استفسار عن مدارس الشمس بالدمام..ضروري

[آمـــــــــآل]

السلام عليكم..

حبيت أستفسر عن مدارس الشمس بالدمام للي عنده اي معلومة عنها ..من حيث اسلوبهم في التدريس ,والطالبات وغيره..وهل سهل التأقلم مع الطالبات أم لا.

ياليت اللي عنده أي معلومة ولو كانت بسيطه ما يبخل علي..

ومدارس الجامعة اللي في الظهران أيضا..ورأيكم بالاثنين.؟!!!.

وسلامتكم..تحياتي..

[آمـــــــــآل]

؟؟؟!

[جُمَانْ ؛]

يا أهلًا حيّاكِ الله ،


مدارس الشمس الله يسعدك .. بنت خالتي هالسنة دخلت فيها أولى ثانوي وعلى أساس كلامها سأتحدّث :
- الجوّ في المدرسة (فري) عبايات كتف و موسيقى
- أسلوبهم في التدريس ممتاز ، وشديدين في هذي النّاحية خصوصًا الانجليزي مكثّف
- بنت خالتي ماشاء الله تأقلمت سريع
وإذا تبين تعرفين بيئة البنات ، مثل ما يقول المثل "إذا كان ربّ البيت بالدّف ضاربًا فشيمة أهلِ البيتِ الرقصُ"

أوووه عاد ،
مدارس الجامعة أدهى وأمرّ من ناحية التفتّح !

عمومًا ،
ما أنصح فيها ؛ ليه نربّي عيالنا على التفتّح ؟ يكفّي نت وتلفزيون ،

وحيّاك الله مرة أخرى =)

[آمـــــــــآل]

يعطيك العافيه من جد ما قصرتي...

وياليت 1ذا عندك اي معلومه زياده ماتبخلين علي فيها ...

واهم شئ بالنسبه لي البنات سريع التأقلم معهم ولا لا...

و(friendelly) ولالا؟!!!لأن هذي عقدتي


تحياتي

[آمـــــــــآل]

up

[آمـــــــــآل]

???!!!

[ريموندا]

السلام عليكم

اختي قلب طفلة

انا سبق وان طبت استفسار عن مدرسة الشمس في هذا المنتدى ومنتديات اخرى عن مدرسة الشمس ومدرسة الظهران الاهلية واللاسف الشديد مالقيت اي ردود ((( ما احد عطاني وجه )))

وقريت موضوع في هذا القسم عن مدرسة اهلية ما اذكر وش هي

بس انا ابغاك تساعديني ((( من احسن الشمس اوالظهران)))

لان بنات اختي يبغون يدرسون بأهليه وخايفين من حيث الجو والتدريس والاسلوب
لذلك اريد ان تساعديني عشان يسجلون بداية الترم الثاني =

* كيف شرح المعلمات بالشمس ( اول وثاني )) ثانوي خاصه المواد العلمية (( الفيزياء الرياضيات والكيمياء والنحو)))

والمعلمات ((((طيبات وشرحهم حلو ولا لا )))) اهم شي الشرح


وشكرا مقدما

[جُمَانْ ؛]

راجعة لك ان شاء الله بالرد الأكيد اليوم بالليل أو بكرة -إن شاء الله-

واسمحي لي أدمج الموضوعين

[ريموندا]

اين انتي ياقلب طفلة

[جُمَانْ ؛]

هلا وغلا ،
عذرًا ع التأخير ..

المشاركة الأصلية كتبت بواسطة ريموندا السلام عليكم اختي قلب طفلة انا سبق وان طبت استفسار عن مدرسة الشمس في هذا المنتدى ومنتديات اخرى عن مدرسة الشمس ومدرسة الظهران الاهلية واللاسف الشديد مالقيت اي ردود ((( ما احد عطاني وجه ))) وقريت موضوع في هذا القسم عن مدرسة اهلية ما اذكر وش هي بس انا ابغاك تساعديني ((( من احسن الشمس اوالظهران))) لان بنات اختي يبغون يدرسون بأهليه وخايفين من حيث الجو والتدريس والاسلوب لذلك اريد ان تساعديني عشان يسجلون بداية الترم الثاني = * كيف شرح المعلمات بالشمس ( اول وثاني )) ثانوي خاصه المواد العلمية (( الفيزياء الرياضيات والكيمياء والنحو))) والمعلمات ((((طيبات وشرحهم حلو ولا لا )))) اهم شي الشرح وشكرا مقدما

كان فيه موضوع سابق هنا عن مدارس الظهران بس ما أدري وينه!

المهم:
طبعًا سبق وقلت أن المدرستين كلّهم أجواءهم متفتّحة، مديراتهم أجنبيّات..
الشمس ( سورية ) و الظهران ( أعتقد نصرانية )

الظهران:
من أصداء سمعتها أنها م م ت ا ا ا ا ا ا ا ا ا ا ز ة جدددًا !
يعني خرّجت مخترعين و عباقرة .. ما أعرف عن المعلّمات كيف شرحهم أو بيئة المدرسة،
لكن من مهارة وتفوق الطلاب تعرفين أساتذتهم، وسمعت أيضًا عنها أنّها ما تقبل أي أحد!
تختبر الطلاب أول ثم تحدد يُقبلون أو لا!
طرقهم أيضًا مبتكرة بالشرح [ شاشات عرض - أجهزة حاسب ..... ]
كـ مدرسة و دراسة ، أنصح فيها بقوّة بحكم معلوماتي(:

الشمس:
سألت بنت خالتي لك بحكم دراستها فيها
- شرح مدرّسات اللغة العربية و المواد العلميّة ممتاز جدًا بس معلمات الدين ×
- المعلّمات طيّبات باختصار مرتاحة جدًا جدًا معهم
- يراعووون، يعني بنت خالتي تلاحقها معلمة الكيميا عشان تعيد !!
ومعلمة ثانية تقول جيبي أي شي وأحسّن لك >> أهلية ما عليها شرهة
- بنات الأدبي كل يوم عندهم عرس فالّين الحجاج كلّه، لأن معلمات الدين ماهنا زود
ومافيه معلمات كيميا ولا فيزيا يشدّون عليهم.. فدراسة الأدبي بالشمس لعببب! > عن سمعة مو تجربة!
بعكس أولى وثاني وثالث (علمي) شادّين عليهم

طبعًا بنت خالتي مرتاحة جدًا ومبسوطة ( أولى ثانوي ) ، بس تقول الظهران أفضل ^^

بس شوفي!
إذا بنات اختك يبون أهلية يدرسون جد ويتعبون ويشدّون حيلهم، أنصحهم بالظهران
أما بس يبون يرتاحون وينبسطون ويمشون بالدراسة الشمس أحسن..

الظهران أشد وأقوى من الشمس، مب للّعّابين أبدْدْدْدًا !


هذي معلوماتي،
وأي استفسار .. أنا بالخدمة (:
حيّاكِ مولاكِ

[ريموندا]

الله يجزاك خير ويوفقك ....

والله اللعب مانبيه نبي الجد وش الفايدة من الدراسة اجل ؟؟؟؟