█ :: .. تقرأ كويس ؟ لا وتخيل تصدم بوشسمه بعد .. قمة البياخة :p .. :: █

[السعيّد]

هاي

كيفكون

قدّر الله علي ودرست بالأردن الشقيقة .. وكما هي حال أي مغترب متقوقع بجو السعودية يطلع وما يدري إن ما وراه إلا العيد والمواقف المخزية والله المستعان
خاصة إذا درس الواحد ومعه بنات بالجامعة أنواع المواقف اللي مالها داعي والأعياد

[ 1 ]

[ موقف تقرأ كويس ]
هذا موقف الله يسلمكم يوم كنت بأول ترم لي بالجامعة .. يعني جديد طاااااازة ما عرف أي حاقة بالعالم .. عندنا دكتورة تدرسنا مادة لغة عربية .. المهم الدكتورة هذي لعلها خققققققققت على قراءتي الكويسة
وصارت تخليني كل محاضرة أقرا أول واحد
المهم .. مرة من المرات الدكتورة سألتني وش اسمك ؟! قلت أخوك في الله حسام < هين أخوك في الله ..
خلصت المحاضرة وطلعت من القاعة وجيت بروح للمحاضرة اللي بعدها .. شوي ولا ذلك الصوتي الأنثوي يأتي من الخلف .. " حوسام " .. أنا صار وجهي قبل ألتفت
أيواااااااه .. من ذي اللي تنادي .. يعني ما أعرف شباب حتى أعرف بنات
ناظرت ولا الدكتورة تنادي .. قلت أيواااااااااه .. وش هالموقف اللي مالأمه داعي .. يعني الحين لو يشوفوني العالم ويقولون مطوع ويتكلم مع وحدة .. يعني بطلع من الجامعة مصلوخ .. يعني يعني يعني .. ورسمت أنواع الكوابيس .. المهم جتني وقالت حسام أنت وش تخصصك ؟! قلت هندسة .. قالت ماشاء الله .. قراءتك كويسة وممتازة وتعجبني مرة .. وليت عندي منك بكل قاعة واحد ومع ليش إني أتعبك كل محاضرة وأخليك تقرا ، وبالنسبة للبحوث والواجبات ترى مهب لازم تجيب شيء أبدا .. علامتك بالمشاركة بتاخذها كاملة وووو .. وأنا ما غير أناظر بالأرض " غض بصر " وأقول .. الله يسلمك .. الله يسلمك .. وأدور رجلي بالأرض يعني مستحي << نصاب
ثم قالت .. إذا بغيت أي شي تعالي المكتب .. أنا سمعتها وكأنها تقول تعال الحين المكتب .. جيت بلحقها يوم راحت قلت وش قلتي ؟ قالت إذا بغيت أي شي تعال المكتب .. قلت أهاااا .. شكرا وقلبي ما غير طق طق طق .. طبعا بعدها ما صرت أعرف أقرا بالمحاضرة أبدا أبدا ..

[ 2 ]
موقف تصادم

قبل فترة من المواقف البااااااااااااااايخة بقوة .. نازل من الدرج .. ولعل أحد الطالبات جاية مسرعة .. المهم جيت بوخر عنها ولعلها اللي منب قايل وخرت لكن للجهة اللي أنا وخرت لها .. ودوف طاع .. المهم أنا قلت آسف ومشيت .. جا واحد ولعله يبي يستخف دمه .. قال يا مطوع #### جيت ناظرت ولا واحد ما عرفه .. عطيته ظهري ومشيت وهو لا زال يكمل وأنا ساحب عليه .. المسيكين حسيت إنه تفشل هو بدال ما يفشلني .. بس الصدق الصدق .. كل ما تذكرت هالموقف حطيت راسي بالأرض وأحس ببياخة عجيييييييييييبة

[ 3 ]
موقف مع أحد الدكاترة البايخين

هذا أحد الدكاترة عندنا نفسيييييييييييييية .. رئيس قسمنا لكن نفسييييييييييييية ...
يعني تخيلوا مثلا مثلا إنه يجيب مشاعر الحياة وأحاسيس الحياة بكل طقوسها بدقيقة وحدة ..
يعني يبدأ بالشرح وهو معصب خمس ثواني ولا نشوفه يضحك خمس ثواني ولا الأخ يتكلم بهدوء .. خمس ثواني ولا هو يصارخ .. وقسم نفسية عجيبة هالدكتور .. حتى من نفسيته العجيبة يقول تراي رسبت أختي قبل
تخيلوا مرة مرة مرة .. جا بنص الشرح قطع الشرح والتفت لي .. قال أنت تاكل من الوجبات السريعة ؟ أنا : ، إيه آكل .. قال : لا لا لا .. ما يصلح .. قلت عزوبي لازم آكل من برا قال لا لا .. اطبخ وسوا أكلك بالبيت .. قلت طيب أبشر إن شاء الله
قسم بالله نفسية وش دخلك فيني وتقطع الدرس عشان هالسؤال البايخ زي وجهك

حسيت إني طولت .. برجع لكم بمواقف بايخة أكثر وأكثر بالردود إن شاء الله ..
دمتم قارئين كويسين

[الحآتمي]

وناسة

تراي أعرف أقراء زين إذا بغيت فزعه

كمل كمل .. والله الله بالبهارات

[][ .. بــضـغـطـه زر .. ][]

حجز brb

[البراء الرشود]

تراي اخوك في الله ..

وجريء ..

وأعرف أقرأ زين وعلى باب التخرج

وما عندي اشكال اصقع ابدا ابد وأصلح لو بغوا !

بس شسمه هذا ضبطنا

[السعيّد]

المشاركة الأصلية كتبت بواسطة alhatmy وناسة تراي أعرف أقراء زين إذا بغيت فزعه كمل كمل .. والله الله بالبهارات

لا يشيخ ؟ لازم تختبر عندي أخاف ياخذونك بدالي

القصص بتجي بس خل نشوف مسار الموضوع كيف بيمشي

[أبو أنس]

خخخخ ، مواقف الدراسة برا دايم تصير شينة ..

لا داعي لكب العشاء ! :/

[السعيّد]

المشاركة الأصلية كتبت بواسطة ][ بـضغطه زر ][ حجز brb

يلا بسرعة عاد .. تراك طولت وأنت حاجز .. فيه غيرك يحترون

[السعيّد]

المشاركة الأصلية كتبت بواسطة The Top تراي اخوك في الله .. وجريء .. وأعرف أقرأ زين وعلى باب التخرج وما عندي اشكال اصقع ابدا ابد وأصلح لو بغوا ! بس شسمه هذا ضبطنا

يؤ عاد أنت خريج لغة عربية .. خلاص خلاص تخرجت ما يمديك ما عندنا ماجستير .. راحت عليك يا حلو
معليش ذا توبة شف غيرها .. < عرفنا نصرفه ولله الحمد

[السعيّد]

المشاركة الأصلية كتبت بواسطة أبو أنس خخخخ ، مواقف الدراسة برا دايم تصير شينة .. لا داعي لكب العشاء ! :/

خخخخخخخخخخخخخخخخ .. أجيب الموقف اللي حطيته بالمسن ؟

[نبـع]

نَسأل الله السَلاَمَة

[البراء الرشود]

المشاركة الأصلية كتبت بواسطة السعيّد يؤ عاد أنت خريج لغة عربية .. خلاص خلاص تخرجت ما يمديك ما عندنا ماجستير .. راحت عليك يا حلو معليش ذا توبة شف غيرها .. < عرفنا نصرفه ولله الحمد

طيب مر الدكتورة في المكتب قل لها فيه خريج لغة عربية عنده كم استفسار ممكن طريقة تواصل

[Mr.salih]

................

ترى اعرف اقراء بالله كلمها مافي مشكلة ادرس بالأردن ياشيخ لو بالمريخ. .
















........

[السعيّد]

المشاركة الأصلية كتبت بواسطة نبـع الإبداع نَسأل الله السَلاَمَة

< أشوى إنك داخل قلبك تقول نسأل الله عدم السلامة .. يخوي طير بس

[السعيّد]

المشاركة الأصلية كتبت بواسطة The Top طيب مر الدكتورة في المكتب قل لها فيه خريج لغة عربية عنده كم استفسار ممكن طريقة تواصل

لو سمحت عندك دكاترة كثر التراب في الرياض .. رح اسألهم < يغار
عاد هالترم كنت رايح أجيب لي شاهي .. يوم خذيت الكاس وأجي بطلع من مطعم الجامعة لعلها هي داخلة وشافتني .. وسلمت من بعيد .. أنا من الإحراج وما تخيلت الموقف غيرت طريقي كله .. قلت ماله داعي تصير حاقات أكبر وأكبر

[مدرعم]

أخي الفاضل السعيد ..
أنا طالب هندسه و مطوع كيف يمكنني التحويل إلى جامعتكم المرموقه نظرا لأني أعرف أقرا كويس وشكرا ..

ع.م.ش - الدمام


مدرعم ،

[مدرعم]

الذين يشاهدون محتوى الموضوع الآن : 12 ( الأعضاء 9 والزوار 3) ‏ذيب لكن حبيب,

حبيبي عيب لا تدخل مثل هالمواضيع توك صغير على هالكلام يا أورياااا


مدرعم ،

[Mr.salih]

................

السعيد انتبة منها انتبة اااااااااااااااااانتبة . .لا تغرك تسلم عليك ومدري وش..وانت ليش ترد السلام.. ..عطني رقمها خلني اتفاهم معها لالا الوضع ماينسكت عنه عطني رقمها ... ...(عزوبي ينصح.)

.........

[السعيّد]

المشاركة الأصلية كتبت بواسطة بصمة أبداع ................ ترى اعرف اقراء بالله كلمها مافي مشكلة ادرس بالأردن ياشيخ لو بالمريخ. . ........

ولم دراهمك ولا تحتاج لا تكلمها ولا تكلمك

[أنس]

ههههههههههههههههههه

ذكرتني بموااقف كثيرة صارت لي..

أذكر في مرة من المرارير.. كنت داخل الجامعة مع صباح رب العالمين،، ويوم نزلت للبوفيه.. وألقى وحدة من بنات الدفعة جاية لمي.. تقول صباح الخير وتمد يدها تبغى تسلم..!


طبعا لعل قلبي ما جلس يقول طقطق طقطق..

الخلاصة.. إني ولله الحمد ثبتني الله كما عُرف عني صلاحي وتقواي وبكل جرأة قلت.. اااه (سوري) معليش ما أسلم على بنات..! ولعلها ما طفت نورها ابدا أبدا

الموااقف كثييييرة مع الدكاترة والطلبة.. الله يعدي سنين هالدراسة على خير بس يا السعيّد..

،

[السعيّد]

المشاركة الأصلية كتبت بواسطة مدرعم أخي الفاضل السعيد .. أنا طالب هندسه و مطوع كيف يمكنني التحويل إلى جامعتكم المرموقه نظرا لأني أعرف أقرا كويس وشكرا .. ع.م.ش - الدمام مدرعم ،

والله ياخي تستاهل .. مطابق للمواصفات بصراحة ..
باقي عزيزي رقمك .. وبحاول أدبرلك إياها بدون دوام عشان ترتاح : )