][ .. من أرض " أوباما " وعنـهــا أُحدّثكُم ..! .. ][

[النُوَفِيّ]

موضوعك حلو وأسلوبك أحلى ()

الصراحة اول مرة أقرى كذا موضوعك من بدايه لي نهايه ()

وعجبني فيييه كل شي

آما إلى ضحكني هذيك إلى تقول لك زوجك بعد يلبس حجاب ههههههههههههههههههههههههههههههههه الله يخلف

والله يعينك على الغربه وترجعين لرياض سالمه غانمه ()

بطلب منك طلب نبي شويه صور ^^ من ارض أوباما

وتم تقيمك ياعسل ()

[وآثقة الخطى]

هههههههههههههههههههههههههههههههههههههههه هههههههههههههههههههههه

متتتتت ضحك على موقف الحجاب


إيلان ..

موضوع ممتع ..


الله يردج لأهلج سالمه غانمه .. تعبت وانا اقرا مابي اتعب زياده بالرد ذذ ..


يعطيج العافيه ..

[HearT QueeN]

ماشاء الله ..
تسجيل إعجاب !

حقا هذا ماننتظره من الأشخاص المغتربين ،
نِتاج التجربة الحياتية، في كلام واضح و أسلوب بسيط وبكل صراحة و واقعية !

قرأت كل ماكتب هنا ، ولم أغفل منه شيئا ..!
أسجل إعجابي بالقلم وصاحبته مرة أخرى .،

و جزاكِ الله خيرًا و كثر من أمثالك (:


< أحسني لابسة كرفته ذذ


،

[أَورادٌ ~]

إيلان يالقَاطعه
وه ، مشتاقين = $

استانست بموضوعك ، أسلوبك حلو ويوسع الصّدر ( )

معك حق بكل كلمة قلتِيها

برضو البحلقة أوقح شيء بالحيااااة ! أحيانًا أستغرب أقول مع إن شكلي غريب شلون ما يلفت إنتباههم .. أحس لو أنا غصب عليّ ألتفت .. أو أناظر باستغراب .. هم عااادي عندهم .. ما أتضايق معهم أبد ! ما أقول مافيه ناس مستغربة مني أو تناظرني لكن مب الأمريكان , هذيك الأشكال أشوفها بالمطارات , أو بالمدن السياحية .. والأماكن اللي يكون فيها ناس كثير وبعضهم ما تعودوا على الناس اللي غيرهم .. وبالذات الهنود >< والمكسيكيين !

^
صادقة والله ، أحسن مافيهُم انهم مايناظرونك ، وأنا مجربتها
عكس السعوديين عندنا يبحلق فِيك من أولك لآخرك

الشيء اللي يقهرررر صدق , الموسيقى ! بكللل مكااان , أحس الدنيا كلها شياطين أعوذ بالله !

إي والله ، ماأدري وشلون ماتصكّهم روسهم ليل نهار موسيقى
وحنا بالشارع أو عند الإشارات وقسم بالله أحس راسي بينفجر ،
وشلون هم اللي كل الوقت جالسين بسياراتهم >< "

برمضان , كان فيه كثير عارفين إننا نصوم , المهم جت كوريّة تسألني عن الصيام ووش لون نصوم ومدري ايش .. قعدت أقول لها إنو ما نأكل شيء بالنهار , نصوم قبل طلوع الشمس إلى الغروب .. قالت : يعني الشمس ربّكم ؟ تأكلون وتشربون إذا راحت عشان ما تدري بكم ؟

ياربّي لك الحَمد ، أجل عشان الشمس ماتدري بنا

عاد مرّة دخلت وكان فيه يابانية تغسّل وقفت عند المراية جنبها وشلت شالي بعدّله , يوم خلصت الفتت عليّ وهي مستحية قالت : ممكن أشوفك ؟ قلت ايه طبعًا , ناظرتني ولازم طبعا تعلق انك حلوة ومدري ايش .. <- من باب الأدب يعني مب عشان خشتي الجميلة .. هههههههههه طيب شوفي محد قال لا أنا ليش شايلته أصلا .. بعدين فهمت موقفها إنه يمكن تحسبنا نستحي أحد يشوفنا مثل اللي طالع شي من عورته , صح طااالع بس عيب أحد يشوفه .. عشان كذا غضّت البصر عني ..

إيه مرة أمي دخلت الحمامات فـ فكت شالها عشان تعدله وشافتها وحدة فرنسية ، واستغربت
قالت لها عادي تفكينه عندنا ؟ عاد قعدت أمّي تشرح لها انو مانفكه للرجال الأجانب بس
فـ قالت هي انها كانت تعتقد اننا مانفكّه أبد يعني ليل نهار لابسينه

أكثر شَي يعجبني فيهُم التزامهم بمواعيدهم
في أشياء كثيرة المفروض حنا اللي نسوّيها مو هم ، بينما هم ملتزمين فِيها أكثر منا
بس يبقون هُم أحسن منا بأشياء كثيرة ، يعني حنا ما أخذنا منهم صفاتهم الزينه
بالعكس أخذنا الشين منهم =D

وكل ما نزلت ولقيت رد فرحت أن الموضوع ما خلص

^
كأنك تتكلمين عني

الله يوسع صدرك بالعافيه إيلانو ، وترى ماشبعنا ^^

[سُوْمَيَّةُ ~]

قريت الموضوع ولي عودة إن شاء الله
بس بقول لهارت بالله وش تحسين به ع هالرد ..
لاعاد تلبسين كرفتات اخوانك

[نويّف ()]

يالله رهييييييييب ..~

ترجعين بالسلآلآمة ياربي ..~

إلا أنتي ليش رايحه ومتى بترجعين ؟ ووش الإجازة اللي عندكم الحين ..<<هههههههههه لقافة عرب ..~

وسعتي صدري بهالموضوع .. الله يوسع صدرك وقت الضيقه ..~

..

[الدبلوماسية]

رهيبة رهيبة والله رهيبة
راجعه راجعه بمخمخه بإذن الله

[[ تعجّب ! ]]

موضوع واسلوب رائع جِدًا .. ويستحق التقييم ، تبارك الرحمن ..
تمنيت فعلًا انتس كملتِ وما سكتِ
تسجيل حضور ومتابعة !

+

لي عودة "بإذن الله "
موفقة ..

[وديـان ,]

بصراحه موضوع قيم قريته حرف حرف من غير ملل
اسلوبك كان روعه ويحمس للقراءه

معلومة توني اكتشفها إن الاكوادور امريكان وانا على بالي دوله مستقله
عجبني موقف الدكتوره وحرصها على معرفة قصة عيسى عند المسلمين فعلاً هذي هي الحريه
وبالنسبه للاجانب وحبهم لصحراء والكثبان الرمليه هذا شي صحيح الآجانب عندنا اكثر مكان يعجبهم الطعوس
اذا عندك إضافات او يومياتك هناك اكتبيها ترى في من يقراء ويستمتع
موفقه يارب ()

[رَؤودْ ~]

وكل ما نزلت ولقيت رد فرحت أن الموضوع ما خلص

نفس الشعور
اقتبست لأن الظاهر ما باقي إلاّ أنا ما قلت كذا

يالله إيلان وينك ؟ ما صدّقت أرجع من الجامعة قلت أبلاقي إيلو كاتبة أشياء ثانية
جلست أقيّم الردود من شدة إعجابي بالموضوع

،

هناك بالغرب نظرتهم لنا شيء x للأسف ، وفيه أشياء كثيرة مغيّبة عنهم وما يعرفونها عننا ،
وبعض الطلاب المسلمين هناك يوثّقون نظرتهم السلبية لنا أكثر وأكثر ><"
فأنتِ هناك يا إيلو داعية بكلللللللل شيء ، بمظهرك وأسلوبك وتعاملك ، احرصي تنقلين عنا صورة حلوة وتصحّحين مفاهيم اللي حولك -عالأقل-
صراحة شيء غريب فيهم ما يعرفون عن الإسلام شيء أبد أبد ، وهنا تتجلّى لنا أكبر نعمة من نعم ربّي علينا وهي الدين الصحيح ،
صح ضحكنا عاللي تقول تعبدون الشمس ، لكن بنفس الوقت شيء يحزّن إنها تقول كذا =/
يبيّن لك مدى جهلهم والظلام اللي عايشين فيه !

الحمد لله على واسع فضله

[مَهّوي]

مآشالله ايلان ~ سافرتي بنآ لهنآك
مواقف ضحكتني واشياء عجبتني ../ عجبني فيهم انهم مايبحلقون بتس
يعني عيب لما احد يناظر بتس مهوب الشعب اللي هنآ يطلعون من بيوتهم عشان القز
وبالنسبه للانبهار ترآ اشياء كثير عندنآ ينبهرون بهآ مثل ماقلتي مهوب بس حنا اللي ننبهر بهم
بس اسمحيلي اصحح نقطتس ~ هناك فرق بين لقافتهم ولقافتنا
لقافتهم نابعه من حب الاستكشاف ويبون يتعرفون اكثر بما انتس غريبه عنهم يعني يبون يزيدون معلوماتهم
اما لقافه ربعنآ فغرضها فـ الغالب نشر الغسيل والا الشماته او التطنز
لذلك حتى لقافتهم تحسين فيها ذوق
اما بالنسبه للعين عندهم فـ محد اخترع اساور وسلاسل اللي على شكل عين الا هم
ماتعجبني حريتهم لانها مطلقه حلو الحريه تكون بـ حدود
احترامهم للقانون وللاماكن العامه وللوقت اشياء كويسه
ياليت لو ناخذ منهم الزين الحاصل ان ربعنا يروحون ويرجعون لتس ماخذين سلبياتهم بس
الواحد يروح يدرس ماوعيتي الا صابغ شعره اشقر عاد لو يلوق مع البشره معليه بس المشكله مهوب راكب
بس عاد انتي مب تطيحين سب بديرتس بالعكس خلتس واثقه عشان تاثرين بهم >تعطيتس دروس
وفي النهايه اشكر لتس اسلوبتس ونقلتس وارشحتس مراسله
ملح

[إِمْتِنَــانْ]

صدز حرمة


ترى مرررة استانست عالسلاويف ثث

متشكرين ايلان ..!

أحس في بالي تعليق بس كل ما نزلت لموضوع نسيت اللي أبي أعلق عليه

[جُمآن ~]

ما شاء الله عليك أسلوب . .


الله لا يضرك . .

أقترح تكتبين يومياتك هناك . . بجد استانسنا معك

الله يثبتك أختي ع الدين والحجاب

ويردك لأهلك وأحبابك بالسلامه

ضحكت ع نقطة :

"زوجك مايتحجب "

تخيلت شلون بتصير أشكالهم

الله يعطيك العافية إيلان ـوو

[لَأْلَاء]

موضوع جميل وممتع قريته كله لروعته

من جد كل الناس لهم إيجابيات وسلبيات ومميزات والحمد لله أعظم ما يميزنا الإسلام

تعجبيني يا إيـــلان بقولة الحق

الله يوفقك ويسعدك ويردكم لوطنكم الغالي

وحبيت أشكر فراشة الملتقى على التعبير الرائع عن رياااضناااا ()

موفقاااات ()

[سُمو الذات]

وهـ بس ايلان ياحبيلك

ترجعين سالمة غآآنمه يآآرب

عساك مرتاحه هناك؟

كملي ترا مررررره تحمسسسسست مره مره

ولاتوقفين ابد قولي يومياتك

ترا ماتدرين يمكن ادرس برا

[لُــجَـيْن]

عشت الوضع وانا اقرى
بس ابي اسالك سؤال
ماطفشتي بدون اهلك وكيف تاقلمتي مع الوضع؟؟


موضوع متميز ايلان ()
الله يعنيك على الغربة ويردك لبلادك سالمة غانمة

[ميمونَة]

❀..

وش أقول أكثر من اللي قالوه البنات ..

الله يحفظتس .. ويزيدتس من فضله .


ودي امسك كل كلمة واعلق عليها , بس مشوار ..

لأن كل كلامتس حلو بسم الله عليتس ..



ننتظر اكمال الجزء
‏

..❀

[R A M A]

وأنا مفكره أكمل درآآسستي برآآ مع خيــو ..
واثر السســآلفهـ غ ـربه اجل خــلالاص هونت ..
ايه ما ششـآء الله هم عندهم أخلالالاق وخصصوصا يجيدون ففن "التسسليــك" خخخخخ
يعني انتي هناك تتحجبين بدون ما تغطين وجهتسس ؟ ==>فاهمه الحجاب غلط
لا جد انا عندي الحجاب بس تغطي الششعر ..
انتي بس مغطيه ششعرتس وظااهرن وجهتسس ==>اهم شئ ظاهرن
ماشاء الله موضووع اككثر من رااائع

[إيـــلان]

مااااا أحب اعيييييييد نفس الحكي ..

بقووووة هذا يعبر عني حاليا ( )

فاتحة الصفحة وبديت أرد على الردود !
بعدها انشغلت ورجعت كممممملت بسس وأنا أضغط الانتر تذكرت اني ما نسخت !
والسرعة اللي نزلت على جهازي فجأة وطير الصفحة وكلامي

[ميمونَة]

❀..

^

قهرْ أقهر شي ..


الله يكون في عونتس ‏

..❀