يخافون على البنت من وقت الفراغ .!!! اسم الله علينا ليش ؟؟!

[أمـيـرة الــنور]

:

:
:
السلام عليكم ورحمة الله وبركاته ..*

أخباركم and علومكم..*


أبيكم في كلمة رأس..*




أحم أحم ..*




نحن البنات نسمع توجيهات منا ومناك..* وعلى عينا و راسنا هالنصائح والتوجيهات.*

لكن يصل بهم الحال يخافون علينا من قت الفراغ ..!!!

ليش ..*

الهذه الدرحة وقت الفراغ يهدد حياة الفتاة..* !!


يمكن تستغربون مثل ما انا استغربت..*

للاسف سمعنا ان بعض الفتيات كانت ضحية لوقت الفراغ لعدم استغال وقتها بما يفيد..*



بعض الاسر اصلحهم الله يجهلون هذا الامر ..* عندهم البنت ما تطلع من البيت نهائيا الا طلعه سنويه


يعني بعض البنات ما يدخلون مراكز تحفظيظ وغيره ..*

والبنت يا قلبي عليها عندها وقت فراغ كبير مالها حيلة الا ان تنتظر الباش مهندس على ما يشرف ..*

فــــــــــرفر..*



يعني نحن نبي نتكلم عن البنت اللي ما تطلع ولا احد يجيها ولا لها متنفس في بيت اهلها..*

اعتقادكم مثل هالبنت قاعده في البيت كيف هي حالتها ..* اذا ما استغلت وقت فراغها بالشكل الصحيح والسليم..*



في بنت اعرفها تقول راح استخف حياتي مالها قيمة بس وقت فراغ ما عرف شسوي..*//

احدى صديقاتي مره اتصلت علي وصوتها حزين تقول امس طلعنا بس والله صرت اكرهه الناس واخاف اقابلهم..*

اقولها ليش ..*

تقول (( لاني قعدت في البيت لمدة سنتين لا اطلع ولا شي و وقت فراغ قااتل ..* حالتي النفسية تعبت..*

والله ما اقدر ارجع مثل اول مرحه اجتماعيه ..* ))


وبنت ثانيه للاسف من كثر وقت الفراغ ما تعرف تستغله تقول دخلت الشات واصلا هذه البنت ما تدخل مواقع مشبوهه وسيئه..*
>>>>> ولا شك هذه بداية غير مبشره دخلت شات وبكرى الله يستر وين تدخل من مواقع.*



لا تستهيون بــ وقت الفراغ لازم نعرف كيف نستغله والا ترى بنخسر صحتنا مبادئنا..* الا ما رحم ربي..*


في من البنات كانت مرحه اجتماعيه وبعد انتهاء دراستها الثانويه قعدت في البيت..* و وقت فراغ قاتل..*

هذه البنت نفسيتها تعبت من كثر الافكار و وساوس الشيطان..*

وفي ايضا من البنات تخلت عن مبادئها..*

كانت هذا البنت عندها خطوط حمراء لا تتجازوها لكن من كثر الملل والفراغ وعدم استغلاله بالشكل الصحيح..*
دخلت المواقع السيئه.*

وتنازلت عن مبادئها تدريجياً..*
الله المستعان..*


وسمعنا من المختصين النفسين ان وقت الفراغ قاتل بحيث اكثر النساء اصيبت بأضطرابات نفسيه ومنهن من ضعفت شخصيتها ..*وبعض النساء حتى تمل من صحتها ودها تمرض عشان تغير جو..*

ومنهن والعياذ بالله ضاعت اخلاقها وتعرف على شباب بسبب وقت الفراغ..*


لذلك يجب ان نتدارك وقت الفراغ في الاستغلال الصحيح..*
وان نستفيد من اخطاء غيرنا لعدم استغلالهم لوقت الفراغ..*



لو نتسأل كيف تقضي وقت فراغك..؟؟!

انا شخصياً افضل ان لازم البنت تضع جدول تمشي عليه ..*
بحيث تنمى هوايتها..* او انها تحاول تتعلم الصناعه من الورق والرسم..*
وكتابة القصص..*

والجميل والرائع ان نجمع في وقت الفراغ الاحسنين نعلم لدنيانا ونعمل لآخرتنا..*

مثلاَ احفظ من القران والحديث الشريف..* وفي الجهة المقابله اتعلم شي دنيوي..* من صناعه طبخ نقش حناء خياطه اي شي دنيوي يفيدني واقد افيد غيري ..*

وبكذا اكون استغلت وقت فراغي بالشكل الصيحيح..*





حدثونا كيف تستغلون وقت فراغكم .؟؟؟



أنتظركم..*


محبتكم..*

أمـــــــــوره..*
:
:
:

[ثمة ألقـ*]

وعليكم السلام ورحمة الله وبركاته

بخير ونعمه يالله لك الحمد


الفراغ قاتل

وكما قيل:

إن الشباب والفراغ والجدة مـفـسدة لـلـمرء أي مـفسدة

بصراحه تمر عليك أوقات فراغ مع إن وراك مشاغل كثر المطر بس لأنك طفشانه ما تبغين تزينيها
أكره هالحاله بس سبحان الله إذا قضيت من المشاغل وأنا في البدايه مغصوبه أزينها أصير فرحانه


عشان كذا إغصبي عمرك على تزيينها وأنت فارغه راح تتغير نفسيتك ميه وثمانين درجه

أمممممم
فيه أشياء كثير حلو تعملينها وعندك وقت فراغ يعني ما تنحصر
بإمكانك تسوين أي شي يفرح غيرك لأنه بيفرحك

وبس

[البسمة الحزينه]

الفراغ ان لم تقتله قتلك

[||ترانيم الفرح||]

الله يسعدك اميرة !
بالنسبه لـ سؤالكِ

حدثونا كيف تستغلون وقت فراغكم .؟؟؟

احياناً اخذ كتاب قصص واقراهـ !
واحياناً اشرطه محاضرات !
او اقعد ع اللاب !
او مثلاً معي الجوال اقعد اصور به اشياءي مثل الاكسسوارات !

[زهرة شمر]

السلام عليكم ورحمة الله وبركاته

انا وحده لو حسيت الوقت فراغ اروح انام طوالي ما انتظر

شوفي وقت الفراغ مو كل بنت من خلاله تخرب وتتغير اخلاقها

البعض اللي ببسرعه اخربوا هم من الاساس قي قبول من ناحيتهم

واللي يرفض هذا الشي بقوه مستحيل يكون له ميول ابداً

الا اذا احد يوسوس وراها مثلاً صديقات السؤ او القريبه السؤ

وبعد الانسان بحاجه لوقت فراغ ليجلس مع نفسه يحاسبها

واحياناً من سبت الفراغ اطلعت مواهب كثيره وانا منهم

كل جمعه والسبت وقت العصر اشعر بفراااغ والغالب يكون ملل

من بعدها صرت اطبخ دايماً كل جمعه والسبت العصر

اسوي حلا جديد محد سواه قبلي من اهلي

شوفي كيف الملل والفراغ طلع عندي موهبة الطبخ عندي

ومن ناحيت الطلعه

طبعاً البنت محتاجه تطلع وتشوف الناس مهما كان اهي عايشه مع ناس مو بغابه

على شان تمنع من الطلعه ومن حق البنت ان تطلع وتشوف الناس

ومثل ما قلتي البعض نفسيتهم تعبانه لانهم ما يطلعون و مالهم علاقه مع احد

والبعض يخاف من مواجهة الناس لانهم صار لهم مده كبيره ما اطلعوا

وانا معاك ان نستغل وقت الفراغ بشي مفيد لاخره ولدنيا

اشكرك على الموضوووع القيم







أختكــم
زهــرة شمــر

[ميلاف؛]

هلا أمووورة موضوووع جميل ومفيد الله يعطيك العافيه

فعلاالفراغ إذا لم نحسن إستغلاله بمايفيدنا دنيا وأخره سوف يقتلنا

اما كيف أستغل وقت فراغي أي شي يطري علي أسويه

أصلا أنا من النوع إلي مايحب يقعد فاضي لاشغل ولامشغلة

وفيه فكرة خاصة بي سوف أبدأ بها قريبا بإذن الله سوف تملا علي كل وقت فراغي

دعواتك لي بالنجاح والتيسير ..

[ابتســـام]

حياالله أمووووره~

الصراحه موضوع مهم وجا في وقته لأنو الإجازه عالأبواب ولو انها مش طويله~

بالنسبه للفراغ فـ صدقتي قاتل للبنت..ويجعلها ماتشعر بقيمتها بالحياة~

وإذا البنت مافكّرت كيف تستغل هالوقت أكيد أنو راح يضيع عليها+تمل وتطفش وتتعب نفسيتها

فالقرار يبدأ من عند البنت نفسها..إذا تبي تقتل الطفش..~

صحيح أحيانا الأهل شديده ويرفضون بنتهم تطلع لكن ولو..إنتي بمكان بإستطاعتك

تحولينه لجنه وسعاده وعمل~موشرط تطلعين ولو ان الطلعه مهمه في العلاقات الإجتماعيه~

مممـ بالنسبه لي ماأطلع كثير ..يعني بحكم عمل الأخوان وكذا~فطلعتي قليله..

وأكيد يجي عندي وقت فراغ..فأحياناً احس إني كسلانه وأستسلم للفراغ وعندها

تعالي شوفي النفسيه..><" زفت ..وتجلسين بس ترددين طفشانه طفشانه!

لكن أحيان يجيني نشاط وأقضي وقت فراغي ووالله مايمديني أمسك الشغله الااستانست

وراحت الضيقه~طبعاً أقضي وقت فراغي بالطبخ أحياناً..أحياناً أعزم زوجات خواني

وأتجهز لهم وأطبخ..وأحياناً أقرا كتاب أو مجله ..أحياناً أسوي قهوه العصر مثلاً وأجلس

أنا وأمي بس ونشغل التلفزيون ونجلس نعلقّ والله نستانس مع أننا ثنتين بس!

الفتره اللي راحت كنت أزرع الورد وأعتني فيه..بس جانا البرد وماتت الورود

أحياناً ألقى أشياء بالبيت تحتاج تنظيف أقوم أنظفها وأنا غاصبه نفسي وبالأخيرأستمتع

طبعاً أجلس عالكمبيوتر أوقات وأخربط بالفوتو والا الفلاش..والله توسع الصدر~

والا اتفرج على صور أطفال <<أحلى شيء~

وأحياناً أسوي أشياء حلوه لغرفتي من صنع إيدي ومن الأغراض اللي عندي بالبيت ~

والله تطلع حلوه وتفتح النفس~

ووووبس..

مشكوووره أمووره على هالموضوع الحلو..

[نبض~]

السلآ م عليكم ..!

أميرة النو موضعك خطنطر بصراحه ويدق على وتر مهم في حياة البنات << مايدميكم على الاسلوب

انا أشوف ان الفراغ شي ماصخ بصراحه ولازم نحاربه بكل الوسائل اللي أمامنا ..

وكل وحده منا عندها طاقات داخليه كامنه لازم نحركها عشان نستغلها في هذا الوقت

انا مثلا في وقت فراغي افتح الفتو واجلس ابعبس لين يطلع معي شي كويس صح احيانا

يطلع معي اشياء تفتح النفس واحيانا ماودي اطالع الشاشه

بس الان احس اني بديت احترف الموضوع ..

الزبده من الهرجه كلها .. ان الواحد لازم يكتشف نفسه

وهذا حظرتي ضربت لكم مثال من واقعي

وانا احس نفسي ما عندي وقت فراغ هالايام بس شايله هم وقت فراغي اذا تخرجت

الا في حال ربي كتب وضيفه او جا الباش مهندس على قولتك

أما بالنسبه للبنت اللي ما تطلع من البيييت ياااااااااحيييييها وييييييين نلقهام في هالزمن

البنات في زمنا ان قعدو ثلاث ايام ماطلعو يجيهم وجع في رجليهم

بس اللي منكتمه في بيتهم 24 ساعه واهلها ساحبين عليها صراحه مسكينه

لا يلومنها اذا انحرفت عن الطريق المستقيم ..!

هم السبب في كذا لوهم معبرينها ما صار اللي صار

وانقطه الأهم في الموضوع ..

أن الوحده منا اذا حددت لها هدف في هذه الحياه وعرفت هي ليش مخلوقه

اكيد بتعرف ترتب نفسها وتنظم وقتها ..

أختم قرقي بهذه الآيه الكريمه :~

{ وماخلقت الجن والإنس إلا ليعبدون }

والله يعطيك العافيه وعذرا على الاطاله والهرج الواجد

[نَبضْ !]

آهنن آهنن اموورهـ .. ياسلام عليك فعلاً موضع كويس قداً قداً

وبالنسبه لي انا فتآة وحيده بين عيآل <~ قولي قا
لاصدز و لي اخت صحيح بس متزوجه وتعرفين المتزوجه احسه طافحتن بين السما والارض

فـ مشآن هيك كنت اعآني من فرآغ يوجع التسبد ويعور الرئه لدرجة انه تعيي تنفس
ولكن مع الوقت ولشسمه تعودت على هالفراغ وصآر جزء وصرت جزء منه حبني وحبيته
وقالي انه بيتقدم لخطبتي بس مآبعد لقى وظيفه سنعه

فـ بصرآحه وبكل صدق احس الفراغ مايعور قلب الى البنت الى بصعوبه تتأقلم مع الجو المحيط لهآ
يعني تطفش وتملل بسرعه وماترضى بالواقع يعني الى تبي طلع الى تبي تستانس همن ياحرام
محد يلبى رغبتهآ فـ تشوفين صدارها ضايق ونفسيتها زفت

ولكن بناء على تجربتي <~ ياللهول
اكتشفت ان الرضى بالواقع وان الامور مفروغ منه تريح القلب ف بذالك مآتطفش الوحده او الثنتين
لييه ؟.. قولي ليه .. انا اقولتس ليه لانوه خلاص حاطه في بالها من الاساس مافيه طلعه اليوم
فـ خلاص ماتوجع قلبها وتحس بالطفش لانها محـ تطلع لانها عارفه اصلاً انه مافي طلعه
<~ تقل صرت مثل الي يفسر الماء بـ الماء او لا ؟


الوكآد عن نفسي لمن اطفش او اعصب او ازعل او الخ..
اطس للمطبخ واطبخ واطبخ واطبخ واطبخ واطبخ واطبخ واطبخ واطبخ واطبخ بعد
يعني احط حرتي بالطبخ والمشكله اني مآكل بس اطبخ وادحي بها الفريزر <~ تهقون مرض نفسي ذا
يعني مسلاً اسوي بيتي فور حق الشاهي لمن يجونا ضيوف يصير بس نطلعه ونرصه
او مسلاً اسوي عجينه فطآير او سينبون واحطهآ بالفريزر فـ وقت مابيجونآ ضيوف او وقت
مآبنروح عند أحد نطلع العجينه قبل بـ كم ساعه همن بعدها نشتغل فيها علاطول
او مسلاً اسوي فطاير واطبخها وافرزنهآ فـ وقت مآيجونا ضيوف الخ او وقت مابنروح الخ

فـ بس حياتي في المطبخ انا صرآحه احب المطبخ واعشقه ولو هو شسمه قسمن لا اتزوجه


وبعدين شسمه لا إله الى الله رد زهرة شمر كآن سنع وكويس من نآحية ان البنت تفسد
اي يذهب صلآحهآ وتذهب مبادئهآ وقيمهآ بالفعل ربي يرضى عليهآ كتبت الى كنت بقوله او اكتبه

[مَلَكْ]

ولله الحمد . .
التحقت بمركز كان بالبدايه بس بالصيفيه . .
وكنت مجرد طالبه استفيد واتسلى وارجع بيتي ,

الحين انا لي فيه ثلاث سنين ..
تعرفت على ناس بجد بجد صالحه بمعنى الكلمه . .
غييروا فييني كثييييير .. بجد الله لا يحرمني منهم ,
الحمد لله تغير الوضع سرت احس اني عندي هم انشغل فيه ,
يعني ماشاء الله هو مايوقف طول السنه
برامج وندوات ومحاضرات وحفلات . .
وفيه ايام يداومون فيها ,
فساروا يطلبوني .. في كل شي مهم بصير بالمركز ,
أنسق معهم .. أضبط معهم , احضر نتقابل بالمركز لانا مرا ماكنا نبي ننقطع عن بعض ,
سرت احس اني مو بس طالبه .. سرت احس نفسي وحدة منهم ,
حتى هم بنفسهم ساروا يميزون البنات اللي معهم من أول ,
يستشيرونا .. يقولونا .. يكلفونا باشياء غير عن الطالبات الباقيات
يحسسونا بالمسؤليه
بجد الله يسعدهم غيرو شي كبيير بحياتي ..
سارو كل حياتي . .

قلم رصاص / عضو في مركز الأحياء " نور الايمان "
-> انبلففت !

تسلمين اميرة على مواضيع زي كذا . .
بجد دايماً مواضيعك كلها فايدة :$

عوآآفي () !

[أمـيـرة الــنور]

المشاركة الأصلية كتبت بواسطة لوحة فنية وعليكم السلام ورحمة الله وبركاته بخير ونعمه يالله لك الحمد الفراغ قاتل وكما قيل: إن الشباب والفراغ والجدة مـفـسدة لـلـمرء أي مـفسدة بصراحه تمر عليك أوقات فراغ مع إن وراك مشاغل كثر المطر بس لأنك طفشانه ما تبغين تزينيها أكره هالحاله بس سبحان الله إذا قضيت من المشاغل وأنا في البدايه مغصوبه أزينها أصير فرحانه عشان كذا إغصبي عمرك على تزيينها وأنت فارغه راح تتغير نفسيتك ميه وثمانين درجه أمممممم فيه أشياء كثير حلو تعملينها وعندك وقت فراغ يعني ما تنحصر بإمكانك تسوين أي شي يفرح غيرك لأنه بيفرحك وبس

:

:
:

هلا لوحتنا الفنيه الرائعه..*

صدقتِ..*

احيانا تكون نفسك تمنعك من اكمال مهامك..* بس لازم نجبرها ونظغط عليها..*

لان اذا تساهلنا في البدايه بيكون سهل علينا التكاسل وعدم اتمام الوجبات والاشغال على الوجه الصحيح..*

والف شكر غلاي على مداخلتك الطيبه..*

كل الود لك ِ..*


* * *

دمــــــــــــتم..*
بحفظ الله..*
:
:
:

[أمـيـرة الــنور]

المشاركة الأصلية كتبت بواسطة 彡 المستهبلـه 彡 الفراغ ان لم تقتله قتلك

:

:
:

هلا والله..*

ماشاءالله.* على هالرد الاختصاري المفيدي..*
>>>>>> ترى اهل حايل كلامهم شااعري..*

اختصرتي موضوعي في الجمله..*


فعلا صدقتِ..*

الفراغ يا احنا نستغله ونقضي عليه او انه هو يستعلنا ويقضي علينا.*




* * *

دمــــــــــــتم..*
بحفظ الله..*
:
:
:

[أمـيـرة الــنور]

المشاركة الأصلية كتبت بواسطة ||ترانيم الفرح|| الله يسعدك اميرة ! بالنسبه لـ سؤالكِ احياناً اخذ كتاب قصص واقراهـ ! واحياناً اشرطه محاضرات ! او اقعد ع اللاب ! او مثلاً معي الجوال اقعد اصور به اشياءي مثل الاكسسوارات !

:

:
:

هلا ترانيموو...*

على فكره قبل كم يوم كنت ادور عليك احسبك غيرتي يورزك..*


صحيح..* القراءه واللاب توب مهم في وقت الفراغ..*

وعلى طاري التصوير..*

دايما اخذ جوالي و اصور فيه اكسسوراتي واصور اغراضي..* وان كان في متسع من وقت الفراغ اروح عند قناة شدوي اسجل نشيد..*


يسلمو مرورك و مداخلتك ِغلاي..*

* * *

دمــــــــــــتم..*
بحفظ الله..*
:
:
:

[أمـيـرة الــنور]

المشاركة الأصلية كتبت بواسطة زهرة شمر السلام عليكم ورحمة الله وبركاته انا وحده لو حسيت الوقت فراغ اروح انام طوالي ما انتظر شوفي وقت الفراغ مو كل بنت من خلاله تخرب وتتغير اخلاقها البعض اللي ببسرعه اخربوا هم من الاساس قي قبول من ناحيتهم واللي يرفض هذا الشي بقوه مستحيل يكون له ميول ابداً الا اذا احد يوسوس وراها مثلاً صديقات السؤ او القريبه السؤ وبعد الانسان بحاجه لوقت فراغ ليجلس مع نفسه يحاسبها واحياناً من سبت الفراغ اطلعت مواهب كثيره وانا منهم كل جمعه والسبت وقت العصر اشعر بفراااغ والغالب يكون ملل من بعدها صرت اطبخ دايماً كل جمعه والسبت العصر اسوي حلا جديد محد سواه قبلي من اهلي شوفي كيف الملل والفراغ طلع عندي موهبة الطبخ عندي ومن ناحيت الطلعه طبعاً البنت محتاجه تطلع وتشوف الناس مهما كان اهي عايشه مع ناس مو بغابه على شان تمنع من الطلعه ومن حق البنت ان تطلع وتشوف الناس ومثل ما قلتي البعض نفسيتهم تعبانه لانهم ما يطلعون و مالهم علاقه مع احد والبعض يخاف من مواجهة الناس لانهم صار لهم مده كبيره ما اطلعوا وانا معاك ان نستغل وقت الفراغ بشي مفيد لاخره ولدنيا اشكرك على الموضوووع القيم أختكــم زهــرة شمــر

:

:
:

هلا زهوره..*

اتفق معك..*


بس لازم نعي خطورة وقت الفراغ وعدم استغلالنا له..*

ولا شك نحن نسأل الله الثبات..*
لكن من الفتيات سهل تركض وراء الدنيا والشيطان احيانا يزين لنا طريق الغلط..*

الحذر الحذر مهما كانت ثقتنا بنفسنا كبيره..*

جميل ما ذكرتيه في وقت الفراغ نكتشف مواهب..*

عاد انتي ماشاءالله وقت فراغك ما تقصرين بالحلا والطبخ ..*

يعني نقول مصائب قوم عند قوم فوائد..*

اذا انتي عندك وقت فراغ تروحين تتسغلينه في الطبخ واحنا علينا نأكل بس

وكم هو رائع انك في وقت الفراغ تقدمين شي يفيدك ويفيد غيرك..*


الله يوفقك زهوره ويزيدك من فضله..*




* * *

دمــــــــــــتم..*
بحفظ الله..*
:
:
:

[أمـيـرة الــنور]

المشاركة الأصلية كتبت بواسطة ميـلاف هلا أمووورة موضوووع جميل ومفيد الله يعطيك العافيه فعلاالفراغ إذا لم نحسن إستغلاله بمايفيدنا دنيا وأخره سوف يقتلنا اما كيف أستغل وقت فراغي أي شي يطري علي أسويه أصلا أنا من النوع إلي مايحب يقعد فاضي لاشغل ولامشغلة وفيه فكرة خاصة بي سوف أبدأ بها قريبا بإذن الله سوف تملا علي كل وقت فراغي دعواتك لي بالنجاح والتيسير ..

:

:
:
هلا ملوفي..*

ما شاءالله عليك..*تعجبني فيك همتك..*

الله يوفقك حيااتي..*

عاد وش هي الفكره الخاصه اللي بتسوينها يصير اعرفها..*

موفقه يا قلبي..*
والله يسير لك الخير حيث كان..*


* * *

دمــــــــــــتم..*
بحفظ الله..*
:
:
:

[أمـيـرة الــنور]

المشاركة الأصلية كتبت بواسطة إبتسامة ألم حياالله أمووووره~ الصراحه موضوع مهم وجا في وقته لأنو الإجازه عالأبواب ولو انها مش طويله~ بالنسبه للفراغ فـ صدقتي قاتل للبنت..ويجعلها ماتشعر بقيمتها بالحياة~ وإذا البنت مافكّرت كيف تستغل هالوقت أكيد أنو راح يضيع عليها+تمل وتطفش وتتعب نفسيتها فالقرار يبدأ من عند البنت نفسها..إذا تبي تقتل الطفش..~ صحيح أحيانا الأهل شديده ويرفضون بنتهم تطلع لكن ولو..إنتي بمكان بإستطاعتك تحولينه لجنه وسعاده وعمل~موشرط تطلعين ولو ان الطلعه مهمه في العلاقات الإجتماعيه~ مممـ بالنسبه لي ماأطلع كثير ..يعني بحكم عمل الأخوان وكذا~فطلعتي قليله.. وأكيد يجي عندي وقت فراغ..فأحياناً احس إني كسلانه وأستسلم للفراغ وعندها تعالي شوفي النفسيه..><" زفت ..وتجلسين بس ترددين طفشانه طفشانه! لكن أحيان يجيني نشاط وأقضي وقت فراغي ووالله مايمديني أمسك الشغله الااستانست وراحت الضيقه~طبعاً أقضي وقت فراغي بالطبخ أحياناً..أحياناً أعزم زوجات خواني وأتجهز لهم وأطبخ..وأحياناً أقرا كتاب أو مجله ..أحياناً أسوي قهوه العصر مثلاً وأجلس أنا وأمي بس ونشغل التلفزيون ونجلس نعلقّ والله نستانس مع أننا ثنتين بس! الفتره اللي راحت كنت أزرع الورد وأعتني فيه..بس جانا البرد وماتت الورود أحياناً ألقى أشياء بالبيت تحتاج تنظيف أقوم أنظفها وأنا غاصبه نفسي وبالأخيرأستمتع طبعاً أجلس عالكمبيوتر أوقات وأخربط بالفوتو والا الفلاش..والله توسع الصدر~ والا اتفرج على صور أطفال <<أحلى شيء~ وأحياناً أسوي أشياء حلوه لغرفتي من صنع إيدي ومن الأغراض اللي عندي بالبيت ~ والله تطلع حلوه وتفتح النفس~ ووووبس.. مشكوووره أمووره على هالموضوع الحلو..

:

:
:
هلا ابتسامو..*

ماشاءالله ..* مداخله ولا اروع...*

فديتك ياقلبي..*

على طاري الزرع ترى هو يسلي بشكل كبير ويشغل الوقت..* واحياناً تتأملين عظمة الخالق في الزرع..*

مره زرعت ورد نادر و هو ورد الصبار بس يا فرحة ما تمت جاءت الطيور وخربوا الزرع ..*

عقب غيرت الى المشموم وطلع روعه وغير ريحته اذا جات نسمة هواء..*

تحسين بأحساس غير يوم تشوفين جهودك تثمر..* وخاصه في وقت الفراغ.* حتى البعض من اصدقائك يحسدونك على وقت فراغك لانك استغليته بالشكل الصحيح.*


وصحيح مو لازم نطلع من البيت عشان نستغل وقت الفراغ بما يفيد ..*

موفقه حيااتي..*


* * *

دمــــــــــــتم..*
بحفظ الله..*
:
:
:

[حايل دياري]

هلا بالغالية امورة

قال النبي صلى الله عليه وسلم(نعمتان مغبون فيهما كثير من الناس الصحة والفراغ))

والفراغ داء لايعالج الا بإستغلال الاوقات وعمل برنامج يومي يسير عليه الفرد

بالنسبة لي اقضيه بقراءة القران والكتب النافعه والانغماس باعمال المنزل فهي تشغل وقتي

اشكرك لفتح مثل هذا الموضوع المهم

[أحسـن وحـدة]

بصراحة جيتي ع الجرح
أنا هذي السنة تخرجت من الثانوي جلست بالبيت يعني مادخلت كلية وأنواع الازعاج من القرايب ليش مادخلتي,ماينفع تجلسين بالبيت وكل الوقت فاضية,ادخلي شي تقضين وقت الفراغ ,,,,,,,
والله مليييت من كلامهم !!
يعني ليش الفراغ الى الحد خطير !!

[صُبح ؛]

هلاا أموورة ..*

كويس الموضوووع نزل في وقته ..*

لأن هذي السنة تخرج وأكيد رااح أجلس في البيت ..*

نتعلم ونستفيد من غيرنا في تقضيه وقت الفراااغ ..*

أنا الصراااحة ..*

أحياانا أقضيه في الرسم ..*

وطبعا أدخل النت وأستمع للمحاضراات والقرآن ..*

بس الوقت كالسيف أن لم تقطعه قطعك ..*

وشكرا ..*

[وآنـا أخت راشد]

هلا وغلا محبتنا أمووره

حلو الموضوع

بصراحه فعلاً في بنات خربوا من وقت الفراغ

واعتقد الكل متفق

لان تخيلي بنت جالسه بروحها وماعندها شي تفكر فيه يعني مخّها فاضي

عندها يجي الشيطان ويلعب لعبته

ولا ننسى ان وقت الفراغ نعمه

ودامها نعمه لا نحولها إلى نغمه ونستغلها بأشياء تغضب ربنا

نقدر نستغل وقت فراغنا بمتابعة برامج مفيد وليس هابطه

نقدر نتكلم بالتيفون مع صديقاتنا

نقدر نسوي اشياء كثير ه ومثل اللي ذكرتيها .

هذا اللي عندي .. والله يعطيج العافيه على الموضوع الحلوو

وموفقه يارب