بنات الحـمـايــــــــــل

[أبوالشباب]

ツ ツ ツ ツ ツ ツ ツ ツ ツ ツ

أستغرب من ردود بعض الأخوات .. وانهن مستانسات بوجود الخادمات في بيوت أهلهن .. وان الخدامات مريحينهن من الشغل ..

الحين الأخت لا جت تتزوج وهي عمرها ما طبت المطبخ ولا سوت أكله ولا غسلت مواعين ولا نظفت بيت .. وش لون رايح تعيش مع زوجها ؟؟

ولا من أول يوم رايح تطلبه يجيب خدامه ؟؟











أبوالشباب™ ..

ツ ツ ツ ツ ツ ツ ツ ツ ツ ツ

[شهيدة القوقاز]

ورد طائفي:

نعم لدينا خدم في المنزل ونجيد الطبخ للمعلومية الخدم للتنظيف والترتيب فقط وليس للطبخ

وان ذهبت الخادمة لبلدها واستقدمنا أخرى في هذه الفترة لايوجد خدم فنناهز جميع أعمال الخدم من غسيل المواعين وغسيل الملابس وكي وترتيب ولا ضير من ذالك ,الهدف الأساسي من وجود الخادمة هو المساعدة في الترتيب
ولا أخفيكم أن الخادمة لاتدخل غرف النوم بل نحن من يقوم بترتيبها وتنظيفها
وأنا ضد من يتكل على الخادمة بجميع شؤون المنزل خصوصا الطبخ الا في حالات ضرورة

[ورد طائفي]

عروسة . .


لم يذهب من زواجهـا إلا عدة أسابيع . .


أتى زوجها ضيف ..

فذهب الزوج لزوجته و قال لها "جهزي القهوة عندي واحد" . .

ذهب الزوج ، وأغلق الباب الفاصل بين قسم الرجال والمنزل !

وهي لا زلالت متصنمة في مكانهـا !

بدأت تحدث نفسها !

" ما اعرف للقهوه ! "

فتحت جوالهـا .. بحثت بين الأسماء . .

[يتم الإتصال ..

.......... الغالية*بيت .. ]


الأم لا ترد !


محاولة .. اثنتين .. ثلاث ، أربع ، عشر !!


لا جدوى !


دخلت المطبخ ، و ملأت الغلاية بالماء، وجلست ، وأسبلت الدموع . . حرجاً من الموقف وشدته !


زوجهـا ، أتى ليأخذ القهوة !



أتى متبسماً ليأخذ القهوة !


لا قهوة !



فقط ماء يغلي ، وطفلة كبيرة تبكي !

سألـها " وين القهوة ؟ "

طأطأت رأسها ، وبعد عنـاء نطقت بهـا [ ما أعرف ! ]



نظر لها بإستحقار !

وذهب وفتح الأدراج وبدأ بعمل القهوة ، وقال لها [ جهزي الطوفريه وحطي الفناجيل والتمر ] . .


وذهب بقهوته لصاحبه . .



أما هي ، فلكم أن تتخيلوها في المطبخ ، ما شعورهـا ؟

ما موقفهـا ؟

ماذا ستصبح نظرة زوجهـا لهـا !!



( عيشوا الموقف )

[(صاحبة المعالي)]

لاحول ولاقوة الا بالله

[غنوة]

الحمد لله لسنا ممن لايعيش بدونها


تخريبهن اكثر من شغلهن

[قرطبه]

لماذا تربطون بين وجود الخادمه في المنزل
وبين عدم اجادة الطبخ من قبل الفتيات

[شِغـآف]

المشاركة الأصلية كتبت بواسطة ورد طائفي عروسة . . لم يذهب من زواجهـا إلا عدة أسابيع . . أتى زوجها ضيف .. فذهب الزوج لزوجته و قال لها "جهزي القهوة عندي واحد" . . ذهب الزوج ، وأغلق الباب الفاصل بين قسم الرجال والمنزل ! وهي لا زلالت متصنمة في مكانهـا ! بدأت تحدث نفسها ! " ما اعرف للقهوه ! " فتحت جوالهـا .. بحثت بين الأسماء . . [يتم الإتصال .. .......... الغالية*بيت .. ] الأم لا ترد ! محاولة .. اثنتين .. ثلاث ، أربع ، عشر !! لا جدوى ! دخلت المطبخ ، و ملأت الغلاية بالماء، وجلست ، وأسبلت الدموع . . حرجاً من الموقف وشدته ! زوجهـا ، أتى ليأخذ القهوة ! أتى متبسماً ليأخذ القهوة ! لا قهوة ! فقط ماء يغلي ، وطفلة كبيرة تبكي ! سألـها " وين القهوة ؟ " طأطأت رأسها ، وبعد عنـاء نطقت بهـا [ ما أعرف ! ] نظر لها بإستحقار ! وذهب وفتح الأدراج وبدأ بعمل القهوة ، وقال لها [ جهزي الطوفريه وحطي الفناجيل والتمر ] . . وذهب بقهوته لصاحبه . . أما هي ، فلكم أن تتخيلوها في المطبخ ، ما شعورهـا ؟ ما موقفهـا ؟ ماذا ستصبح نظرة زوجهـا لهـا !! ( عيشوا الموقف )

أعتقد أن هذا الشيء نادراً مايحدث ..


واحده من بين مليون ..


..


فوجود الخادمه في المنزل .. لا يعني جهل الفتيات

بأمور البيت من طبخ

وتنظيف و .. و.. و...


فالأغلب يكون وجود الخادمه كمساعده فقط ..

وعدم الإعتماد كلياً عليها ..



فوجود الخادمه أصبح أمر ضروري ..

خصوصا عندما يزيد عدد أفراد الأسره ..


فالمرأه ليست آله ..

تقوم بأعمال البيت من غسل وطبخ وتنظيف وكي الملابس ..

والإهتمام بالأطفال ورعايتهم ..

والتجمل لزوجها والقيام بشؤنه ..

وفوق هذا يريدها أن ترحب بقدومه وتستقبله ..


عجب والله ..

....

وأما المرأه التي تأتي بالخادمه لكي تقوم برعاية طفل ..

وهي إمرأه عامله ..

[ فالله يلوم اللي يلومها ] .. تعمل وتكسب المال .. وتعيل نفسها وأبناءها .. في زمن كثر فيه غدر الرجال ..

فالمرأه لا تضمن الرجل .. قد يرمي بها .. أو يرمي بها هي وأبناءها .. والقصص كثيره ..

يكون لديها مال تعيش به .. أفضل من أن تحتاج [ خلق الله ]


وأخيراً


فالخادمه للمساعده ليس إلا ..

وأما قصة الرجل الذي تقوم الخادمه بالإهتمام به ..

فالعتب كل العتب على أبناءه .. كان بإستطاعتهم الإهتمام به ..

بدل من أن تقوم الخادمه بذلك ..

وإن لم يستطيعوا .. يحضروا له خادم .. يقوم برعايته ..

[ضياء أنثى]

^^^
ياشيخة خذي وخلي نصف السيل زبد !

.._.._.._.._.._..._.._.._..._..._..._... _..._

استغرب من ردود بعض الشباب الذي يجعلون وجود الخادمة
يعني أن الفتاة لا تجيد شيئاً من أمور المنزل
بالمناسبة هل يعني لكم وجود السائق في المنزل عدم إجادة شباب ذلك المنزل قيادة السيارة ؟


>>على الله ما يجي أحد مدرعم ويقول ايه لو انه يعرف يسوق وشوله السواق

تسطيح فضيع للعقول !

[البسمـــه العذبـــه]

المشاركة الأصلية كتبت بواسطة ضياء أنثى ^^^ ياشيخة خذي وخلي نصف السيل زبد ! .._.._.._.._.._..._.._.._..._..._..._... _..._ استغرب من ردود بعض الشباب الذي يجعلون وجود الخادمة يعني أن الفتاة لا تجيد شيئاً من أمور المنزل بالمناسبة هل يعني لكم وجود السائق في المنزل عدم إجادة شباب ذلك المنزل قيادة السيارة ؟ >>على الله ما يجي أحد مدرعم ويقول ايه لو انه يعرف يسوق وشوله السواق تسطيح فضيع للعقول !

صدقتي..

واحب اضيف ان البنت اذا متعوده على الخادمه في بيت اهلها فلازم يوفر لها زوجها خادمه..

وسؤال خطر على بالي للبنات الي يقولون الحمدلله مستغنين عنهن ..لو كان موضوع وجود الخادمه بيدك تبي تقولين نفس الكلام ..
عموما الله يهنيكم سوا مقتنعين او لا

**مانكر ان غثاهن واجد ..

بس الانسان اذا كان مرتاح جسديا فهو ان شاء الله راح يرتاح نفسيا لانه بينسى المشاكل الي سببته الخادمه..<--ماسمي الانسان الا لانه ينسى ..
بس لو كان تعبان جسديا راح تكون نفسيته زفت ..<--من يرضى لاهله كذا

نماذج من متاعبهن ..

ذاك اليوم امي لقت في غرفتها ورقه بخطي ..مدري شلون وصلت لها ووش تبي بها الله يستر..
ولا بعد اذا كلمت اهلها اسمعها تقول اسمي ..مع ان مالي احتكاك كبير معها..<--بس والله مطمئنه من ناحيتها
لاني ماسويت لها شي ..
ولااا بعد ماترتاح الا لما تفصل شاحن لاب توبي شكلها تقصد ..<--قلبت الموضوع عن مشاكلهم..

..

[رَوَنْـدْ]

..

1 - هل تجيدين عمل القهوة ؟

نعم

2 - هل تجيدين طبخ الأرز ؟

لا
أعتقد سهل بس ماجربت ..

3 - هل تجيدين غسل "المواعين" ؟

نعم

4 - هل تجيدين مهنة "ربة بيت " ؟

ما فهمت القصد ..!

5 - هل يعد من السهل غسيل الملابس بالغسالة ؟ وهل أنتي مستعدة لعناء الغسيل !!!

ايوا سهل ..

7 - هل تجيدين التحدث بالهاتف لساعات طويلـة ؟ !

نعم , لكن أفضل الجوال ..

المشاركة الأصلية كتبت بواسطة ضياء أنثى لا أدري لم يمارس البعض جلد الذات بإحتراف ولا نتائج عملية مفيدة تذكر من هذا الجلد ! يعني بكل واقعية أتكلم .. لمَ تنقمون وجود الخدم في المنازل منذ أقدم العصور وأفضلها - لو أحببنا أن نتحدث عن القرون الخيرة من هذه الأمة - ما كانت عندهم منازل بحجم منازلنا تحتاج لجهود مضاعفة للترتيب والتنظيف ولا كان عندهم من الملابس التي تحتاج إلى غسيل بعدد الملابس الموجودة عندنا ولا عندهم من المطابخ وأدواتها ولا بنسبة 20% مما عندنا ومع ذلك كانوا يستخدمون الخدم والأرقاء !! ويطول عجبي ممن يعتقد أن الفتاة لكي تكون (( سنعة )) لا بد أن تكون (( سوبر ومن )) تنظف وتكوي وتطبخ وتدرس وتنجح وتتوظف و تتجمل وتحمل وتلد و تربي أولادها وترعاهم وتدرسهم وتقوم على شؤون زوجها وتحسن التبعل له و تحسن إقامة ولائمه وتؤدي كامل واجباتها في العلاقات الإجتماعية من تعازي وزواجات وزيارات وصلة رحم بدون خادمة !! يعني مهما كان المرأة بشر والبشر مخلوق ضعيف له طاقة محدودة .. فماله داعي نكابر ونقول أخرجوا الخدم من البيوت ! خصوصاً أن الجيل الجديد من الآباء والأمهات الآن أغلبهم نشأوا في بيوت فيها خدم فماذا تغير ؟ يحسن بنا بدل المنع و المطالبة بإخراج الخدم ، التوجيه والإرشاد وبهذا يكون الموضوع معقول أكثر وممكن جداً نعم الخادمة تنظف ولكن لا تربي الأطفال نعم الخادمة تغسل ولكن بر والدي أنا أولى به ... إلخ بقلمي/ بنت حمولة ولو ساعدتني الخادمة

يكتب بماء الذهب
صحيح المرأة انسان ضعيف ولا تتحمل ,
غسيل كوي كنس طبخ ووإلخ ..

للعلم المرأة لو كانت متعودة على الخدامة ,
وقريباتها إذا تزوجوا قداموا على خدامات فـ هنا يلزم الرجل احضار خادمة ..
وهذا ماسمعته من أحد المشائخ والله يجزاه خير اللي بيجيب الفتوى

..

[ضياء أنثى]

^^^
ما يحتاج وأنا أختك أحد يجيب فتوى، أبسط واحد عنده ريحة علم شرعي يعرف هـ الشيء ..
بس قولي هذا في حال أنهم بغوا يعيشون بداية حياتهم بأريحية بدون خدامة ..

بالمناسبة الرجل الوادر ذكره في القصة أعلاه (( اللي ماعرفت مرته تصلح القهوة ))
مع احترامي الشديد ما عنده ذوق ولا أدب .. أجل في الهني مون وعازم أخوياه في البيت
ويبي زوجته اللي توها عروس تصلح لهم قهوة !!!
أكثر ما كثر الله القهاوي الرجالية ، يوديهم لواحد ، وبعد ما تستقر الزوجة نفسياً وعاطفياً في بيتها الجديد عادي بعدها يعزم ويتشرط ، ترى البنت في أول أيام زواجها تحس بغربة فضيعة حتى لو كانت فترة ملكتها طويلة
موب سهل مسألة تطليعها من بيئتها اللي متعودة عليها لبيئة ثانية ويبيها تتأقلم من أول شهر !!!
غريب تفكير بعض الرجال !!


برايفت روند

7 - هل تجيدين التحدث بالهاتف لساعات طويلـة ؟ ! نعم , لكن أفضل الجوال ..

يخرب بيت عدوينك ياشيخة ... بطني عورني من الضحك ، ترى فيه نظريات تقول أن الجوال
ممكن يسبب سرطان الدماغ الله يحفظنا وإياك .. فخليك ع التلفون اصرف
وبعدين يختي ترى لازم تجيدين مهنة ربة المنزل كيف بكرا بتتزوجين وأنت ما تعرفين تربين بيتك !!

!!

[رووح الشرقيه]

والله ماأحب الخادمات بتاتا بعد هالموقف..

أول مره بحياتنا جبنا خادمه يوم اني صغيره وكانت طيبه بالحيل ولما جات تسافر قالو لنا بعض اقاربنا فتشوها وفتشو أغراضها قلنا مايحتاج الخادمه طيوبه وحليله وأصرو علينا ولما فتشتها الوالده شفنا العجب سارقه ذهب أمي حسبي الله عليها كانت صدمه قويه لنا بعدها حرمت الوالده الخدم ليومكم هذا..

والحمدلله مرتاحين ..

[أبوالشباب]

المشاركة الأصلية كتبت بواسطة قرطبه لماذا تربطون بين وجود الخادمه في المنزل وبين عدم اجادة الطبخ من قبل الفتيات

المشاركة الأصلية كتبت بواسطة شهيدة القوقاز ورد طائفي: نعم لدينا خدم في المنزل ونجيد الطبخ للمعلومية الخدم للتنظيف والترتيب فقط وليس للطبخ

ツ ツ ツ ツ ツ ツ ツ ツ ツ ツ

يعني لو قلنا انكم انتم اللي تطبخون .. والخادمه هي اللي تنظف وترتب البيت وتغسل المواعين والثياب ..

طيب بعد الزواج وش السواة ؟؟

مين رايح ينظف المطبخ والبيت ويغسل الثياب ؟؟ ولا بتقولون ما تعودنا ولا ما نعرف ؟؟






وبالنسبه للي قالت انه ليش تجيبون سواق لو الولد يعرف يسوق .. أقول:

السواق - مع اني ما أحب وجوده لا هو ولا الخادمه - يجيبونه بعض العوايل عشان مشاوير بناتهم وحريمهم ..!!

واللي عندهم سواق أخبر ..

لكن مو معناة وجود السواق .. ان الأب أو العيال ما يعرفون يسوقون .. لكن لأنهم مشغولين اما بوظايفهم أو مدارسهم أو جامعاتهم .. مع كثرة مشاوير أهاليهم ..

ولو افترضنا وشلنا السواق تبع العايله الفلانيه لمدة أسبوع .. مين أكثر المتضررين ؟؟ العيال ولا البنات ؟؟








أبوالشباب™ ..

ツ ツ ツ ツ ツ ツ ツ ツ ツ ツ

[عُنْفُوان]

المشاركة الأصلية كتبت بواسطة أبوالشباب ツ ツ ツ ツ ツ ツ ツ ツ ツ ツ يعني لو قلنا انكم انتم اللي تطبخون .. والخادمه هي اللي تنظف وترتب البيت وتغسل المواعين والثياب .. طيب بعد الزواج وش السواة ؟؟ مين رايح ينظف المطبخ والبيت ويغسل الثياب ؟؟ ولا بتقولون ما تعودنا ولا ما نعرف ؟؟

أولا فرق كبير بين بيت الأهل وبيت الزوجية ؛ بيت الأهل كبير وأفراد العائلة أكثر ..

في بداية حياتها مع زوجها لن يكون هناك غيرها وزوجها في البيت .. وبعدين بيجيها طفل واحد .. بعدين طفلين .. وشوي شوي تتعود ع المسؤولية ..

والبنت في بيت أهلها حلو انها تطبخ اللي يكتب الله ، وتساعد على اخوانها ، واذا راحت الخادمة تكون المسؤولية أكبر شوي من تنظيف وغيره .. وبس جزاها الله خير

أما اذا البنت تكرف في بيت أهلها .. وبعد ما تتزوج .. بالله من تشوف حياتها ؟!

مثل ما الشباب ينشغلون عن البيت ويتركون المسؤولية على السواق، ثم اذا تزوجوا يضطرون انهم يتحملون مسؤولية اسرتهم الصغيرة في المشاوير وغيرها .. فكَذا البنت ..

[شِغـآف]

يعني لو قلنا انكم انتم اللي تطبخون .. والخادمه هي اللي تنظف وترتب البيت وتغسل المواعين والثياب .. طيب بعد الزواج وش السواة ؟؟ مين رايح ينظف المطبخ والبيت ويغسل الثياب ؟؟ ولا بتقولون ما تعودنا ولا ما نعرف ؟؟

يا أخي أنت تتكلم عن أمور بسيطة ..

لو أتينا بفتاه [ عمرها ماغسلت ثيابت ولا نظفت أواني ولا رتبت بيت .. ]

وقلنا لها قومي بهذي المهمه راح تقوم فيها .. لأنها شغله مايبغالها فن ..

ولو جبنا طفله صغيره .. وسألناها كيف نغسل راح تعلمك .. فمابالك بإمرأه ..


وأغلب الفتيات .. حين يقدمن على الزواج .. يتأهبن نفسياً وجسديا للقيام بهذه الأعمال ..

وبعضهن يتأهبن عملياً .. [ واللي ماتعرف تحاول تتعلم .. مع إني ما أظن إنها شغله يبغالها تعليم ..]

وأكثر شغله تتعلمها الفتيات الطبخ

لأن الباقي تافه وسهل ..


........

وأما عن السائق .. لو قام الرجل بمشاوير أهله .. لما أحتاجو لسائق ..

واللي عنده وظيفه أو جامعه أو أو ..

يعني اش بتكون .. من الصبح وأقصى حد إلى الرابعه عصرا .. وبعدها لا شغله ولا مشغله ..

<-- هذا لو فكرت كما يفكر البعض .. كما تفكرون أنتم تُجاهنا


لكن نعذر الرجل .. فلديه أشغال ..

يقوم بكسب المال ..

ويأتي بأغراض المنزل .. فلا مانع من مساعد ..

يساعده حال إنشغاله .. فربما يكون البعض .. لديه أكثر من عمل ..

أو كثير الإنشغال ..

ويفترض أن يكون وجود السائق في البيت كمساعد .. كما أن وجود الخادمه كمساعده ..

فلا يعتمد عليه إعتمادا كليا كما يفعل البعض ..

يقوم بمشاوير أهله .. ويأتي باغراض المنزل ..

ويصبح وجود رب المنزل كعدمه ..


نسأل الله لنا ولكم مافيه خير .. وأن يكفينا وإياكم شر الخدم والسائقين ..

[ضياء أنثى]

لكن مو معناة وجود السواق .. ان الأب أو العيال ما يعرفون يسوقون .. لكن لأنهم مشغولين اما بوظايفهم أو مدارسهم أو جامعاتهم .. مع كثرة مشاوير أهاليهم

الله يبارك فيك .. هذا اللي كنت أبي أوصل له لما طرحت السؤال

بما أن وجود السائق لا يعني أن الأب والعيال ما يعرفون يسوقون
كذلك وجود الخادمة لا يعني أن الأم والبنات ما يعرفون يشتغلون لكن لأنهم مشغولين إما بجامعاتهم أو مدارسهم
مع كثرة أعباء المنزل يحتاجون الخادمة

هذا ماكنت أحب قوله .. ولا أدري إن كان هناك سؤال موجه على هذا القياس يفسده
ولكني أعتقد أنه قياس صحيح !