]][[ وش تواجه يا العزوبي ]][[

[هتــان]

سلام عليكم

مرحبا بي والحمد لله على سلامتي< يبي يعلمكم ان به شي سيكو مخفي >قبل ثم مرحبا بكم << على شحم !!




اتمنى من كل قلبي انكم تقرون خثاريدي وانتم باتم الصحة و العافية




يعني مثلا لا يجيني واحد مريض ويقرا حتسيي ثم تصير له مضاعفات ثم يموت ثم ابتلش به ثم يجون اهله يطلبون مني دية ها تراي قلت لكم ونبهتكم وقد اعذر من انذر << اخلص





الفقرة التي عنونت بها الموضوع في الاخير يعني لا تتحمسون كثير بالحيل ولا تدرون وشلون ؟؟ بحطها بين الفقرات عشان اضمن انكم تقرون الموضوع كامل ماهب ماشين 260 << من وين جايب النذالة؟!؟




]]|بييييييسم الله نبدأ ومع اول فقرة بعنوان عش نذل تعيش ذيب امعط ومع النذالة بانواعها |[[




على طاري النذالة كل مرة نطلع فيها للبر خابرين برد وموووت المووهيم لا جات الصلاة يقوم واحد من العيال يتطوع ويسخن كمية مياه تكفينا للوضوء الموووهيم ان واحد من البهوات بحركات المصالة يتوضا مع الدفعة الاولى وكل مرة يخلص يقوم ويكب الباقي عاد نضطر بكل مرة ان نتوضى بماي يقطع القلب ببرودته وعلى كثر ما يجيه ضرب وتفليق الا انه ما يتوب

عاد وش سوو به العيال ؟!؟

راح الله يعزكم دورة المياه << يعني ذرب المهم انه ذي المرة حاطين زي المرتبل الصغير وهو داخل ويجون العيال ويقفلون عليه وهو داخل

وياخذون الطراطيع ويحذفونه داخل المرتبل وهو يصيييييح ويصيييييح ويتحرك ويضرب الباب لدرجة ان المرتبل طاح خخخخخخخخخخخ



اييييه يا حبي لك يا صديقي !! اعزمني على العشا تراي طفراان





وين وصلنا ؟!؟







ايه دوكم نذالة من انواع ثانية






قط شفتوا شيبان يلعبون ؟!؟





ايه فيه ..







ها ؟!؟ كني سمعت احد يكذبني لالا سمعت دوووك واطلع لي بعد الموضوع يا تنح










[IMG][/IMG]


يا شين الشيبان لا تماصخوا ..



لا وليتهم شيبان من شيباننا لا شيبان انجليز يعني كملت المصالة



ما اقوول الا يالله نسألك حسن الخاتمة << انكتم وكمل










دوووكم شيٍ ثاني

ركزوا شوي طيب
























ما أقول الا الله يقرف من رسمها هقوتي انه راضع النذالة بدل حليب امه








شيٍ اخر << اقعد




















الحين ذا ليه متروع؟!؟ يعني لو يجي عندنا وتدخل من دريشته ناقة وش بيسوي اجل ؟!؟ بينجلط مثلا ً ولا وشو ؟!؟<< وراي زعلت؟!؟
وطرررع خلصت الفقرة ذي










فاصل !!

كم واحد يتابع شاعر المليون ؟!؟
ومن اللي عجبك من الشعراء ؟!؟






نواصل !!




]]| ومع فقرة الحمدلله على سلامتي القصصية |[[







الله يسلمكم مير يعافيكم انا صار لي شي تروعت منه << ادري انكم ما جبتوا خبري لكن بتكلم وبسولف لانها صفحتي وكيفي وش تطالبني انت وياه ؟!؟ سيكو مخفي
الموووهيييم كنا طالعين حزة عصير نقنص وافترقنا على اساس ان اي واحد يلقى شي يدعي الثانيين ورحت انا وخالي التنح في سيارة وحدة الموهيم وحنا على راس طعس ونوايق ما به شي قام التنح يبي يغير الشريط واضربه <<ماله سنع يغير الاشرطة على كيفه وانا اللي اسوق مير يدفني الا انا لاصقن في الدريشة انا انصدمت وارجع اضربه بقوة اكبر لان الرجال يضرب من جد وهو يحاول يطلع الشريط والسيارة تمشي على خفيف ما حسينا بنفسنا الا وحنا نتقلب على الطعس
انا اول ما حسيت ان بدت الدنيا تدور واسحب الكرسي على ورا وما في بالي غير الطير لا يصير به شي واحاول ادوره ويوم مسكته واقوم اتلوى عليه بحيث لا يطيح عليه شي وهو يكافخ ابو الشباب << ما هب وقتك ووكر الطير يضرب راسي ضرب بغيت ابكي وخالي التنح بدال ما ينزل الكرسي على ورا قام رفع يدينه ويحطهم على السقف عشان ما تنزل السيارة على راسه مسكين تعورت يده كثير المهم يوم قرت السيارة اخر الطعس وانقز واطلع من السيارة واسحب الطيور واروح لم الصوب الثاني اساعد خالي انه يطلع ونبتعد من السيارة واقوم اطلع جوالي وادق على العيال ويرد علي تنح ثاني


قال وش تبي ؟!


قلت تعال


قال عندك حبارى؟


قلت ايه بس انت اخلص تعال حنا في ......


خمس دقايق الا والكل مجتمع عاد يوم شافوا السيارة انواع الصياح والاستنتاجات على كيفهم انا يوم شفتهم ما حسيت الا يوم غبت عن الدنيا





عاد كل من شاف قال واحد حي وواحد مات واللي قام يبكي عند راسي واللي قام يطر جيبه والمتنحين محد اسعفني للمستشفى وانا انزف ذذذذ






بس الصراحة حسيت انهم يحبوني خخخخخخخخخخخ






اكيد تقولون طيب وين اللي تروعت فيه ؟!؟






انا اقولكم .. والله يا جماعة اني يوم طحت ما تذكرت الشهادة ولا طرت على بالي



طيب ليه ؟!؟ وش سويت انا ؟!؟ اصلي بالمسجد واصوم وافرش اسناني واحب امي وابوي واتسبح كل يوم حتى بالشتا وما أحب اسمع اغاني


ليه يعني ليه ؟!؟ احد يفيدني الله يرضى عليكم برب بروح امسح دموعي << روح موووت ازين لك



وهذي صورة السيارة




















طررررررع ثاني وانتهت الفقرة ذي




فاصل ثاني !!




كم مرة انضربت فيها بحياتك ؟!؟



اتحدى ان احد قد حسبها ذذذ




نواصل مرة ثانية !!






]]| ومع فقرة المناقشة التي عنونت بها الموضوع |[[





يا العزوبي

وش أكبر المشكلات اللي تواجهه كونك عزوبي ؟!؟



وأنت يا المتزوج وش المشاكل اللي انحلت بالنسبة لك ؟!؟




و وش أحسن بالنسبة لك العزوبية أو الحياة الزوجية ؟!؟
وبصراحة




الباب مفتوح للنقاش << لاحظوا انه مفتوح للنقاش ماهب للطرد


ولو سمحتوا ردود سنعة لا احد يحطمني اول موضوع لي وعدوها على خير

سلامي على الكل

هتـــان

[عبد الله الزيد]

* * * * * * * * * *

اولا يابابا ياشاطر وراه عريض ماقدرت اقرا

بعدين انت حاط بهارات فوق اللازم ماصارا موضوع صار مقال


انا عاجبني موضوعك بس توي ماقريته

نقول ان شاء يسلكولك بنجمتين

والله يصبرنا عليك .




حرفوش

* * * * * * * * * * *

[فـاتـك]

خرفوش انت لم تدرك مدى فرحتي بوجود مثل هؤلاء الأعضاء






































أما آخر صورة الله يخلف

خاص لدحيم

<<<<<<<<<<<<<<<< دحيم لاتقول ليش تحط مسافه زين ذذ>>>>>>>>>>>>>>>>

[GENEROUS BOY]

الله يخلف راح الموتر بسبب تنح على قولك ..

طيب أنت جاكـ شيْ والا طيروكـ والا هين التنح خله على جمب ..



ع العموم الله يعطيكـ العافية ..

[مثالي الأخلاق]

يعطيك العافيه

[أبو داحمـ]

الحمد لله على السلامة في الحديد ولا فيكم


بس دريت فعلاً إن الي معك ((تنح))<<< مدري وش معناها بس تجي على وزن تنك

ولا فيه رايق يصور ويحط الانتل فوق السياره المقلوبه يعني يستهبل وعنده واحد ما يدري هو حي ولا ميت

[Noor 3la ALdrb]

حلوه وكلام جميل بس

وايد يا معود


إن شاء الله ما يكون فالك المركاز يا حلو

[دامع الشجن]

هاللحين والله ياهتان الجيب المنقلب في الصورة جيبكم !!!! ماشاء الله عليك شكلك مطخطخ لأن واضح من كلامك أنك ما صحت ولا تهزيت بخويك قصدي خالك يوم أنقلب ! بعدين تعال هاللحين وش يعني خثار يدي

[متهاوش مع نمله]

مقدمه:

ان كاان به ترجيب يمك لفينا يا معزب الموقع ترانا لفينااك <<< كح كح الباب يمين


ارحبمبوووهـ عاد وش صااار فيكم متو ولا بعدكم <<<< الولد مفهي



بس والله يااااخي عجيب <<< عرفتني


لبا كبد خفوق بؤرة عينك <<< مسوي رمنسي


افلقني ان فهمو شي << موب لازم تفهموون بس هوو

[منسم]

عسى ما إنكب عليكم تراب يوم تقلبتوا ؟؟

الحمد لله على السلامة .. في الطيور ولا فيكم >> مدري هي صح كذا والا تبي أعكسها ؟ أخبر حقين الطيور شوي ويعبدونها

[هتــان]

المشاركة الأصلية كتبت بواسطة حرفوش اخو حنتوش * * * * * * * * * * بعدين انت حاط بهارات فوق اللازم ماصارا موضوع صار مقال انا عاجبني موضوعك بس توي ماقريته نقول ان شاء يسلكولك بنجمتين والله يصبرنا عليك . حرفوش * * * * * * * * * * *

تراني بسكت بس عشانك رئيس فريقي ولا كان لي تصرف ثاني معك << ولو مستقوي السلوقي

[هتــان]

المشاركة الأصلية كتبت بواسطة فـاتـك خرفوش انت لم تدرك مدى فرحتي بوجود مثل هؤلاء الأعضاء

لبى قلب الناس المزيونة اللي ترفع المعنويات

[هتــان]

المشاركة الأصلية كتبت بواسطة GENEROUS BOY الله يخلف راح الموتر بسبب تنح على قولك .. طيب أنت جاكـ شيْ والا طيروكـ والا هين التنح خله على جمب .. ع العموم الله يعطيكـ العافية ..

ايه والله راح << ههههههههه يعني متأثر ما دروا إنه حق خالي ههههههههههههه


أنا ما جاني شي كايد بس أتدلع عليهم


خالي المتنح جلس منصدم ساعة لبى قلبه ههههههههههههههههه


الله يعافيك مير يسلمك ويحفظك ويزوجك ويرزقك الذرية الصالحة

[هتــان]

المشاركة الأصلية كتبت بواسطة مثالي الأخلاق يعطيك العافيه

الله يعافيك

شرفتني يا عزيزي

[أسد الحرب]

لبى هالمواضيع




بالنسبو لنا يا معشر العزاب


نعاني في الليل معاناة لو بأكتبها بيحذفون يوزري

[سلطان بن محمد ..]

المشاركة الأصلية كتبت بواسطة أسد الحرب لبى هالمواضيع بالنسبو لنا يا معشر العزاب نعاني في الليل معاناة لو بأكتبها بيحذفون يوزري

والله انك صادق شف كم السااعه وانا الحين اعاني



تبي اقول وشي المعانات
























متاكد


فريت الرياض كلة ادور مطعم فاتح ما حصلت

[أسد الحرب]

المشاركة الأصلية كتبت بواسطة معصوب تمر والله انك صادق شف كم السااعه وانا الحين اعاني تبي اقول وشي المعانات متاكد فريت الرياض كلة ادور مطعم فاتح ما حصلت

اها انا لقيت المطعم مفتوح لكن الطلب اللي ابيه خلص

[سلطان بن محمد ..]

المشاركة الأصلية كتبت بواسطة أسد الحرب اها انا لقيت المطعم مفتوح لكن الطلب اللي ابيه خلص

قهر ليتك بالرياض ع شان استفيد منك



اجل احد يتعشى لوزين وتوكس و كيم كرمل دانيت وشاني < كلها من بندة

[السهم الازرق]

يسلمووووووووووووووووووووووو على الموضوع والا الامام

[أبو عاصم]

الحمد لله على سلامك ..