هل أنا ساحر .. ولي صالح .. ولا مجرد عزوبي ملحط ؟! ترى مالسبب ؟

[واحد منهم]

بسم الله الرحمن الرحيم

مساكم الله بالخير ..

كل عام و أنتم بخير .. بمناسبة العيد الي راح والعيد الي يبي يجي لا لا صح مهب عيد اسمه يوم وطني

الصراحة فاتني الإحتفال .. كنت ناوي اصبغ وجهي أخضر و أبيض .. بس قهر فات علي .. ماراح شيء الوعد السنة الجاية

ياشباب أنا أعيش حالة غريبة ، بالنسبة إذا جيت اروح اشري أي شيء .. وخصوصاً إذا جيت أشري أشياء غالية

قولوا كيف ؟

دقيقة بس فيه واحد داخل علي بالمسن

♥          ♥     ♥         [ S M O _ A L A 7 A S E E S ]     ♥          ♥          ♥: هالحين بتقول لي السالفة ؟            ♥          ♥     ♥         [ S M O _ A L A 7 A S E E S ]     ♥          ♥          ♥: /1

مشكلة ذا سمو الأحاسيس ماينسى

المهم بدأت الحالة معي يوم شريت الهاردسك بتاعي .. ذاك اليوم كنت طالع مع شلة الفلس الحكير لاند
امغصتنا بطوننا وبس وهقنا مباري الله يهديه

وصارت علوم ويقولون مدري يقولون إن ابو صالح جدع نعاله عالهندي يقول له وقف اللعبة الله #####
مدري يقولون

المهم بعد ماطلعت من الحكير لاند رحت لأكسترا .. اخذت الهاردسك وكان قيمته تقريبا خمسمية ريال ..

رحت الكاشير ودخل الباركود تبع الهاردسك و اشوفه قعد يناظر الشاشة همن يناظر الهاردسك .. ثم قال شكلهم حطوا عرض

السعر 330 ريال .. حظك ! اليوم بايعين واحد بخمسمية .. وأنا أخذ البتاع واروح لحقين الضمان .. يوم طلعت منهم مريت على نفس الكاشير وهو يناديني .. قال توي بايع واحد نفس هاردسكك بـ خمسمية ريال .. حظك حلو رح الله يستر عليك


و أروح في سبيل حالي .. راحت الأيام .. ليلة عرس أختي كنت مشغوول عالأخير .. ولازم اشري جزمه .. وكنت شايف عند الدو جزمة بس غااااالية بـ 480 ريال .. وكانت الميزانية مش ولا بد .. فريت اكثر من محل ولا لقيت شيء يعجبني و ان لقيت تكون المقاسات مخلصة ..

ويهدين ربي وامر على الدو قلت يمكن القى عندهم شيء يناسبني .. دخلت ولا ناظرت للجزمه ذيك ماودي اتحسف :as9

قلت خلني اشوف شيء على قدي .. قال لي الموظف اليوم نازل خصم خمسين بالميه .. قلت حلو و اسأله عن الجزمه ذيك قال بـ 240 ..

قلت ابد مايبي لها عطني مقاسي اخذت مقاسي ورحت الكاشير .. دخل الباركود .. سكت ثم قال 140 ريال فيه نفسها بـ 240 بس يمكن فيه اختلاف ومدري ايش .. قلت لا بس عطني ذي انا معجبتني واطلع سيداااا عالسيارة

وافتح الكرتون واشوف الجزمه الا مكتوب عليها 240 ريال

المرة الثالثة قبل اسبوع تقريبا انا والصديق العزيز رايق .. رحنا جرير يبي يشري له لاب توب .. المهم لقينا الي نبي

قالوا لنا بـ 3990 .. قلنا جيبوه مافيش مشاكل .. شوي جاء قال والله مخلص من كل الفروع ولاراح ينزل ابد ولاباقي الا هالجهاز الي بالعرض .. تبونه ؟

قلنا لا .. قال اجل فيه جهاز نفس المواصفات لكن فرق أعلى بسيط .. بالسعر و المواصفات بـ 4190 يعني تقريبا فرق 200 ريال ..

قلنا جيبوه عطونا اياه ورحنا للكاشير وحاسبنا و كنا ملخبطين شوي لأنه دفعنا كاش و سحب شبكة .. فما دققنا بالقيمة ..

يوم رحنا الضمان .. عطيناهم الفاتورة وعطونا الضمان وعطان مصعب الفاتورة اطالع بالفاتورة الا الحساب 3990 ريال !

قلت يمكن الجهاز الثاني الي يقولون بيخلص !! ونشوف الكرتون والا الجهاز مواصفاته الي بقيمة 4190 ريال !!

فتحنا الكرتون شيكنا عالجهاز والا والله الجهاز هو نفسه ابو 4190 عطونا اياه بـ 3990 ومير تطير بوهة هالي اسمه مصعب

ويقعد يحلف اقسم بالله منتب طبيعي

قلت يارجال امش لايدرون عننا

الي خلان اقتنع اني ولي بسم الله علي امس

كنت مودي خواتي السوق صح إنهن متزوجات بس ولو أنا أثبت لأمي إني إنسان خدوم << عقب ماتزوجوا يالشين

المهم فرفرفرفرفرفرفرفرفرفرفرفرفرفرفرفرفرفنا اسواق الرياض لين كرهت نفسي و اعتقد ان خواتي طلعن حرتهن فيني

اخر شيء رحنا لسنتر بوينت .. وخذ ياحوسة وخذ يازحمة .. ثم طرت على بالي فكرة قلت وراه ما اشري لي نعال وانتم بكرامة من شو مارت مرتن وحده واريح بالي !

واروح اختار النعال الي ابي << نصاب

قصدي اختارت اختي لي

وسعرها نوعا ما معقول .. مكتوب عليها 205 ريال .. سألت الموظف بكم ؟ قال بـ 205 ريال ..

نفس النعله وانتم بكرامه مكتوب عليها 205 ريال .. يعني خلاص واثق .. رحت الكاشير .. ومعنا كم من غرض لبنت أختي ..

يعني حسابنا تقريبا 460 ريال .. عطيته خمسمية رجع لي ثمانين ريال ..

اخذته الباقي و الفاتورة وعلى طول طلعت بدون ما ادقق ..

يوم ركبت السيارة .. وجينا نبي نتحاسب انا واختي .. اخذت هي من الفاتورة .. شوي و تلتفت على أختي و تسألها ..

نعال عبدالكريم كم كان سعرها ؟ قالت 205 ريال .. التفت لي قالت انت سألت الموظف كم قال لك ؟؟ قلت قال لي 205 ريال !!

وتروح تفتح الكرتون وتشوف السعر الا و 205 ريال

وحسابنا 460 ريال يعني المفروض يرجع لنا 40 مهب ثمانين قالت رح رجع 40 ريال لهم .. ثم شوي قالت بسم الله وش ذا !! ياويلك من ربك ياعبدالكريم

حاسبين لك نعالك بـ 165 ريال

قلت اووص ولا كلمة هذا رزق من الله .. وعاد كنت توي قايل لها سالفتي مع مصعب


هاه وش رايكم ؟؟

[[ .. رايق .. ]]

ـ ـ ـ ـ ـ ـ ـ ـ ـ ـ ـ ـ ـ ـ ـ ـ


هههههههههههههههههههههههههههههههههههههههه هههههههههههههههههههههههههههههههههههههههه ههه

الي مثلا محتار وش لون كانت خشتي عقب ما شفت الفاتوره تراها مثل هذا بالضبط .. !

لا بعد قلنا محنب داخلين بالكمبيوتر لجرير مره ثانيه يمكن يقولون تعال رجع فلوسنا وياخذون الكمبيوتر !

بس والله من جد منتب معقول .. شف يا عبدالكريم اليوم بروح اشري اغراض العيد .. !

عندي الله يسلمك شماغ جيفنشي ويقولون انه صار بـ 300 ريال + بشري لي عطر شانيل تشانس ويقولون بـ 400 + ابشري كنادر + عقال .. !

يعني اقل شيء اقل شيء بيصير حسابي اليوم 1200 ريال اذا رحت لحالي .. !

لو مثلا تبي تجي كم بيكون حسابي يا ربيه ؟ اخصم حق الشماغ 50 ريال والعطر اخصم 100 والكنادر طيح منها 200 والعقال يمكن يجيني هديه دامك معي يعني حسابي ان شاء الله موب متعدي 500 .. !

يالله وش تحتري وراه ما تجي توقف سيارك وتركب معي تراي اتحراك :! .. bz1:

اما توقعي فـ خبرتي فيك ترجح انك ولي من اولياء الله من شاف شعرك شال من راسه ان راعين المحلات يبون من وراه شيء والحلى والملح والقبله كلها متغبيه ورى ذا الشعر يعني مندثره اما رحمه عند هالحضارم والله ما يرحمونك لو وشو

|||||| رايق ||||||

[قـاهـرالـروس]

لا تقولي سمو الأحاسيس ناشب لك في المسن



تدري عاد قبل يومين تقريبا كنت في المدينه المهم واجي وقت السحور أبي آكل لي لقمتين المهم أمر على بوفيه جنب الحرم ومن الجوع طلبت إثنين شاورما طبعا الحساب إنك تمر على الكاشير ويعطيك ورقه ,,

المهم المحاسب من الدلاخه كتب لي أربع شاورما

المهم أنا أخذت الورقه واروح لصاحب الشاورما ويقول أربع وش تبغى عليهم ؟

قلت لا أنا طلبت إثنين << أبوك يالأمين

قال لا مكتوب أربع قلت ما دام أربع حط أربع وش ورانا ؟

لكن إنت بصراحه حاله , يعني أربع مرات ورى بعض هذا يعني إن هناك شي غير طبيعي , لكن أنا أظن إنه الخيار الثالث


سي يو :!!

[مدرعم]

والله شكلهم يرحمونك ..

عاد أنا عكسك ..

مره عند جرير مدري وش كنت باخذ وسألت الموظف قالي سعر يوم رحت للكاشير طلع أكثر بخمسين :\

و مره وأنا بالمتوسط طالع من المسجد وشفت واحد يبيع شجر واقف ولقيت عنده نخله الكشخه ذيك قلت له بكم قالي بخمسين أنا سمعته خمسه ..
قلت له وتزرعه بعد قالي ايه عاد ما صدقت خبر قلت له تعال ويوم زرعه وأجي بكل براءه وأعطيه خمسه ريال وأفتح له الباب أبيه يطلع قالي هيه وين باقي الفلوس ..


شكلي إذا بغيت أشتري شي بمر عليك تخاوين ..

مدرعم ،

[واحد منهم]

ايه نسيت اقول ..

إني اليوم رجعت لهم علشان اخذ مقاس اكبر .. قال وين الفاتورة قلت ماعنديش

قال طيب .. وبدلته وطلع فعلا 205 وطلعت كسبان 40 ريال

[باقي وفاء]

| ~ | ~ | ~ | ~ | ~ | ~ | ~ | ~ |


قهر


شريت أغراض العيد وخلصت,, لو إني داري كان خليتك تروح معي


| ~ | ~ | ~ | ~ | ~ | ~ | ~ | ~ |


وفـ باقي ـاء

[وليد الغامدي]

أنا تصير لي أحيانـًا لخبطة ..


قبل يومين كنت في سوبر ماركت .. وحاسبت وطلعت الحساب بـ 213 ..

وانا معطيه خمسمية ..

المفروض يرجع لي 287 .. بس رجع لي 296 ..

لكن ما أمداني .. حسبتها وانا عنده << تخبرون خمسمية ذي لا يكون زارف منها شي

الا وطلع معي عشرة زايدة .. ورديتها له ..

<< نسأل الله الإخلاص ..

أنت يا عبد الكريم لا تجاهر بالمعصية ذذ

[أبوالشباب]

ツ ツ ツ ツ ツ ツ ツ ツ ツ ツ

اممم ..

تتوقع لو طلعت معك .. ألاقي نفس الخصم اللي يجيك ؟؟









أبوالشباب™ ..

ツ ツ ツ ツ ツ ツ ツ ツ ツ ツ

[*العُمَري*]

إذا بليتم فاستتروا يا شيخ


وما راح اصوت لين اشوف خشتك


شرايك تجينا في كم شغلة سعرها وااو ابيك معاي عسى تطيح نص الفاتورة


وترا التذكرة عليك:

ويعني شنو ملحط

[فخامة الرئيس]

ما ينبغي ياشيخ ..

رح رجع لهم فلوسهم .. ترى الدنيا فانيه ..

وه بس .. ياما يصير لي العكس .. آخذ الشي ولما أروح الكاشير ولا سعره مرتفع ..

[راقـــي]

حيا الله القطوع وآحد منهم ! [ نآويكم بموضوع كتبت نصه ..الوعد بعد العيد ]

يالله انك تحيي الولي والساحر نسأل الله العافية والسلامة والملحط والمملوح .. بس الأخيرة اسمح لي من مريش بك وقآيلن لك تراك اكوس وآحد !

صراحة فاتني الإحتفال .. كنت ناوي اصبغ وجهي أخضر و أبيض

عاد يازينكم مشغلين انشودة وطالعين مع فتحة اللكزس .. بعدين انت وجهك من طوله يبي له سطلين ويالله بعد .. !

ياشباب أنا أعيش حالة غريبة

معقـووولة ؟! ما جبت شيء جديد .. وقسسسم !

قولوا كيف ؟

وشلون ؟! << برا يا اغبى كائن في الشرق الاوسسسط

حظك حلو رح الله يستر عليك

هذا من الأدلة القطعية انك ملحط وتنرحم عشان كذا يخفضون لك .. عادي تراك مهوب لحالك !

ليلة عرس أختي كنت مشغوول عالأخير

انت اللي بتعرس ولا اختك !

المهم فرفرفرفرفرفرفرفرفرفرفرفرفرفرفرفرفرفنا اسواق الرياض لين كرهت نفسي و اعتقد ان خواتي طلعن حرتهن فيني

انت ماسمعت النظرية اللي تقول : الحررررريم لو تفكهن ويعتــكفن في الاسواق رمضان كله .. ماطلعوا حرتهن ! اعووذ بالله تقول بيدخلن الجنة << صورة واحد مايصلح ليبرالي ابددددددد

ويعني شنو ملحط

ياحبي للبراءة ياشييييخ .. ملحط يعني منجلد وملحط ! <<هاللحين انت جايب شيء جديد .. انطم تكفى !


واحد منهم .. البس خوذة والبس واقي الرصاص .. الوعد بعد العيد وانا خويك !

ايه صدز .. ما تبي تخاويني نتمشى ومنها نشتري اغراض للعيد .. هاه عبـودي .. !

رآقـي .. ~

[مُسعد الروح]

ما شاء الله هذه بركات من الأرض ..ما تجيك بركات من السماء




مرة كنت بالطازج وطلبت وكان حسابي 62 ريال وعطيته 500 ريال

جزاه الله خير رجع لي 538


طبعاً تعوذت من إبليس ورجعت له 100 ريال

لأن ماما تقول لا تأكل حرام عشان ربنا يستجيب دعائك




شكرا

[البراء الرشود]

المشاركة الأصلية كتبت بواسطة راقـــي ياحبي للبراءة ياشييييخ .. ملحط يعني منجلد وملحط ! <<هاللحين انت جايب شيء جديد .. انطم تكفى !

- - -

لا عمري اشوفك جايب طاري الأهل ..

قلة حيا جد أجل يا حبي لهم بعد !

~ The Top

[Abdulillah]

_||_
_||_||_
_||_||_||_
|_-_-_-_-_-_-_-_-_-_-_-_-_-_-_-_-_-_-_|

ما شاء الله عليك

اتفل ياشيخ واحد منهم لعلنا نصيب بركة منك

^^^^^^
باب ما جاء في التبرك بالنفرات


_||_لآمع©_||_
|_-_-_-_-_-_-_-_-_-_-_-_-_-_-_-_-_-_-_|
_||_||_||_
_||_||_
_||_

[أبـو صـالـح]

المشاركة الأصلية كتبت بواسطة واحد منهم وصارت علوم ويقولون مدري يقولون إن ابو صالح جدع نعاله عالهندي يقول له وقف اللعبة الله ##### مدري يقولون

هآه ..؟


إشـآآآآعـآت يآخي

تصدّق عآد والله يوم بس قريت بس الحكير لاند وأنا اللي أتشعمط بالسرير

والله ما يسوى عليّ هآك العذآب

قال إيش قال الحكير شسمه



على طآري الخصم وهذا ،،
مرة سويت جريمة إلى الآن يأنّبني ضميري منها

السالفة صارت السنة اللي راحت بالعيد كنت متعيّد بالمدينة عيد الفطر
ويوم جاء العصر وأنقز للحرم أتمشّى عند المحلات اللي هنآك
وطرى على بالي أني أشتري جوال وأدخل هاك المحل التعيس

وأتفاهم أنا وإياه على جوال معيّن ويالله يالله قويته بـ 800 ريال وآخذ الجوال وأطلع !
ويوم شغلته عنده وأثره مابه ميموري ! وأسأله عن الميموري قال لازم تدفع زود عشرين ريال
وأنا تجي براسي فكرة إبليسيّه وأدفع عشرين ريال زود

وآخذ بالجوال لفة على السوق وأرجع مرة ثانية للمحل وقلت له أني هونت ما أبغى جواله

حاول منّا ولا منّا وأنا مصمّل أني أرجّعه جاء رضخ للأمر الواقع وعطاني 820 ريآل

وأطلّع الذاكرة وأعطيه الجهاز قال وين يا سديق قلت مافيه هذا جوال بدون ذاكرة ،، أنا شريت الذاكرة لحاله

ويصدّق الخبل وأطلع بفلوسي كاملات ومعي ذاكرة جديدة وهذا عقاباً له لآنه يحسبن مخفة ويبي يبيع الذاكرة لحاله بدون الجهاز

سليمان !

[بو سلمان القاضي]

واحد منهم تكقى تجي معي بكرة

[مباري الساس]

يوم رحت تشتري لوشن ما سوا تخفيض

[[ .. رايق .. ]]

ـ ـ ـ ـ ـ ـ ـ ـ ـ ـ ـ ـ ـ ـ ـ ـ


وجه العنز والفقر خلان اشري عقال بـ 200 ريال

|||||| رايق ||||||

[ô¤ سـمـو الأحـاسـيـسـ ¤ô]

أول شيء أعتذر عن هالرد المتأخر ,,

تخبر أسواق وما أسواق العيد معدهوب بعيد ,,

ثانياً :

هالحين إنت وش لون تلعب عليهم :/

صحيح إنها تصير بعض الأحيان زي كذا مواقف ,, ولعد أرجع :/ بس إنت ما تمزح بالعشرات , تلعب بالميات

ياخي أنا ألعب عليهم بعشرة بعشرين لكن كذا ما توصل

لكن يبدو إن لك سياسات تتخذها لا دخلت للمحل ,, يعني يكون معك مدخن وإلاش << ويين ساحر

لكن لعلي كلما جيت أتقضى شيء يبي له دراهم ,, الظاهر بأمرك

تتوقع لو تجي معي أشتري ببسي من البقالة بيعطينا 2 بريال

أعتذر مرة ثانية وثالثة عن التأخر <<

[الرشيق]

عاد يا عبدالكريم شف وانا اخوك

ناوي اطلع عقب شهر اطق عطور لي وللأهل تخبر اول راتب يبي ينزل وناوي اشري حوالي 7 عطور يطلعن بحول 3500

كانك جيت معي وسويت شعوذتك ونزلت السعر لألف وخمس لك مني ألف ريال

المهم انا اقول لعلك تسأل شيخ عن حكم هاللخبطة لأنك لا مت وعليك دين مدري وش يصير بك بالقبر لكن فيه شي لازم تسدد كل ديونك علشان يصير لك

انا اقول تسأل المرجعية الدينية سماحة الوالد الشيخ الدكتور فؤاد أبو مصعب لأنه صايرن مرجعيتي هالأيام والصراحة انه فتاويه جاية بالمقاس عارف النفسية زاد الله في علمه