قهوة النيل..!

[أنس]

قهوة النيل..!

أهلا وسهلا بيكو.. منورين القهوة و الله..!

الحقيقة من كام يوم كلمني شاب لطيف اسمه إسلام..

كان عنده مقترح حابب يعرضه علي.. وكان اقتراحه إنه بما إن أنا راجل

صاحب ثروة كبيرة.. ليه ما نبقاش شركاء؟!

سألته عن الي معاه، وعن الحاجة الي عايزني أشاركه فيها، فكان جوابه

إنه هو شاب هيشاركني بالفكرة وأنا أمول المشروع..!

وكان كعادة الشعب المصري المشروع قهوة..!

مش عارف ايه الي خلاني أوافق.. ده البلد كلها قهاوي.. وبين كل قهوة

وقهوة.. قهوة جديدة..! وبين كل قهوة قديمة وقهوة جديدة قهوة أجدد.!

كل ده وبرضه كل القهاوي دي بتعاني من الزحمة..

بس برضه هتفضل القهاوي هي أفضل مكان يتجمع فيه عامة الناس..

اهه مكان بيقعدوا فيه يعرفوا أخبار بعضيهم ويحكوا مع بعضهم.. ومنها

الي عايز يعمل دماغ ينزِّل كام حجر (معسِّل) يظَبَّط الدماغ.. والي عايز

يشغل دماغه بينزِّل الشطرنج والكل بيبقى قاعد مبسوط.. وفي النهاية مش بيدفعوا كتير زي ما بيدفعوا في الي بيسموها كافيهات..!

تلاقي كُبَّاية - كاسة - الشاي بتتباع بـ نص جنيه، وهو بيدفع فيها

3 جنيه و 5 جنيه في الكافيه، علشان شوية ديكور..!

-----------------





المهم.. أنا قررت على بركة الله، إني أفتح القهوة دي.. ومش أي قهوة..

دي قهوة بلدي، بسيطة خالص.. بكراسي خرزان زي ما انتوا شفتوا

فوق.. وكُبَّايات المَيَّة فيها كُبَّايات استيل.. يعني البساط أحمدي والدنيا

بسيييطة خااالص. مش بنحب التكلف..!

القهوة دي لكل أخ شقيق لينا هنا من جمهورية مصر.. وفي نفس الوقت

بترحب بالإخوة الأشقاء من الجنسيات العربية التانية.. وبكل شخص

بيحب مصر..!

نتقابل فيها.. نناقش أوضاع مصر.. نحط فيها الأخبار الجديدة الي تخص

مصر.. نفضفض فيها عن حال وأوضاع مصر..

نرحب فيها بكل عربي عايز يعرف أحوال مصر وعايز يزور مصر

ويسألنا في القهوة دي عن الدنيا في مصر..

-----------------




أهلا بيكو.. اتأكدوا انكم هتنورونا.. وهنتشرف بخدمتكم.. وبالمناسبة..

القهوة فاتحة 24 ساعة..



وكمان الي بيشتغلوا في القهوة ناس متعلمة، وهتعاملكم معاملة زي

الفل.. وغالبا غالبا هتلاقوني موجود في القهوة علطول أو هتلاقوا

شريكي إسلام برضه هنا مع الصبي الي بيشتغل معانا..

مش عايزين أي مشادات أو أي تصرفات غوغائية في القهوة دايما بنتقابل على الحب.. ونفتكر إن احنا دايما إخوات..

-----------------


آخر حاجة قبل ما أمشي.. احنا نازلين على فكرة بعروض مغرية جدا

جدا.. وبخدمات جديدة..!

خليك زبون القهوة واستمتع بالعصاير المجانية علطول.. خليك زبون

للقهوة واستمتع بنكهات الشاي المتميزة الي مش هتلاقيها عند أي قهوة

ولا أي كافيه فخم كمان..!

وهننزل بنكهات جديدة كمان حصريا في قهوة النيل..

من قهوة النيل... رئيس مجلس إدارة القهوة.. المعلم عشقشق..!

ياريت تشرفوا فرعنا التاني وتستمتعوا بنفس المزايا.. من هنا..

[إسلام]

على سيرة القهاوي والسعر البلدي لسا راجع من كافتريا ع البحر حالًا ، طبعا ساندوتيش وكانز ومش عارف ايه و بعدين تلاقي التكلفة تسلخ فمفيش صراحة أحلى من البلدي

وبعدين إسلام مين اللي شريكك يا مولانا أنا أعرفك من أمتى ؟
أنا بريء والله دي كانت مجرد فكرة عابرة وعاشق المبدع صياد أفكار :p
وبعدين أنا مش عايز أكون أكتر من الصبي بتاعك

شوف أنا بلية وانت المعلم ههههههه لا أكتر ولا اقل ..

يالا بقى نزلنا اتنين شاي يا زلمة :p:p

ثم إنه حيّاكم الله في قهوة النيل !

[المُعتز بدينه]

صبّح صبّح يا عمي الحج


طيب المواضيع ستكون داخلية


لكن بتكون عن الأفلام مثلا ولا عن السياسة ولا عن إيش بالضبط ؟!

[أنس]

^

إسلام مش قلت لك بطل سرمحة في الشوارع على آخر الليل؟!

خلاص انسى الكلام ده.. من انهردة ورايح القهوة هتاخد وقتك كله..


الله يهديك.. لست أنا من يُقال له يا مولانا..!

الله يهديك بس يا إسلام.. عموما عادي هيتخصم من نسبتك

بعيدا عن العتاب.. يا باشا شايك مزبوط ولا ايه؟!

والتفاح عايزه دوبل؟!

كل حاجة هتبقى جاهزة.. بس انت بس جود علينا بالي عندك وهتكون الضيافة مجانية علطول..

[أنس]

المشاركة الأصلية كتبت بواسطة المُعتز بدينه صبّح صبّح يا عمي الحج طيب المواضيع ستكون داخلية لكن بتكون عن الأفلام مثلا ولا عن السياسة ولا عن إيش بالضبط ؟!

أهلا بالمعتز.. المواضيع ستتناول كل ما يخص مصر..!

فضفض واطرح ما لديك.. ولا عليك.. فنحن هنا في الخدمة.. ولن تتوقف كاسات الشاي أو فناجين القهوة.


حياك يا فاضل..!

[سوليداد]

ما شاء الله قهوة عامرة بكُل شيء .. شخصياً لا أحب القهوة أفضل الشاي عليها

حتماً يُسعدنا التواجد بمقهى النيل..
وسيكون لنا زيارات لهذه القهوة كُل حين كيف لا وهي من أم الدُنيا وعــ نيل كمان..

[أبو البراء]

//////




طيب ممكن طلب صوغير أوي أوي يابتاع الأقهوه



والشاي اتنين كيلو سكر عشان المزاق زي منتا عارف لازم يتمخمخ

أنا أشهد إنك تدرس بمصر ذذ

وه على كلام المصاريه ما يجيب الضغط مررره ذذ

لازم نزوركو هناك إن شاء الله


//////

ALDEHMI

[و1حد]

الوالد الله يرحمه .. مع إنه كان يسافر دول واجد .. بالذات في اوروبا
لكن ما كان يكيّف صح إلا في مصر


حتى أذكر مره مسكت معه غلط راح يومين ورجع
الظاهر كله من القهاوي ذي



طبعا إحتمال كبير يكون ردي خارج إطار الموضوع .. لأني ما قريت الموضوع وراي إختبار بعد شوي
لكن أعجبتني الصور ..

إلي فهمته إن الموضوع قهوه .. وانا جايكم بعد الإختبار إن شاء الله
أبي شاي .. يطبخ من هنا للساعه 12 .. أبي إذا شربته ما انام إسبوع

السلام عليكم ..

[بائعةالريحان]

.

أعشق أرض الكنانة موت ..
فكرة رائدة مشروع القهوة وبما إني أحب مصر وأهلهالاسيما المعدمين منهم فإني أود أن ترفعوا شكوى وتظلم ضد رجال الأعمال لديكم أو تنظروا في وضع تكوم الأموال في أيديهم ثم صرفها ع الفشخرة كصرف أحدهم ملاييين لزفاف مطربة وآخر مثلها لقتل مطربة أخرى !
قد يكون 2% أو حتى 10% من يفعل ذلك منهم لكن هذا ماظهر للأعلام فقط والخافي أعظم
امممم هذا ماخطر ببالي للوهلة الأولى بعد تناول رشفة من القهوة المصرية اللي بتعدل الدماغ
وسأزوركم لاحقاً إن شاء الله بعد أن يكون رجال الأعمال قد اهتموا قليلاً ووضعوا بعضاً ممايصرف ع المطربات ع كل حتة محتاجة في مصر ..

.

[هنـــــاء]

^

تقريبًا مفيش حد فاضي ينظر في أمرهم ..
الغلاء مخلي الناس كأنها مضروبة على راسها
و لله الأمر من قبل و من بعد

> و أنا صغيرة .. نزلت مع الوالد مشوار طويل و لما تعب رحنا قهوة شكلها محترم .. و طلب شاي على مية بيضا ..
حد يعرف يعني ايه شاي على مية بيضا ؟

[متعمق]

عزيمة يا مصر!!.
دنتوا كلكوم كويسين وبتتحطوا عالجرح يطيب.
أنا أعز اصحابي من مصر ، واحد من الشرئية وواحد من الإسماعلية وبحبهم والله.
بس مش عارف ليه عندنا في المعالي كام واحد عاملين زي الشوك في الحلء ، ربنا يهديهم بس.
متشكر.

[أبو عيد !]

طيب ممكن اعرف وش مكونات الشاهي ؟؟

لأن ودي افتح مقهى عندنا

[أصْيد]

عندك وظيفه يالطيّب
ياحليلكم حليلاه ..

عقبال ما تفتحون فرع في [التحلية] يامنيّل إنتا

إلا أقول على طاري [حليلاه] أن مش عارف ليه عندكو بمصر الناس يامطفره يامريّشه؟
يا عمالين بيتخنوا يابيخسوا ؟
يخرب بيتكم ما عندكم أحد وسط ؟!

يادي المصيبه يوم قربك صفالي
جنبت عن درب السنع ليه ياشين

[هتاف الضمير]

جميل ..!

أرغب بارتشاف كوب من الشاي " ثدزيل يرتسّد الراس " ..





يكفي لأن تكون لأرض الكنانة مكانة في نفسي : تتلمذي على مجموعة رائعة من أبنائها العلماء ..

، ، ,

أظن أن ( قهوة النيل ) ستكون لي مزاراً .. !

[رحــّـال]

^
^
^
^
الله يرحمه هناء ويغفر له..

" " ثدزيل يرتسّد الراس " "

أخي عاشق الخيل.. إذا ما تشربش الشاي أو تشرب أزوزة..

في كزينوا قصر النيل وإنتا بتبص على الأسدين فإنك ماشربتش شاي..
اسمه كذا ..
يخرب بيت شيطانهم يحطلك أنواع الطلبات ويقول لك حاسب كم ألف جنيه ذذ

أنا أول ما جاب لي الميّة.. قلت هدية من عندهم.. والمقبلات اللي أنا ما طلبتها.. والسلطات اللتجي مع الأورد أورّدي.. قلت هذولا ناس خلوقين.. ما دريت إلا يقول حاسب حقهم..
طب أنا ما طلبتهم.. إنتوا اللي جبتوها.. كان درس للعمر بحأ وحئيئة..

[أبو عبدالمحسن]

ماشاء الله ياعاشق الخيل أنت وإسلام فكرة جهنمية ...

طيب وبما إن الموضوع عن مصر هو القهوة مكانها فين بالزبط على النيل ولا اسمها كده وهي في الحسين من أي ناحية ؟؟

من جهة الزمالك ولا كوبري الجامعة ولا عند كوبوي عباس ؟؟

طيب خلاص عايز واحد شاي صعيدي بالنعناع....

[رحــّـال]

المشاركة الأصلية كتبت بواسطة الكرّار ماشاء الله ياعاشق الخيل أنت وإسلام فكرة جهنمية ... طيب وبما إن الموضوع عن مصر هو القهوة مكانها فين بالزبط على النيل من أي ناحية ؟؟ من جهة الزمالك ولا كوبري الجامعة ولا عند كوبوي عباس ؟؟ طيب خلاص عايز واحد شاي صعيدي بالنعناع....

دورين وإلا تلاتة.. مش عايز شاي كشري..

[أبوعمّار]

سلامو عليكو ياباش مهندس ،،

شكراً ليك وللحج إسلام على القهوة رائعة دي ..

بس أنا مستغرب من حاجة ..

أزاي قهوة وانت بتشربوا فيها شاااي بس؟!!


عموماً كنت لسه دلؤتي بشوف القاهرة اليوم والبتاع التخين داك وهو معصّب أوي مش عارف ليه!!

وعلى فكرة الأخ نور على الدرب عامل ازعاج اليومين دوت .. شكله شاف كل المقاطع بتاع البرنامج ده على اليوتيوب


وبمناسبة افتتاح القهوة أدعوكم لمطالعة الفيديو في التوقيع بتاعي << حلوة مطالعة!


مؤثر قوي قوي ..

[! هَادِئة !]

النيل ...!! كان ذكرى حلوة

بصراحة موضوع جميل هستفيد منكو أوي ..

عمومًا .. أنا زيكم من أرض الكنانة

لكن اتولد و حياتي كلها في السعودية بس شهر في اﻹجازة في مصر ..

و طبعا هسافر السنة دي إن شاء الله عشان الجامعة ..

فعايزة استفيد من التجارب الجامعية هناك و طبعا حكايات النقاب في الجامعة ..

يعني احكوا لي خصوصا لو حد درس بره مصر و بعدين راح مصر ..

بيقولوا أن الداخل مفقود و الخارج مولود .. إيه صحة العبارة دي ..؟!

اتكلمت كتير معلش .. شكرا ليكو عالموضوع ..

[أنس]

ياااااااااااااااه.. كل دول زوار.. أنا مش مصدق نفسي..!

بجد بجد منورينا..! ما كنتش أتصور إن القهوة يكون ليها زباين من أول يوم كده..!

أهلا بالجميع واحد واحد.. كل باسمه..

وآدي أحلى كُبَّايات شاي لكل واحد فيكم.. وخدوا بالكم من الصبي..




الإخوة الي مش بيحبوا الشاي.. ممكن ننزل لهم قهوة..



وبالمناسبة.. القهوة في مدينة الشيخ زايد.. بعيد عن دوشة المدينة وعن التلوث.. علشان نوفر لكم قعدات هادية ونضيفة.. والاسم مجرد مُسمى ليها مش أكتر.. :biggrin:

-----------------------------

المشاركة الأصلية كتبت بواسطة بائعةالريحان . أعشق أرض الكنانة موت .. فكرة رائدة مشروع القهوة وبما إني أحب مصر وأهلهالاسيما المعدمين منهم فإني أود أن ترفعوا شكوى وتظلم ضد رجال الأعمال لديكم أو تنظروا في وضع تكوم الأموال في أيديهم ثم صرفها ع الفشخرة كصرف أحدهم ملاييين لزفاف مطربة وآخر مثلها لقتل مطربة أخرى ! قد يكون 2% أو حتى 10% من يفعل ذلك منهم لكن هذا ماظهر للأعلام فقط والخافي أعظم امممم هذا ماخطر ببالي للوهلة الأولى بعد تناول رشفة من القهوة المصرية اللي بتعدل الدماغ وسأزوركم لاحقاً إن شاء الله بعد أن يكون رجال الأعمال قد اهتموا قليلاً ووضعوا بعضاً ممايصرف ع المطربات ع كل حتة محتاجة في مصر .. .

زي ما أنا ما كنت متوقع.. الزباين هتكون فعلا مميزة ومثقفة.. ومُطلعة على الوضع المصري..

أهلا وسهلا بك بائعة الريحان في هذه القهوة.. ونتمنى أن تتكرر الزيارة.. : )

أما عن رجال الأعمال.. فآآآآآآه وألف آآآآآه.. ليسوا فقط رجال الأعمال.. بل كل من يملك جزءا من المال..!

وعلى الرغم من أن الدنيا ما زالت بخير، وأنه ما يزال هناك من يتصدق وينفق ماله في وجوه الخير.. إلا أنهم قلة..!

كله عمال يسرق من كله.. إذا كان الفساد من الكبار... فماذا عن الصغار؟!

يعني لا مؤاخذة على التشبيه.. لما يكون والدك بيعمل أي حاجة حرام قدامك.. مش هتكتسبي الحرام ده منه؟!

خلاص.. الناس عايشة بالبركة دلوقتي..! وما عادش الي انتي بتقوليه ده ينفع.. لأن القطر فات..!

ربنا يلطف بينا..

خليكي هنا علطول.. هتعرفي بلاوي كتير قوي.. وهتلاقي في القهوة من كل الأصناف.. العاطلين والمثقفين والي.. والي.. انتي بس تختاري الي انتي عايزاه.. وابدئي في الكلام معاه.. وهتكون أخبار البلد كلها عندك..


شكرا كثيرا بحجم السماء لمن زارنا وشرفنا.. ونتمنى أن نراكم في فرعنا الثاني كذلك..

بكم نرتقي.. نحن هنا لخدمتكم.. انتظرونا..