تاء المُتكلّم ؛

[[ تعجّب ! ]]

تذكرون يوم كان عندي اختبارين بيوم خميس ؟ أطلع من اختبار وأدخل باختبار وكانن من أصعب المواد <- مالظاهر صعبة بس أذكر وقتها معصبة وأكيد بالغت متقصده عشان تدعون لي , هذا من سنة ..
قبل كم يوم جاني اتصال من وحدة إسمها بدور بس ترى ما تعرفونها <- راحت أيام الشهرة
المهم :
+ نورة عندي اختبار يوم خميس!
- واحد ؟
+ ايه ايه بس يوم خميس ..
- خلّتس بس تحسين تذكرين أيام ضحكتس علي ، تستاهلين .. صح تمنيت اختبارين بس أهم شيء تداومين يوم خميس

وقبل يومين شفت جدولي الله يذكره بالخير موكليني تبن هالجامعة صار علي اختبارين بنفس يوم الخميس
أحس إنهم متقصديني مدري وراه المشكلة المواد اللي اختبر فيها 3 بسّ ثنين بيوم واحد والثالث قبله بيوم .. والباقي مالها اختبارات يعني عملية وخلصناها

[[ تعجّب ! ]]

في هذا اليوم المبارك تخرج أخي الفاضل سعد من التمهيدي , جعله الله تخرجًا مباركًا , لي وله .. بما إني خلاص ماعاد أقومه الصبح وأخليه يلحق على الباص هو وأخته
طبعًا كـ أخر سنة لكل طالب , يعطونهم ملفاتهم وفيها أعمالهم .. أنا مالفت نظري إلّا شيء واحد !

قصة أخوي



هذي قصة يا سعد ؟
طيب ما يخالف قصة .. بس عنوانها قصة الفيل ليش ؟ وش به الفيل بالحفرة هماه كان جوده بالبيضة .. ؟
قريت القصة كم مرة , حسيت عنوانها أقرب لـ " قصة اللقافة " دام كلها ينظر وينظر


الله يسعدك بس ويخليك لنا أنت وقصصك

[[ تعجّب ! ]]

يا ربّ سهّل عليّ المذاكرة , وأعنّي عليها .. يارب
مابقى شي على بكرة

ياربيييه ليه أنا باردة ليه توه يضيق صدري :/
دعواتكم < ما جت الا تبي هالدعوات


تعديل :
هالحين يوم تدقين ولا ارد وترسلين ومزعجتني : بي خرشه ابيها تطلع ., وأكلمتس ولا طلعت .. وشوله داقة
مرة تكلميني وأنتِ مكتومة من الفرحة , أخبر الناس ينكتمون ضيقة صدر مير أنتِ عكس الناس
أقول وصّي اللي أنتِ خابرة قولي إن خويتي أحسن منّي وأدقّ بعد واسمها نورة .. عشان يبارك بتس ربي ويرزقتس من حيث لا تحتسبين وتصيرين دكتورة أد الدنيا
عاد الجد مرررة فرحت حسيت إنها أنا بشريني لا لقيتِ رمز لموضوعتس بس < ناس يدورون عناويين وناس يدورون رموز الحمدلله والشكر

< أقول بس هالحين عليها بكرة مادتين , وترد هي وخشتها

[[ تعجّب ! ]]

قبل فترة وطالعة نتايجي وكويس الحمدلله , إلّا مادة وحدة ما طلعت وكل يوم أبي يقول طلعت النتيجة وأقول لا , توها ..
من وطت رجلي الجامعة وأنا أكره أبوي يسألني عنها لأنها مهيب ذاك الزود ذذ
الدرجات كلها هالترم مرة حلوة وأنا مستغربة خلقه , الحظ نازل علي من بداية هالترم مع إني منب أدرس ولا داومت صح من بداية الترم لأخر يوم بالإختبارات وأنا ماش ولا ادخل منتديات ولا يهمن شيء , فجآة الدرجات حلوة , طيب وشلون

يالله بقى مادة , والمادة ذي اختبرتها اخر يوم لي , وكانت شينة الصراحة .. وطلعت الدرجة الصباح , كويس طلعت لي جيد مرتفع .. يعني مهنا رسوب ومافيه مقبول

بس أبوي ما سألني عنها
أحتريه يسأل ههههههههه ويازيني وأنا أتغلى , ومستانسة بالدرجة ومالت علي وعلى كبريائي ههههههههه ودي مرة الاحقة بالمعدلات بس ماش فيه شيء يقول خليه يسأل أول وأركدي
لا وميته من الصبح مسوية برنت سكرين ورازته بسطح المكتب .. عشان إذا طلبها وريته علطول هههههههههههههههه ما يحتاج يعني دخول موقع ومرمطة





مُصادفة !
يا أنا حقد قسم بالله , وش أنا مسويّة ؟
أنا كافية خيري وشري وكل شيّء .. لا يكون سمعوني قبل خمس دقايق أحاتسي بدور وأقول .. ياخي مليت مدري وشلون أستانس بالمنتديات هالحين , شكلي بدخل قسم لا ينبغي دخوله وأصوت وألعب بحسبه العالم > نعنبوا بليسها ما تستانس الا إذا مشت عكس الناااااس > تذكرت الصورة اللي حاطتها بنت السماثا بأخر رد لها بموضوع k2 شكيت إنها أنا لا بغيت أسوق السيارة ههههههههههه > وش كنا نقول ,, إيه ذي سماوية المرام ياني حقدت حقد نعنبوا بليسكم ما أدخل الا لوحة تحكمي وأطلع وتعطونن إنذار ,, طلعت رجاوي المنب قايلة <- ترقع بالسمايل أنا اللي قايلة تجرب تعطيني إنذار , يا ملحي ملحاه و أنا أضحي بروحي أيام الرقابة عشان تتدربين لا وأغصبتس ذذ هالحين مفروض يضربون بي المثل قسم بالله الحين من سمح لتس تغيرين اسمتس ؟ وتخليني أفكر لمدة دقيقتين وش سالفة الإنذار صح الفضاوة مقطعتني بس ولو

[[ تعجّب ! ]]

[[ تعجّب ! ]]

يا حبيلك أنتِ وغبارك وحرّك ونتّك .. قسم بالله
تبون أجر ؟ زوروا البحر ليلتين بس "شرط داخل حدود السعودية " ! قسم بالله حسيت اني بدخل الفردوس من كثر الأجر "واللهم أجعله" .. عباة ورطوبة

يالله براد الجنة يالرياض ..
أنا من ذاك اليوم صرت أشجع السياحة الخارجية , لولا المدينة ومكة كان ما جونا الأجنبيين خير شر , الحمدلله فيه خير ولو عبادة ماله دخل بالسياحة

نشوفكم صباح بكرة !
<- أدري جاء هالصبح بس ما يجي عندي الا إذا نمت وقمت

[[ تعجّب ! ]]

بس اسبوعين اتحملها :" اسبوعين
ترم كامل , خمس ايام بالإسبوع :" حصتين يوميا :" مقاييس وتدريس جماعي , فردي , تعديل سلوك .. جوال مقطوع رحلة وملاحق بزارين

اسبوعين وأتخرج :" أنا وتميم

[[ تعجّب ! ]]

شفتوا ذي أفضل رسالة جت لجوالي > من كثر الرسايل هالحين
كل ما شفتها أفكها ضحكه حتى وهي قديييمة
يالله ذكريات الجامعة والرجعة من الباص الترم اللي فات .. هذا الشيء الوحيد اللي استانست عليه في التطبيق ! الباصات وبُعد هالجامعة


عندنا حفل الخميس موب ذا , لا اللي بعده , وانا الصراحة مالي خلق ودي أول ما أعطل اجلس بغرفتي اسبوع راحه , ومالي خلق اروح الجامعة اجيب عباية تخرج وبطاقات بس امي متحمسه تقول حتى لو ما رحتي ابي اروح شفاحة خخخخخخخخخخخخخخ لو يمدي اوصي بدور تجيب ولا لازم أنا اروح