مكالمات واتصالات

[وليد الغامدي]

المشاركة الأصلية كتبت بواسطة خالد الفيّاض مثمر ليش مآ ترد عليهـ وتهجوهـ بكم بيت لعل اللهـ ينفع بهآ ويتوب عن السحر والكذب

الشعر بالشعر ..

موب السحر بالشعر

بعدين هو أجنبي وش دراه عن القصيد والزحمة والعربي فضلا عن النبطي

[وليد الغامدي]

المشاركة الأصلية كتبت بواسطة طير حوران الله يخسهم

آمين

[وليد الغامدي]

المشاركة الأصلية كتبت بواسطة عــاشــق الثــريــا بالنسبة الرقم الخاص انا اعرف طريقة اتصل بواحد يطلعله رقم خاص بس ما ني معلمك اما الارقام رد وسولف معه وخذ علومه وش وراك وبعض الاحيان يصير الرقم من السعودية بس لخبطة ارقام

أنا كلّمت الإستعلامات بعد السالفة ذيك أول ما وصلت البيت ..

قال لي هذا الرقم متصل عليك من شبكة ما تتوافق مع الإتصالات .. يعني ما فيه أي عقد بيننا وبينهم ..

لذلك يطلع لك رقم خاص ..

بس ياخي تكفى علمنا .. وش وراك ..

علمني في المسن


ثانكيو ..

[وليد الغامدي]

المشاركة الأصلية كتبت بواسطة أبوجمّان الـ 300 تهوّن ,, أبي أعرف كيف حسبت الخمسين ؟؟.. لكن تبي نصيحتي لا ترد عليهم ترى يقولون فيها تمرير مكالمات وتجي على حسابك .. يعني الله يعيينك اذا رديت الفاتوره الجايه 5000 وممكن أكثر .. <<<

هذولا الذيابة قدروا يحددونها نافداك << بدا الهياط

ياخي طيب يمكن ما تكون خمسين .. يمكن تسعة وأربعين
قلنا لك تقريبًا .. بعدين قل ما شاء الله ..





يا رجال خلهم يدقون من اليوم الى بكرة.. أصلا أنا جوالي مفصول يعني ما يمديهم يمررون المكالمات ..

بعدين هم أصلا يدقون دقة وحدة ويقفلون ويبغوني أدق عليهم << وهنا يظهر العرق الغامدي

[وليد الغامدي]

المشاركة الأصلية كتبت بواسطة الأنيــ ق افااا ياوليد اجل ماشلت رجلك الابعد .. ماتلألأت << ترى ابد ابد ماطلعت فوق اشوف شلون تنكتب لايكون بعد رجلك كانت ترجف احسن انك مارديت .. خله يدق لين يمل المشكله عليهم نصبااااات قوووية ماتنبلع حتى بشاهي منعنع على طاري تمرير المكالمات واحد من اخوياي امس زارفين عليه 500 ريال الله يكفينا وياكم شرهم هاللي مايخافون الله

أوووف 500 الله يستر منهم بس ..

أصلا الساحر كافر فكيف يخاف الله ..


هلا بك عزوز ..


الله يعطيك العافية ..

[وليد الغامدي]

خلاص ما برد وصلت مشاركاتي 999

خلوني أصير مميز


والله المشكلة إذا أحتجت شي .. بخالف النظام كامل

[استثنائي]

مكالمة ,, ساحر ,, تمرير ,, 350 ’’

شباب هدؤا اللعب

والله تبي نصيحتي يبو مثمر : أنت تقول جوالك مفصول ومطفر << أكيد جامعي << الفئة هذي تعاني دايم

دام جوالك مفصول رد عليه ووره نجوم القايلة نعن شكله وجاب طاري أهله كلهم << طبعا خوينا بيفهي موب فاهم شئ

وسبسب فيه وطلع كل الي في خاطرك وطلع حرة غيره فيه وإذا حسيت أنك خلاص هجدت سكر السماعة وأسحب عليه

بس نصيحتي لا تعطيه فرصة يقول لك ولا كلمة << تعرف الشيطان حريص وراعي وسوسة ’’ << خبرة راعي مشاكل سابق

ولا اسحب على ابوه ولا ترد وريح بالك

وبالله مراسلنا من أرض الغزو نبي الأخبار أول بأول

[وليد الغامدي]

المشاركة الأصلية كتبت بواسطة استثنائي مكالمة ,, ساحر ,, تمرير ,, 350 ’’ شباب هدؤا اللعب والله تبي نصيحتي يبو مثمر : أنت تقول جوالك مفصول ومطفر << أكيد جامعي << الفئة هذي تعاني دايم دام جوالك مفصول رد عليه ووره نجوم القايلة نعن شكله وجاب طاري أهله كلهم << طبعا خوينا بيفهي موب فاهم شئ وسبسب فيه وطلع كل الي في خاطرك وطلع حرة غيره فيه وإذا حسيت أنك خلاص هجدت سكر السماعة وأسحب عليه بس نصيحتي لا تعطيه فرصة يقول لك ولا كلمة << تعرف الشيطان حريص وراعي وسوسة ’’ << خبرة راعي مشاكل سابق ولا اسحب على ابوه ولا ترد وريح بالك وبالله مراسلنا من أرض الغزو نبي الأخبار أول بأول

كفو كفو ....

أموت عاللي يرفــّعون يا شيخ

أجل يابو استثنائي تبغاني أغسل اللي جابوه

اسمع ..

انا جوالي مفصول لكن الحمد لله منب مطفر ..

بس إذا طلعت فاتورة جوالك 500.07 وسددتها وبعد أسبوعين بالضبط من السداد تطلع 700 .. وش تسوي << يبطون الإتصالات أدفع لهم ...

يوم يحطون سبع هللات كأنهم يقولون عطنا السبع هللات قبل الـ 500

خله يقعد مفصول شهرين ثلاثة شهور وبعدين أسدد << متعيجز



وأفضل رأي والقرار اللي اتخذته هو أني ما أرد


الله يحييك يبو استثنائي

[[ ماضي ]]

● | ● | ● | ● | ● | ● | ●



كان لي رد هنا .. !!



● | ● | ● | ● | ● | ● | ●

● | ● | ● | ● | ● | ● | ●


لا روّقت بـ أكتبه إن شاء الله ..


● | ● | ● | ● | ● | ● | ●

[وليد الغامدي]

ما ظنيت يا ماضي ..



.. ننتظرك الله يحيّيك ..

[zizoo]

كان رديت عليه وقلتله ليش تساقط على طريق الدمام


وبعدين تراي صليت العيد وشفت يوزرك على طبق من نور

وفسرته انك لازم تدفع للأتصالات قيمت الفاتورة

[أبو ممدوح]

هههههههههههههههههههه



.. أجل الخوف أعطاك عزم بهاك الموتر ..



.. لآ وبعد 350 متر ..



.. والله لو إنك متر بالليزر ..



.. كان علمتى بالسالفة وافزع لك ..


.. تعرف ،، المشرف يحب يساعد أعضاء فريقه ..

[المستشار الخاص]

المشاركة الأصلية كتبت بواسطة اسحاق بسم الله الرحمن الرحيم إذا ببلدكم خاصية تحويل المكالمات على جوال أخر بعطيك رقمي وحول لي المكالمات وتصلك أخبار الجماعة الأفارقة بعدين أصلي افريقي من المغرب

تسمحون أرحب بذا الرجال إلي مدري من أي قبر طلع

حياك الله إسحاق

























أنا صار لي فتره يدق علي أرقام من برى السعوديه

وعشان الإحتياط أعطيه أحمر

يمكن يرسل علي سحر ولا

أصلاً لو دق علي رقم غريب من السعوديه مارديت أجل كيف برا
لا أحد يقول خواف

[وليد الغامدي]

المشاركة الأصلية كتبت بواسطة zizoo كان رديت عليه وقلتله ليش تساقط على طريق الدمام وبعدين تراي صليت العيد وشفت يوزرك على طبق من نور وفسرته انك لازم تدفع للأتصالات قيمت الفاتورة

أما تخيّل عاد يطلع هو نفسه

<< وداق عليّ من نيجيريا



أصلا هم نصبتهم معقولة شوي .. صليت الإستخارة موب صليت العيد

أجل لازم أسدد فاتورتي ذذ

وش رايك أعطيك رقم الحساب وتسدد عني

[وليد الغامدي]

المشاركة الأصلية كتبت بواسطة أبو ممدوح هههههههههههههههههههه .. أجل الخوف أعطاك عزم بهاك الموتر .. .. لآ وبعد 350 متر .. .. والله لو إنك متر بالليزر .. .. كان علمتى بالسالفة وافزع لك .. .. تعرف ،، المشرف يحب يساعد أعضاء فريقه ..

كفو كفو يا رئيسي

يالله حيّه ..

ارحب ارحب ..

أصلا أنت يا سعادة الريّس كنت في ينبع ذاك الوقت ..

بس ولو .. أصلا أنت شنب وكفو .. << تراني دقيت عليه بعدها بيومين وقعد أسولف معك ثلث ساعة مدري نص ساعة وعلمتك بالسالفة بس شكلك نسيت



ياخوي طريقة التمتير خلونا منها ..


هذي طريقة تعتمد على الذكاء التقديري وسرعة استنباط مواطن الخطر وفيزيائية تحالف القوة مع التفكير في دائرة الموضوعية اللاشسمه << أحد جاب طاري دورة



المهم انها 350 بالضبط


أبو ممدوح بالله تكفى عطني نجوم عالموضوع << تعرف طال عمرك .. تهمّك مصلحة أعضاء الفريق وأن مواضيعهم كلها نجوم

[وليد الغامدي]

المشاركة الأصلية كتبت بواسطة المستشار الخاص تسمحون أرحب بذا الرجال إلي مدري من أي قبر طلع حياك الله إسحاق أنا صار لي فتره يدق علي أرقام من برى السعوديه وعشان الإحتياط أعطيه أحمر يمكن يرسل علي سحر ولا أصلاً لو دق علي رقم غريب من السعوديه مارديت أجل كيف برا لا أحد يقول خواف

بعذرك ياخي ما ترد ..

أثرك مثلي تخاف يسحرك بالموجات

[المستشار الخاص]

مثمر أحس إنك من عيال مخطط 71

[وليد الغامدي]

المشاركة الأصلية كتبت بواسطة المستشار الخاص مثمر أحس إنك من عيال مخطط 71

الله لا يقوله ..


لا والله بس دايم أروح هناك ..


<< ليه يعني تحس طبعي مثلهم