اذا تشابكت الخطوط...110_220..ماذا يحدث...؟؟!!

[قَطْر الندى ؛]

موضوع رائع
و موضوع حسااس جدا
أنا بصراحه " قبيلية " لكن بصراحه تعاملاتي مع الناس ما اسأل فيها عن أصل الانسان
و يا ما مر علي 110 أخلاقهم أرقى و أوفى بوعودهم من 110

إن أكرمكم عند الله أتقاكم

رغم أنني ما أنكر وجود التفكير السقيم في من هم حولي - هداهم الله - ..!!

[سامية الروح]

منورة يااقلبي...
اسال الله ان يثبتك..والحمدله ان فيه ناس مثلك..
وربي هالموضوع غير في تصوراتي اتلكثير..لاني توقعت الكل بيثب وجهة نظر غير الي اشوفها الحين...
مشكورة ..
تقبلي ودي

[OFF]

السعوديين حريصين على هذا .. نسب وقبيلي ومدري ايش !
والمشكلة إنهم يروحون ياخذون لي أجنبيات مايدرى وش أصله ووش فصله .. وين راح الإهتمام بالأنساب ؟!


بالعلاقات مافيه أي تفريق بيننا .. أعز صديقاتي اللي مروا علي أيام الدراسة .. كلهم 110 !
مافيه أحلى ولا أطيب منهم !
لكن بالزواج والإرتباط طبعاً يختلف !
لأن العادات تختلف والطبايع غير .. وهذا شي ماينكره أحد !

[غمام]

بالعلاقات مافيه أي تفريق بيننا .. أعز صديقاتي اللي مروا علي أيام الدراسة .. كلهم 110 ! مافيه أحلى ولا أطيب منهم ! لكن بالزواج والإرتباط طبعاً يختلف ! لأن العادات تختلف والطبايع غير .. وهذا شي ماينكره أحد !

بالضّبط (:

-

واحد من أقاربي كان يقول لبنته وهي صغيرة في سادس أو أول متوسط مين صديقاتك وبينما هي تعدد له أساميهم , قال فلانة الفلاني وش أصلهم !
تراهم مو قبايل و ما يصلح تماشين ناس كذا !

بينما أشوف أبوي بالنقيض تمامًا ما يحب إننا نسأل عن الناس وش أصلهم لأنه يتوقع إننا بنتكبر عليهم أو بتركهم

وفي المقابل واحد من أقاربي مكتبته تضم كتب أنساب العرب كلها و أيام كنّا صغار كنّا ندخل وندور عوائل معلماتنا و صديقاتنا ونشوف وش قبائلهم ..
ويا ما خلينا بعض الناس 110 لأننا ما شفنا إلا جزء واحد وكانت عائلتهم بالجزء الثاني



و يبقى التشدد بس في الزواج لكن غير لا أبدًا ..

[[ هتيف ]]

حسبت الموضوع يتعلق بالكهرب



تصدقين ماقد سألت صديقاتي عن هالموضوع ...
يعني من ناحيه الصداقه عادي اصادق الي تعجبني اخلاقها بس
اما موضوع الزواج لازم نعرف القبيله

[سامية الروح]

المشاركة الأصلية كتبت بواسطة غمام بالضّبط (: - واحد من أقاربي كان يقول لبنته وهي صغيرة في سادس أو أول متوسط مين صديقاتك وبينما هي تعدد له أساميهم , قال فلانة الفلاني وش أصلهم ! تراهم مو قبايل و ما يصلح تماشين ناس كذا ! بينما أشوف أبوي بالنقيض تمامًا ما يحب إننا نسأل عن الناس وش أصلهم لأنه يتوقع إننا بنتكبر عليهم أو بتركهم وفي المقابل واحد من أقاربي مكتبته تضم كتب أنساب العرب كلها و أيام كنّا صغار كنّا ندخل وندور عوائل معلماتنا و صديقاتنا ونشوف وش قبائلهم .. ويا ما خلينا بعض الناس 110 لأننا ما شفنا إلا جزء واحد وكانت عائلتهم بالجزء الثاني و يبقى التشدد بس في الزواج لكن غير لا أبدًا ..

يااحبيبتي كل واحد والي تربى عليه...
نا بس الي ودي اعرفه ان هالبنت الي حذرها ابوها من تماشي صديقتها...
على ايش بتنشأ....
وانتي والنعم فيكم...
منورة حبيبتي

[| الجوري |]

تشابكت على الخطوط اللحين من 110 ومن 220

[القياديه]

هذا الموضع فعلا مره حساس
انا في مقر عملي صادفت وحده بصراحه انا ما اشوف غير انها مريضه الله يعافينا
عندها صحباتها لازم يكونوا سعوديات وفي بعض القبايل عندها مخصوصين وغير كذا ما تتعرف
اكره الناس اللي كذا
احنا الحمدلله امي وابويا وحنا صغار ربونا انو كل الناس واحد
بس لما كبرنا واختلطنا مع الناس عرفنا انو فيه عنصريه قبليه غبيه جدا
جهل جهل جهل لا غير

اشكرك كثيرا

[مـشــاعل]

أمور الزواج لها وضعها الخاص و لا يمكن التساهل بها .
و المشكلة مو أنهم 110 و لا 220 , الخلل من الشخص !
و ياما 110 "نافخن خشمه" و يثيرون مثل هذه المواضيع في المجالس و بين الناس , فالعلة من _بعض_ الأشخاص .
و أختي تقول "وشلون اعرف 110 و لا 220 ! " @@

[أمنية |]

أرى من يحق لهم الفخر بنسبهم هم آل بيت النبي فقط .. و رغم ذلك أرى أغلبهم متواضعين و جدا


أضيفت عن طريق ma3aliMobile

[مونيا]

قبيلي - خضيري
حضري - بدوي
تقيسمات نازيه لم ينزل الله بها من سلطان
بل هي قمة التخلف والجاهلية وعلى غرار /اليهود شعب الله المختار
وقد وصفها رسول الله صلى الله عليه وسلم بانها منتنه حيث قال (دعوها فانها منتنه )
انها فعلا منتنه .. منتنه جدااا ..!!
لكن يبدو ان الكثيرين غير قادرين على شم نتنها !!!

[strawberry]

"

استغرب من الي مايماشون الا الي مثلهم : \ ..!
سلامات!
شخصياً مااهتم أبداً بأصل صديقاتي قد مايهمني اخلاقها ودينها وعادات اهلها..
كثيرات منهم من الـ110 ولا يعيبهم ابداً .. بالعكس لي شرف صداقتهم ()
وياما تمنيت كم وحدة منهم لأخوي
بس العادات والمجتمع يحكمنا للأسف..:"
ياهي تمر علينا مواقف نجرح فيها غيرنا وننقص من قدرهم وهم والله يسوون قبايل..دين واخلاق وعلم..

كُلي فخر بقبيلتي , ولكني لا أفخر بتعصبهم ..!



"

[متفكّر]

الموضوع أحسه .. ما يستاهل كلام واجد..

يعني عشان نتفادى الصدمات من ناحية الزواج .. كل واحد يمشي بخطّه..

فيه كم واحد من أخوياي اللي يعزّون عليّ..110 و الامر سهل..عآدي..

و لا قد افتخرت عليهم..تراي أنا 220 و أنتم تراكم 110..أبداً..


والله إني أعرف واحد موب قبيلي..إنه كريم .. و حبيب..و دايم يعزمني..إنه أطلق عندي من بعض عيال عمّي..

لكن مسألة زواج..هذي فيها ذبح عند بعض الناس..

و الطبايع تختلف..من خط لآخر..

[سامية الروح]

المشاركة الأصلية كتبت بواسطة ينبوعة و أختي تقول "وشلون اعرف 110 و لا 220 ! " @@

لازم الواحد له معرفة بالانساب..والقبايل ..
لان فيه بعض العوائل لهم نفس الاسم..لكن بينهم اختلاف كبير....ومايعرفهم اكثر شي الا الشيبان...
اخوي صار مايطيق يروح للقصيم لان الشيبان بالمسجد يستلمونه..
وش يقالكم؟؟
من جدك؟؟
ومن هالكلام...وخصوصا اننا بالحجاز مااحد له شغل بالثاني..
احمد ربي اني ساكنة فيها....
ولا كستحيل اعيش مع ناس مثل كذا

مشكورة يااقلبي..

[سامية الروح]

المشاركة الأصلية كتبت بواسطة أمنية | أرى من يحق لهم الفخر بنسبهم هم آل بيت النبي فقط .. و رغم ذلك أرى أغلبهم متواضعين و جدا أضيفت عن طريق ma3aliMobile

فعلا وانتي الصادقة..بس في بعضهم فخر وصل حد الغرور...
لانهم ماياكلون شي سويتيه...
وماخذون حتى الهديه..<<وانا شفة هالشي بعيوني..
والمشكلة ان وحدة اصلها مو سعودي بس ماخذه الجنسية..ونافخة ريشها انا من ال البيت....
<<مع اني هنا مااتكلم باصلها..لكن ليه تلبس ثوب مو ثوبها....
مشكورة على المرور..كلمات قليلة لكن جدااا رائعة
جزيتي خيرا

[مـشــاعل]

^
أتوقع أنه ال البيت مو شرط السعوديين , الجنسيات شئ جديد و دخيل .

[أسيرة الاحلام]

المشاركة الأصلية كتبت بواسطة سامية الروح فعلا وانتي الصادقة..بس في بعضهم فخر وصل حد الغرور... لانهم ماياكلون شي سويتيه... وماخذون حتى الهديه..<<وانا شفة هالشي بعيوني.. والمشكلة ان وحدة اصلها مو سعودي بس ماخذه الجنسية..ونافخة ريشها انا من ال البيت.... <<مع اني هنا مااتكلم باصلها..لكن ليه تلبس ثوب مو ثوبها.... مشكورة على المرور..كلمات قليلة لكن جدااا رائعة جزيتي خيرا

حبيبتي هذا من الدين
في الدين وأنا ما أبغى أفتي لكن مايجوز أخذ ماء السبيل والصدقات وإفطار الصائم هذي ماتجوز
لكن الهدية هذي لا شيء ثاني وشي سويتيه مع احترامي لها هذا شي غريب عاادي الواحد ياخذ الهدية وياكل بس ماياخذ الصدقات ولا الزكوات
وللمعلومية آل البيت لهم وضعهم أنا ماأقولك هذا لكن الدين يقولك هذا حتى السب مايصلح تسبينهم
لأن جدهم الرسول , ومسألة الجنسيات مو السعودين بس اللي عندهم آل البيت
فبيلة الأشراف حكموا الحجاز والعراق والأردن وسوريا وفلسطين واليمن وفترة حكموا الجزيرة لكن طااااح كل شي من بين يديهم و بقالهم إلى يومك هذا الأردن
واسمها المملكة الأردنية (((الهاشمية)))
من الهواشم آل البيت ,, يعني آل البيت مو بس في السعودية ومو بس السعوديين والخليج اللي عندهم قبايل ,, والعراق حتى عندهم عايلة اسمها الشمري قبايل ولو رحتي لشمال المملكة لقيتي لهجتهم قريبة من بدو الشام وأبشرك الأردن فيه قبايل وخرابيط نفس اللي عندنا
وآل البيت لهم أحكامهم الخاصة فيهم حتى الشخص لما يجي المجلس وهو ذا علم وواحد مثله ذا علم يقدم ابن الرسول على غيره ويوقر المجلس ويجلس في صدر المجلس
حتى المنجد قال إذا اتصل عليك واحد من آل البيت وأنت تعرف أنه انسان كويس ومارديت عليه تكسب اثم



أتوقع هذولا من حقهم يفتخرون بصراحة
جدهم الرسول لو تشوفين الشجرة حقتهم لقيتي أعلى شي مكتوب اسم النبي ,,,

أما مسألة الغرور فيهم ,, أقولك من وين لهم يتغررون من جد
تعالي شوفي مادة التاريخ اللي في مدارسنا مارفعت منهم ولاشيء بالعكس كل ماجابت سيرتهم جابتها على أنهم أعداء لآل سعود ,, بينما هم في الواقع وأقولها بصراحة يدافعون عن أرضهم وهي الحجاز
ولا بعد ماأخذوا حقوقهم من دولهم العربية لأن من الدين أن كل من آل اليبت ياخذ من يوم ينولد من أموال الدولة شهريا إلى يوم ينقبر ,, ولا فيه هذا الشي وهذا حق لكن عندنا مالهم شأن أبداً وحقوقهم ضايعة

وإلى يومك هذا ومفتاح الكعبة مع القرشيين مو مع الدولة ,, هذا اللي بقالهم من ملكهم في الحجاز
ولو قريتي التاريخ والأنساب أعرق الأنساب وأشرفها العربية هي نسبهم لأنه جداً جداً عريييق
من قبل مايجي الرسول وهم في الحجاز وهم اللي دافعوا عن الكعبة على الرغم أنهم مشركين ذاك الوقت من أبرهه ثمن لما جا النبي وتنزل منه نسل إلي هو نسله سمي فرعهم آل البيت أما الثانين اللي من نفس القبيلة يسمون بالقرشيين وهم اللي معهم مفتاح الكعبة لكنهم كلهم في النهاية أصلهم واحد وكلهم من قبيلة قريش ,,



وتبين بعد هذا كله مايفتخروون صراحة من حقهم خصوصا ان الدين هو اللي رفع شأنهم مارفعوا شأنهم من أنفسهم إلا اللهم هم أقدم قبيلة من قبل الرسول ولازال نسلهم إلى يومك هذا ,,,وهم في مقدمة القبائل العربية ورقم واحد لو رحتي وبحثتي ,, وأبشرك الأشراف في السودان وفي ليبيا وفي المغرب وفي أريتريا وفي مورتانيا وفي الجزائر تقريبا كل الدول العريبية فيها هذي القبيلة اللي هي قبيلة قريش وخصوصا آل البيت وعوائلهم معروفة للي يبي يعرف ,,,

اما من ناحية اللي ينتقص الناس ويرفع من خشمه على خلق الله مع احترامي الشديد له مريض
وأبشرك الفترة الأخيرة هذي قاموا القبايل يرفعون خشومهم فوق بعض ,,

[أمنية |]

‏^‏
يحق لهم الفخر و رفع أنوفهم على الأخرين و رفضهم الزواج من غيرهم خصوصا و أننا نقول في التشهد : اللهم صل على محمد و على آل محمد.. إلخ

[سوار الحرف]

آل البيت لهم وضع خاص ..
بشرط أن يثبت أن يكونوا من أهل البيت ..
وعلى ما أظن أنهم محصورين ومعروفين ..
ولهم بطبيعة الحال أحكام خاصة بهم لا يشاركها غيرهم ..


ونحن لا نتكلم في هذا الخصوص ..
نتكلم عن التصنيف القبلي وغير القبلي لأبناء الجزيرة .

[ياليل الصب]

!

عجيب أمر الدنيا


في مدارسنا
بالإبتدائي:أنا شاطر وانت كسلان
بالمتوسط:أنا سعودي وأنت أجنبي
بالثانوي:أنا من المدينه الفلانيه وأنت من العلانية
بقية الحياة:أنا قبيلي وأنت لا
وتستمر هذه الدنيا الدنيئة