النـظـرة

[ماكنتوشه]

السلام عليكم ورحمة الله وبركاته


شلوونكم وشخباااركم يا أهل النافذة سابقاً ودنيا بنات حالياً



ندخل في الموضوع طوااالي

النظرة الشرعية فرضها الله سبحانة وتعالى للخاطبين لرؤية بعضهم البعض ولكي يتم التعارف بينهما ..
والمهم من النظرة هي ليست أن يرى الخاطب شكل خطيبتة وإنما هي الراحة النفسية أولاً وأخيراً

أنا أول أقول مافي أسهل من النظرة . لأن كل بنت وتعرف نفسها عدل هي حلوه أو لا
>> طلع المهم الراحة

النظرة تختلف من بلد لبلد وبعض الدول لا توجد لديهم النظرة .مثلاً
أحنا ما عندنا النظرة الشرعية ومرات اقول الحمدلله إنه ما عندنا
ومرات أقول هذة سنة ويجب نعملها

.

الزبده من الموضوع
ابي أعرف كيف تتم النظرة عندكم وهل البنت تلبس العباية والشيلة وإلا لبس عادي

راح أقول كيف تتم النظرة >> انا صح قلت إحنا ما عندنا يعني نادر ما يطلب الخاطب لرؤية المخطوبه وإن طلب عندنا شئ غريييييييب وشسالفة ؟
النظرة عندنا ان البنت تطلع بعبايتها وشيلتها والخاطب ما يشوف غير الوجة فقط
.

هذه بعض المواقف حصلت لبنات أعرفهم

هذه البنت طلب الخاطب يشوفها طبعاً لبست عباتها وشيلتها وطلعت شوي من شعرها
>> وإخوانها كل شوي يقولون لها غطي شعرج غطي شعرج

.

وفي موقف ثاني اتوقع راح تضحكون عليه
أخت صديقتي هي من طلبت رؤية الخاطب , طبعاً عندنا شئ غريب البنت تطلب
المهم الخاطب قال مافي مشكلة خلوها تشوف
أخت صديقتي طلعت بعبايتها وشيلتها ونقابها بعد >> يعني الخاطب ما شاف منها ولا شئ أنا أستغربت قلت لصديقتي والخاطب ما طلب يشوفها مثل ما شافتة ؟
قالت : لا ,, قلت كيف ما عنده فضول >> طبعاً أنا أستغربت قلت والله لو أنا منه إلا أشوفها غصب مثل ما شافتني >> عصبت

وعندنا البنت ما تطلع بعصير أو كيك مثل هالحركات تطلع من غير شئ
.

وأنا الي أعرفة إن النظره عندكم ان البنت تطلع بلبسها العادي من غير شيلة ولا عباية ..
صراحة من عرفت أستغربت >> أنا أعرف أنه حلال والي تسوونه موب غلط
ولكن أتوقع لو البنت عندنا طلعت من غير شيلة ولا عباية الخاطب راح يستتغرب منها وموب غريبة إنه يرفضها >> لأنه يقول من أولها من غير عباية !

يعني مثل ما قلت النظرة تختلف من بلد لبلد ولازم البنت تأخذ الحذر إذا تقدم لخطبتها رجل من غير بلدها ولازم تعمل عادات بلد الرجل لو طلب منها النظرة


.


خــتــامــاً

أشكركم على القراءة
واتمنى ترد علي وحده متزوجة وتقول لنا كيف صارت النظرة وهل كان معها عصير وحركاات




.

[ماكنتوشه]

هذا الموضوع بمناسبة الأستايل الجديد

[أيـار]

ان شاء الله يفيدونك البنات <<طيب وش دخلك

[العمة طلالة]

.


.


هههههههههه



رهيــــــــــــــبة أم النقاب



طيب يصلح ترد وحدة موب متزوجة ولا هي لم العرس







ياطويلة العمر اللي أعرفه إن عندنا عادي نعمل بهذي السنة


والبنت تلبس لبس عادي كأنها عند حريم وعلى كيفها تاخذ شيء معها ولا لا

ودقيقة وتطلع ماتجلس حتى

وبس



موضوع جميل خيتو



مشكوورة


.

.

[ماكنتوشه]

الرد مسموح لجميع الفئات

برعمة + فتاة + متزوجة + جده + عجوز

[فـتـآة آلآحـلآم]

هههههههههه

ان شاء الله البنات يفيدون هع

[جُمانة]

ينفع اقول عادتنا بالنظره

عجبني موضوعتس

وأما البنت اللي طلبت تشوف خطيبها رهييييبة والله

[القـ جمانة ـلوب]

أهلااان ماكنتوشة

آممم و الله يا بنت الحلال حنّا شبه واجب أنه يشوف الخاطب مرته
يعني يحدد يوم ويجي للبيت يا أنها تجي تدخل المجلس وتقدم كيك وعصير وحركات أو بلاااش
و يسألها أسألة إعتيادية .. وش تدرسين و أي تخصص ناويه ... الخ , طبعاً بوجود أخوانها
و الشي الثاني أحياناً بعض الخطاب يشترط باللبس ,
يعني اذا بيجي يشوفها يحق له يطلب انها تلبس قصير أو ضيق .. الخ من شروط اللبس على مزاجة ..
و الشي الثالث .. اللي هو يناظرها وهي ما تدري
يعني بكشتها بقميص البيت يناديها ابوها للحوش ويقولها ابقيس المظلة أو أي شي <= من يقول أنها مرة خالي
و هذا اللي أنتشر الآن , لأنه بعضهن صرحة لو تدري وتدخل المجلس بتجيها حالة هستيرية ,
فأرحم لها يشوفها وهي ما تدري
أما البنت اذا تبي تشوفه عادي .. يا يصورونه لها <= موب خالتي أبداً
أو من قبل ما يدخل المجلس يعني تشوفة من الطاقة أو أي مكان ..

وبس هذا عادتنا حنّا !

يسعدكِ ربي ع الموضوع يا عمري .. (f)

*

[تمارة]

وعليكم السلام
أهلآ ماكنتوشه
حنا عندنا حق من حقوق الرجل إنه يشوفها
وإذا رفض أبوها أو هي النظره بعضهم إلا أكثرهم يتركون البنت
وتلبس ملابس مثل الملابس اللي تلبسها لمحارمها
يعني ساتره وتطلع شعرها
ويكون معها عصير ولا تجلس تحط العصير وتطلع
وأما إذا بغت البنت تشوفه إذا جاء وشافها تكون على الشبابيك كميرات له بالمرصاد
<-- والله مثل ماهو يبغى يشوفها هي تبغى تشوفه
ومره وحده من الأمهات قالت لأم الولد ترسل صورت ولدها وسائط
وووووبس

[تَوَكُّفْ !]

،

وَعَلَيْكُمُ السَّلامْ وَرَحْمَةُ اللهْ وَبَرَكَاتُهْ ، أَهْلاً مَاكِنْتُوشَةْ ..

زَيْ مَاقِلْتِيْ هَالشَّيْ يِخْتَلِفْ مِنْ مُجْتَمَعْ لمُجْتَمَعْ ..
إِحْنَا عَادِيْ جِدًّا إِنُّهْ يشُوفَهَا ومَافِيْ أَحَدْ يِرْفُضْ هَالشَّيْ أَبَدًا ، طَبْعًا تِدْخِلْ الْبِنْتْ بأَيْ لِبْسْ تِبِيهْ أَهَمْ شَيْ يكُونْ سَاتِرْ وتِكْشِفْ شَعْرَهَا عَادِيْ ومُمْكِنْ تِدَخِّلْ عَصِيرْ ومُمْكِنْ لأ ..
تِدْخِلْ وتِجْلَسْ مَعَ الْوَلَدْ وأُمَّهْ تكُونْ مَوْجُودَةْ يِتْكَلَّمُونْ شوَيْ وتِطْلَعْ ..
طَبْعًا إلِّلي يٌقُول ثَلاثْ أَرْبَاعِ الْكَلامْ العَرِيسْ والْبِنْتْ مَاتُقُولْ إلا نَعَمْ و لا ..
بَعْدِينْ يِسْأَلُونَهَا أَهْلهَا عَنْ الْقَرَارِ النِّهَائِيْ ونَفْسِ الشَّيْ الْعَرِيسْ ..
وإِذَا عَجَبُوا بَعَضْ كَانَ بِهَا مَا عَجَبُوا بَعَضْ كِلْ وَاحِدْ يِدْعِيْ للثَّانِيْ بِالتَّوفِيقْ ..

،

[وآنـا أخت راشد]

هلا وغلا شقيقتي ماكنتوشه

الموضوع حلو وماعليه كلام

و امممم بصراحه أحس شي محرج إذا البنت طلعت للنظره الشرعيه

بس لا تخاف لان طبيعي الخاطب يعجب فيها لانه ماشاف غير امه وخواته

فــ طبيعي تعجبه البنت

مشكوره ماكنتوشه ع الموضوع الحلوو

وموفقه يارب

[فخوره بكوني انا]

نفففففففففففففففس الفكرة تدخل باللبس الي تبغاه ويكون ابوها واخوانها موجودين طبــــــــــــــعا تويدز وتطلع ماتطول معهم

وبــــــــــــــــــــــــــــــــــــــ ــــس

[رسيـل]

هلا وغلا ماكنتوشه حياج ببيتج الثاني


ومثل ماقلتي عندنا النظره الشرعيه شئ طبيعي ...


بس فيه رجال هم اللي رفضوا انظره >>>من قال انه رجل خالتي على قولت جمانة القلوب

لكن الغالب عندنا النظره الشرعيه وتطلع له عادي باي لبس كأن عندها دورية الجيران

الا اذا طلب لبس معين وحده اعرفها طلب رجلها يشوف سيقانها

واغلبهم يدخلن بالعصير تحطه وتطلع ..




وان شاء الله هالموضوع بداية سلسلة من المواضيع الحلوه عندنا

[شهيدة المحراب]

أهلا ماكنتوشة

نفس رد البنات

إقتباس من جمانة القلوب

يعني اذا بيجي يشوفها يحق له يطلب انها تلبس قصير أو ضيق .. الخ من شروط اللبس على مزاجة ..

..!!

فيه نص شرعي ولا كذا

أول مرة أسمع هالكلام

[[ تعجّب ! ]]

المشاركة الأصلية كتبت بواسطة شهيدة المحراب ..!! فيه نص شرعي ولا كذا أول مرة أسمع هالكلام

نفس الشي أنا تنحت !
وش قصير بعد !!



شكرا ماكنتوشه ..

[أمـيـرة الــنور]

:

:

:


لي عوده









ودي..*

:

:

:

[زهرة شمر]

اهلاً ماكنتوشه

اممممممم كيف تكون النظره وش تلبس وماتلبس ماعندي خبر..!!

انا اصلاً خاطري اعرف بعد كيف تطلع...!!

بس لو انا من المستحيل اوااااافق والله استحيي...!! >>>خخخ قامت تتمايع

وان شاء الله مانمر في مثل هذا الموقف ان الخاطب يبي يشوفني ....!!

فيه نص شرعي ولا كذا أول مرة أسمع هالكلام

انا اللي اعرفه انه عادي اذكر قصه قالتها الابله عن الصحابي عمر بن الخاطب..!!

لي عوده مع ذكر الدليل بس انا مو متأكده الصحابي عمر بن الخطاب اما غيره...!!

ادور وارجع لكم















أختكم
زهرة شمر

[ماكنتوشه]

المشاركة الأصلية كتبت بواسطة **خوخة متفوخة** ان شاء الله يفيدونك البنات <<طيب وش دخلك

أهلاً خووخه

وأنتِ ليش ما تفيدين







يلا ابي أعرف كيف تتم النظرة عندكم

يعني يلا ردي مره ثانيه >>

[ماكنتوشه]

المشاركة الأصلية كتبت بواسطة العمة طلالة . . هههههههههه رهيــــــــــــــبة أم النقاب طيب يصلح ترد وحدة موب متزوجة ولا هي لم العرس ياطويلة العمر اللي أعرفه إن عندنا عادي نعمل بهذي السنة والبنت تلبس لبس عادي كأنها عند حريم وعلى كيفها تاخذ شيء معها ولا لا ودقيقة وتطلع ماتجلس حتى وبس موضوع جميل خيتو مشكوورة . .

أهلاً عمتي طلالة

أي والله رهيبه أم النقاب

أكييييييييييد يصلح ونص وثلاث أرباع الرد مسموح لجميع الفئات
>>> كما أسلفت في الرد السابق


بس مدري أحس شئ محرج من غير عباية

والله يعين كل بنت على هذه المهمة الصعبه

.

[¨¨° هَمْسَـﮧ غَ ـلآ °¨¨]

هلاااااااااااااا ماكنتوووووشه يا جدتي ...

عندنا النظره الله يسلمك مثل ما قالو البنات بس بعدنتيجة التحليل يعني ما يشوفها الا والشيخ معه قبل كتابة العقد وما يطول ثواني بس من اسمها نظره يعني بدون كلااام ..



يسلمووووو ع الموضوووع