تحت ظِلالِ الكُتب

[% بنت الإسلام %]

مادريت انكم تفضفضون فيذا

بالنسبة لي ...
ما رأيكم في انسانة تدخل اختبار المحاسبة
ومجموع درجاتها الفصلية 23 من 60

أسأل الله أن ينجحني فيها من حيث لا أحتسب
اكرهها أكرهها ><


وباقي المواد الى الان لا بأس بها ولله الحمد
والعقبى للبقية ~

خلصت اليوم مادة الخميس وزينه الحمد لله <<اشيل هم لامتحان الخميس

أفضل الأيام عندي لأداء الاختبار يوم الخميس ..!
لعل من الأسباب كون الطرق خالية من زحام الطلاب
والجامعه ايضا ً يعمها الهدوء

كان عندي الخميس الماضي اختبار مالية ولله الحمد
رااااضية عنه



بالتوفيـــــق للجميع ..

[HearT QueeN]

.



الحمدلله و خلصنا كونستركشن ()

و جابت السقف الخشبي

أهم شي عدّينا المادة بسلام
و سويت زين يارب لك الحمد (:


،

وشل !

هندسة العمارة الداخلية

مب مرة ممتع !
على حسب المواد :/



بالمناسبة ماذا تعني كلمة ( وشل ) ؟


.

[فيافي ؛]

المشاركة الأصلية كتبت بواسطة Queen اختبار اليوم .. كان أطول اختبار مرّ علي : ( لو ما أخذت +أ سأموت غيظاً ثث ! من جد كتابة كتابة كتابة و الوقت يمشي يمشي .. ويجي سجّل التوقيع وأنا باقي لي سؤال كامل يالله هانت .. باقي مادتين الحمدلله .. الله يتمم لي ولكم على خير ! كتفي .. ماصارت كتابة :S

أهم شي أن اللي كتبتيه صح ..
يلا الحمد لله ..
كل ما كاانت الأسئله كثيره كل ما قل تقسيم الدرجاات ..
مو أسئله قليله والدرجاات عاالية :/..

موفقة ..

|| فَيآفِي ~

المشاركة الأصلية كتبت بواسطة HearT QueeN . الحمدلله و خلصنا كونستركشن () و جابت السقف الخشبي أهم شي عدّينا المادة بسلام و سويت زين يارب لك الحمد (: ، وشل ! هندسة العمارة الداخلية مب مرة ممتع ! على حسب المواد :/ بالمناسبة ماذا تعني كلمة ( وشل ) ؟ .

الحمد لله عقبال باقي المواد ..

هندسة العماارة الداخلية ..
كنت أتمنى أدخل هالقسم ..
بس قدر الله وماشاء فعل ..
الحمد لله على كل حااااااااااال ..

موفقة ..

|| فَيآفِي ~

[*أخت عبدالعزيز*]

المشاركة الأصلية كتبت بواسطة Queen اختبار اليوم .. كان أطول اختبار مرّ علي : ( لو ما أخذت +أ سأموت غيظاً ثث ! من جد كتابة كتابة كتابة و الوقت يمشي يمشي .. ويجي سجّل التوقيع وأنا باقي لي سؤال كامل يالله هانت .. باقي مادتين الحمدلله .. الله يتمم لي ولكم على خير ! كتفي .. ماصارت كتابة :S

نفس الحالة اليوم..

لكن موضوعي أرحم..

50 سؤال صح أو خطأ..

و50 سؤال اختيار متعدد..

ونحل بورقتين الأسئلة بعدين ننقلها لورقة الإجابة شي يطفش..

المشاركة الأصلية كتبت بواسطة % بنت الإسلام % مادريت انكم تفضفضون فيذا بالنسبة لي ... ما رأيكم في انسانة تدخل اختبار المحاسبة ومجموع درجاتها الفصلية 23 من 60 أسأل الله أن ينجحني فيها من حيث لا أحتسب اكرهها أكرهها ><

عادي ..

لو كل اختبار ماراح ندخله عشان المجموع الفصلي متدني ماراح نختبر أبد..

اختبار في الأسبوع الماضي دخلته ومجموع الفصلي 10.5 من 50..

قلت ربي بيوفقني وآخذ فيه 50 حرام الحضور يروح بلاش..

وحضرت النهائي وأخذت 50 من 50..

الاختبار كان موضوعي اختيار متعدد سهل عكس دراسته الكمية كانت كبيرة..

فأخذت D بالمادة (مقبول)..<<صلحت الأوراق بعد الاختبار مباشرة..

بعده رأيت الدرجة بموقع الجامعة -C (جيد منخفض)..<<الدرجة النهائية..

رفعنا الدكتور 10 درجات تقريباً جزاه الله خيراً..

تقدير ما كنت أحلم فيه كنت أتمنى النجاح فقط..

الحمدلله على فضله..

[pity]

.

يبدو أن الدكاتره يستغلون كون مادتهم يوم السبت بالإكثار من الأسئلة وتفريعها !
اليم عندي أصول فقه ,,
وأغلب الطلاب ماطلعوا الا مع أذان الظهر وأحد الدوافير يقول عيوا يخلونّي أحل الجواب الأخير من طول الأسئلة !
ملينا 4 أوراق كتابه !
عسى الدرجة بإذن الله تصير زينه ,,


بكرا نحو ><!
أكرهه ؛
إلا إذا صار الدكتور يحببك له !
دكتورنا ماشرح لنا إلا باب الإضافة تقريباً 15% من المنهج !
ولا حدد لنا مواضيع الامتحان !
لأنه بالمذكرة مكتوب كل شيء وماتدري وش اللي مطلوب ووش اللي لأ !

[ترفّق]

موفّقين جميعا ,,

[مِخْمليّـة ‘]

وه طاح هم اول يوم !

امتحاني الرياضيات اليوم كان حاجة لزيييييزآآآ
الحمدلله ,
صدق اني تعبت من التفكير بقوّة وتحطمت لما شفت اول سؤال لاني ماعرفت حله :/
و قمزت كل الاسئلة الي تحتاج قوانين لاني ماكنت اذكر ولا قانون !
لكن الحمدلله لما قريت الاسئلة مرة وثنتين وثلاث صرت اشوف الملزمة ومكان القانون شكرًا يارب شكرًا

اول ماطلعت اشوف مافيه احد طالع من القاعات الا 4 او 5 بنات
انا شكيت بروحي بسسس اكيد به ورقة ماحليته اكيد اكيد :s
والحمدلله تاكدت ان كل شيء تمام ومحلول


بكرا انقليزي يارب تسهّله علي وعلى كل الدفعة :"

موفقين كلكم وفالكم النجاح الي يرضيكم يارب (:

[جُمَانْ ؛]

المشاركة الأصلية كتبت بواسطة ترفّق موفّقين جميعا ,,

موفّقون جميعًا


،

بدأنا أمس "بالقراءات" وما راح همه !
مو حلو الواحد يبدا بداية سيئة .. بس الحمدلله
ألّفت تأليف مب صاحي !

تجيب لنا الكلمة حكمها ترقيق ، أحط تفخيم وأحط تعليل بعد .. يعني ثققققة لا متناهية
تحط لنا الكلمة واكتبي حكمها للإمام الكسائي .. أحط خلف وخلاد

سألت نفسي كثير وين كان عقلي بالاختبار ؟
الحمدلله على كل حال ..

،

اليوم باختبار الانجليزي كان التقديم عسسسل والحممممدلله حمدًا كثيرًا كثيرًا


،

الآنسة الجميلة اللي فوقي :
ذبحنا الشوق :/

فرحت كثير بتقديمك الحلو ، العقبى لباقي المواد ~

دعواتي تصحبكِ يا صديقة ()

[وَشَلْ !]

المشاركة الأصلية كتبت بواسطة HearT QueeN . وشل ! هندسة العمارة الداخلية مب مرة ممتع ! على حسب المواد :/ بالمناسبة ماذا تعني كلمة ( وشل ) ؟ .

ما شاء الله هندسة العمارة الداخلية للبنات !
لأن في جامعتنا جامعة القصيم هذا القسم غير متوفر حالياً للأولاد فكيف البنات !

كتبت بقوقل هندسة العمارة الداخلية أو شيء مثل كذا !
المهم شفت تصاميم تحفة
أحس الناسات اللي تدخل هالتخصص ذات عقلية مبدعة !





معنى ( وشل )
الوَشَلُ ما قطَر من الماء ،و قيل: الوَشَلُ الماء الكثير .



بالتوفيق ()

[مِخْمليّـة ‘]

اليوم وش اقول بس
كنت احل وانا مرتااااحة جدًا الاسئلة سهلة بشكل
الله يستجيب مادعيت لمعلماتنا بس ()
القطعة الخارجية اكثر شيء كنا خايفين منها
لان بالامتحانات الدورية تكون فيه كلمات مانعرف ترجمتها :"
بس القطعة بالاختبار هذا توسّع الصدر ولطيفة مررررة
تقرينها وآخر شيء تضحكين على النهاية
يارب تسعدهم كثر مااسعدونا يااااارب ()

قلب طفلة :
تعوضينها بالامتحانات الجاية يارب =)
ترى مانرضى باقل من الاولى !

الله يوفقكم ويفتح عليكم ()

بكرا تاريخ ونحو ,
نحو ان شاءالله اعوض عن الترم الماضي :/
والتاريخ سهل بس يبيله تركيز الله يرزقني هالتركيز بس


موفقين يارب

[طيّافيْ ~]

أكرههااااااااااااا إشراقة أكرهك من أعماق قلللللبي
اختبار القرامر من برا التحديد واختبار المهارات برضو في اشياء من برا التخطيط واليوم كمااااااااان إلى متى نطاوعها هي وتحديدها


اليوم ساااقطه وان نجحت جبت مقبووول
ماااااااااااااااااابي أذااكر مره ثانيه ادعولي أنجح لو بمقبوول تكفوون
بالله وش اقول لامي الحين

ولا شئ من الكتااااااااااااااب حسبي الله عليها الا اشياء معدودة عليها 10 او 20 درجه بس واللي برا الكتاب عليه حوول 50 درجة

آآه الحمد لله الحمد لله الحمد لله

[% بنت الإسلام %]

بالنسبة لي ... ما رأيكم في انسانة تدخل اختبار المحاسبة ومجموع درجاتها الفصلية 23 من 60 أسأل الله أن ينجحني فيها من حيث لا أحتسب اكرهها أكرهها ><

أبشرررركم طلعت النتيجة

102 حسب مبادىء المحاسبة -2- د

وقسم وقسم نجحت فيها

أنا في حلم والا في علم


يااااااارب لك الحمدكما ينبغي لجلال وجهك وعظيم سلطانك
ااااخر شي في الحياة أتوقعه اني أطلع من هالمادة


الحمــــدلله


>> يقالي ماخذه A+ على هالفرحة

[وَشَلْ !]

^

مـا شاء الله

مُـــبارك لك ~

الكريم إذا أعطى أدهش !


عقبال الباقيات !

[العُـذوب]

الحمدلله خلصت أربع مواد كلها تخصص ..
باقي 3 مواد عامّة وماده تخصص سهله مرّه إن شاء الله ..

بكرة عندي حضارة ..
أعشق القراءة بالتاريخ والحضارات <- بس ما أحب أختبر فيها p=
على كثر ما أقرأ عبارة " إن الحضارة الغربية الحديثه مستمدّة من الحضارة الإسلاميّة " على كثر ما يوجعني قلبي ><

اليوم وأنا أدرس أشياء عن الأندلس والحضارة اللي هناك جالسة أفكّر اللي تخصصهم تاريخ كيف نفسيّاتهم مع هالمواد ؟
جد يعني هالمعلومات تعوّر :S


بنت الإسلام مبارك نجاحك ..
الله يطمّنك , عطيتيني أمل
مادّة السبت الجاي خايفة منها مره
حتى مو قادرة أدرس باقي المواد كل شوي جايه على بالي , يبدو إن الدكتور حاط كل الدفعه في باله ><
ما أتخيّل إني أحمل المادّة :S
والبلا إنها اليوم قبل الأخير يعني الطاقة بتصير صفر

الله يستر بس ويعدّيها على خير ..

[قرطبه]

ماشاء الله
مبارك بنت الاسلام

عقبال بقية المواد

[Novel]

يآآآه آخر خبري بالموضوع يوم القغاميغ
السبت كان écrit (=التعبير الكتابي ) الحمدلله الحلّ كان كويس
ومعدّلي بالشهري حلو ..
بس المرّة الأولى في حياتي يخلص الوقت وأنا ما خلصت
يخوّف :s

التعبير الأول والثاني بالرصاص وما كمّلتهم , والثالث ما بدأت فيه , ولا بقى من الوقت إلا نصّ ساعة !
كتبت أي شيء ع السريع - بدون تفلسف - وحبّرت الباقيات بسرعة وطلعت مصدّعة ..

بس عمومًا ما جابت أشياء صعبة , الحمدلله ..

رجعت للبيت نمت إلى فجر اليوم الثاني , قمت :s
ما أدري يمدي أذاكر صرف أو لا !
و رحت للجامعة ما فتحت الكتاب < لأني ماأفهم منه شيء !

وذاكرت مع مس هع
طلعت لي زبدة المقرر , والحمدلله الإختبار كان حليو
بس تقسيم الدرجات ><
- جملتين بس نحوّل الفعل إلى مبني للمجهول عليه 5 درجات ! -


بكرا آخر يوم (Lexique ) الله ييسر ..

[طيّافيْ ~]

ااااخر شي في الحياة أتوقعه اني أطلع من هالمادة

يعني تتوقعين أطلع من الترجمة ولا أذاكرها مرة ثانية


مبروووك لك ()

وعقبالنا

[HearT QueeN]

.




=(
ما أحب أدخل امتحان أنا مو متمكنة منه
و لا أقدر أضمن لنفسي الفل مارك !
لكن امتحان اليوم ـ بأدخله و أنا أدعي آخذ 20 من 30 ><


مصطلحات كل واحد يقول للثاني الزود عندي و ترجمة مالهم ترجمة !
يعني أنواع الطلاسم الانقليزية الغير مفهومة .. و تعالي احفظي بس !


عارفة أنها بتجيب كل الكنائس حق كل العصور
و بتجيب مميزاتها وخصائصها
و عااارفة نفسي للحين ما أعرف أفرق بينهم :/

منهج صعب و دسم وطويل !
ذكرني بأحياء ثالث ثانوي ><

نحفظ من هنا وتخرّ المعلومة من هناك =_=


ربي استودعتك ماحفظت و مافهمت فاحفظه لي ورده إلي وقت حاجتي إليه يا أرحم الرااحمين ..



.

[som1]

[dir=ltr]Heeey every1![/dir]

كيف الحال آل التربية والتعليم .؟
الناس اللي يوزرهم مُصادَر -من قِبل السلطات العُليا- يسلمون عليكم ومشتاقين ..

الحمدلله اختباراتي حتى الآن جميلة وكويسة،
شاكة في شيء بالرياضيات وماأبي أفتح الدفتر أتأكد، عشان ما أنصدم! أتمنى يكون خير ..

هذا الأسبوع نوعًا ما اختباراتنا خفيفة، عدا الكيمياء! - الله يعدّيه على خير.. -
بفضل الله ثم جدول المواصفات "المحتوى،" اللي ألزم الأبلات إنو يحطون أسئلة منطقية ومعقولة ومتفاوتة في المستوى...

Heart Queen .. على فكرة، ترا أحياء ثالث ماارة سهل وحلو .. بس دعواتك؛
موفقة، ومبارك الإجازة مقدّمًا ..
Novel، موفقة ألسُو، ومبارك الإجااازة !
العذووب.. ربي يوفقك،
- يمديك ؟ طلّعت هذا اليوزر من بين أكوام الغبار..

بالتوفيق جميعًا، ودعواتكم!

[Queen]

اختبار سهل ويسير وعال العال الحمدلله :"

باقي بكرا .. يارب ختامها مسك ()