد يعلمها شلون تمززح ..
اجل مسويه حركه في البيت ..
كل يوم طآلعتلهم بشي ..

الله يصبرهم عليها ..

شكراً بسمة الفجر ع الموضوع ~

[الصقر الفضي]

انا احب اسوي زيها مقالب بـ الناس
لاكن ما احب احد يسوي بي مقالب