ابي اي شيء تعرفونه عن الماجستير العادي في جامعة الملك سعود و جامعة الاميره نوره

[ضيفه لثواني]

السلام عليكم ورحمة الله وبركاته
الله يجزاكم خير ابي اعرف كل شيء عن جامعه الملك سعود وجامعة الاميره نوره كلية التربيه الادبيه
لاني ناويه اقدم علشان اكمل ماجستير بإذن الله
وابيكم تقولون لي
عن
هل يقبلون تقدير جيد مرتفع للماجستير العادي
وهل الدراسه عليها رسوم او لا وكم رسومها
المواد التكميليه وش يقصدون فيها
لازم علشان اقبل لازم انجح بالتوفل او يكون معي دورة انقليزي
واذا احد عنده ايميلهم استفر منهم عن اللي ابي ياليت ترسلونه لي
لاني بصراحه
ابي اعرف الله يجزاكم خير

ارسلت لايميلاتهم (جامعة الملك سعود)اللي هم حاطينها بس طنشو ماردو علي
ابي ايميل لهم ويردون منه على طول
جامعة الاميره نوره كلية التربيه الادبيه(وصيت وحده تسال لي قالت لها اداريه لازم واسطه علشان تدرس )

[ضيفه لثواني]

يعني معقوله مافيه احد درس ماجستير او مره عليه معلومات عنها

[هتـــــان]

وعليكم السلام ورحمة الله


اولا بالنسبه لجامعه الاميره نوره فالوقت الحالي موقف الدراسات العليا الى اشعار اخر وله الان سنه وشكله مطول وبالنسبه لشروطهم لانه ممكن يفتح السنه القادمه 86% مع مرتبة الشرف واقل من كذا ما يقبلون ابد والعدد محدود جدا اذكر قبل سنتين قبلوا 4طالبات في مسار اللغه والنحو ايضا مساراتهم محدوده



اما جامعة الملك سعود كان التقديم عليها شهر 11 في شروطهم ذكروا ان التاريخ يقبلون فيه جيد والاقسام الاخرى جيد جدا راجعي موقعهم حتى تتأكدي لكن وقت التقديم قبلوا جيد لجميع الاقسام لكن ما سمحوا لهم يدخلون الاختبار لها مكافأه 980

اماالماجستير الموازي قد تكفل خادم الحرمين الشريفين بالرسوم اي انه اصبح مجاني ولكن للاسف صاااار لازم له واسطه لانهم يقبلون جيد ولكن الى الان ما وصلت منحة الملك للجامعة فصاروا يطالبون الطلاب بالرسوم



المواد التكميليه اذا اردتي ان تكملي الماجستير في مسار غير الذي تخصصتي البكالوريس فيه فأنه لابد ان تدرسي المواد التكميليه وهي الاساسيه في هذا المسار واقلها مستوى دراسي واحد واكثرها ثلاثه يعني بعد ماتنقبلين في الماجستير تدرسين مع طالبات البكالوريس المواد المحدده لك من ادارة الجامعه واذا انهيتيها تنتقلين لدراسة الماجستير


اختبار التوفل ليس لجميع الاقسام بل اقسام محدده


بالنسبه للماجستير قد اصبحت الدراسه فيه ابتداء من هذه السنه سنتين دراسيتين وبعدها سنه واحده يقدم فيها بحث تكميلي اي انه الغيت الرساله (وتأكدي من جامعة الملك سعود)

دعواتك ياغاليه

[ضيفه لثواني]

المشاركة الأصلية كتبت بواسطة هتـــــان وعليكم السلام ورحمة الله اولا بالنسبه لجامعه الاميره نوره فالوقت الحالي موقف الدراسات العليا الى اشعار اخر وله الان سنه وشكله مطول وبالنسبه لشروطهم لانه ممكن يفتح السنه القادمه 86% مع مرتبة الشرف واقل من كذا ما يقبلون ابد والعدد محدود جدا اذكر قبل سنتين قبلوا 4طالبات في مسار اللغه والنحو ايضا مساراتهم محدوده اما جامعة الملك سعود كان التقديم عليها شهر 11 في شروطهم ذكروا ان التاريخ يقبلون فيه جيد والاقسام الاخرى جيد جدا راجعي موقعهم حتى تتأكدي لكن وقت التقديم قبلوا جيد لجميع الاقسام لكن ما سمحوا لهم يدخلون الاختبار لها مكافأه 980 اماالماجستير الموازي قد تكفل خادم الحرمين الشريفين بالرسوم اي انه اصبح مجاني ولكن للاسف صاااار لازم له واسطه لانهم يقبلون جيد ولكن الى الان ما وصلت منحة الملك للجامعة فصاروا يطالبون الطلاب بالرسوم المواد التكميليه اذا اردتي ان تكملي الماجستير في مسار غير الذي تخصصتي البكالوريس فيه فأنه لابد ان تدرسي المواد التكميليه وهي الاساسيه في هذا المسار واقلها مستوى دراسي واحد واكثرها ثلاثه يعني بعد ماتنقبلين في الماجستير تدرسين مع طالبات البكالوريس المواد المحدده لك من ادارة الجامعه واذا انهيتيها تنتقلين لدراسة الماجستير اختبار التوفل ليس لجميع الاقسام بل اقسام محدده بالنسبه للماجستير قد اصبحت الدراسه فيه ابتداء من هذه السنه سنتين دراسيتين وبعدها سنه واحده يقدم فيها بحث تكميلي اي انه الغيت الرساله (وتأكدي من جامعة الملك سعود) دعواتك ياغاليه

قولي آمين
يالله انك توفقها بالدنيا والاخره
وتجزاها الجنه والديها ومن يعز عليها
الله يصخر لك ملايكة السماء وجند الارض
ويرزقك من غير ماتحتسبين
مشكوررررررررره يالغاليه

[Nice Dream]

هتان ..
أسعدك رب السمواات ووفقك لنيل مناك ..
استفدت منه كثيرا ..
بارك الله فيك ..