لماذا يخجل الرجل من ذلك ؟؟

[مجهوووله]

المشاركة الأصلية كتبت بواسطة ام رغدة الحمد لله ماعندنا هالشي احنا ممكن فعلا كلمة الاهل موجود او مثلا العيال بس لكن يرة ماعندنا

المشاركة الأصلية كتبت بواسطة ..حــــــور ..* خصوصا عند العيال الصغار الحين منتشرة مرة في مدارسهم فيه واحد في فصل أخوي سمع أخوي وهو يسولف مرة وقال اسم أختي والحين ما يسميه إلا أخو أمل يقاله يبي يحرجه شكرا هتاف..

المشاركة الأصلية كتبت بواسطة زهرة شمر انا اقول محد يذكر اسم امه والا اخته ولا زوجته ويقول انتم بكرامه الا انهم في منزلهم البنت عندهم مهانه هذا دليل على التربيه انهم عندهم البنت في منزلهم مالها احترامها ولا قيمتها ماحد يقول وانتم بكرامه الا انه ما عنده احترام لأهله وفعلاً الرجال فعلاً يستحون من ذكر اسماء اخواتهم ليه مدري بس اذكر مره ان اخي الصغير تهاوش مع زميله في المدرسه وهو يدري انا اخت زميله صديقت اختي و اول ما جاء من المدرسه راح عند اختي يحاول معها لكي تقول له اسم اخته على شان يعايره طبعاً اختي ما علمته لان عندهم شي عجيب أختكم زهرة شمر

أم رغدة , حــور , زهـرة شمـر ..

حياكم الله ياغاليات .. أشكر مشاركتكم .. فعلا تكثر المواقف الي من هالنوع حتى بين الاطفال ..!

..

[أبوالشباب]

ツ ツ ツ ツ ツ ツ ツ ツ ツ ツ

أما بالنسبه لقول: الأهل الله يعزك .. هذي من الانتقاص من حقهم ..

وليش الواحد ينتقص من حق النسوان أصلاً ؟؟ أليس قد تكون هذه المرأة أفضل عند الله منك أيها المنتقص ؟؟




وبالنسبة للحياء من ذكر الأسماء .. مدري وش سببه .. بس أحسه جاي كذا مع عرف الناس ..







أبوالشباب™ ..

ツ ツ ツ ツ ツ ツ ツ ツ ツ ツ

[صافيا]

ذكرتِني بالوالد ..

كلما جاءتنا دعوة لزفاف وجدنا الكرت مكتوب فيه يدعوكم فلان الفلاني لحضور حفل زفاف ابنه فلان، وفلان الفلاني لحفل زفاف " كريمته "، ! فيقول الوالد: يعني كريمتو ليس لها اسم يصلح للكتابة في الدعوة !


المجتمعات تختلف في عاداتها والتربية لها حكمها. والأصل أن ينادي أحدنا الآخر بأحب أسمائه إليه. وما أكرمهن إلا كريم. جزيتِ الخير

[.لهآ نغْم.♪]

باالعكس هم الكثيرين عندنا اللي مايذكرون اسماء اهلهم . .


هذا موقف لولد عمي باالجامعة شافه وآحد يعرفنا . .

وهم يتقهوون مع الشباب صب الولد لولد عمي قهوه وقاله تفضل ياولد( ساره)>يقصد جدتي


قآم ولد عمي وقآل والله ماأشرب قهوتكـ . .


وشكله للحين متمشكل مع الولــد . .

[روض]

أم العيال الله يكرمك ! أم فلان الله يعزك !

مع أني لم أسمع قط من يتكلم بهذه البشاعة ولله الحمد؛
الإ أني لاأنكر خجلهم من التصريح بأسمائنا .. هذه ظاهرة جذرية في مجتمعنا ..


بعض عادت الجاهلية تتعجب كيف عادت مرة أخرى في الإسلام !

[راعي العوجه]

لم نسمعها إلى من عند جاهل أو متخلف

ولله الحمد بدأت تتلاشى ...

[حلاو بقر أصلي !]

العادة هذي صارت قديييمة..والحمدلله تلاشت تقريبا الآن..


لكن..في الغالب إذا دق على أخوي أحد من زملاءة قال: مع الأهل.

وأنا راضيه أحسها عادية.. ،، بس الي يقول (وانت بكرامة) هذا وصل درجة من الجهل وقل الوعي بشكل قوي..

والله لو يقولة أخوي إن يودع الحياة..مابقى إلاهي...

[طموح المعالي]

في الحقيقه هذه الظاهره كانت موجوده في فتره سابقة وكان سببها قلة الدين والعلم ولكن ولله الحمد كما ذكر الاخوان بدأت تتلاشى الان بل انعدمت في كثير من المجتمع و اظن من احد الاسباب هو الغيرة ولكن ان تصل لقول وانتي بكرامه هذا انتقاص لانرضاه بل نستنكره والمرأه اعزها الاسلام وشرفها
واما السبب الاخر فهو الخوف من التعليق والتعيير باسم الام او الاخت وكما ذكرت الاخت قمر المجد في قصة ابن عمها فالخوف من التعيير بالاسم لان الطرف الثاني لايعرف اسم ام واخت من يقول له
والسبب الاخير من عدم وضع الاسم بالجوال للخوف من ان يقع في يد احد العابثين فيزعج ويؤذي اهلله او قريباته في حالة لوسرق الجوال مثلا او من يمزح مزح ثقيل غير مستساغ
واذكر انه احد الافاضل سرق جواله فقام السارق بازعاج اخوات ذلك الرجل بكثرة الاتصالات وووووومن يمز لانه كان كاتبهم باسمائهم