مكالمات واتصالات

[وليد الغامدي]

بسم الله الرحمن الرحيم

السلام عليكم ورحمة الله وبركاته

اررررررحبوووووا

الله يحيّيكم اقلطووووا معنا

.
.
.
.
.
.
.
.
.
.
.
.
.
.


قبل حوالي سبعة أشهر ..

كنت في زيارة إلى مخيم واحد من الشباب في الجبيل ..

كنا نسولف في العصريّة وقهوة وتطعيس وشسمه .. شوي ويأذّن لصلاة المغرب ..

وتبدا تجيني إتصالات من أرقام غريبة من خارج المملكة ..!


كان فتح الخط +234

كنت أسمع بالسوالف عن السحرة الي يتصلون من دول غرب أفريقيا على الشخص (( دقة وقفّل )) ويقولون للمتصل انهم أولياء الله الصالحين وأنه صلّى الإستخارة وطلع له هذا الرقم .. << تخيّل عاد يصلّي ويجيه الرقم .. قال ولي الله امممممش

ويقومون بإيهام الشخص المتصَل عليه بأنه مسحور وأنه يستطيع فك السحر عنه ويتطلب ذلك مبلغا ماليا قد يصل إلى عشرات الآلاف .. وما ذلك إلا كذب ودجل من أكاذيب السحرة والمشعوذين والعرّافين لعنهم الله ..!

أنا ذيك الايام بس أجمّع سوالف ..

فلان جاه اتصال من السنغال وفلان من نيجيريا وفلان وفلان

يعني ما قد اتصل عليّ أحد قبلها

أما ذاك اليوم .. استمر مسلسل الأحداث ونشبوا لي كل شويّ يدقون وأقفّل في وجيههم .. لكن ذا شكله واحد نشبة


المكالمات اللي جتني كانت من رقمين من نيجيريا ورقمين من سويسرا وما قصّروا أكثر من 18 اتصال << والله اللي نشبوا


كلها ما ردّيت عليها .. والحمد لله اني ما ردّيت ..



يوم طلعت من المخيّم

وأنا طالع من الجبيل الساعة 1 آخر الليل .. وقد كانت الدنيا في ظلام دامس .. << يبغى يقلّد كتّاب الروايات في العاصمة



مسكت خط أبو حدريّة متجه جنوب .. رايح الدمام ..

وكان الخط بدون أنوار وبدون عيون القطط ..

<< إلى الحين وأنا أمشي على الوصف .. فخفت أكون مضيّع ..

وانا ماشي ع الطريق السريع .. مر جنبي جيب باترول لوحته كويتيّة وتجاوزني من على اليسار ..

بعد ما تعداني بـ 350 متر هدأ السرعة بشكلٍ واضح كأن وراه شي ورجع للمسار الأوسط ..

طبيعي بما أنه هدا أنا بأتجاوزه .. أجل أخليه يوقف قدامي واوقّف معه

مرّيت جنبه ويدعس .. << يجاكر ..

يوم صرنا جنب بعض وتجيني مكالمة (( رقم خاص يتصل بك ))

أنا شكّيت في الوضع .. قلت جنبي واحد يجاكرني ويجيني اتصال من رقم خاص .. وش سالفته ذا

لا أكون مخزن رقم أحد باسم (( رقم خاص .. ))


يا ولد والله وأجيب الطبلون .. << لا أحد يقول خايف بس لزوم أخذ الحذر


ولا نزلت رجلي إلا بعد أن تلألأت أنوار الدمام أمام مخيّلتي << بالله وش رايك في مخيلتي


ولا عاد شفته من يوم تجاوزته .. أ.هـ .





أمس صحيت من النوم وألقى
2 Missed calls

فتحت الجوال ألا رقم من خارج المملكة +221

<< أنا غسلت يدّي منه .. ولا تتوقعون أني بروح أدق عليه أقول خير يالحبيب وش عندك داق عليّ




ألحين هذولا وش سالفتهم ..

يجوز أجيب فيهم العيد وأطيّر عقولهم


تتوقعون ليش داقين عليّ أوّل مرة 18 مكالمة وأمس بس مكالمتين

يعني ممكن يكونون النيجيريين والسويسريين أغنياء مثلا وكانوا بيوفرون لي مشروع

أو كانت أسهمي مرتفعة ذيك الأيام عندهم والحين المؤشر أحمر


أحد دق عليكم من هذي الدول ولا صار لأحد تعرفونه موقف مشابه

وهـــ بس ..

يالموضوع الطويييل ..

تشكراتي


ننتظر مواقفكم ..

[[ .. رايق .. ]]

ـ ـ ـ ـ ـ ـ ـ ـ ـ ـ ـ ـ ـ ـ ـ ـ


والله يا انت خواف
طيب ياخي بالقناة الأولى برنامج 99 داقين عليهم وش المشكله ؟
رد عليهم وشف وش يبون ولا تخاف تسحر عبر الموجات الكهرومغناطيسيه ؟

لا تخاف قله اني شاعر نبطي وبيخاف <-- قم اطلع برااا

|||||| رايق ||||||

[وليد الغامدي]

المشاركة الأصلية كتبت بواسطة [ .. رايق .. ] ـ ـ ـ ـ ـ ـ ـ ـ ـ ـ ـ ـ ـ ـ ـ ـ والله يا انت خواف طيب ياخي بالقناة الأولى برنامج 99 داقين عليهم وش المشكله ؟ رد عليهم وشف وش يبون ولا تخاف تسحر عبر الموجات الكهرومغناطيسيه ؟ لا تخاف قله اني شاعر نبطي وبيخاف <-- قم اطلع برااا |||||| رايق ||||||

أجل القناة الأولى

تتوقع أن الشعراء النبطيين يخوّفون

طيب الأخ رايق ..

ما دام أنا خوّاف

وش رايك أعطيك رقم الوليّ الصالح وتكلمه وتشوف .. يمكن يقول لك فيه كنز بالمكان الفلاني رح له


ولا وش رايك أقول له قصيدة يمكن يهوّن يسحر


بس تتوقّع ان اسمه مصعب ؟!

[فـيـلـسـوفـ]

أفا .. يا مثمر تخاف منهم ذذ

بصراحة أنا دق علي مرة واحد .. وقعد يقولي من هالكلام وإنه صلى الاستخارة ..

المهم بعد ما خلص من كلامه قلت له : ممكن سؤال ؟

قال : نعم .

قلت : ليش نصلي صلاة الاستخارة ؟

قال : نصليها لأجل أن ندعو للمسلمين الذين وقعوا في كربة وضيق و ... ومدري وش بعد .

قلت : اها بس أصلا ما نصليها عشان كذا

وأستلمه وأشب فيه وأقوله أنت دجال وكذاب ... إلخ

- - -

ومرة دق علي واحد الفجرية ..

يوم رديت عليه .. قال : أنا فلان ...

وهو يتكلم قلت له : كم رقم الحساب ؟

قال : نعم .

قلت : كم رقم الحساب ؟

ما دريت إلا والتلفون يقول طوط .. طوط .. طوط

- - -

طبعا القصص بتصرف خفيف من محدثكم

[بو سلمان القاضي]

يا خي كنت ترد وتعطيه سبتين وتسكر ...


عشان لا يدق عليك مرة ثانيه أو يزعجك ....

[(.:أبو المثنى:.)]

،؛،


الظاهر إنك تسمع بالخوال رد وريح بالك ...


،؛،

[اسحاق]

بسم الله الرحمن الرحيم

إذا ببلدكم خاصية تحويل المكالمات على جوال أخر بعطيك رقمي وحول لي المكالمات وتصلك أخبار الجماعة الأفارقة بعدين
أصلي افريقي من المغرب

[LaWeH]

زي مره من المرات كنا في ا حد مطاعم الرياض واول حرف منه اسمه ابل بيز
وحنا نسولف وناكل شوي دق عليه رقم غريب هو رد ...يقول :انا حلمت بك و انك سوف تصبح غغنيا ومشهورا ومن هالكلام ..خوويي قال وش يبي ذا وسكر السماعة ....وبس

[عدنان الفاضل]

المشاركة الأصلية كتبت بواسطة LaWeH زي مره من المرات كنا في ا حد مطاعم الرياض واول حرف منه اسمه ابل بيز

. . . . .




طيب والحرف الثاني , وشو ..





عدنان فاضل

. . . . .

[[ أبو وليد ]]

مثمر


ليش مآ ترد عليهـ وتهجوهـ بكم بيت لعل اللهـ ينفع بهآ ويتوب عن السحر والكذب

[طير حوران]

الله يخسهم

[عــاشــق الثــريــا]

بالنسبة الرقم الخاص انا اعرف طريقة اتصل بواحد يطلعله رقم خاص بس ما ني معلمك

اما الارقام رد وسولف معه وخذ علومه وش وراك

وبعض الاحيان يصير الرقم من السعودية بس لخبطة ارقام

[وليد الغامدي]

المشاركة الأصلية كتبت بواسطة فـيـلـسـوفـ أفا .. يا مثمر تخاف منهم ذذ بصراحة أنا دق علي مرة واحد .. وقعد يقولي من هالكلام وإنه صلى الاستخارة .. المهم بعد ما خلص من كلامه قلت له : ممكن سؤال ؟ قال : نعم . قلت : ليش نصلي صلاة الاستخارة ؟ قال : نصليها لأجل أن ندعو للمسلمين الذين وقعوا في كربة وضيق و ... ومدري وش بعد . قلت : اها بس أصلا ما نصليها عشان كذا وأستلمه وأشب فيه وأقوله أنت دجال وكذاب ... إلخ - - - ومرة دق علي واحد الفجرية .. يوم رديت عليه .. قال : أنا فلان ... وهو يتكلم قلت له : كم رقم الحساب ؟ قال : نعم . قلت : كم رقم الحساب ؟ ما دريت إلا والتلفون يقول طوط .. طوط .. طوط - - - طبعا القصص بتصرف خفيف من محدثكم

كان اعطيته رقم حسابك .. لعل الرجّال كان يبغى يحوّل لك دراهم


كان بدل ما تشب فيه عطه كلمتين يطير فيها مخّه ..

وسحّب به شوي بعدين اغسله

[وليد الغامدي]

المشاركة الأصلية كتبت بواسطة بو سلمان القاضي يا خي كنت ترد وتعطيه سبتين وتسكر ... عشان لا يدق عليك مرة ثانيه أو يزعجك ....

ألا والله اني بخير دام ما بعد سمعت صوته

[وليد الغامدي]

المشاركة الأصلية كتبت بواسطة (.:أبو المثنى:.) ،؛، الظاهر إنك تسمع بالخوال رد وريح بالك ... ،؛،

لآآآآآآآآآآآآ

ياخي ما برد ..

ما أبغى أرد ..

أبي أبوي أبي ........... إلخ

[أبوجمّان]

المشاركة الأصلية كتبت بواسطة مثمر بعد ما تعداني بـ 350 متر هدأ السرعة بشكلٍ واضح كأن وراه شي ورجع للمسار الأوسط ..

الـ 300 تهوّن ,, أبي أعرف كيف حسبت الخمسين ؟؟..






لكن تبي نصيحتي لا ترد عليهم ترى يقولون فيها تمرير مكالمات وتجي على حسابك ..
يعني الله يعيينك اذا رديت الفاتوره الجايه 5000 وممكن أكثر .. <<<

[وليد الغامدي]

المشاركة الأصلية كتبت بواسطة اسحاق بسم الله الرحمن الرحيم إذا ببلدكم خاصية تحويل المكالمات على جوال أخر بعطيك رقمي وحول لي المكالمات وتصلك أخبار الجماعة الأفارقة بعدين أصلي افريقي من المغرب

الله يستر ..

مغاربة بعد ..

الله يحيّيك يا أخ

[وليد الغامدي]

المشاركة الأصلية كتبت بواسطة LaWeH زي مره من المرات كنا في ا حد مطاعم الرياض واول حرف منه اسمه ابل بيز وحنا نسولف وناكل شوي دق عليه رقم غريب هو رد ...يقول :انا حلمت بك و انك سوف تصبح غغنيا ومشهورا ومن هالكلام ..خوويي قال وش يبي ذا وسكر السماعة ....وبس

هم نفس سالفتهم .. ما يغيّرونها ..

متخلفين الله لا يعطيهم العافية ..

[وليد الغامدي]

المشاركة الأصلية كتبت بواسطة عدنان الفاضل . . . . . طيب والحرف الثاني , وشو .. عدنان فاضل . . . . .

بيز أبل

[الأنيــ ق]

افااا ياوليد اجل ماشلت رجلك الابعد .. ماتلألأت << ترى ابد ابد ماطلعت فوق اشوف شلون تنكتب

لايكون بعد رجلك كانت ترجف



احسن انك مارديت .. خله يدق لين يمل

المشكله عليهم نصبااااات قوووية ماتنبلع حتى بشاهي منعنع

على طاري تمرير المكالمات واحد من اخوياي امس زارفين عليه 500 ريال

الله يكفينا وياكم شرهم هاللي مايخافون الله