exams > exams > exams > exams >

[[..همس الـقـمـر..]]

...}

هلا والله بطلاب وطالبات المعالي الدوافير الشطار

أتمنى تستانسوا وانتوا تقرؤه وتطبقوه

ريلااااااااااكس ..

توتر .. قلق .... تفكير عالي السرعة .. تقلب بالسرير يمين ويسار مافيه نوم
أعصاب مشدودة جدا .. ودمعة متعلقة على طرف المخدة ..

وعمليات رفرش جالسة تُجرى على قدم وساق ..
وكلام سلبي جدا وكمية إحباطات ..
وصور وإثباتات وخيالات ..

والذاكرة طويلة المدى وقصيرة المدى مو ملحقة من كمية التخزين والحشو ثم الحشو ...
وكوب قهوة جاي كوب شاي رايح ..

وموصية الوالدة وصديقتك وبنت الجيران والشغالة وأختك الي تدرس برا
وأخوك الي يبي يجي ع الفجر
كلهم يصحونك بوقت معين


ليــــــــــــــــــه .. وش صاير ؟
بكرة عندي اختبـار ...






يالله حيهم طلّابنا وطالباتنا
شخباركم ؟ عساكم بخير ..
عساكم بس حرقتو الكتب مذاكرة وصورتو الملازم درازن ..
والفلوماستر شخباره ؟ تراه ينشد فيه الظهر ..
وأجواء وسهر ومواصل كل هذا في سبيل النجاح ثم النجاح ثم النجاح ...
وكلن همه يرفع المعدل ويجمع النسبة ويطمح للأعلى والأفضل والمشرف بإذن الله ..


الموضوع هذا الهدف منه مشاركة وجدانية ودعم معنوي لكم +
تمارين بتساعدكم تكونون اكثر ريلاكس وأكثر استعداد ليوم الإمتحان +



الحين نجي لتمرين بسيط راح يساعدنا بإذن الله على التخفيف والتخلص من كمية الضغط
والتوتر قبل الإختبار .. << ( يا أنت/ي تسويه لنفسك أو احد فاهم بالامور هذي يطبقه عليك )

~ الإسترخاء العام + المواجهة بالتخيل ~

1- راح تختارون مكان هااادي ورايق وإضاءة خافتة .. يفضل وضعية الإستلقاء على السرير
أو أي وضعية راح تكون مريحة وتساعد على التمدد ..


2- رجولكم راح تكون متباعدة عن بعضها شوي .. وايدينكم ع الجنبين ورؤوسكم مرخية تماما
3- غمضو عيونكم الآن وحاولو تصفون ذهنكم من جميع المشتتات ..

4- ابدو في عملية التنفس ( يتم استنشاق الهواء من الأنف وإخراجه يكون عن طريق الفم )5- طريقة التنفس راح تكون على شكل 4 / 2 / 6

( 4 ) بمقدار اربع ثواني .. يتم استنشاق الهواء ببطء من الأنف، مع مراعاة عدم رفع الصدر بسرعة ( 2 ) بمقدار ثانيتين .. يتم حبس الهواء

( 6 ) بمقدار ستة ثواني .. يتم إخراج الهواء عن طريق الفم .. ( راح تخرجون الهواء إلى ماتحسون
ان الهواء كله طلع وترك أثر التمدد )
العملية تتم ببطء + راح تكررونها كثير ممكن لحد 15 مرة إلى ماتحسون أن كل عضلات جسمكم تمددت تمدد تام
وصار جسمكم ثقييـل + ذهن صااافي بعيد عن المشتتات

6- الآن بعد ما أتقنتو التنفس .. كل واحد / وحدة فيكم تبدى تتخيل الموقف الي مسبب لها ضغط وتوتر ..
مثلا .. ليلة الإختبار أو وقت توزيع الأوراق أو اختبار وحدة من أصعب المواد أو أي موقف آخر مو شرط له علاقة
بالإختبار ..وتبدى تدرج لنفسها .. كيف . ؟؟

7- طريقة التدريج : الحين نفترض أن الي مأزمكم وقت توزيع الأوراق ..
( كل واحد / وحدة تتخيل الموقف لحالها )

تبدون تتخيلون أنفسكم وانتم تذاكرون المادة .. وانتم تراجعونها .. وانتم تحلون تمارينها ..
وانتم تسوون أدق الأشياء فيما يتعلق بما قبل الإختبار ( الحين الموضوع هذا كله مو مسبب لك توتر والوضع ماشي
اوكي .. مع استمرار التنفس .. لا توقفونه يساعدكم ع الإسترخاء أكثر )

7- استخدام العبارات التشجيعية بينكم وبين أنفسكم


مثل :
الله معي ما راح يضيع تعبي / أنا ذاكرت زين وتوكلت على رب العالمين
الإختبار سهل وراح أجاوب / أنا مركز/ة و.... بما يتناسب مع الموقف

8- تكملون بخيالكم إلى ماتوصلون للصباح ..قمتو من النوم .. ( إذا مو مواصلين )

لبستو ملابسكم .. جهزتو الأغراض .. ركبتو السيارة .. بالطريق .. وصلتو ..
شفتو زملائكم .. جا وقت الإختبار .. رحتو للقاعة .. دخلتو .. جلستو على كراسيكم ..
لاحظتو هدوء القاعة والصمت الي فيها
جا وقت التوزيع ..
المفترض والمتوقع هنا هو التوتر ..

إذا توترتو راح تعيدون عملية التنفس
وراح تبدون تتخيلون من جديد الأحداث الي ذكرناها وانتو تكلمون أنفسكم بعبارات تشجيعية
مع التكرار راح يزول التوتر .. إضافة إلى أن بعض الأشخاص مايدخلون
في جو الإسترخاء من المرة الأولى ،،
( إذا كان شخص آخر يقوم بالعملية هذي لكم .. فراح تكتفون برفع اليد إشارة على التوتر
وهو راح يفهم ويعيد لكم )

* إذا وصلت/ي للموقف المثير للتوتر بدون استثارة أو قلق فمعناته
انك نجحت/ي بعملية الإسترخاء البسيط هذا .. وتكمل/ين لين توصلين عادي للنهاية ..

9- مدى نجاحك بالتطبيق هذا يعتمد على كمية القلق عندك ، قدرتك على إتمام عملية التنفس بصورة كويسة
لأن كثير يسوونها بوضعية غير جيدة أو يغلطون في عملية إدخال الهواء وإخراجه ،
قدرتك على تحديد الموقف المثير للقلق ومن ثم تدريجه وتبسيطه ..

10- دايم حط / ـي في بالك أن الله ماأختارك وحطك في هالقسم أو التخصص
من بين الناس إلا لأنك انت قده وراح تبدع / ـين وراح تنجح / ـين بإذن الله ..

حاولت أبسط لكم الموضوع قد ماأقدر .. لأن فيه طرق غيرها للإسترخاء ..
وتعتمد أكثر شي على شخص آخر يقوم بالعملية هذي
فيما يكون دوركم هو فقط التلقي والتنفيذ ( طبعا بيكون أسهل عليكم تغمضون عيونكم
وشخص يقوم بممارسة الإسترخاء عليكم ونبرة صوته تكون هادية ويكون إلى حد ما متمكن ويقدر
يدخلكم الجو ويدرج لكم .. ان حصل فهو خير .. ان ماحصل حاولو تطبقونه انتو على أنفسكم
)

فيه.. نقطة مهمة دايما نتعرض لها ونتضااايق منها::
أول ماتطلع/ ين من قاعة الإختبار تتذكر/ين الإجابة الي صار لك ساعة تعصر/ين مخك
وماهي راضية تجي !!!

دائما خذوها قاعدة ..

العقل لايعمل بشكل جيد تحت الضغط ..
وعلى قد ماتضغطون فيه عشان يعطيكم المعلومة
ويسعفكم بالجواب
إلا أنه راح يعنّد معاكم

الحل :

روحو لسؤال ثاني / اشغلو نفسكم عن التفكير بالإجابة بأي شي /
ريحو ذهنكم شوي / استغفرو / رددو ( اللهم ياجامع الناس ليوم لاريب فيه اجمع علي ضالتي )
..... خليكم ريلاكس أكثر ..

دايما مشاكلنا تجي من كثرة التوتر
وهذا مايفسر ظهور الإجابة بكل سهولة عند باب القاعة
لأنكم خلاص قطيتو الهم وراكم وطلعتو
ارتاح العقل فجات الإجابة ..




- هذا موقع أتمنى يفيدكم فيه بعض النصايح فيما يتعلق بالإختبارات
خذو لكم لفة عليه
من هنـــــــــــا..}

أتمنى يعجبكم الموضوع وتطبقوه وخليكم ريلااااااكس ..

تصدقون بعد هذا كله الخوف لساته مسيطر عليا

الله ييسرلي ولكم يارب ..

همووووووسه ..}

...}

[*أخت عبدالعزيز*]

الموضوع

مريت عالسريع عليه..

لي عودة بعد اختبار اليوم س8..

[pity]

.

جيد ان الواحد ياخذ دفعة نفسية قبل الامتحان خصوصاً إذا صار خايف منه ,
جزاكِ الله خير .. موضوع مميز !

[hoopoe]

إبدااااع يا همس القمر .. ما شاء الله عليك ..
موضوع رآآيق .. فادني مع أني لا عندي اختبارات ولا شي ..
أعجبني شرحك المنظم لطريقة الإسترخاء .. بمجرد اني اقراه حسيت أعصابي ارتخت..

فيه طريقة كنت أسويها لما أكون متوترة .. أقعد أكلم نفسي أو بالأحرى أهزئها ..
أقول إذا أنا الشاطرة اللي طول الليل أذاكر خايفة,,أجل وش خليت للكسالى..!!
بعدها أحس بدفعة من الثقة ..

وكلـ(ن) له أسلوبه في تشجيع نفسه وإزالة التوتر عنها..
شكراً ع الموضوع الجميـــل ~

[*أخت عبدالعزيز*]

عدنا..

جزاك الله خيراً..

موضوع قيم..

اليوم الثالث من اختباراتي لكن كان أول يوم لي مع التوتر..

شكل مروري السريع عالموضوع أثر علي سلباً:seko.:..

ما لقط العقل إلا كلمة توتر: seko:..

سب التوتر أظن إني مادرست إلا متأخر والاختبار مقالي..

هو سؤالين ما وفقت بإجابتهم لخبطت بينهم..

حاولت إني أقلل الضغط أثناء الحل وأتذكر بهدوء لكن فشلت..

وتركت حل الاختبار وانشغلت بالإجابة على استمارة تقييم الدكتور..

ورجعت للاختبار ولا فائدة آخر شي استسلمت وسلمت الورقة للدكتور وطلعت..

حاولت أبسط لكم الموضوع قد ماأقدر .. لأن فيه طرق غيرها للإسترخاء .. وتعتمد أكثر شي على شخص آخر يقوم بالعملية هذي

في أشرطة للاسترخاء بديل لوجود شخص مباشر..

وهذا للدكتور صلاح الراشد جلسة استرخاء.

http://www.4shared.com/file/32924880/5c8ddaf0/___.html

بصراحة ماسمعتها وجدتها بالنت..

لكن كنت مطبقة له عملية استرخاء ما أدري إذا هذه أو لا..

أتمنى تفيدكم..

الله يوفقنا وإياك وجميع الطلاب..

[[..همس الـقـمـر..]]

المشاركة الأصلية كتبت بواسطة pity . جيد ان الواحد ياخذ دفعة نفسية قبل الامتحان خصوصاً إذا صار خايف منه , جزاكِ الله خير .. موضوع مميز !

صحيح كلامكـ ..!

واياكم .. ووفق الله الجميع ..

[[..همس الـقـمـر..]]

المشاركة الأصلية كتبت بواسطة hoopoe إبدااااع يا همس القمر .. ما شاء الله عليك .. موضوع رآآيق .. فادني مع أني لا عندي اختبارات ولا شي .. أعجبني شرحك المنظم لطريقة الإسترخاء .. بمجرد اني اقراه حسيت أعصابي ارتخت.. فيه طريقة كنت أسويها لما أكون متوترة .. أقعد أكلم نفسي أو بالأحرى أهزئها .. أقول إذا أنا الشاطرة اللي طول الليل أذاكر خايفة,,أجل وش خليت للكسالى..!! بعدها أحس بدفعة من الثقة .. وكلـ(ن) له أسلوبه في تشجيع نفسه وإزالة التوتر عنها.. شكراً ع الموضوع الجميـــل ~

هلا هلا والله بــ hoopoe

الحمدلله انه فادك ..

وطريقتكـ حلوه وصحبح اسلوب التهزيئ مفيد جربته اتا ...

أشكر مرورك وردك يالغلا ..

[[..همس الـقـمـر..]]

هلا هلا والله با اخت عبد العزيز ..

والله حرام عليك حسستيني بالذنب الله يهديكي ..

والله يوفقك وييسرلك الاختبارات الجايه ..

ومشكوره على جلسة الاسترخاء ..

[أمامة..!]

وعليكم السلام ..!!

هلا والله وغلا بهموووووووووووووس ...

ماشاء الله عليك يالروااااااااااااقة ..أعجز وأفهم كيف رقتي وكتبتي الموضوع ونسقتي تنسيق يفتح النفس للمذاكرة

امم اما عن التمرين والله بحاااااول اجربه .. بحاول .. إلا ان كان تكرميني بزيارة ع الطاير عشان تسويه ليه فحياك والله ..!!

لكن انا لوحدي ما اتصور اني اسويه .. .!!

هموووس .. مشكووووووووورة يالغلا .. وبالتوفيق إن شاء الله .. ويارب تفرحي بــ 99% ياآآرب والجميع ..

دعواااااااااااااااااااااااااااااتكـ يالغلا ..!!

>>اشتقت للجمعة والجنان معاكي متى نخلص ونجتمع..

ايوة صح ترىسكون بتخلص قبلكــ وقبلي وانا اخلص قبلكــ

[[..همس الـقـمـر..]]

هلا والله وغلا بهموووووووووووووس ...

هلا والله بيك ياشعشوعه يالغلا ...

ماشاء الله عليك يالروااااااااااااقة ..أعجز وأفهم كيف رقتي وكتبتي الموضوع ونسقتي تنسيق يفتح النفس للمذاكرة

قولي ماشاء الله يخيتي هع
عليييييييك لمبه اوبس قصدي نور هنا مربط الفرس ابيه يفتح نفسكم للمذاكره فهمانا عليا

امم اما عن التمرين والله بحاااااول اجربه .. بحاول .. إلا ان كان تكرميني بزيارة ع الطاير عشان تسويه ليه فحياك والله ..!! لكن انا لوحدي ما اتصور اني اسويه .. .!!

شكلي بزوركم ع الطـــــاير لاني ملييييييييييت من المذاكره ..

هموووس .. مشكووووووووورة يالغلا .. وبالتوفيق إن شاء الله .. ويارب تفرحي بــ 99% ياآآرب والجميع .. دعواااااااااااااااااااااااااااااتكـ يالغلا ..!! >>اشتقت للجمعة والجنان معاكي متى نخلص ونجتمع.. ايوة صح ترىسكون بتخلص قبلكــ وقبلي وانا اخلص قبلكــ

العفوووو ولووو تكرموا ..

الله يوفقك وييسرلك كل عسير ..

والله حتى انا اشتقت للجمعه والوناسه وهبالنا ..

طســــــــــــــــــــي ويعني اذا خلصتوا قبلي ايش يسير لكم

[أسيرة المعالي]

مرسي همس الـقـمـر ..

ما ننحرمش منك يارب ..

بس الحمدلله لحقت على موضوعك قبل ما تنتهي الامتحانات ..

دعواااتكـ هموووس وبالتوفيق لألي و لألك ولكل الطلآب والطآلبآت

[البروفيسورة]

الطربقة اللي ذكرتيها تسمى ( التطمين التدريجي )

وطرقة الأخت اللي قالت إنها تهزئ نفسها ( تبع النظرية العقلانية العاطفية )

<~ عندي اختبار بكرا بهذي الأشياء

مشكورة يالغلا وبالتوفيق
دعوآتك

[!!..قلب محتسب..!!]

المشاركة الأصلية كتبت بواسطة [..همس الـقـمـر..] هلا والله بيك ياشعشوعه يالغلا ... قولي ماشاء الله يخيتي هع عليييييييك لمبه اوبس قصدي نور هنا مربط الفرس ابيه يفتح نفسكم للمذاكره فهمانا عليا شكلي بزوركم ع الطـــــاير لاني ملييييييييييت من المذاكره .. العفوووو ولووو تكرموا .. الله يوفقك وييسرلك كل عسير .. والله حتى انا اشتقت للجمعه والوناسه وهبالنا .. طســــــــــــــــــــي ويعني اذا خلصتوا قبلي ايش يسير لكم

بنجلس طفشانين ونقول ياليت عندنا اختبار