 |  |  |  |  |  |  |  |  |  |
| |  |  | |||||||
 |
 |  |  |  |  |  |  |  |  |
| Ma3ali Tube | Be Happy | الجـوال | Ma3ali flickr | الغرفة الصوتية | البطاقات | الصـوتيـات | مركز التحميل | مجلة أجيال |
  |
  |
| |||||||
| | LinkBack | أدوات الموضوع | انواع عرض الموضوع |
20-10-2008, 08:50 AM
| #1 |
 |  انفلونطــية ابتدائيه مدرسيه تحطيميه .. . . (( الذكرى السادسه ))   (( انفلونطــية ابتدائيه مدرسيه تحطيميه .. . . )) ذكريات الطفوله مهما تعيدها ومهما تكررها ما راح تمل منها خاصه ايام الابتدائي كلكم وقفوا معي وتذكروا اول مره يجدعونكم اهلكم بالمدرسه .. اتخيلوا معي العضو الفلاني اللي براسي داخل المدرسه وبيده رضاعه اطول منه ... (( فاهم الاستفهامات اللي فوقكم لكن الشكوى لله )) ======= ؟؟؟؟ لا احد يناديني لن اقول لكم اسم ذلك العضو ؟؟؟؟ ======= اتخيلوا الشباصات اللي تدخل فيها العضوه الفلانيه للمدرسه بستة شباصات وترجع البيت بشباصه بوحده .. ؟؟ !! اتخيلوا الدمعات ..السعابيل .. الخلاقين .. المراييل تخيلوا دفتر الواجبات .. قلم الرصاص .. التلوينه الشنطات .. المدرسين .. المدرسات .. الخ عيشوا معي الموقف .. عيشوا تخيلات واقعيه مضحكه مرينا فيها كل ابونا .... وعشناها ببكاء على فقد السرير الصباحي واستبداله بالكرسي الصباحي .. على درس استذكاري .. ؟ ؟ !! معمعة بدايه الدراسه بنتعداها الحين .. وبنطمر الى ما بعدها وهي مرحله الدخول في المواد والشرح وافهم يا فلان واسكت يا علان .. وافتح يدك يا كسلان .. يقال بان هذه المرحله .. (( اتكلم عن الابتدائيه تراي )) هي السبب الاول والحصري لصلع المدرسين وبياض شعورهم .. تقولون وشلون نقولكم لان هذي المرحله هي مرحله تعليم الاستئذان .. ولا احد يتكلم الا بعد ما يرفع يده ولا فيه طلعه الا بعد بعد الجرس .. والمكتوب عالياً هو عباره عن اشياء صعب تفهيمها للطفل اللعوب والمؤدب (( نقطتين على المؤدب )) لانه نادرا ما تلقى طفل مؤدب يفهم هالنقاط بسرعه .. . . لحظات الدراسه دايم ما تذكرني بالطباشير اللي اللي استنتجت منها ضعف نظر الاغلبيه الغالبه من ربعي واصدقائي واقربائي واعضاء المنتدى بين قوسين (( كل العالم )) ما فيه حل وسط ..  ادري ماتجي لكن مروها كما جائت وفي روايه زحلقوها .. يعني لا احد يدقق نرجع للطباشير اللي انا في حاله ذهول منها فخويكم . .. (( ركزوا على خويكم يا فلان وفلان ... )) وحتى هذه الثانيه واللحظه يتسائل بينه وبين نفسه ؟ ؟ هل الطباشير موضوعه ؟؟ للكتابه على السبوره او للرجم على طلاب المعموره ؟؟ تقولون وشلون وليش هالسؤال الشاطح الغريب .. اقولكم الحين .. ؟؟ في مسيرتي الدراسيه وجدت ان اغلب الطباشير الموضوعه تحت السبوره تتعرض لانقراض سريع وجاحف ومجحف ومتعجرف والسبب يعود الى كميه الخبث المتدلدله على نفوس الكثير من الطلاب يعني ما يمدي الواحد يسج او يهوجس او يتفكر في مخلوقات الله الا وطبشوره حمراء اللون تتوسط جبهته وفي روايه ناصيته فتوقضه من هوجاسه .. وتؤجج من نيرانه فيعصب ويقوم من مكانه مخرجا من درج طاولته دسته من الطباشير متوجهه الى الشخص الضاحك امامه وفي لهجةٍ غاضبه يقول ليه ترمي علي الطبشوره الحمراء يا ................. (( لا تعليق )) (( الولد هذا موب مؤدب ... )) ما علينا ما علينا احب اذكركم تدرون ليه طلع من طاولته دسته او درزن طباشير لعدة اسباب الراجح منها هو يقين داخلي بان الطبشوره الاولي لن تصل الى مرادها ولا الثانيه ولا الثالث يمكن الرابعه ... نقطه ايجابيه هنا لانه عرف قدر نفسه .. وقال تراي حول وهذا هو المراد .. .. ====== الشاهد ====== اللي فوق سوالف يمر فيها كل شخص درس الابتدايه وعاشها بكل سوالفها وخاصه اذا كانت المدرسه حكوميه لا احد يناظر تراي دارس الابتادئيه كل ابواها في مدرسه اهليه (( بداء يدعدع )) عموما تذكرت الحين عنفوان البطوله اللي تشقق الفرح في قلب طالب بالابتدائي وهي النحشه المستقيمه من الفصل حين يتثائب او يكتب المدرس الدرس على السبوره وخويكم ما زال يتذكر النحشه اللي طلعت اثنين من الفصل وراي في مسلسل حبشه صورناه على ملعب المدرسه واسيابها الاثنين اللي لحقوني كان عز مرادهم وغايه مطلبهم انهم يمسكوني ويرجعوني الفصل (( شفتوا النذاله )) وكل هذا علشان يقولون للاستاذ ترانا مسكناه ما ودي اكمل هذي السالفه لاني شخص يكره النذاله ويقاتلها اينما كانت .. .. نرجع لسالفتنا الاساسيه اللي عليها كتبت الذكرى فاقول ان اخوكم وبقيه فصله كانوا في تنافس شريف ومشرف وكانوا يحبون ان المدرس يقولهم شاطر واحسنت وممتاز وقمه الوناسه عندي خاصه هو ختم مع بعض المدرسين يختم فيه المدرس على دفتر الطالب فتتكون كلمه ممتاز تشرح القلب والصدر وتفتح الشرايين صدقوني استانست وانا اكتب الحين هالشيء وكان عندنا طالب ما شاء الله عليه متميز بكل شيء ان جبته دراسه فهو فلته وقوه وحركه بالرياضيات والانجليزي والتوحيد والفقه وكل شيء وان جبته للرياضه فهو احسن واحد يلعب كوره بالفصل ودايم يختارونه يلعب بمنتخب المدرسه الاولمبي .. وبما ان هالطالب بفصلي فهو يعتبر شخص منافس ونبض الخيال لا يرضى الا بالمراكز الاولي بس موب دايم يحصلها عموما قرر نبض الخيال ان يبداء المنافسه ويكسر خشم هذا الطالب المسكين وفي روايه انا المسكين وكانت البدايه ان تكون المنافسه في قراءة القران الكريم ومثل ما ذكرنا انفاً بمعنى سابقا ان التميز بالنسبه لمنافسي كان موجود عنده في كل شيء .. يعني منافسي بتاع كله ... ومن نقاط تميزه انه كان يملك صوت جميل ورائع دايم نسمعه في الاذاعه الشاهد جرس المدرسه ضرب بصوته الرنان علينا في اعلان بدايه حصة القران الكريم فدخل المدرس واعلن الدرس اللي هو قراءة سورة من القران الكريم يقراءها كل طالب في الفصل امام الطلاب .. .. وبهذا الاعلان اخترقت راسي فكره عنفوانيه وهي اني انافس خوينا واغطي عليه بصوتي الجميل وتكون نقطه بدايه المنافسه هي حصه القران اللي سوف اقراء فيها سورة الاخلاص بترتيل جميل تخشع عليه القلوب .. وتبكي على صداه العيون فخرجت بعزيمه قويه .. طارد فيها كل انواع الحياء وملحقاتها ومعلن في دواخل نفسي ان اليوم سيكون يوم التغيير العالمي في طريقة التلاوه وترتيلها بالنسبه لنبض الخيال وكانت كلمات داخلي تتردد .. تقول ان الايام القادمه ستكون بداية تقدم لصالحي في كسر خشم صديقي في الابتدايه وان الايام القادمه ستكون بدايه ضربات متتاليه تتوجه الي خشم منافسي حتى يتم تكسيره .. (( اللي داعيه عليه امه ينافسني .... لا احد يصدق .. .. ترى ما عند احد ... )) االشاهد اني وقفت امام الطلاب وشاهدت العيون والاذان والقلوب جميعها تراقبني وتنظر الي فحرك هذا المنظر عنصر الخوف في حنجرتي وغرف قلبي .. واواصرعروقي فجلست اتسائل بيني وبين نفسي هل اؤجل المنافسه او اتوكل على الله واقراء اممممممممممممممممممممممممممممممممممممممم ممم يعني لحظه تفكير جاء القرار مسرعا لا لا لا لا لا سم بالله واقراء وخل عنك التاجيلات وغيرها فقلت للقرار شورك وهدايه الله فقرات سورة الاخلاص .. . . المقررة من الاستاذ واخترت افضل ترتيل صوتي انافس فيه منافسي وصديقي .. ولكن وياللاسف ما قدرت انتهي من ترتيل ايه وحده الا وجيوش وكتائب وسيوف التحطيم تقطع في كبدي ومصاريني تخيلوا فصل كامل بطلابه يضحك عليك لا تعليق هنا لحظه حسيت فيها بالوجه المائع .. لان وجهي ماع ذاك اليوم ورجليني مالت وبراطمي طلعت شبرين قدام معلنه عن علامة تعجب انفلوطيه الحمد لله ان دموعي ذاك اليوم كانت مشغوله ولا كان صرت الفضيحه الحزينه في المدرسه السقيمه الحقيقه اني حسيت وقتها ان عظامي ترقص رقصه غربيه على انغام ديسكوانيه ما ادري ادري وشلون اوصفلكم لكنها كانت لحظه ما كنت ادري وشلون اتصرف فيها اجلس على الارض ارجع مكاني اصرخ واقول استح على وجهك يا طالب انت وياه وين الخشوع في مثل هذه القراءات الجميله .. . --------- الحقيقه كل الخيارات وقفت قدامي ولا عرفت القى معها طريقه احل فيها موقفي المحرج سوى اني اشكر رجلي اللي تحملت الموقف وما رمتني على الارض منكسرا ً جريحا ما ادري كيف القى لغه اقدر اعبر لكم عنها ما ادري ليه هاللحظه بالذات عرفت فيها معنى التحطيم واكلته بكامل كراعينه ما ادري ليه هاللحظه بالذات ما انسى اوقاته وسنينه معقوله التحطيم مجرم وهذي احواله علينا ما ادري عموما تدرون وش سويت اخذت بالحكمه القائله قابل الضحك بالضحك تسلم ضحكت معهم وخليت السالفه وكاني شخص مستهبل وناوي اضحكهم وما يدرون اني كرهت الضحك من بعدهم هنا تساؤل . . معقوله ترتيلي يضحك الى هالدرجه ؟؟ ولا فصلي ما عندهم ذوق .. ؟؟ اتوقع ما عندهم ذوق ولا وش رايكم .. ؟؟ : (عموما من على حروف هالقصه اقول لكل معلم ومعلمه انتبهوا لمثل المواقف وحاولوا تحلونها بازاله التحطيم من قلوب الاطفال ولا بيمشي العمر واصحاب المواقف يحملون ملف تحطيمهم .. ======================= شكرا لكل من قراء قصتي وحزن لحزني وعفوا لكل من رد علي وخفف من الامي ولا احد يصدق اني متاثر من هالموقف الى الحين لانه هالموقف صار الحين موقف ضحك اضحك عليه كل ما تذكرته الى اللقاء في الذكرى السادسه  تشكراتي نبض الخيال (( /// الخيال /// ))  |
 |
 | |||
| منتديات مسلمة النسائية | مساحة إعلانيه | ||
|
20-10-2008, 09:31 AM
| #2 |
 | 
يعني أفهم انك تبيني أقرى كل هذا مثلا  |
| |
|
20-10-2008, 09:49 AM
| #3 |
| | هههههههههههههههههههههههه والله إنك خطير  ذكريات رهيبه .. ذكرتني في أول ابتدائي ومنافستي أنا و واحد من الطلاب على كل شي طبعا هالطالب عضو معنا بالمنتدى .. وكان اللي قاهرني إن أبوه وقتها كان مدير المدرسه .. فإذا تميز علي بأي شي قلت ايه عنده واسطه  أذكر كنا نتنافس على الأول وحفظنا كتيب أذكار و الأربعين النوويه وجزء من أبيات نسيت اسمها بس أذكر بدايتها أبدأ باسم الله مستعينا وعلى طاري الطباشير ..  هذا واحد من الأقارب يوم كان الظاهر بالمتوسط كانوا طايحين بالطباشير .. ويجيب معه مغاط ( وفي روايه مطاط ) ويحط الطبشوره ويحلت على أخوياه .. جاء مره و وجه على الباب .. وطرااااااااااااااااااااااااااااااااااخ والوكيل بيدخل الفصل وتجي على وجهه طبعا اللي صار بعدها مشفر لأني ما أدري وشو لا تحرمنا من جديدك .. وتستاهل النجوم والتثبيت  مدرعم ، |
| |
|
20-10-2008, 02:16 PM
| #4 |
| | اييه يالابتدائيه ليت ذيك الايام ترجع الله المستعان الله يعطيك العافيه صراحه ابدعت |
| |
|
20-10-2008, 02:43 PM
| #5 |
| | ضحكت على صوتك وأنا ما بعد سمعته << أبو التحطيم !! لكن الابتدائية ومواقفه وبراءته ما تتعوض أبدا يعني كل اسبوع تطلع موضة جديدة .. مرة تطلع موضة المغاط ..!! ومرة يكبون ماء على الكرسي وتقعد عليه وانت ما تدري << عاد كملوا الباقي ومرة شنطة فوق الباب .. تفتح الباب والشنطة تجيك ماشية سرليون ودردب على راسك أيام براءة !! |
| |
|
20-10-2008, 03:10 PM
| #6 |
| مشرف منتدى الطلبات التعاونية مزاجي:  |
السلام عليكم أسلوب رائع ومرح ، وذكريات جميلة الله يا أيام الابتدائي موفق |
| |
|
20-10-2008, 04:24 PM
| #7 |
| |
ايييييييييييييييييييييييه والله ياهي ايام.. اذكر هالقصة صارت بالفصل وحنا بأول متوسط بحصة الانجليزي كان جنبي واحد من أخوياي وكان الله يذكره بالخير طول الحصه وهو معه هالمطاط ومابه احد يسلم منه (الا أنا لأني كنت اجهزله الورق الي يرمي به الطلاب) الزبده به طالب كان جالس قدامنا وكان كرسيه من النوع الي مسكر مع ورا بس محطوط فتحتين في أسفل الظهر للتهويه ومعروفه هالكراسي في مدارس أرامكوولعلي انا والي بجنبي نوينا على هالطالب وجهزناله هاك الورقه وحطينا 10 مطاطات جميع وقرب خويي المطاط لم أحد الفتحات وانطلقت القذيفه على هالضعيف من قوة الألم قام يدور ويفحط بالفصل وهو يصارخ بأعلى صوته ولاتسأل عن حاله لأن الوضع كان مشفر طبعا خويي راعي المطاط توطاو المدرس وانا طلعت منها سالما غانما |
| |
|
20-10-2008, 05:09 PM
| #8 |
       |
أنا مشكلتي منت هطف في الإبتداء كل الطلاب يسطروني ولا أتكلم  وللأسف التحطيم يجي من المدرس قبل الطالب |
| |
|
20-10-2008, 08:23 PM
| #9 |
| | طيب واللي لين هاللحين في الابتدائي .. وش يسوي !؟!  بييني وبينك كنت أكره أول يوم في الدراسة << بالله يعني فيه أحد يحبه ..  المهم ان هاليوم ينرفز , تشوف ابوك يروح .. صحيح انك تاكل من الشكولاطات وتفقع بلآلين المدرسة وتفلها .. وتصيح لين تشوف خشمك يصب !! لكن أني ما انوم هذا شيء مستحيل وشيء يقهر !! طيب وشسمه .. سادس ابتدائي صعبة ؟!  << طرآه أول سطر في الموضوع نآزل !  |
| |
|
20-10-2008, 09:47 PM
| #10 |
| | اللي اعرفه ان المواضيع المنقوله تروح المركاز مو تتثبت mr.qaher |
| |
|
21-10-2008, 03:18 AM
| #11 |
| | | ~ | ~ | ~ | ~ | ~ | ~ | ~ | ~ | وقسم قريته كله ,بالنسبة لي لا أذكر شيء من الإبتدائية عساي أتذكر غداي أمس  يمكن أتذكر الطق اللي جانا ,, تخيل مدرس مادة النشيد ( مدري موجودة إلى هالحين ولا لا ) يعطينا النشيدة ويبينا نسمع بنفس اليوم وياويلك ما تسمع  | ~ | ~ | ~ | ~ | ~ | ~ | ~ | ~ | وفـ باقي ـاء |
| التعديل الأخير تم بواسطة باقي وفاء ; 21-10-2008 الساعة 03:21 AM. سبب آخر: طربان مع أنشودة البرنس ناصر :) | |
| |
|
21-10-2008, 06:09 AM
| #12 | ||
| |
اممممممممممممممممممممممممم 
اول شيء الف شكر مليون على التثبيت والنجوم مشرفنا الغالي .. ثاني شيء احب اقول اني اشارككم الراي يعني مثلا وانا اكتب هالمذكره طرى على سلاسل عقلي عشرطعش ذكرى وذكرى لكن الشكوى لله اغلبهن مشفره وممنوعه النشر .. (( خايف على دميجتي ما ابي انشرها  ))عموما لا مانع من ذكر طرف ذكرى مثل ذكرى البوت العالمي اللي اشتراه الناجح بالمركز الثالث بفصلنا بلاثو مئه ريال ادري ما تدخل العقل .. من كبر رجله علشان تصير بثلاث ميه .. لكن الشكوى لله صدقنا الرجال طلاب ابتدائيه وما ينشره علينا اييييييييييييييييه ردد ردد | ||
| |
|
21-10-2008, 06:39 AM
| #13 | ||||||||
| |
ما تنلام اخوي دايم ذكريات الابتدائيه جميله وانا دايم ما ادعي الله يرجع لي نص السعاده اللي عشتها فيها ... الله يجعل ايامي وايامك وايام كل الاعضاء في سعاده
يا ابن الحلال يا ما ذقنا تحطيم الين شبعنا والحين صار عادي ما يهمنا (( تكفى يالواثق .. )) على طاري موضه المغاط ورد على مهجتي سؤال ما فيه احد مرت عليه ذكرى الشفاط ولا كلكم مغاطات في مغاطات
وعليكم السلام ورحمة الله وبركاته الاروع وجودك يالغالي نورت موضوعي
والله يا شغل المغيطات منتشر بين الاعضاء بديت احس ان الحكمه اللي تقول (( من حفر حفرة لاخيه وقع فيها .. )) مسويه شغل عند الاعضاء تقولون وشلون اقولكم كم واحد هنا جر المغاط الين وصل اذانه وفجاه انفلت المغاط في سرعه ضوئيه متوجه الى السبابه الوسطى اللي تبصم فيها ... قصدي الابهام وجر لك مصارينك على كبدك على كرعانك االالام تطلع الدم من رجلينك الين تتحجر في عيونك ... لا احد يقول ما مر علي هالموقف هذا ضريبه كل من يستخدم المغاط على اخوياه .. لا احد ينكر
هذي مشكله بعض المدرسين الله يهديهم لكن عندنا امل انها تتغير مع الزمن او تقل نسبتها شاكر لك مرورك يالغالي
اول يوم بالدراسه كذا لحاله احباااااااااااااااااااط اتذكر ان ابوي ما قدر يطلع من المدرسه من صياحي حكمت حكم نهائي الا ابارجع معه البيت وما فيه شيء خلاني اهداء واخفف صياح الا مقصفنا الموقر
اخوي انا اللي كاتب الموضوع .. وهذي ذكرى من ذكرياتي
الله يالدنيا زمن يفرق عن زمن ايامنا وقسم كانت العصا تدخل قبل المدرس لا و انواع التفنن بالعصيان مره لي غاز مره مسطره خشب ولا يطقك بها عدال لا لازم بالحد واذا عصب مره خلاك تقلب يدك وضربك على العظم مباشره ضربه لا يمكن ان تخطيء الهدف ما اقول الا الله يهديهم واما طلاب هالزمن | ||||||||
| |
|
21-10-2008, 08:56 AM
| #14 |
| | موضوع متعوب عليه صراحة ، قرئت البداية وجازت لي ، وراي جامعة ولا كان قعدت عليه وأشكر المشرفين على التثبيت وراجع لك |
| |
|
21-10-2008, 12:17 PM
| #15 |
| |
على الطاري للأسف إن أخس وأخيس فتره مرت علي هي فترة الإبتداء الله لا يرجني لها |
| |
|
22-10-2008, 12:30 AM
| #16 | |
| |
شكلك بتاكلها علشان ذا الرد .. | |
| |
|
25-10-2008, 10:23 AM
| #17 | |||
| |
حياك ربي باي وقت بانتظار عودتك
لا تعليق
شاكر لك اطرائك اخوي ما ادري وشلون اعلق لكن  | |||
| |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
الأعضاء الذين قرؤوا الموضوع منذ 30 يوم ( أيام ) : 0 .
| |
| الموضوع لم يُقرأ بعد |
| أدوات الموضوع | |
| انواع عرض الموضوع | |
العرض العادي
| |
الساعة الآن 06:18 PM.
