الأنجـليـزي والفيـزيـآء عقدونـي..!

[قائمة ابدأ]

السلام عليكم ورحمة الله وبركاته


ببدأ بالموضوع بدون مقدمـآت..


مشكلتي هي أني أكره الفيزياء والأنجليزي كره مو طبيعي والمشكلة ليتني أفهمهم أقول يعني بس لافهم ولاحب وعندنا مدرسة فيزياء الله يهديها بس تكرهك بالفيزياء غصب إلى الآن إختبارات زفت في زفت..مع أن الأنجليزي بعد زفت بس أزين من الفيزياء أحاول أركز وأفهم بس والله عجزت..مدري السبب من المعلمة وإلا ..!!
وأنا إنسانة مآفهم في المقآعد الخلفية وحاطيني فيها غصب..وعندنا إدارية الله يهديها مآعندها لاذوق ولاتعامل بس تصارخ وتنافخ..!!
والله بلاني في فصل جداً رآئع فصل مميز لدرجة إننا مآيحتآج يشرحون لنا دروس يدخلون المعلمآت الدرس مشروح..!!

نفسي أفهم الفيزيااء والأنجليزي..


أتمنى ألقى عندكم حل..


يعطيكم العآفية..


أتمنى من المشرفين عدم نقل الموضوع للإستشآرآت لأني أتوقع مآرآح يفيدوني كثركم..

[مِخْمليّـة ‘]

وعليكم السلام ورحمة الله وبركاته

مرحبًا بكِ

أولًا / الايحاء النفسي له تأثير كبير حاولي في الحصة أن تخبري نفسك بأنّك ستفهمين وأنكِ تستطعين وهكذا =)
ثانيًا / حاولي تحضير الدرس قبل الحصة عن تجربة
أنا السنة هذي غيّرت مدرستي الله لايوريك في حصة الانقليزي مفهية طول الحصة وماادري شتقول المعلمة :s
ومعلمتنا مافيه ولا كلمة عربي بالحصة أبد أبد وانا مو متعودة كذا :/
صرت أحضّر وبديت افهم شوي الحمدلله , ودخلت دورة من العصر الى الساعة 7 او سبع ونص على انه كان ضغط لاني احيانا ماارجع من المدرسة الا مع اذان العصر آكل الغداء واروح البس وبعدها ع الدورة ع طول يعني قمّة الضغط
وفوق هذا ارجع من الدورة ع الساعة سبع ونص وعلي امتحانات شكثرها :/
يعني مثلا رياضيات وكيمياء انوااااع الضغط ><
تعبت مررررة بس الحمدلله هالتعب جااااب نتيجة
وفي نهاية الشهر الأول بالمدرسة أنا أعلى درجة في الانقلش اللهم لك الحمد =)


3/ ذاكري الدروس اول باول لان الدروس احيانا مرتبطة يكفي انك بتساعدين نفسك بهالمذاكرة يوم الامتحان !
والفيزياء يتعلّق ببعضه في نظري ..

4/ طلب المعونة من الله أمر ضروري , قبل ماتنامين صلّي وترك وادعي ربّك بتذلل وافتقار شديد
وصدقيني ربّي مايخيب أحد دعاه !
وادعي ربّك وأنتِ واثقة من الاجابة ..

وبقدر مابتتعبين بتلقين نتيجة أحسن

* وإذا تحسين إن فهمك مع معلمتك في المدرسة ماراح بتعارض مع شرح معلمة خصوصية جيبي لك
مع إنّي ماانصحك بالمعلمات الخصوصيات لانك ماراح تنتبهين بالحصة وبتعتمدين عليها و ع شرحها ..
وهذا أمر راجع لك !

الله يكون بعونك ويسهّل عليك
موفقة =)

[قائمة ابدأ]

أحسنتِ قلب أنثى..بوركتِ غآليتي..


لكن عزيزتي الفيزياء قوانين ومسآئل صعبة جداً مآهي الطريقة التي يمكن أن أستخدمها لتبسيط الفيزياء؟

أفيدوني من تجآربكم يا إخوآن..



المشآهدات 31 والردود 1 شيء رآئع فعلاً..



شكراً لتوآجدكِ قلب..

[عطر وردة]

وعليكم السلام ..


في أي مرحلة أنت ..


حتى أفيدك أكثر ..

[قائمة ابدأ]

أولى ثآنوي

[عطر وردة]

حلو ..


سهل جدا منهج الفيزياء أولى ثانوي ..


وما فيها تعقيدات ومسائل كثيرة ..


حاولي تستخدمي ملخصات الفيزياء على شرط إنك تذاكري الدرس بيومه ..


وفي حال ما فهمت الدرس من الملخص دوري أي أحد يفهمك إياه ..


أهم شيء لا تخلين الدروس تتجمع عليك وإنت منتب فاهمتها ..


والقوانين والوحدات برضو مهمة ..


اكتبيها بجدول أو بخرائط ذهنية حتى ما تنسيها ..


واستعيني بمنتديات متخصصة في الفيزياء حتى يسهل عليك أكثر ..


وحاولي تطلعي عالتجارب العملية وهي موجودة بالنت ..


وإذا تبين عندي بعض المواقع المساعدة بالفيزياء ..



والشيء المهم في السالفة كلها لا تخلين الفيزياء وحش مرعب ..


أو يتحول يوم اختباره ليوم صياح ونكد ..


الفيزياء جدا ممتع لو إن في أحد يشرحه صح ..


وفي الأخير أحيلك لكتاب مهارات دراسية لنجيب الرفاعي ..


دعواتي بالتوفيق ..

[:: غربة وطن ::]

توكلي على الله


وعليك بالدعاء

[وآنـا أخت راشد]

هلا وغلا قائمة إبدأ

اعتقد إن السبب من معلمة الماده نفسها

أنا أول كنت اكره فيزياء واحس اني لو اموت ماراح افهمه

والسبه من ابلتنا كانت تشرح بسرعه و 24 ساعه مطنقره علينا

يعني لوعت جبدي من الماده

ونفس السنه غيروها وجاتنا ابله قطريه ..

لاني مافهم الا على القطريات وكان اسلوبها حلو وتفهم وتعاملنا على إننا بنات كبار

يعني فهمت الفيزياء وحبيت هالماده

الله يجزاها خير


فأنا اعتقد من معلمة الماده نفسها .. واحسن حل تروحين على الاداره حتى يغيرون ابلتكم

لان بالاول والاخير انتي اللي تدرسين

والله يوفقج يارب

[مِخْمليّـة ‘]

أولى ثانوي ..!
الفيزياء فيها سهل ومافيه تعقيدات =)
تحتاجين حفظ للقوانين
لما تجين تحلين مسألة مارح تعرفين لها إلّا إذا كنتِ حافظة قانون خاص فيها ,

وصلتوا لأي درس / فصل بالفيزياء ؟
يمكن أقدر أحط لك ملخصّي الخاص !


* حاولي تبينين لمعلمتكم إنك بطيئة استيعاب وشوي المادة ثقيلة على عقلك
وإذا فيه حصص فراغ خليها تشرح لك الي ماقدرت تفهمينه بعد مابذلت جهدك ,
يعني ماتروحين لها تشرح لك وأنت ماقريت الدرس ولا حاولت تفهمينه , لا !
حاولي تفهمين وحددي النقاط الصعبة عليك

بالتوفيق يااااارب =)

[[ لَيتَنِي طِفْلَه ! ]]

هــلا قيومــه =)!

نصيحــه إذآ إنت ِ مو فآهمه شي روحي للأستآذه في الفسحه أو أي وقت تكون هي فآضيه وتشرحلك الي مو فآهمته ,,

أذكر فيزيآء أول ثآنوي طلـع نخـل برآسي ..



اللــه يعينك .. =)

[كــنــدا]

بـالـعكـس أسـهل الـمواد الـي درسـت

فـيـزيـاء ةانجليزي أول ثانوي..أسهل من المتوسط بكثيير..

[سهوووووووومه]

اي والله اول ثانوي سهل جدا الفيزياء

بس عليك تحفظين القوانين بس

وانتي بتدخلين علمي ولا أدبي ؟؟!!

[قائمة ابدأ]

هلا وغلا..


مشكورين عن جد الله يعطيكم العآفية..



علمي إن شآء الله..^_^

[فجر 20]

اللهـ يوفقك ..قلبوو
:
البنات اللي قبلي مــاقصرو الله يعطبهم الـعـافيهـ:
حبيبتي إذا بتدخلين علمي..فكري زين قبل تدخلي.وشوفي قدراتك...لأن كثير دخلــوهـ وندمو..:
ماأخوفك منه بالعكــس أنا علمي ..بس يبيله شدة حيل ومذاكرهـ أول بأول وبس ..أذا انتي من النوع الي يذااكر دايمــا أبد ماراح يكـــون صعب عليك..
أذا تبغي شيء في الفيزيــاء وانا فاهمته ماراح أقصر معك ..أنا الحين أدرس تخصص فيزيــاء ..بس لاتورطيني بأسئله صعبــه ترى دوبي ثــاني سنهـ ههههه