| أجل يوم وطني هاه ؟

[وليد الغامدي]

أعوذ بالله ..

اللي في المقطع شوية بس من الحقيقة ..

في الشرقية ..


اللي شفته ..


شباب رابطين الأعلام ورا ظهورهم ويمشون وهي تسحب في الأرض ..

شباب رابطين الأعلام على السيارات وتسحب في الأرض .. غير المجاري والموية اللي عالأرض ..

ناس صابغين السيارات بأخضروالمصيبة ان نصهم سواقين .. << وطبعًا أي واحد مغبر بأخضر ياخذون رخصته واستمارته ويقولون نظف سيارتك ولا ياخذونها للحجز .. وفيه سيارات قدامي شلوها للحجز ..

شباب صابغين ثيابهم بأخضر .. << نص الثوب أخضر والنص الباقي مشخبط عليه, ksa

شباب صابغين وجيههم بأخضر وأبيض << هذولا ينظف الواحد وجهه ولا باص الشرطة موجود يعبي .. وإذا خلص جابو باص ثاني << مساكين ما تسوى عليهم حجز في اليوم اللي يحتفلون فيه ..


طبعًا باصات أرامكو بما أن ألوانها خضر .. رايحة جاية مع الطريق يقالهم يحتفلون


شباب طالعين من درايش السيارات وأغاني ورقص .. وإذا جاك واحد مركب سستم صوت .. يا عيني


كودو اللي في الواجهة البحرية في الخبر تكسّر ..

الواجهة مقفل الدخول لها .. من عند إشارة الميريديان ابن أمه يدخل ..


مقفل الدخول للواجهة من إشارة تقاطع شارع الظهران مع الواجهة ..

شارع الببسي مقفل تمامًا .. خصوصًا وان فيه حادث بعد ..

المصيبة ودّي أعرف وش سالفة اللي يحتفلون هذولا ..

أقدر أحلف ان ثلاثة أرباعهم ماهم متوظفين ولا يدرسون .. وثلاثة أرباع الربع الباقي يدرسون وثلاثة أرباع اللي باقي موظفين برواتب مش حالك .. وثلا........ << قلبها Math يعني رياضيات لغير الناطقين بالأوردو


كلنا نحب وطننا ونوفي له في كل وقت .. وفائنا للوطن موب بس في اليوم الوطني ..

وموب لأننا ما علقنا أخضر يعني اننا ما نحب الوطن ..

وأكبر دليل .. والله ان غالب اللي تشوفونهم الهبل ذولا انه لا جات حرب تشوفونهم أول من يعط مع المطارات والمنافذ ..

وحنا اللي بنوقف في الحرب لحالنا ..

مبزرة << ايه كفو كفو اقلب عليهم


من ضمن اللي شفت في اليوم الوطني (( أبو ممدوح << واللي الظاهر انه بنفسه أحد مظاهر الإحتفال باليوم الوطني لا أحد يقول لأن يوزره اخضر ))

وغريب_21 << أيضا أحد مظاهر الإحتفال بس يوزره موب اخضر ..



خلوني أشوف واحد يقول كاتب موضوع ثاني في رد ذا توب

مثمر

[ذيب تميم]

يزيد الغريبي هو نفسه أبو سحلب ؟

[ابو عابد411]

صادق اخوي لاكن فيه شي رافعن ضغطي

ان المقطع مايشتغل

يعني شكلي بمزعك

[سلطان بن محمد ..]

انا الحمد لله في اليوم الوطني اديت العمرة وبتجيم سواليفها تمشي الف بس مو الحين


المهم اني اعتمرت وحطيت الاحرام اخضر لاني مزكم < بيي



تصدقون توي ادري ليش العلم اخضر من كثر وشسمة

[البراء الرشود]

المشاركة الأصلية كتبت بواسطة مالك@ صادق اخوي The Top ما نقدر نقول إلا الله يهدي شباب المسلمين ويردهم إليه ردا جميلا

- - -

آمين !

وإياك انت بعد << قلب عليه

~ The Top

[البراء الرشود]

المشاركة الأصلية كتبت بواسطة أبو هيا براء ما ريناهـ مؤسف والله ... بلادنا بلاد التوحيد.... ولكن رايت بعض المقاطع وحاطين علم المملكه ..وكلمة لاأله ألاالله محمدرسول الله رابطها على خصرهـ ... ولا بعد في العشر الأواخر ..

- - -

إهانة لكلمة التوحيد وإهانة لفضل العشر شيء يضيق الصدر صراحة !

~ The Top

[البراء الرشود]

المشاركة الأصلية كتبت بواسطة هاوي المقناص وعليكم السلام... الله يجزاهم خير من صور ومن تحدث جزاهم الله خير جميعا وأنت كذلك أخويThe Top و-الله يصلح الحال- ويهدي الشباب إلى طريق الحق والصواب

- - -

آمين وإياك مشكور لمرورك خيو !

~ The Top

[البراء الرشود]

المشاركة الأصلية كتبت بواسطة [ أحمد ] وراهم خربوها آخر المقطع يخوي إلي صدق والقهر إنهم في أحد المحافظات الصغيره مسوين حفل ورقص وخرابيط .. الله المستعان الله يصلح الحال .. *

- - -

أنا كنت اقول ليتني ساكن بمحافظة عشانهم محافظين !

طلعوا سيم سيم

~ The Top

[البراء الرشود]

المشاركة الأصلية كتبت بواسطة باقي وفاء كان عن أختي موعد بمركز النخبة اللي بالتحلية وأنا على نياتي ناسي إنه اليوم الوطني ---> ماحد سمع ولك أن تتخيل ماذا حصل تأخرنا عن الموعد بسبب الزحمات وقلة الحياء وزيادة على ذلك المرور مقفل شارع التحلية من عند تقاطع الثلاثين برايفت وأنت مانشوفك إلا إذا نزلت موضوع جديد بالمدونة؟؟

- - -

مرة ثانية لا جيتوا تاخذون موعد قولوا يصادف اليوم الوطني ؟

عشان يعني تضمنون روحكم

~ The Top

[البراء الرشود]

المشاركة الأصلية كتبت بواسطة دامع الشجن هذه السنة الثانية اللي يصادف فيها ( العيد الوطني ) شهر رمضان المبارك.. شهر الهدى والقران .. وبعض الناس والمسؤلين بلغ فيهم التخلف مبلغه عنده ان الاحتفال لايكون الا بالموسيقى والاغاني !! والقهر الشباب الاحمق اللي يحسب انه اذا تلون باللون بالاخضر فهو رفع راية وطنه فوق .. هذا ماينقال له الا ( ارفع راسك انت سعودي ) على سبيل التهكم طبعاً

- - -

هذولي ما يحتفلون بحبهم للوطن !

ذولي لقوها فرصة للصياعة واستعراض العضلات في قلة الحيا !

أبشرك اليوم الوطني السنة الجاية احتمال يكون في أيام العيد يعني العيد عيدين

~ The Top

[البراء الرشود]

المشاركة الأصلية كتبت بواسطة سموت بالدين ツ دايم تفكيرك إيقاع أعوذ بالله على الطاري ليتك شغلت رتم وأنت قاعد تكتب الموضوع عشان نشوف وش تقلب عليه مثل أمس بخصوص الموضوع > عشان مايحذف رده صدقت والله تأذينا كثير من هالعالم وشوهو صورة الوطن ! تخيّل لو يشوف هالفيديو شخص من خارج السعودية , وش راح يكون رأيه عن المملكة؟ الله يصلح الأحوال :/ ! شكرن عزيزي ذا توب sм∂ωţ

- - -

مين قال الإيقاع حرام ؟ << أيواااه بيشبها


أنا ما انشد إلا على رتم كلمي اخوي الفاضل ..

لأن الرتم السامبلتيودي شبيه بالهذاك نعم فعشان كذا خلاااااص

~ The Top

[البراء الرشود]

المشاركة الأصلية كتبت بواسطة الشعراوي الله يصلح الحال بس الحمد لله على العافيه بس مشكور حبيبي البراء على الموضوع

- - -

آمين حياك الله !

~ The Top

[البراء الرشود]

المشاركة الأصلية كتبت بواسطة [ .. رايق .. ] ـ ـ ـ ـ ـ ـ ـ ـ ـ ـ ـ ـ ـ ـ ـ ـ ياخي اليوم الوطني حلو <-- يا حبه للشر |||||| رايق ||||||

- - -

كني شفت لكزس تدور وواحد مطوع طالع من الفتحة ؟ << بيشبها

~ The Top

[البراء الرشود]

المشاركة الأصلية كتبت بواسطة يزيد العنزي صدقت أخوي أبشرك مادريت أن اليوم الوطني الحين الا على فكرة وش قصة اليوم الوطني (أقصد ليه يحتفلون وش المناسبه <<عشان اليوم الوطني أدري <وفسر الماء بعد الجهد بالماء الله يرفع عنهم ولا يبلانا

- - -

هم يدعون الإحتفال ما يحتفلون !

لقوها فرصة سهلة للمغازل وابراز عضلات قلة الحيا !

~ The Top

[البراء الرشود]

المشاركة الأصلية كتبت بواسطة بوسعود ايه يا براء .. جبتها عالجرح .. .:. والله انا ما صدقت عيني .. ونا اناظر في اليوتيوب يوم الوطني في برج المملكه .؟ انا يوم شفت الشي هذا .. قلت شكلهم ذولي بالامارات والا الكويت السوق مليان من اوله الى اخره .. وروح يا اختلاط .. حريم رجال بناتي ولادي .. ومع هالزحمه .. شف البلاوي يا حبيبي اللي تبي تطلع .؟ .:. اما ذولي حقين سروال الاخضر .. خخخخخخخخخخ .. اهنيهم صراحة عالمزاج .:. والا يا طيبه طيبه .. خخخخخخخخخخخخخخخخخخخ شر البلية ما يضحك .. ناس فاضيه .:. الف شكر على نبضك .. الهادف ..

- - -

الواحد يوم يشوف ها الأشكار ما يدري يضحك على تفكيرهم أو على حالهم أو يبكي على احوالهم !

لكن ربك يصلح الحال بكرة يكبرون ويعقلون !

~ The Top

[البراء الرشود]

المشاركة الأصلية كتبت بواسطة Abdulrazaq يالله لك الحمد ، أنا عندي قاعدة في أيام الاحتفالات اللي زي كذا .. الزم بيتك تسلم .. أو الزم بيتك فثم الجنة .. أو الزم بيتك فهي الغنيمة الباردة .. اختار اللي تبي بس والله توهقت ذاك اليوم بغى يروح علي مسجدي .. كنت طالع الساعة وحدة و خمس بروح لمسجدي في النزهة ، و حنا نصلي القيام ثنتين إلا ربع .. و يوم وصلت تقاطع الملك عبدالعزيز مع الملك عبدالله و انتكب بذيك الزحمة البايخة .. يا ولد الساعة وحدة و نص و خمس والله توهقنا ! بغيت أدق عليهم و أعتذر لكن لاحت في الأفق بوادر النجاة .. و مشى السير .. و الحمدلله وصلت قبل الصلاة بدقيقتين ، بس قهر ياخي 40 دقيقة عشان أوصل للمسجد و أنا في الأيام العادية ثلث ساعة بالكثييييير و أنا واصل و متسنن و أتمسوك .. نسأل الله الإخلاص ..

- - -

أخوي يقولون تتستقبلون اعتكاف صحيح ؟

وبعدين يقولون بينزل لكم شريط صحيح ؟


ليتني مسواك بس

~ The Top

[البراء الرشود]

المشاركة الأصلية كتبت بواسطة آبــوٍ تــرٍكـي جآ آليوم آلوطني آجل ؟؟! <- عآطل ولآ له مصلوح ان جا ولا ماجا الصراحه حتى انا تأخرت ذاك اليوم على مسجدي تصدق ماصلينا القيام الا الساعه 3 ونص وانا بالعاده اصلي بالجماعه 2 <~ وش حيثه عبدالرزاق عنده مسجد وحنآ لآ

- - -

بشر عساك ناوي تختم بجماعتك يا بدر ؟

أنا جماعتي ما كان عندي نية اختم ودي اخفف عليهم !

لكن أصروا عاد وقلت ابشروا ثم سحبت عليهم < قليل خاتمة

~ The Top

[البراء الرشود]

المشاركة الأصلية كتبت بواسطة فتى الغربيه اجل يوم وطني ؟! , اللله يقلع ابليسهم اللي لابسين سراويل خضر , حنا بطايف اغاني اخر صوت , ورقص وقلت ادب نسال الله العافيه ,

- - -

الظاهر سراوبلهم من حقات الكورة اللي كنا نلبسها بطقم المنتخب حق المدرسة

~ The Top

[البراء الرشود]

المشاركة الأصلية كتبت بواسطة مثمر أعوذ بالله .. اللي في المقطع شوية بس من الحقيقة .. في الشرقية .. اللي شفته .. شباب رابطين الأعلام ورا ظهورهم ويمشون وهي تسحب في الأرض .. شباب رابطين الأعلام على السيارات وتسحب في الأرض .. غير المجاري والموية اللي عالأرض .. ناس صابغين السيارات بأخضروالمصيبة ان نصهم سواقين .. << وطبعًا أي واحد مغبر بأخضر ياخذون رخصته واستمارته ويقولون نظف سيارتك ولا ياخذونها للحجز .. وفيه سيارات قدامي شلوها للحجز .. شباب صابغين ثيابهم بأخضر .. << نص الثوب أخضر والنص الباقي مشخبط عليه, ksa شباب صابغين وجيههم بأخضر وأبيض << هذولا ينظف الواحد وجهه ولا باص الشرطة موجود يعبي .. وإذا خلص جابو باص ثاني << مساكين ما تسوى عليهم حجز في اليوم اللي يحتفلون فيه .. طبعًا باصات أرامكو بما أن ألوانها خضر .. رايحة جاية مع الطريق يقالهم يحتفلون شباب طالعين من درايش السيارات وأغاني ورقص .. وإذا جاك واحد مركب سستم صوت .. يا عيني كودو اللي في الواجهة البحرية في الخبر تكسّر .. الواجهة مقفل الدخول لها .. من عند إشارة الميريديان ابن أمه يدخل .. مقفل الدخول للواجهة من إشارة تقاطع شارع الظهران مع الواجهة .. شارع الببسي مقفل تمامًا .. خصوصًا وان فيه حادث بعد .. المصيبة ودّي أعرف وش سالفة اللي يحتفلون هذولا .. أقدر أحلف ان ثلاثة أرباعهم ماهم متوظفين ولا يدرسون .. وثلاثة أرباع الربع الباقي يدرسون وثلاثة أرباع اللي باقي موظفين برواتب مش حالك .. وثلا........ << قلبها Math يعني رياضيات لغير الناطقين بالأوردو كلنا نحب وطننا ونوفي له في كل وقت .. وفائنا للوطن موب بس في اليوم الوطني .. وموب لأننا ما علقنا أخضر يعني اننا ما نحب الوطن .. وأكبر دليل .. والله ان غالب اللي تشوفونهم الهبل ذولا انه لا جات حرب تشوفونهم أول من يعط مع المطارات والمنافذ .. وحنا اللي بنوقف في الحرب لحالنا .. مبزرة << ايه كفو كفو اقلب عليهم من ضمن اللي شفت في اليوم الوطني (( أبو ممدوح << واللي الظاهر انه بنفسه أحد مظاهر الإحتفال باليوم الوطني لا أحد يقول لأن يوزره اخضر )) وغريب_21 << أيضا أحد مظاهر الإحتفال بس يوزره موب اخضر .. خلوني أشوف واحد يقول كاتب موضوع ثاني في رد ذا توب مثمر

- - -

هذا اللي يفتح النفس !

مثموري قرب خلني بأمطخك أبو أبو ردك الحلو يا شيييييخ

~ The Top

[البراء الرشود]

المشاركة الأصلية كتبت بواسطة ذيب تميم يزيد الغريبي هو نفسه أبو سحلب ؟

- - -

إيه بس نسخة إيقاع

~ The Top