التعليم الترفيهي أقصد التعاوني

[بصمة أمل~]

بسم الله الرحمن الرحيم


السلام عليكم ورحمة الله وبركاته


التعليم التعاوني وما أدراك مالتعاوني

قسمن بالله فكرة فاشلة

وظلم وكل شئ

بالله ناس تتحمس وناس تاخذ الدرجات بلاش

اربع طاولات وعليها ست طالبات من كبر الفصل(مبنى مستأجرونطالب الوزارة تطلع مدرسة واحد وتسعين الابتدائيه اللي ماخذينها المجمع حقنا حق متوسط وثانوي والله ظلم يطلعونامبنى مستأجرويحطونهم)

أصلا من حطو الطاولات كذا والبنات سوالف وضحك ونوم وأكل مسوين بوفيه بالفصل

كل معلمة تدخل عينا وتهاوش وش فيكم متغيرن ياثالث>>>>><<<<<<لا أبدا سلامتكم ماتغيرنا من النظام الخياس

قسمن بالله ترانا ثالث يقعدون يخربطون علينا بأنظمتهم الجديدة

بالله وش رايكم بالنظام هذا

ناس بتتطور بس مو عارفة شلون تتطور

[فتاة الرياض]

امممممممممم

انتي غاضبة بشدة ..

لا اعرف الكثير عن هذا النظام ..

لكني كرهتهم بشدة لأنهم تأخروا في تطبقه حتى تخرجت ..

يبدو ممتعا .. ومناسبا لدروسنا التي تتميز بالكم ..

فتجعلها مهومة نوعا ما .. ومبسطة ..

أهدأي قليلا ..

فالنظام لدينا يطبق رغما عن كل شي ..

حتى لو فشل ..

[لُوتّسْ]

وعليكم السلام ورحمة الله وبركاته

إذا كان قصدك بالنظام المطور اللي هو نظام الساعات أو مايسمى بالتراكمي

هذا النظام أنا أدرس فيه

لكن لازم تبدين من أولى ثانوي مو من ثالث لأن النسبه تحسب لك من أولى

بعدين هذا النظام مررره حلو ومريح

تدرسين بالفصل الدراسي الواحد سبع أو ست مواد

بس أنا ما أتوقع قصدك هذا النظام

شكل نظامكم غير

[بصمة أمل~]

[QUOTE=فتاة الرياض;7608864]امممممممممم

انتي غاضبة بشدة ..

لا اعرف الكثير عن هذا النظام ..

لكني كرهتهم بشدة لأنهم تأخروا في تطبقه حتى تخرجت ..

يبدو ممتعا .. ومناسبا لدروسنا التي تتميز بالكم ..

فتجعلها مهومة نوعا ما .. ومبسطة ..

أهدأي قليلا ..

فالنظام لدينا يطبق رغما عن كل شي ..

حتى لو فشل .



ايه نعم غاضبة جدا

أجل البنت تشرح والمعلمة تاخذ 15ألف

المفروض يعطونا جزء من الراتب

عاد اليوم أنا غايبة معطينا الولد أجازة عشان المطر

وكان على مجموعتنا شرح درس بالفقه

وأعطتمهم درجاتهم

وقالت فلانه اللي هي أنا ما أعطيها لين تشرح

بس الزين فيها أنها ماتعطي الوحده درجات الا إذا اشتغلت

[بصمة أمل~]

المشاركة الأصلية كتبت بواسطة SoOo SoOo وعليكم السلام ورحمة الله وبركاته إذا كان قصدك بالنظام المطور اللي هو نظام الساعات أو مايسمى بالتراكمي هذا النظام أنا أدرس فيه لكن لازم تبدين من أولى ثانوي مو من ثالث لأن النسبه تحسب لك من أولى بعدين هذا النظام مررره حلو ومريح تدرسين بالفصل الدراسي الواحد سبع أو ست مواد بس أنا ما أتوقع قصدك هذا النظام شكل نظامكم غير

لالا مو مطور

هذا الله يسلمك نظام مدري وش يبي

النظام درجة المشاركة تكون جماعية

يعني شاركت مجموعتك

تاخذين درجة المشاركة ماشاركة ما تاخذين

بس والله قهرتجين متحمسة وحده بمجموعتك مبردة

[معلم]

السلام عليكم ..


أختي الفاضلة .. لا أعلم شيئا عن هذا النظام .. لكن .. إن كان بهذه الطريقة .. فكبّروا أربعا على التعليم ...


لا يعقل أن نتطور بالتعليم .. قبل تطوير الذات أولاً و تطوير من يقوم بالتعليم ... و دراسة الأنظمة دراسة جادّة ..

..

رحم الله تعليمنا .... أسأل الله أن يهيء له رجالاً يقودونه إلى العلياء و القمم .. و يحفظون الأمانة .. و يراعون الله فيما يقومون به و فيما يعملون و يقولون ..

بارك الله في الجهود و سدد الخطى ....

[هِمَم]

والله صادقه

هو زين للي يبي الدجه والفله والوناسه .. واتوقع ثالث كلهم ما يبون الوناسه على حساب الدرجات !!

إنّا مثلكم اول السنه نظام عادي .. طاولتين جنب بعض بعدين ثلاث بعدين ثنتين ..

جونآ وقالوآ لنا سووا النظام التعاوني الي هو مجموعآت .. وسويناه وتكسرت ظهورنآ !!

ورجعنا نفس النظام السابق بدون ما نستأذن
وجت المديره وقالت بسرعه الحين تغيروونه وطلعت وبدون ماتسمع ولا كلمه منّا !!
والآن نظامنا نظام فاشل .. كسري انظهر .. قصدي ظهري انكسر
وكل شوي لازم الف عشان اشوف السبوره والاستاذه ..
والله تعب
ظهورنا رآحت وطي
ورقباتنا انعفطت

بس الشكوى لله

حكم الأويّ على الضعيف

[هِمَم]

^^



شطححححححه قويّه



أنا احسبك تقصدين ترتيب الطاولات .. بس يله عادي صح انه يقهر ؟

اما عن الدرجات فهذا شي يحررررر التسبد !!
يا أنك انتِ تصلحين النشاط كله بلحالك يا ما تسوين فيه ولا نقطه ..
يعني ظلم مره !
خاصه اذا صآر النشآط عرض بوربوينت ..
لازم مايسويه الا واحد واذا سويتيه انتِ بلحالك .. البنات ياخذون الدرجه بدون لا يتعبون ..
واللي يفقع المراره زود ان الابلات يقولون لازم الامانه في النشاط لازم كل وحده من المجموعه تسوي شي !
يعني مثلا العرض نخلي كل وحده تسوي شريحه !!!!!!!!

شكرًا على الموضوع الي برّدت حرتي فيه

[::طموح::]

نظامنا التعليمي يتطور دائما..ولكن عكسيا

[بصمة أمل~]

المشاركة الأصلية كتبت بواسطة معلم السلام عليكم .. أختي الفاضلة .. لا أعلم شيئا عن هذا النظام .. لكن .. إن كان بهذه الطريقة .. فكبّروا أربعا على التعليم ... لا يعقل أن نتطور بالتعليم .. قبل تطوير الذات أولاً و تطوير من يقوم بالتعليم ... و دراسة الأنظمة دراسة جادّة .. .. رحم الله تعليمنا .... أسأل الله أن يهيء له رجالاً يقودونه إلى العلياء و القمم .. و يحفظون الأمانة .. و يراعون الله فيما يقومون به و فيما يعملون و يقولون .. بارك الله في الجهود و سدد الخطى ....

آمين

الله يجزاك خير

أنا أتوقع اللي يطلع نظام جديد له نسبه من المال

فعشان كذا أكثرت الانظمة

[بصمة أمل~]

المشاركة الأصلية كتبت بواسطة هِمَم والله صادقه هو زين للي يبي الدجه والفله والوناسه .. واتوقع ثالث كلهم ما يبون الوناسه على حساب الدرجات !! إنّا مثلكم اول السنه نظام عادي .. طاولتين جنب بعض بعدين ثلاث بعدين ثنتين .. جونآ وقالوآ لنا سووا النظام التعاوني الي هو مجموعآت .. وسويناه وتكسرت ظهورنآ !! ورجعنا نفس النظام السابق بدون ما نستأذن وجت المديره وقالت بسرعه الحين تغيروونه وطلعت وبدون ماتسمع ولا كلمه منّا !! والآن نظامنا نظام فاشل .. كسري انظهر .. قصدي ظهري انكسر وكل شوي لازم الف عشان اشوف السبوره والاستاذه .. والله تعب ظهورنا رآحت وطي ورقباتنا انعفطت بس الشكوى لله حكم الأويّ على الضعيف

ايه والله من جد متعب

ابشرك حنا رجعنا بدون لا نستأذن

والحمدالله إلى الآن ماجت المديرة لفصلنا

الله يستر بس

[بصمة أمل~]

المشاركة الأصلية كتبت بواسطة هِمَم ^^ شطححححححه قويّه أنا احسبك تقصدين ترتيب الطاولات .. بس يله عادي صح انه يقهر ؟ اما عن الدرجات فهذا شي يحررررر التسبد !! يا أنك انتِ تصلحين النشاط كله بلحالك يا ما تسوين فيه ولا نقطه .. يعني ظلم مره ! خاصه اذا صآر النشآط عرض بوربوينت .. لازم مايسويه الا واحد واذا سويتيه انتِ بلحالك .. البنات ياخذون الدرجه بدون لا يتعبون .. واللي يفقع المراره زود ان الابلات يقولون لازم الامانه في النشاط لازم كل وحده من المجموعه تسوي شي ! يعني مثلا العرض نخلي كل وحده تسوي شريحه !!!!!!!! شكرًا على الموضوع الي برّدت حرتي فيه

كل الاثنين الدرجات والطاولات

الحمدالله ماعندنا عروض

كل الفصول ركبت أجهزة البروجكتر

الا فصلنا عيا يركب

بس عندنا شرح

الله يعطيك العافيه

[بصمة أمل~]

المشاركة الأصلية كتبت بواسطة ::طموح:: نظامنا التعليمي يتطور دائما..ولكن عكسيا

كأني فهمت كأني مافهمت

وش قصدك يعني يتطور للأدنى

على العموم

الله يعطيك العافيه

[::طموح::]

المشاركة الأصلية كتبت بواسطة بصمة أمل كأني فهمت كأني مافهمت وش قصدك يعني يتطور للأدنى على العموم الله يعطيك العافيه

ايه هذا قصدي
ما شاء الله عالقرارات اللي دايم يطلعونها ما تزيد التعليم الا فوضى ومشاكل
مشكورة اختي.

[بصمة أمل~]

المشاركة الأصلية كتبت بواسطة ::طموح:: ايه هذا قصدي ما شاء الله عالقرارات اللي دايم يطلعونها ما تزيد التعليم الا فوضى ومشاكل مشكورة اختي.

ايه ماشاء الله علي

ايه والله فوضى ومشاكل

العفو

[رواء الروح]

مره مره مره مممممممتع انا جربته في التربيه العمليه

البنات يتعاونون وممكن المعلمه تقدر تنصف الطالبات

يعني لما كنا في التربيه العمليه ترتيب البنات 3 طاولات مع بعض ووراها 3 طاولات

فوقت النشاط فقط يجتمعون ويتعاونون في اي نشاط يقدم

البرنامج مره راااائع .. ويتغيير في طريقة العرض للمعلمه

وبنفس الوقت فيه فائده للبنات الكسولات يبدأوون يتحمسون

انتم في البدايه وشوي شوي بتتعودون عليه وتستمتعون

[بصمة أمل~]

المشاركة الأصلية كتبت بواسطة رواء الروح مره مره مره مممممممتع انا جربته في التربيه العمليه البنات يتعاونون وممكن المعلمه تقدر تنصف الطالبات يعني لما كنا في التربيه العمليه ترتيب البنات 3 طاولات مع بعض ووراها 3 طاولات فوقت النشاط فقط يجتمعون ويتعاونون في اي نشاط يقدم البرنامج مره راااائع .. ويتغيير في طريقة العرض للمعلمه وبنفس الوقت فيه فائده للبنات الكسولات يبدأوون يتحمسون انتم في البدايه وشوي شوي بتتعودون عليه وتستمتعون

واللي ما يتحمسون

[::بســطة عجوز::]

وعليكم السلام ورحمة الله وبركاته


هلاآآ بك..

انتم نفس حالتنا عفسينا عفسه ..بس حنا ماسوينا هالنظام بس الفصول الثانيه سووها .


بالله عليكم وش لون نخلي تعليم تعاوني (الله يقلعه) وأصلآ الفصل مايكفي!!
يعني كل أربع بنات بثلاث طاولات لآ وبعضهم كرسي بدون طاوله.
فصل مساحته صغيره بالمرررررره وفيه 46 أو 49 طالبة.



المفروض الابتدائي اللي موسعين عليهم وهم ماعندهم تراكمي ولاهم يحزنون،لآآ وبزران يعني يكفيهم فصل صغير.
حاطين لهم مدرسه كبر مدرستنا أربع مرات وليتهم اكتفوا. مدرسة (نسيت رقمها) ماخذين المبنى حق المتوسط والثانوي اللي المفروض حنا نصير فيه!!


بس لو يطقون روسهم بمليون جدار ماراح يسوي فصلنا هالنظام مابقى إلا هي خليهم يحطون لنا مبنى أوادم ثم نسوي اللي يبون...

المشكله انه تراكمي والله يستر وش بيجيبون السنه الجايه من أنظمة؟؟




::ســـ) انتي بالمتوسطة والثانويه الســـــــــــــــــــابعة ؟؟؟

[مشاعر مبتسمة]

وعليكم السلام ورحمة الله وبركاته

جربنا هذا النظام...


ولكن كنا على العكس منكم..

طلبو منا إعادة الفصل كما كان قبل التعليم الترفيهي .. أقصد التعاوني..
لكن رفضنا.. فهو مسلٍ أكثر..
بالرغم من أننا كنا في ثالث ثانوي واختبار الوزارة..

كنا إما نتنافس أي المجموعات تجيب أفضل في حال كانت المعلمة تثير الأسئلة والمسائل التي تتطلب السرعة..
أو نتنافس على الإزعاج - رحم الله معلماتنا على صبرهن وغفر لهن - ونتبادل الرموز والضحكات لأن الفصل أصبح متقابل نوعاً ما..
فيمكن لكل طالبة رؤية عدد أكبر من الطالبات..
وأحياناً أخرى نتنافس على الخمول والنوم..

لكن عموماً.. تكسرت رقابنا وازدحمت فصولنا.. لأنها كانت أصلاً مزدحمة دون -الحوسات- التعاونية..

لكن:: أضافت إلينا المتعة - كطالبات مشاكسات غالباً - ...

من وجهة نظري..
التعليم التعاوني رائع..
مع الجيل الجديد من المعلمات،، المهيئات له منذ الدراسة الجامعية..
بالتوفيق،،،

[بصمة أمل~]

المشاركة الأصلية كتبت بواسطة ::بســطة عجوز:: وعليكم السلام ورحمة الله وبركاته هلاآآ بك.. انتم نفس حالتنا عفسينا عفسه ..بس حنا ماسوينا هالنظام بس الفصول الثانيه سووها . بالله عليكم وش لون نخلي تعليم تعاوني (الله يقلعه) وأصلآ الفصل مايكفي!! يعني كل أربع بنات بثلاث طاولات لآ وبعضهم كرسي بدون طاوله. فصل مساحته صغيره بالمرررررره وفيه 46 أو 49 طالبة. المفروض الابتدائي اللي موسعين عليهم وهم ماعندهم تراكمي ولاهم يحزنون،لآآ وبزران يعني يكفيهم فصل صغير. حاطين لهم مدرسه كبر مدرستنا أربع مرات وليتهم اكتفوا. مدرسة (نسيت رقمها) ماخذين المبنى حق المتوسط والثانوي اللي المفروض حنا نصير فيه!! بس لو يطقون روسهم بمليون جدار ماراح يسوي فصلنا هالنظام مابقى إلا هي خليهم يحطون لنا مبنى أوادم ثم نسوي اللي يبون... المشكله انه تراكمي والله يستر وش بيجيبون السنه الجايه من أنظمة؟؟ ::ســـ) انتي بالمتوسطة والثانويه الســـــــــــــــــــابعة ؟؟؟

ايه بالسابعة
والمدرسة اللي ما خذين مدرستنا 91 الابتدائية

والحمدالله هاذي آخر سنة من قراراتهم أعوذ بالله منها

هو المشكلة مو بس بالطاولات بتوزيع الدرجات