هذا اليوز سيتحدد مصير حياته يوم الأثنين القادم

[سمـو]

السلام عليكم والرحمة

مسائكم وصباحكم رضا وسعادة

أخواني وأخواتي اللي عنده رأي خبرة معلومة عارف السوق وش يطلب يفيدنا

أنا الأن مستوى رابع أخر مستوى في السنة التحضيرية الثانية علوم إدارية وماليه
تفاجأنا الأسبوع هذا أنه لازم نحدد التخصص قبل يوم الأثنين القادم
التخصصات الموجودة بجامعتنا / إدارة أعمال المسار العام ومسار إدارة الموارد البشرية
إستثمار وتمويل مسار التأمين
محاسبة مسار المراجعة
ونظم معلومات إدارية

أنا كنت ناويه أدخل إدارة اعمال المسار العام لكــــــــــــــــــــــــــــــــــــــ ـــن
قلت لنا أخت بموقع الجامعة هالكلام/

الترتيب المفروض يكون حسب الأفضلية في االتوظيف وسوق العمل والرواتب مثلا ... من ناحية التوظيف أكثر قسم يطلبوه : محاسبة بعده: نظم معلومات ادارية استثمار وتمويل تسويق ادارة اعمال من ناحية الرواتب اعلى ناس ياخذو رواتب في الوظايف مستقبلا نظم معلومات ادارية بعده : محاسبة & استثمار وتمويل تسويق ادارة اعمال وهالكلام مو من راسي ,,, اسألو اي دكتور بالجامعه او اي شخص فاهم وحتكون هاذي اجابته شي ثاني أفضل قسم من ناحية الدراسة والمذاكرة ( سهل يعني مايحتاج كرف ) : إدارة أعمال بعده تسويق استثمار = محاسبة = نظم معلومات مشكلة ادارة اعمال انتي قلتيها بنفسك ( العبارة الحمرا ) ادارة اعمال يشمل تسويق مثلا في الوظايف لو يبغو احد متخصص تسويق يفضلو اللي متخصص تسويق طبعا على ادارة اعمال كمان ادارة اعمال يشمل تمويل في الوظايف لو يبغو احد متخصص تمويل يفضلو اللي متخصص تمويل طبعا على ادارة اعمال وقيسي على ذلك بقية الاقسام .. يعني بالعربي طالب ادارة اعمال يدرس من كل حته جزئية ضئيلة هالجزئية الضئيلة مو مطلوبة في سوق العمل .. لدرجة اغلب اللي اعرفهم متخصصين ادارة اعمال جالسين في البيوت ماحصلو وظايف بسبب ان الشركات اخذت حقون المحاسبة والنظم والتمويل وغيرهم ... حبيت افيدك بس عشان لو لك ميول لشي ثاني انصحك تحولي قبل مايفوت الفوت مابي احطمك زيادة بس تدري ان ادارة اعمال من كثر ماهو قسم قديم جدا وغير مطلوب احتمال يتقفل مو بس بالسعودية .. بكل العالم .. وهاللكلام قاله واحد امريكي ... والعذر منطقي صراحة يقولون ماعاد سارت المنظمات تحتاج ناس تدرس إدارة وإدارة فقط .. يعني يبون ادارة وحاسب ( زي نظم معلومات ) او ادارة وشي ثاني زي باقي التخصصات الادارية اللي تدرس ادارة بالاضافة لشي ثاني منها المحاسبة والتمويل والاقتصاد ... الخ

بس صرااااااااااااحة حطمتني مرررررررررررررررررررره

أنا دخلت كلية العلوم الإدارية والمالية علشان الوظيفــــــــــــــة
واللحين التخصص أبغى تخصص مطلووووووووووووووووب .. ):

ياليت تفيدووووووووووووووووني ،، وهل كلام الأخت صحيح ؟؟؟؟

[ترفّق]

وعليكم السلام ورحمة الله وبركاته

حسب ما أسمع أن المحاسبة والإدارة المالية هي أفضل التخصصات من ناحية المستقبل الوظيفي ..
لكن الكلام هذا ينطبق على المجالات الرجالية للوظائف ....
فهل ينطبق كذلك على الوظائف النسائية ؟
سؤال مهم !

أنظري إلى : قدراتك + ميولك ورغبتك إضافة إلى النظر في الفرص الوظيفية ..
مهم جدا أن تضعي هذه الاعتبارات الثلاثة عند التفكير ..

وآمل من الإخوة والأخوات المتخصصين في الإدارة إفادتك ..

دعواتي لك - سمو - بأن ييسر الله أمرك للأصلح في الدارين .

[سمـو]

شكرا لك بحجم رضاك أختي ترفق (:

بحآآآآآآآآآآآآآآآآآآآآآآآآآآآآآآآآآآآآآآجة إلى مزيد من الأراء فلا تحرموني منها لاحرمكم الله الفردوس ../

[طالب الحور]

{ .. أسأل الله لك التوفيق .

قرأت الموضوع والرد وقد تخالف وجهة نظري ما طُرح في المقتبس في الموضوع والرد .

لا علاقة للتخصص بالرواتب والفرص الوظيفية وغيرها من هذه الأمور ( أتكلم عن التخصصات المطلوبة طبعاً )

وليس شرطاً أن المحاسبة أفضل من إدارة الأعمال أو العكس كذلك

فمتى ما تميز الشخص بمجاله أصبح الطلب عليه أكبر من غيره

فالمحاسب إن جد وبذل واجتهد واخلص وتخرّج بمستوى عالي وطوّر نفسه وكرس جهده في تحقيق ما يريده فسيصل له بإذن الله

وكذلك الحال في الإدارة .. مع التطوير والتدريب والمستوى الدراسي الجيّد سيكون مطلوباً في مجال العمل

ونصيحة / لا تسألين دكتورة أو دكتور عن التخصص وهو أصلاً متخصص في هذا المجال لأنه سيمدحه مهماً كان .. بل سيثني عليه ..

كمن هو دكتور في مجال المحاسبة وسأل الطالب عن التخصص في الأفضلية أهي المحاسبة أم الإدارة مباشرة سيذكر أن المحاسبة أفضل > لأنه تخصصه .. إلا من رحم الله ..

نصيحتي هي تعود لك انتي .. ما هي ميولك ؟ إدارة - محاسبة - تمويل - .. الخ
ادخلي التخصص الذي تميلين له وترغبين به وستبدعين فيه .
محاسبة أو إدارة
كلها ممتازة ..
لكن لا تتخصصين بناء على الآخرين .. تخصصي بناء على ميولك
فبدخولك القسم الذي تميلين له ستبدعين فيه ..

وتذكري أن / الإنجليزي و الحاسب متطلبان في التخصص بنسبة كبيرة ..


بالتوفيق .. }

[سمـو]

شكرا لكم حتى وأن لم أجد الإجابة الشافيه لديكم
جزاكم الله كل خيرا..