:::: أفلام طفولة خوي السرور المصورة ::::

[خوي السرور]

سلام عليكم ..

* ( الصور كثيرة فيرجى تصريف نفسك وتصفح موضوع آخر لمدة خمس دقائق ثم الرجوع )

هلا بالعيال ..
أول شي معليش يالنصراويين ترا الدنيا تسذا يوم لك والباقي عليك .. وأهم شي الآخلاق مب تسذا ؟


والله ياعندي لكم قرق اليوم .. بس أنتم أنصتوا

دقيقة خل نزبط الجو ونشغل فديو كليب رب صدفة يابو حنشل ترررن ..


أيووووهـ تسذا ..


المهم نخش في المقدمة <<<< هالقرق قبل المقدمة .. ربك يعين


أيام الطفولة أيام حلوة ورائعة .. قسمن أنك تسانس وتقعد تشوف من أفلام هالكرتون وتصدق همن أنواع التقليد بالحركات واللبس ..

<<<< لا أبشركم قضت المقدمة ..


من أفلام الكرتون اللي كنت أتابعهن وأحبهن هالأفلام اللي بنستعرضهن الحين فكونوا معنا <<< مهب يتابع فعاليات الصيف أبد ..



:: الفلم الأول ::

وداعاً ماركو ..





وقصته أن أم هالماركو راحت ترزق الله بحدا الديار .. وخلت ماركو أبنها الموسكين الصغير مع الأبو .. عاد ماركو ماسمع الكيلام وراح يبي يلحق أمه ..





بالطريق لقى واحد راعي سركـ وصادقه وبالأخير يموت راعي هالسرك وورث منه القرد الأبيض ..





عاد الحمدلله لحق عليه ولقاهـ تشتغل خدامة عند ناس وألاهـ مصخنة .. وراح يجيب له الدواء .. <<< لاعبين علينا بهالقصص وشلون بزر يروح من قارة لقارة .. ولا معه دراهم ولا شي


:: الفلم الثاني ::





كابتن رابح ..

آآآآآآخ بس .. هالفلم واااااوك صياااااح ..
قسمن يا أنا أرفس وأموت على هالرابح





منول أول ما أسمع أغنيته :

كبتن رابح ياكبتن هداف .. في المرمى جبت الأهداف
تبقى دوماًُ في التلفاز .. خلال الشعب الفاسق <<< البيت الثاني لاتدققون واجد





حبيبي رابح ذا كان عندهـ شوته أسمه : أكيلا .. لاشات الكورة تروووح فووووووق همن تطب محيفر على الحارس !
وأذكر آخر حلقة كانت المباراة على الكاس .. والله ياهي حماس ..

:: الفلم الثالث ::





أسطورة زورو ..





هلالالالالالا بيك .. هلا هلا ..
زورو ياحبيب القلب ياغالي حبك دوم يزودي





منول إذا جاء خلالالالالالالاص ولا كلمة .. همن أنواع الحماس مع الأغنية ولاخلصت أروح لسيفي اللي انا مسويه وخذ جلد بأخوي يقالي أرسم حرف ( z ) على فنيلته وهو معطين جوّي





عاد والله يابه ناسن واجد خاقين على لوليتا ..




:: الفلم الرابع ::





ميقالو و سوسان !

هالفار أبو أذان ، اسمه سوسان وبه بس ماغير يلاحقه اسمه ميقالو ..اسم بنقالي .. لكن صراحة فلم خبل ..





أول أغنيته :

إحذر ميقالو ياسوسان ..


:: الفلم الخامس ::





عبقور ..

خخخخخخخخخخخخخخخخخ والله ياهو صابرن على خويه عامر ..
الغريب هالعامر ياباني ودبشه !

لكن عليه اختراعات ابن الإيه .. مايبلش ..



:: الفلم السادس ::





بابا فرحان ..


بابا فرحااااان استنى شويا .. رايحين نتقابل بالحلقة الجاية !!
خلينا نعرف متى موعدنا .. نفس الموعد ياحبيبنا !!





عاد تصدقون أني كنت أرحم البقرة ذيك اللي اسمه أم الخير

وودي ألفع جدو سرحان لأنه دايم يهاوش هالبقرة .. ولا عاد سمورهـ ! ماتدري هي دب ولا فلبينية ..



:: الفلم السابع ::





الرمية الملتهبة ..

سامي وكورة اليد !

عليه رميه ماهيب صاحية بيدهـ الظاهر أنه وارثها من أبوهـ ..





لايفوتكم ولد خاله .. شكل أبوه فارة وأمه آدمية على هالشكل !
فلم كويس صراحة ..


:: الفلم الثامن ::





مدرسة الكونفو ..

يااااااوكـ يالوناسة ..





عاد منول كنت أحب أبو أزرق ذا خقيق معه



:: الفلم التاسع ::





بباي ..

هالشايب ياهو منتهي .. ياهو زاحف .. ياهو مهايطي ..

ماغير ياكل من هالعلف مدري السبانخ .. همن تطلع العضلات !!





عاد عليه زوجة .!!.. شكل أبوه آدمي وأمه مسطرة .. نحيفة مرررررررهـ بعذرهم مايجيهم عيال !! <<


:: الفلم العاشر ::





هايدي ..

فلم مش بطال مع أني كنت أتابعه ولا أدري وش سالفته لكنه رهييييييب وأغلب الناس يحبونه ..


:: الفلم الحادي عشر ::





سالي .. فتاة موسكينه ..
يحسبون أبوهـ مات وعشان كذا بدو يعذبونه وحسرو به ..





كرررررهـ يهالعجوز .. قسمن بالله أول كنت ناوي أتوطى بطنه لكن حظه أني مادري وينه ..



وهذي صورة تجمع بين هايدي وسالي :







عموماً الأفلام اللي ذكرناهـ هي اللي تبقى من الطفولة الحلوة .. وصراحة كانت أيام حلوة وماتنسى ..

وأتمنى أن يكون الموضوع جاز لكم وأعجبكم .. وأرجو في حال النقل ذكر المصدر لأن مدة إعداد الموضوع أكثر من ثلاث ساعات <<< فاضي


سلام عليكم

خوي السرور ..

[Mr.salih]

..........

]الله يقلع بليسك تذكرة يوم اني تسذا
الله يازورو اذكر بعد كل حلقة نطلع ونحط خرقة يعنيني الشراع الي وراة وضرب في خلق الله مسوين فيها ابطال
لا وداعا ماركو ياني بكيت اهي اهو
وعبقور ياحبيلة واختراعاتة هو وعامر
وسبتا حامد قصدي كبتن رابح اااخ يان علية لعب لو يخلونة يحترف في النصر

المغامرات كثيرة واليد قصيرة..
والله ياهي ايام

شكرا على الموضوع الجونااان


.........

[[ ساري ]]

السلام عليكم

واضح إنّك كنت ما شاء الله متابع من هالافلام الكرتونية

ثانيا أنت ما لحقت على أيام التلفزيون الأبيض والأسود منوّل
>>وش عنده يالقديم


ولي عودة إن طنّت براسي

وأخيرا:

ترى يقولون باباي إنّه فيه مخالفات شرعية ويقولون إنّه مهب زين

مثل أنّ هالباباي ياكل حشيش

وحاطّين الشرير (بلوتو ) له لحية وباباي ما له شيء

بس بيني وبينك ترى كونان زين

ولا يهون الكابتن رابح وكلّ اللي قلتهن إلا باباي

انتهى قوله

[ماي جي]

اسكت بس دخت مع موضوعك

يالبا قلبهم كلهم ولب قلبك


مشكور على أحسن صور

صح تابع السلاحف النينجاء الجديد << طلعو ورع :p

[واحد منهم]

ياليت هالأيام ترجع ..
ذكريات جميلة .

[خوي السرور]

تم تعديل بعض الصور التي لم تظهر .. بإمكانكم إعادة قراءة الموضوع لمزيد من الفائدة ذذ

ولي عودة للتعقبل على ردودكم ..

[خوي السرور]

المشاركة الأصلية كتبت بواسطة بصمة أبداع .......... ]الله يقلع بليسك تذكرة يوم اني تسذا الله يازورو اذكر بعد كل حلقة نطلع ونحط خرقة يعنيني الشراع الي وراة وضرب في خلق الله مسوين فيها ابطال لا وداعا ماركو ياني بكيت اهي اهو وعبقور ياحبيلة واختراعاتة هو وعامر وسبتا حامد قصدي كبتن رابح اااخ يان علية لعب لو يخلونة يحترف في النصر المغامرات كثيرة واليد قصيرة.. والله ياهي ايام شكرا على الموضوع الجونااان .........

هلا بك بصمة إبداع ..
والله تعقيبك متشعب الأطراف وذو شجون ومتعدد المذاهب والأطراف .. لذلك شكرن على المرور

[غظنفر]

والله الموضوع فوق الرائع بس هذي حلوه<<<< تسذا>>>>

والله يعطيك الف عافيه على الموضوع الاكثرمن رائع

[خوي السرور]

المشاركة الأصلية كتبت بواسطة الشاب الطموح السلام عليكم واضح إنّك كنت ما شاء الله متابع من هالافلام الكرتونية ثانيا أنت ما لحقت على أيام التلفزيون الأبيض والأسود منوّل >>وش عنده يالقديم ولي عودة إن طنّت براسي وأخيرا: ترى يقولون باباي إنّه فيه مخالفات شرعية ويقولون إنّه مهب زين مثل أنّ هالباباي ياكل حشيش وحاطّين الشرير (بلوتو ) له لحية وباباي ما له شيء بس بيني وبينك ترى كونان زين ولا يهون الكابتن رابح وكلّ اللي قلتهن إلا باباي انتهى قوله

وعليكم السلام هلا بيك ..

أنا لحقت على التلفزيون أبو بيبان خشب .. إذا صكيت البيبان أنصكت الشاشة <<< أبوك يالتطنور ..

بباي ملك البحار طووووط طووووط ..

يارجال يلعبون علينا ولا كل عمرنا نشوف هالبباي ولا جبنا خبر لحية ولا شسمه ..

كونان كويس لكن مشكلته وين ماراح تحدث جريمة .. وين حنا به أولاهـ ..

أنتهى قولي ..

[Noor 3la ALdrb]

طيب نسيت فلم انما ايه
الفلم ذاك اللي اذا رفع رجله يقعد ثلاث حلقات لين يشوتها بس


وهاذي ابيات الانشوده


كابتن ماجد تريلالالا .....كابتن ماجد ترلالالا
وعاد اليكم من جديد

سجل هدفن حقق فوزن ,....ضاعف جهدك بالتمرين
والباقي ملخبط


الصوره




وهاذي صورة ثانيه لعيونكم

[خوي السرور]

المشاركة الأصلية كتبت بواسطة ماي جي اسكت بس دخت مع موضوعك يالبا قلبهم كلهم ولب قلبك مشكور على أحسن صور صح تابع السلاحف النينجاء الجديد << طلعو ورع :p

هلا بك ماجي ..
حياك الله على المرور .. وسلاحف النينجا الحين سخيفة الرسوم ثري دي وغثا ..

[Mr.salih]

............

بس تصدق في شي مغص بطني بابا فرحان وش جابة ياني اكرة ذا الفلم وع..

.........

[ولد القبيله]

اقوول

انا الى الحين ادور تكمله سااالي

وش اسوي شفت نصه عاد لازم اكمله ذذ

[لـحـن !]

مشكلتنا يلعبون على عقولنا ذذ .!!
بس أفلام الكرتون فيها فائدة وحدة أن اللغة اللي يتكلمون به العربية الفصحى . .!
هذا احسن ما فيها والا الباقي خرط بخرط . .!
تحياتي أبوسرور . .!

[سيف العدالة]

اوووه
والله ياهم كلهم شي
بس وراك ناسي عدنان ولينا

وقرندايزر

وليدي ليدي

[abdalbari]

ماشاء الله ذكريات حلوه

آآه ليتها تعود

[خوي السرور]

المشاركة الأصلية كتبت بواسطة واحد منهم ياليت هالأيام ترجع .. ذكريات جميلة .

والله شف هي صعبة ترجع .. لكن شي طيب أنك تشوفهن مرة ثانية

[اختلفنا]

ياسلااااااام

الله عليك ابداع والله

[أمة واحدة]

[ولد القبيله]

^^

اقول
رقم العضويه للبيع ؟؟ : )

((والله مهيب شينه نعيد شوفتهن
بس الله يحفظك صك على نفسك الغرفه واقعد شف ذذ ))