والله ياموقفي اللي مع بنت الجيران "كـــادي" محرجـ .لا وسائل ابوها عنها من زود الكماخه

[ابو حديجان]

هلا والله بالزيون كلهم ....

وش الاخبار ...عساكم طيبين ..

ياشينها اذا صار ماعندك اخوات ولا تعرف اسماء البنات .. وعندك بس هالاخوان لاقلت له جب مويه قال وش شايفني

بس ترا عندي اخت الحين 2 سنه


اقولكم انا بصراحه ومن زود الكماخه ماكنت اعرف من اسماء البنات الا حصيصه ونوير وسوير ومنها وفيها

لكن الاسماء الجديده ماكنت اعرفها ابد ..من باب الزهد في الدنيا ومفاتنها

اقولكم ..

مره من المرات كنت رايح لم المسجد والظاهر الركعه الثالثه ..وصلاة العصر ورايح اركض مابيه يرفع من الركوع

اهم شي بعد الصلاة طلعت ولا ابو "كادي" قدامي يدور نعاله << الله يكرمكم



ولقاها ويوم شافني

قال : هلا بالشيخ وش الاخبار

طبعا نسيت اقول لكم انه كان يوم الجمعه من بكرا بداية الدراسه



قلت : هلابك ابشرك والله . وش لونك انت .. ؟

ابو كادي : ابشرك الحمد لله .

قلت : وش لون كادي؟ عساه تولم للمدرسه؟ .. شفوا السؤال بس وعن من

طبعا الرجال مطوع وماشاء الله مانقول في دينه شي يعني شيخ الا شوي ..


لا والله يوم بزر عيونه "يعني طلعها من مكانها " وقلب لون وجهه الوان قوس المطر <<-اللي يجي في مغامرات دبدوب

ابو كادي : هاه وش تقول ؟؟!!!


قلت : عساه طيب .. ماشرى اغراض المدرسه؟؟ وتجهز ترا معد يمديه ..

يوم مره لحضة صمت تشيل في لحظاتها حقد وزعل


والله انه قال في نفسه شكله مضيع ومطفي النور والتسكين منكسر .. "" الا ان يشاء الله

ابو كادي : وش تقول ؟؟!

انا دريت اني ماكلها تراب ..

قلت : ماودك تقلط بياله والم << ابي اقول فنجال والم ..

ابو كادي : لا مشكور ..

ويروح ويخليني .. ونا والله الى الحين ما ادري وش جاه الرجال ..

بعد ايام قالت الوالده الله يحفظها : اقول شفتوا بنت ابو كادي "" كادي "" مصخنه ..

يوم بزقت الشاهي على الفرشه ..

قلت : هاه ........وش بنت هي؟؟ ولا ولد؟؟ ..

قالت الله يحفظها : صاحي انت؟ بنت وش جابها ولد ..

والله يوم حرمت اني اسلم عليه ..


ومن ذاك اليوم اجلس في السياره الين يدخل المسجد

والله والحين صرت مااسال الا عن محمد واحمد ويزيد وفيصل وعمر

^^^___ ووغيرهم مافيه امل بكرا اسال عن واحد يطلع بنت


هاذا ااخيس موقف والله ...اللي موجود فضايح ..

وتفاعلوا وقولوا مواقفكم يالحبايب ..

خويكم .. ابو حديجان

[مجنون رسمي]

هههههههههههههههههههههههههههههههههههه

مشكور علي الموضوع

[د.الأسيف]

هههه

حلوه يابو حديجان بأي كوكب عايش وأنا أخوك كادي صار ولد

مشكور عالموقف الرهيب وتقبّل مروري

[الرياشي]

خخخخخخخخخخخ والله الموقف جدا أ ا أ محرججججج الله يعينك

وبصراحه كادي يركب عليه ولد بس موقف كأني كنت معكم

عاد الله الله روح لم الرجال وقله اعذرني ياشيخ حسبت بنتك ولد <<< حلوه هذه

وشوف وش يردلك

وعاد جيبها بالطريقة حلوه

يعني مثلا تروح لمه وتقوله (( والله مانسى الموقف يوم جيتلك .......إلخ))

عساه يكون طيب وحنون

تحياتي

[المستشار الخاص]

هههههههههههههههههههه

كادي ولد ؟؟

[ابو حديجان]

يارجال بلا اعتذار بلا خرابيط ..

خلنا كذا .. وبس

[فـــارس الـــبـــراك]

ههههههههه

موقف جميل ياابو حديجان
لكن لا اظن انه يستدعي كل هذا الإحراج لأن واضح من اسلوبك انك لا تقصد
وصدقت والله الآن خرجت اسماء للبنات غريبه لا تكاد تميزها هل هي اسماء ذكور أم إناث !!.

[ابو حديجان]

غير الاسماء


الحين وانا اخوك طايحين في الزبيريات تقل رجال لا بس عبايه بالسوق

[الفراج]

الله يقطع سواااليفك

اجل كادي بنت وين عايش انت

[مسبب زحمه]

خخخخخخخخخخ اجل كادي ولد

يعني تحسبه على وزن شادي ههههههههه

ماشرقت بالشاهي وطلع مع خشمك يوم بزقته

[أطـــــلال]

كادي كنه اسم ولد والله ما الومك اجل كادي اسم بنت هههههههههه

[راقـــي]

خخخخخخخخخخخخخخخخخخخخ لا عاد تتحمس وتسوي ذيب وتسأل عن عياله ومن هالسوالف

اجل كادي .. من شفت اسمك وانا داري ان الهجة ماتعوق معك !

[خزان الأحزان]

هههههههههههههههه
هههههههههههه
هههههههه
اقول استر ما واجهت شكلك سلمت على اخوي
نقوله ابوكادي ومرته ام كادي ورزقهم الله بمحمد وصار يدرس بالروضه ولا هالحين نقوله ابو كادي
الي يقول اسم كادي اسم ولد ترى كادي نوع من انواع الزهور بالله عليك تخيل ولد اسمه ورده ههههه
انتظرو يطيحون فيها الرجال الي هالحين الي نص لفه
وبعدين ياخي انت عاااااد ما ابيخ من سؤال وشلون كاادي الى هوو جهز للمدرسه قلق
اسـأل سؤال يصير ضربه مره وحد مثلا وشلون كااادي وراه ما يلعب معنى تراني مشتاق له من زمان ماشفته بالله عرفنا عليه شف وش يجيك


اقوووول ووه بس لا تشيل هم طنش ولا عاااد تكب شاهي الى متى وانا اعلمك النظافه هي صدق انها مفاجئه لا كن على الأقل كبيته في المغسله ساااالفه

[المهـــــاجر]

هههههههههه


حلوه هذي



الله يكون في عونك

[[ ساري ]]

أنت وش دراك ان كادي يدرس يمكن

توه صغير أعلى الاقلّ متوظف

[فيصل السلفي]

والله والحين صرت مااسال الا عن محمد واحمد ويزيد وفيصل وعمر

إيه خلك كذا أحسن

[شقردي]

والله موقف لايحسد عليه

طيب روح لابو كادي و اعتذر منه وقل له اني مادريت انها بنت !!

يمكن يزوجك كادي

[الـــشـــقـــردي]

ههههههههه

والله موقف جميل ،،

أما عن نفسي والله لأقعد أضحك ليييييييييين أدوخ وبروح لأبوكادي وأطلـّـق بالثلاث أن ما تقهوى عندي وأبيـّـن له الوضع ,،

والله لا موقف محرج ولا شيء بالعكس ستكون علاقتي بهالجار أقوى من ذي قبل .

..................... وشكرًا

.. (أتمنى أن تـُطبـّـق ما كتبته في الرد) ..

[طالب الحور]

{ .. رح لأبو كادي وقل له تصدق اني مسوي لك مقلب يوم أسألك عن بنتك على أنها ولد بأشوف وش تقول
حاول تجيبها منّا والا منّا ..
دبر عمرك
الجار قبل الدار .. << مالها دخل بالسالفة يبو

.. }

[سفير السعادة]

تعيش وتأخذ غيرها