## الطريق إلى مكة !! ##

[الرشيق]

السلام عليكم

يالله حي جماعة الربع والنص والخمس والهللة


يسؤوني ان اخبركم ان رايق قد فسخ خطوبته لأنه اكتشف ان البنت اللي كان بياخذها تدخن

ماعلينا

قبل عام من اليوم اي في رمضان الماضي انهيت عمرتي في مكة مع الأهل ونيتي اني ما اعتمر مرة ثانية في رمضان عقب الزحمة اللي شفتها العام

وقبل اسبوع من اليوم قعدت مع 3 من الشباب لحسوا مخي وما دريت إلا انا ضاف عفشي وراكب السيارة رايح لمكة

كانت النية اننا نمشي بعد الفطور يوم الأربعاء الماضي وبقدرة قادر صارت قبل صلاة العشا وبقدرة قادر صارت عقب العشا وقبل التراويح وأخيراً مشينا الساعة 11 بالليل

كنا 4 أشخاص في السيارة بأسماء مستعارة وهي : أبو ضاري - عبيد - كريّم و سليّم

سليّم كنت اقول للعيال خل نسميه لطيفة لكن قالوا صعبة لطيفة وهو راعي السيارة والصراحة انه كان رأي دبلوماسي فخليناه سليّم

مسكنا الطريق وسوالف ووو لين بدأ الجو يبرد شوي فسحبت شنطتي و فتحت اللابتوب



شايفين التكنولوجيا شلون وصلت .. انترنت بطريق سفر

قبل سنتين ما كنت اتخيل انه ممكن انه تستخدم النت بالطريق لكن بهالروحة سددت فاتورتي وانا بالطريق وفتحت حساب لسليّم ببنك الراجحي وحنا بالطريق

صلينا الفجر بالطايف وكانت النية اننا نستأجر بالطايف وننام للعصر ثم نطلع نحرم وناخذ عمرتنا سريع سريع ونرجع للطايف نتكي لليوم الثاني ونمشي

وسبحان الله بقدرة قادر احرمنا ودخلنا وسط مكة وما ادري هل حنا فعلاً انحشنا من التفتيش ولا هالسنة ما فيه تفتيش :/

اخذنا لنا سكن بمحبس الجن ويقولون ان سبب تسميته بهالاسم ان الجن ما تقدر تتعدى هالمكان للحرم فما ادري بصراحة عن صحة التسمية لكن اسمه يروع شوي وكنت اتخيل شكله من اول مثل محبس المويا

ونسيت لا أوريكم صورة رجال يمشي على زقارة

شوفوا شوفوا



هالرجال يمشي على زقارة يعني ترا التدخين يبي ينكب عفشك

المهم دخلنا الحرم تقريباً على 9 إلا ربع والحمد لله خلصنا عمرتنا على 10

ترا محدن قال عننا مجانين ولا خبول ولا فيه واحد مننا وهو بالطواف كان يخيط بين المسارات يحسب حاله بالدائري وقالت له وحدة سعودية وجع لأنه خطم عليها

ولا فيه وحدة عجوز قالت لولدها بالمسعى هج هج مجانين

المهم قضينا عمرتنا والحمدلله ورجعنا للسكن ثم رجعنا للحرم مرة ثانية وجاني حاج سوري يبغاني اصوره والكعبة وراه وصورته ولولا سرية المعلومات كان نزلت لكم صورته لكن ما يصلح

يوم قررنا نمشي ويقول سليّم وش رأيكم نروح للمدينة ؟

وفعلاً شغلنا وطلعنا للمدينة

بما اننا مفطرين بالطريق ولا بغى تفتيش مهد الذهب يصكنا قسيمة سرعة لكن فكنا الله ان كريّم والعسكري طلعوا من قبيلة وحدة فمشت

قالوا العوال خل نروح نتعشى والصراحة اني ما احب شغل هالمطاعم خبركم عقب رحت لساجر صرت ما اتعامل إلا بالمفاطيح

رحنا لأحد المطاعم وطلعنا



اتوقع من الزحمة بالمطعم اللي صايرة ولا زحمة الجمرات عرفتوا وش يصير



مدري وش لاقيين العالم بهالمطعم علشان يصير كل هالزحمة

صح شغله زين وحلو لكن موب لدرجة الزحمة ذي

المهم اننا خلينا واحد من العوال قلنا له خذ فلوس وجب العشا ودق علينا نعلمك وين سكنا

رحنا استأجرنا بالماريوت اقصد بفندق ورا الماريوت اسمه طابه قبال السوق القديم حق المدينة

لعل الجالية اللي كانت ساكنه فيه كلها من اقارب مامادوا والله يذكرك بالخير يا دكتور كمال ألوسي والله اني احب رطنتكم يالنيجيريين

المهم تكينا بالحرم ولا قمنا نحش بالشيعة ابد وخميني كان يناظرنا وده يقوم يجلدنا بس خايف لأننا بمنطقة كلها سعوديين

بالليل لعل بعض الشباب ناموا فشلت نفسي أنا وواحد من أهل المدينة وطلعنا لطريق الملك عبدالله اللي هو التحلية حقهم




جلسنا بمقهى ألفريدو وترا عندهم قهوة فرنسية خطيرة بصراحة

افطرنا من اليوم الثاني بالحرم وشغلنا السيارة ومسكنا خط المدينة القصيم

على مدخل القصيم وقفنا تفتيش أمني مو تابع للمرور مدري وش عندهم

كنت اسوق سيارة سليّم والعسكري قالي وقف الهوندا وانزل

طبعاً السيارة موب لي ولا شي لكن من الغبنة قلت له يخوي لكزس موب هوندا

من جد غبنة تخيل نفسك تشري لكزس واخر شي يخليها هوندا

يوم دخلنا القصيم وعلى أساس اني بكمل المشوار للرياض قال سليّم هاه من قال مزرعتنا نرقد فيها لبكرة

الباقي سالفة تقليدية دخلنا الرس ونمنا فيها ومن بكرة رحنا عنيزة نزور أحد الشباب ثم مشينا للرياض

الصدق انه بغينا إلا شوي نطلع الأردن بدل القصيم لكن جوازاتنا موب معنا ولا كان سويناها

المضحك انه طول الطريق ما اخذنا ولا قسيمة ويوم دخلنا الرياض وقفنا تفتيش اعطانا قسيمة مع اننا عارفين مكانه وكل شي لكن كان فيه سيارة مطابقة لسيارة سليّم مسرعة وصادها الرادار

صدق من قال كما تدين تدان لأنه بطريق المدينة فيه راعي كامري اخذ قسيمة بدل سليّم بالغلط

الغريب اننا طول الطريق وخلال 4 أيام ما شغلنا المسجل أبد

يالله احس اني طولت السالفة وهي قصيرة

جدير بالذكر ان الأخ مباري أقصد عبيد ما فشلنا أبد وركب عربية بالمسعى

لا أنسى أن أعلن للأخ مباري البساس انه يجي ياخذ بطاقاته ولا ترا برميهن

فتكوا بعافية البحتري :*

[قـاهـرالـروس]

الظاهر إن عندك مشكله في السمايلات

ما علينا

يسؤوني ان اخبركم ان رايق قد فسخ خطوبته لأنه اكتشف ان البنت اللي كان بياخذها تدخن

كفو والله

المهم دخلنا الحرم تقريباً على 9 إلا ربع والحمد لله خلصنا عمرتنا على 10

أبو العجب هنا !!

تصدق عاد أنا لحالي يوم نويت آخذ عمره قعدت ثلاث ساعات مع هالزحمه الله لا يوريك ..

اتوقع من الزحمة بالمطعم اللي صايرة ولا زحمة الجمرات عرفتوا وش يصير

طبعا عرفنا وش يصير

ياخي إنت بعض الأحيان تجيب أبو العيد :!!

جدير بالذكر ان الأخ مباري أقصد عبيد ما فشلنا أبد وركب عربية بالمسعى

ما عليه شرهه والله مع كل هالزحام لا وتخلصون في ساعه وربع بس !!

لي عوده هذا الرد مستعجل شوي !

[[ .. رايق .. ]]

ـ ـ ـ ـ ـ ـ ـ ـ ـ ـ ـ ـ ـ ـ ـ ـ


سددوا المخالفه يا حقااااااااااااريررررررررررررر

مراد والله يا الرحله احسن ما فيها اسم المطعم هذاك الي بالرس كندوم الظاهر ولا الثاني دوك برقر الله لا يجلعني مطعم بالقصيم يا رب

ولا بعد بعد معطيني 50 ريال الحثاله حقت القطه يقولون غسل سيارتك وزبط امورك وسدد مخالفتك يا ابن الايه يا مراد الـ 50 ريال هذي فيها عين ما صلت عالنبي ( الظاهر انها عينك يا مباري يقول احمد ربك انا ماكد جتن 50 من القطه ) رحت غسلت سيارتي واول ما طلعتها رحت عند جدتي ووقفتها بالكراج خايفن عليها لا يجيها غبار لعل كانت فيه ماصوره مدري وش سنعها فوق السياره وجت حمامه نعن الله آبو آبو ذا الحمامه وقفت على ذا الحديده وان ما كنت واهم الظاهر ان ذا الحديده هي التواليت حقتهم وزقزقت على السياره كلها يعني الحين السياره وصخخخخخخه والكفرات للحين يلقن على قولة امي الظاهر كان فيها سهآل هههههههههههههههه وعععععععععععععععععععععععع


اييييه ما علينا اهم شيء اني كنت امير ناجح مسكت القطه واحد فيه عرق اصلي حضرمي ومسكت الاجتماعي بريداوي والله يا امورنا بخير الحمد لله بس لعلنا نحذر الناس من مباري اذا صار جوعان لا ينزل يطلب جاب لنا وللي بالمزرعه والي بالرس كلهم كل شوي يزود له سندوتشه شندوتشتين

بس والله والله الكونكت كان شيء ثاني خاصه خاصه ان فيه واحد كان كارف ابو الكونكت ما غير ماسنجر ماسنجر <-- يا لللللللللللللليل الليييييييييييييييل هههههههههههههههههههههههههههههههههههههههه ههههههههههههههه

عمركم يا شباب شفتوا واحد يبلشك ابلاااااش هاه خلصت من النت ؟ خلصت ؟ خلصت ؟ واذا عطيته اياه تلقاه فاتح المعالي يتصفح الديوانيه ؟
يالله انك لا تمرضنا بس

يالله ما ودي اطول ودي الف واروح انام

|||||| رايق ||||||

[مباري الساس]

يا حيا الله المزاين كلهم


أقول بغت الرحلة تصير عقب الفجر

لطيفة قصدي سليم ما بغى يقوم

تصدق يا مراد اول مرة تصير معنا

ندفع القطة ثم نصير ربحانين

لعنبو بليسك العالم يطلعون يستانسون




وانت قاعد تتاجر بقطتنا ثم ربحنا


ترى يوم خلصنا عمرتنا ما أخذ مراد الحرام حقي وحق مصعب وحق عبدالكريم وغاسلهن وباعهن

يقول موسم ما يتفوت

أشوا إني لحقت على ثيابي ما باعهن
الله يعين مرتك

[مباري الساس]

المشاركة الأصلية كتبت بواسطة الرشيق جدير بالذكر ان الأخ مباري أقصد عبيد ما فشلنا أبد وركب عربية بالمسعى لا أنسى أن أعلن للأخ مباري البساس انه يجي ياخذ بطاقاته ولا ترا برميهن فتكوا بعافية البحتري :*

يا ذهين إستانس بالجنسية السعودية شوي

[الرشيق]

قاهر الذوليك

أبو العجب هنا !! تصدق عاد أنا لحالي يوم نويت آخذ عمره قعدت ثلاث ساعات مع هالزحمه الله لا يوريك ..

الظاهر انك كل خمس دقايق توقف 10 دقايق تريح

طبعا عرفنا وش يصير ياخي إنت بعض الأحيان تجيب أبو العيد :!!

والله ياخي القاه بالطريق وش اسوي

ما عليه شرهه والله مع كل هالزحام لا وتخلصون في ساعه وربع بس !! لي عوده هذا الرد مستعجل شوي !

ترا فيه صورة له بس خل سليّم يدخل يحطها

[الرشيق]

]يا حيا الله المزاين كلهم

هلا هلا بعبيد

أقول بغت الرحلة تصير عقب الفجر لطيفة قصدي سليم ما بغى يقوم

انت ملاحظ انه عيا يقوم

تصدق يا مراد اول مرة تصير معنا ندفع القطة ثم نصير ربحانين لعنبو بليسك العالم يطلعون يستانسون وانت قاعد تتاجر بقطتنا ثم ربحنا

حبيبي أنا آخذ فلوسكم من هنا

احطها هنا بشي اسمه المضاربة الحميدة

وينفقع الاقتصاد وبكذا نحقق ارباح

ترى يوم خلصنا عمرتنا ما أخذ مراد الحرام حقي وحق مصعب وحق عبدالكريم وغاسلهن وباعهن يقول موسم ما يتفوت أشوا إني لحقت على ثيابي ما باعهن الله يعين مرتك

اها بس اشوا اني مستأجر لك احرام من واحد عند الميقات

[الرشيق]

المشاركة الأصلية كتبت بواسطة مباري الساس يا ذهين إستانس بالجنسية السعودية شوي

اقول لا تخليني ابلغ عنك بس والله ان تأكل تبن

[مباري الساس]

بس تنبيه

تراي ركبت العربية

قالي واحد أبغاك تهربني عن التفاتيش

قلت طيب

وعلى قولت العجز شيء ببلاش ربحة بين

[واحد منهم]

قبل لا ارد ولا اقول اي شيء ..

أعلن أنا كريّم و أهدد و بخطاب شديد اللهجة المدعو عبيد الي يكلم الناس علشان يكلمون ابوضاري

واقول له شف لنا ابو ضاري وخله يدبر خالنا مع نسايبه ولا ترا نبي ننشر صورته

وقد أعذر من أنذر و لعنة الله على الظالمين و قهقه في قلب لايفقه ولا صح ذي مالها دخل

[الرشيق]

المشاركة الأصلية كتبت بواسطة مباري الساس بس تنبيه تراي ركبت العربية قالي واحد أبغاك تهربني عن التفاتيش قلت طيب وعلى قولت العجز شيء ببلاش ربحة بين

معقولة ؟!!

[مباري الساس]

المشاركة الأصلية كتبت بواسطة الرشيق معقولة ؟!!

قسم

[واحد منهم]

معقولة ؟ قسم !


معقولة ؟ قسم !


هههههههههههههههههههههههههههههههههههههههه هههههههههههههههههههههههههههههههههههههههه ههههههههههههههههههههههههههههههههههههه

[مباري الساس]

تيه تلقفها تاك

يا رايق تم التحرير

زحلطن مني المقطع بالغلط

[واحد منهم]

هههههههههههههههههههههههههههههههههههههههه هههههههههههههههه
يامهبول حرر حرر ذذ

ههههههههههههههههههههههههههههههه واتسبديييييييييه :sek o:

[[ .. رايق .. ]]

ـ ـ ـ ـ ـ ـ ـ ـ ـ ـ ـ ـ ـ ـ ـ ـ


احد اكتشافات الرحله العلميه الغريبه / اكتشفنا ان هناك انسان عاقل كامل لا نقص فيه مجدلن شعر بطنه
هو بصراحه ما ادري انا هو مجدلن شعر بطنه ولا شعر بطنه من كثره مترابط مع بعض
الحين البنات تلقا جدايلهن على ظهورهن هذا جديلته على بطنه

أيضا احد الاكتشافات الغريبه / انه كان معنا واحد او بالاصح شفنا واحد كان يمشح فخوذه بالفازلين قدام العالم بالمسعى
وايضا اكتشفنا ان فيه عدد من اعضاء الرحله مجانين .. تخيل يسعون ويتحدون بعض من يفصخ الاحرام ؟
ولا بعد بوه واحدن الله يصلحه اول طواف له كان ما غير يردد الله من الفساله شابكه معه يحسبه دعاء
ولا بعد فيه واحد كان طول ما كان يطوف كان يدعي للعالم انها تعرس ويوم وصل لآخر الطواف ما بقى على خط الحجر الاسود شيء ويتذكر انه ما دعى لورحه انه يعرس ويصفط على جنب ويجلس يدعي يدعي يدعي

ايه تذكرت فيه واحدن الله يصلحه ما غير جالس يناظر احرامات العيال ويقول لهم احراماتكم شفافه , وما كان جمبنا واحد طارت عيونه وقام يفحص واحد من العيال وواحد من العيال ما كانه استحى ووسوس لا يصير الاحرام صدق شفاف

خلاص بروح انام

كل الكلام هذا بمكه .... معقوووووووووووووله ؟






















قسم

|||||| رايق ||||||

[الرشيق]

سددوا المخالفه يا حقااااااااااااريررررررررررررر

ابشر والله من تيك تلقفها تاك

اطلب الله يابني

مراد والله يا الرحله احسن ما فيها اسم المطعم هذاك الي بالرس كندوم الظاهر ولا الثاني دوك برقر الله لا يجلعني مطعم بالقصيم يا رب

وش كان اسمه هو

الكندور ولا الفاندام

ايه الفاندوم صح

ولا بعد بعد معطيني 50 ريال الحثاله حقت القطه يقولون غسل سيارتك وزبط امورك وسدد مخالفتك يا ابن الايه يا مراد الـ 50 ريال هذي فيها عين ما صلت عالنبي ( الظاهر انها عينك يا مباري يقول احمد ربك انا ماكد جتن 50 من القطه ) رحت غسلت سيارتي واول ما طلعتها رحت عند جدتي ووقفتها بالكراج خايفن عليها لا يجيها غبار لعل كانت فيه ماصوره مدري وش سنعها فوق السياره وجت حمامه نعن الله آبو آبو ذا الحمامه وقفت على ذا الحديده وان ما كنت واهم الظاهر ان ذا الحديده هي التواليت حقتهم وزقزقت على السياره كلها يعني الحين السياره وصخخخخخخه والكفرات للحين يلقن على قولة امي الظاهر كان فيها سهآل هههههههههههههههه وعععععععععععععععععععععععع

قايلك عندنا مغسلة تكرن يلحسونها لك لكن انت رايح مغاسل غالية واخر شي زحلطن سيارتك

اييييه ما علينا اهم شيء اني كنت امير ناجح مسكت القطه واحد فيه عرق اصلي حضرمي ومسكت الاجتماعي بريداوي والله يا امورنا بخير الحمد لله بس لعلنا نحذر الناس من مباري اذا صار جوعان لا ينزل يطلب جاب لنا وللي بالمزرعه والي بالرس كلهم كل شوي يزود له سندوتشه شندوتشتين

البركة كلها في الاقتصاد انفقع

بس والله والله الكونكت كان شيء ثاني خاصه خاصه ان فيه واحد كان كارف ابو الكونكت ما غير ماسنجر ماسنجر <-- يا لللللللللللللليل الليييييييييييييييل هههههههههههههههههههههههههههههههههههههههه ههههههههههههههه عمركم يا شباب شفتوا واحد يبلشك ابلاااااش هاه خلصت من النت ؟ خلصت ؟ خلصت ؟ واذا عطيته اياه تلقاه فاتح المعالي يتصفح الديوانيه ؟ يالله انك لا تمرضنا بس

انت حسيت

الكونكت قبل لا ياخذه ذاك يكون باقي بالشريحة 800 ميقا

اخذه عقبه القاه 400 ميقا

وش ظنك يسوي

يالله ما ودي اطول ودي الف واروح انام

دق اشارة لا جيت تلف

[الرشيق]

احد اكتشافات الرحله العلميه الغريبه / اكتشفنا ان هناك انسان عاقل كامل لا نقص فيه مجدلن شعر بطنه هو بصراحه ما ادري انا هو مجدلن شعر بطنه ولا شعر بطنه من كثره مترابط مع بعض الحين البنات تلقا جدايلهن على ظهورهن هذا جديلته على بطنه

انا قايله يخليها سكسوكة وعيا

أيضا احد الاكتشافات الغريبه / انه كان معنا واحد او بالاصح شفنا واحد كان يمشح فخوذه بالفازلين قدام العالم بالمسعى

انت ملاحظ انه مفصل احرام خاص علشان يقدر يفكه عادي

وايضا اكتشفنا ان فيه عدد من اعضاء الرحله مجانين .. تخيل يسعون ويتحدون بعض من يفصخ الاحرام ؟

والله ياالعجيز اللي بالمسعى خافت منهم

ولا بعد بوه واحدن الله يصلحه اول طواف له كان ما غير يردد الله من الفساله شابكه معه يحسبه دعاء ولا بعد فيه واحد كان طول ما طان يطوف كان يدعي للعالم انها تعرس ويوم وصل لآخر الطواف ما بقى على خط الحجر الاسود شيء ويتذكر انه ما دعى لورحه انه يعرس ويصفط على جنب ويجلس يدعي يدعي يدعي

انت للآن عقب صدمة ان خطيبتك تدخن ما بعد شفيت

ايه تذكرت فيه واحدن الله يصلحه ما غير جالس يناظر احرامات العيال ويقول لهم احراماتكم شفافه , وما كان جمبنا واحد طارت عيونه وقام يفحص واحد من العيال وواحد من العيال ما كانه استحى ووسوس لا يصير الاحرام صدق شفاف

الله يهديه

خلاص بروح انام

معقولة !!

[الرشيق]

الأخ مباري هداك البارئ معقولة تحط هالمقطع ؟!!

[[ .. رايق .. ]]

ـ ـ ـ ـ ـ ـ ـ ـ ـ ـ ـ ـ ـ ـ ـ ـ


يووووووووه زحلطن قسم بالله نسيت اعلق على خطيبتي تدخن ..


ياخي ليتها كانت تدخن اكتشفت انها راعيه جراك تخيل تجلس بالسطح تبربر جراك وتشرب سوبيا

اقول استغفر الله بس وش ذا الاشاعات المغلضه الله لا يبلانا بس

يعني انا لو لو بعرس بعرس على وحده تدخن سيقار او انها تشيش عنب بري مدري توت ياخوي شكله رزه وريحته حلوه



استغفر الله بس مراد يا هيوان تبي تخلينا نجيب العيد

|||||| رايق ||||||