اختبار قدرآت إيـــــش السالفــــة ؟؟

[رذاذ الألماس]

......




السلام عليكم ورحمة الله وبركاته ..

اخواني اخواتي راح ابدأ بالموضوع بدون مقدمات ..!!

بالمختصر مابقى شي على نهاية الترم الأول وانا ولله الحمد درجاتي واختباراتي تمام << ثالث ثانوي

لكن المشكلة باختبار القـــدراااات انا للحين موب فاهمة شي عنه ولا ادري ايش هذا الاختبار ووين والفائدة وكم ياخذ من نسبته والوقت المخصص له ...الخ <<وكل ناس يقولون شي !!!!

لكن كل مايقترب الوقت احس بالخوووف اكثر خاصة اني حقت (معلومات معينه احفظ وامشي وبس)

يعني ماعندي خبرة ابدا بمعلومات السنوات السابقة وخاااصة (المتوسط) وخااصة المواد العلمية لان ماعندي حتى اساااس فيها

وبعد انا من النوع اللي اذا كان في وقت قصير للحل احووووس الدنيا وحتى لو كنت اعرف الجواب احل خطا لاني ارتبك ؟؟

احس اني ماراح احل زين ولا راح اقبل بالجامعة

اتمنى افادتي وعذرا على الاطالة ..

[مِخْمليّـة ‘]

وعليكم السلام ورحمة الله وبركاته

أولا /
أنت بإذن الله بتجتازين الامتحان وبتنقبلين بالجامعة

ثانيًا /
هو عبارة عن قياس قدرات عقلية ومعلومات سابقة لك
وفي كتب مساعدة تقدرين تراجعين منها , مثل رام 1
وفي موقع تدريبي في النت يدربك على أسئلة الامتحان
ويساعدك في بعض الاستفسارات

[ تفضلي هنا ]

موفّقة

[رذاذ الألماس]

أختي قرات كتاب (رام ) وهذا ماجعلني أكتب الموضوع !!

وجدت أغلب الأسئلة فيه كيمياء فيزياء رياضيات اشياء نحوية واعرابية لم اعرف منها شي

أعجبني الرابط أستفدت منه كثيرآ ..

شآكرة لك مرورك وتحفيزك ياغالية ..

وديُ

[سموت بالدين]

...يجب تهيئة النفس وتصفية الذهن وقت الاختبار
حاولي قدر الإمكان فعل ذلك , وابعدي الارتباك بأي طريقة ممكنه ,

كل ما كان العقل في راحة نفسيّه أكثر يعطي معلومات أكثر ..
والاختبار ليس كما يتصوّره البعض .. أنا كنت شايل همّه بشكل كبير , لكن يوم اختبرت شفت إنه اختبار عادي !

على العموم حاولي استغلال الفرص , بالمشاركة بالامتحان في كلا الترمين , فهم ياخذون الدرجة الأعلى , وفي الأغلب بالامتحان الثاني تكون النفسيّه أفضل والدرجة أفضل ..

وفق الله الجميع لما يحبّ ويرضى

سَمَوْتُ بِالْدِّيْنِ

[طيف الذكريات]

^

^

البنات يختبرون مرة وحدة , وليس هناك إعادة !

[رذاذ الألماس]

المشاركة الأصلية كتبت بواسطة طيف الذكريات";7883274][COLOR="DarkGreen ^ ^ البنات يختبرون مرة وحدة , وليس هناك إعادة ! [/COLOR]

صحيح هذا نظمنا وقد تمنيت الإعادة

[فراشة الأمل]

يا أختي كل شي بيد الله

انتي توكلي على الله

ولااااااااااا تقولين .... احس اني ماراح احل زين ولا راح اقبل بالجامعة

فهذي الكلمات سوف تشعرك بالإحباط

تفائلي خيرا

وبعدين ألحين اهتمي في دراستك ولا تفكرين في شي ثاني إلا إذا جاء وقته



الله يوفقك وييسر أمرك

[الهدية المغلفة]

رذاذ ..

اهم شي حطي بإذن طين وأذن عجين...

الكلام الكثير من الناس مو مفيد ابدا..

حتى لو كانوا متفقين ..

المهم...ان الامتحااان سهل ..والوقت كاااااااااااااااااااااافي لاتخافين باذن الله..

وطريقته واضحه ..لاتشيلين هم وتقولين ..مافهمت ..ماعرفت شلون..ترى هذا يشوش عليك..

بعض الاشياااااااااااااء البسيييطة جدا جدا..مو صعبة لكن يبغالها تركيز..

ترى اذا اهتميتي كثير ..بتتعبين وقت الامتحان ماتقدمين اللي المفروض تقدمينه

اقولك ..نسبتي انا في الثمانين ..اختبرت قدرات نزلت نسبه وشوي

ووحده من زميلاتنا نسبتها في التسعين وكانت شوي مرتبكه وشايله هم ..نزلت النسبه للستين

انا صرااحه من وجهة نظري احس ان الامتحان تسلييييه حلو ممتع

احب العب مسابقات مثل كذا طريقتها ..

[ليـ..ـمــ..ـونه]

::





لو سمحتم .. عندي سؤالين انتظر منكم الاجابه ..

س: نبي امثله ع الاسئله تجي دقيقه ؟؟ والا الغبي يفهمها وهي طايره ؟؟


س: هل واجهت صعوبه في اختبار القياس ؟؟! وتحديدا باسئله اي ماده ؟؟













::

[الورقة الخضراء]

لكن اعرفوا النظام ولا تربكوا واحرصوا على الحضور مبكرا والنوم مبكرا وتناول شي خفيف قبيل الاختبار !!


وبالنسبة للأسئلة وماهيتها وأمثلة عليها فلو شرحت إلى بكرة أتوقع أن كلامي ليس له جدوى لأن هناك كتاب مع سيدي يشرح كل شي عن القياس بالإضافة إلى موقع قياس !http://www.qeyas.com/Qiyas/info/Default.aspx


إذا كان عندك استفسار معين فأنا أسعد بخدمة إخواني

تنبيه / اختبار الفتيات يدمج فيه القياس والتحصيلي

عرفت المعلومة من الموقع http://www.qeyas.com/Qiyas/FAQ/faq.aspx?catid=4

[الورقة الخضراء]

المشاركة الأصلية كتبت بواسطة ليـ..ـمــ..ـونه :: لو سمحتم .. عندي سؤالين انتظر منكم الاجابه .. س: نبي امثله ع الاسئله تجي دقيقه ؟؟ والا الغبي يفهمها وهي طايره ؟؟

بل العجلة هي المشكلة و التريث هو الحل ( طبعا ليس كثيرا ) بمعدل دقيقة لكل فقرة تقريبا

[هِمَم]

هلا رذآذ ..

شوفي أنا قبل أتوقع شهر ودونآ مدرستنا لجامعه الملز عشآن نختبر قدرآت بس انه تجريبي يعني عشان تعرفين وش سالفته ..

رحت له واختبرت الحمد لله هو سهل بس فيه شوي صعوبه في الرياضيات

شوفي فيه قدرات وتحصيلي ..
إنّا اختبرنا قدرات
والقدرات رياضيات وعربي بس ..
والتحصيلي كل المواد ..

المهم رحنا واختبرنا والاختبار كان على شكل ملزمه فيها الاسئله
والملزمه هذي فيها ست اقسام
كل قسم له لون وفيه 3 وجيه فيها اسئله ..
الاسئله على شكل خيارات كل سؤال عليه اربع اختبارات مدري ثلاث نسيت .. : )
والاسئله مخلوطه بعضها رياضيات وبعضها عربي

..
وكل قسم له ثلث ساعه اول ما تخلص الثلث ساعه تفتحين القسم الثاني وياويلتس ان مافتحتيه حتى لو ما كملتي الاسئله ..
وعاد الملزمه الي فيها الاسئله ما تجاوبين عليها ..

فيه ورقه خارجيه تجاوبين عليها مقسمه بعد على ست اقسام بالطول وحاطين ارقام الاسئله مثل كذا

1_ ا ب ج
وتحت الحروف هذي دوائر
اذا كانت اجباتك ب تلونين الدائره حقتها ..
إن شا الله فهمتي .. : )

وبعد يعطونك ورقه مسوده تسوين فيها اللي تبين : )

وهذآ اللي اذكره من الامتحان .. والله يوفقك ويآنآ والجميع .. و3

[الهدية المغلفة]

المشاركة الأصلية كتبت بواسطة ليـ..ـمــ..ـونه :: لو سمحتم .. عندي سؤالين انتظر منكم الاجابه .. س: نبي امثله ع الاسئله تجي دقيقه ؟؟ والا الغبي يفهمها وهي طايره ؟؟ س: هل واجهت صعوبه في اختبار القياس ؟؟! وتحديدا باسئله اي ماده ؟؟ ::

ولله الحمد والمنّه

كانت اسئلة التحصيلي ..كانه الامتحان النهائي تشابه في الاسئلة

من نفس المنهج

لا ادري عن البقية

[لُوتّسْ]

انا عندي سؤال

البنات اللي الحين بثالث مو عطوهم فرصتين ؟

[الورقة الخضراء]

س 2 : كم عدد فرص امتحان القياس للطالبات ؟ هناك فرصة واحدة فقط للطالبة س 3 : هل يمكنني أداء الاختبار مرتين في نفس الفترة ؟ لا يمكنك أداء الاختبار مرتين في نفس الفترة س 4 : هل يعقد الاختبار في يوم محدد ؟ الاختبارات تعقد في أيام محددة لكل تخصص ويمكن للطالبة أن تحدد اليوم الذي تختبر فيه من خلال التسجيل

من موقع قياس http://www.qeyas.com/Qiyas/FAQ/faq.aspx?subCatId=2

الطلاب يختلفون عن الطالبات

[الجدول الدوري]

وش السالفه حنا للحين ما قالوا قياس ولا قدرات ولاشئ الله يستر
انا اذكر انه النصف الثاني مو الحين

[BurBerry]

^^^^^^^^^

[.. احنا البنات في الفصل الثاني إن شاء الله،، أتوقع أنه في شهر 5 التسجيل، والاختبار في شهر 7،،

يعني لاحقين خير ان شاء الله..]