][][ .. مـع صـابـونــه الـوزيـر مـا فـيـش مـسـتـحـيـل ذذ .. ][][

[ياسر الاسمري]

قسمن الموضوع فله
ولقد إنني ضحكت كثيراً f

كرومي وروَقان
الديوانية تجمعنا

[سلطان بن محمد ..]

المشاركة الأصلية كتبت بواسطة M5M رايق أشكرك على هذا البرنامج وأشكر ضيفك الكريم <<<<<< أقول عجزت أطيح في مزيل عرق كويس كل ماجربت واحد لينه أقبح من الثاني واحد منهم ألحين اللوشن يكفي بلحاله وألا لازم بخاخ الجسم وهو يكفي عن المزيل ثانكس على الموضوع الحلو

شف فية واحد طايحن بوة الي هو ابو 24 عند السقاف ما اعرف اسمة بس اعرف شكلة

وها الايام استعمل حق اديداس كل يوم اتروش عقب النادي ى<<طبعا اذا رحت لناديي

[مِسَـواك]

صراحة ماشاء الله موضوع متكامل
وحبيت أضيف النعال صراحة انصحكم بالماركات لإني شريت وحده ماركة
طبعا اول مره اشري واتهور ماركة الصراحة هي اطول نعله طولت معي تقريبا جلست فوق
السنه والنصف طبعا احسب حساب اني قد لعبت به كورة ولايخفى الصيفية الطائف وابها من ناحية الجبال
مانقطعت الامره بسبب نشبت بين حصاتين وخيطته وإلى يومك وهي معي طبعا شريته بـ370 من القرعاوي


واما عن الخياس الله يكرمكم

يامرة واحد عند المرور يارحته قسما من اول السيب تشمه
وعاد شف العساكره قسمن انهم يهجون منه عاد ياكثر اسئلته ذا
الزبدة بالسالفة ان المرور ياسرع ماخلصوا معاملته
يبي يفتكون منه باي طريقة>>لاحد عاد يصدق ويقعد يخيس همن يروح للمرور عشان يخلصون له المعامله

اما عن الشمغ صراحة للاسف من تالي بما انه جايتن طفره طايحن بأبو20ريال

صراحة به شمغ من هالرخيصة مجربه ومجرب بلس الاخير بتاع البسام ودي احلف انه مابوه فرق
وصراحة مرة بمكة ماجبت شماغي وشريت غتره(شماغ أبيض) بـ10ريال صراحة طلع رسمي بشكل
ماتتصورون لكن صراحة جينفشي لو يحط شمغ باشكاال مختلفة تسان شريت لي حبه



واما عن الكريمات ابي شيء اوضح من اللي وضحتوه ومحدد نةعا ما يعني الزبدة
ماابي ينلعب علي>>ماكل مقلب قبل

[[ .. رايق .. ]]

المشاركة الأصلية كتبت بواسطة ياسر الاسمري قسمن الموضوع فله ولقد إنني ضحكت كثيراً f كرومي وروَقان الديوانية تجمعنا

يآآآآآآآآآه مروركـ استاذ ياسر اعتبره شرف وليس اي شرف
دمت للابداع ودام الابداع لك ودمت مخرجا لمدة سنه ونص على صورة مطبق بالموز

[[ .. رايق .. ]]

ـ ـ ـ ـ ـ ـ ـ ـ ـ ـ ـ ـ ـ ـ ـ ـ


اشقراني هلا والله ومرحبا يالله حي أهل المدينه وش اخبارهم ؟
الكنوكت اجل يشكي .. بالله عليك مسموح تدخل اللاب وسط الحرم ؟
ان تسانه مسموح اجل لاب توب وكونكت وادهر هناك اهم شيء شف لك عامود فيه فيش عشان تاخذ راحك
الله يوفقك .. وبشرنا عن اخبارك هناك .. !

|||||| رايق ||||||

[[ .. رايق .. ]]

المشاركة الأصلية كتبت بواسطة M5M رايق أشكرك على هذا البرنامج وأشكر ضيفك الكريم <<<<<< أقول عجزت أطيح في مزيل عرق كويس كل ماجربت واحد لينه أقبح من الثاني واحد منهم ألحين اللوشن يكفي بلحاله وألا لازم بخاخ الجسم وهو يكفي عن المزيل ثانكس على الموضوع الحلو

ـ ـ ـ ـ ـ ـ ـ ـ ـ ـ ـ ـ ـ ـ ـ ـ



احول السؤال للأخ البرفيسور السمكرجي السابق .. وايضا كان يشتغل بمحل فوال ويصلح مطبق .. وكان يضبط مطبق الموز الاخ واحد منهم تفضل ( انتبه تسحب على الرجال وتقعد تشرح عن المطبق بالموز )

|||||| رايق ||||||

[الرشيق]

المشاركة الأصلية كتبت بواسطة واحد منهم [ The Body Shop] [nectar ]

ياخي مدري ليه تذكرت غرفة خواتي

[الرشيق]

المشاركة الأصلية كتبت بواسطة [ .. رايق .. ] ـ ـ ـ ـ ـ ـ ـ ـ ـ ـ ـ ـ ـ ـ ـ ـ وهذي صوره المزيون وهذي صورة لشماغي شوفوه يويدز |||||| رايق ||||||

أخوي رايق انا قد شفت هالشماغ وهالسيارة قبل

انت سيارتك لونها لؤلؤي وتروح لمقهى لاكفيرنا بالتحلية ؟

اذا كنت انت هو يا أخي فأتمنى منك التواصل معي للأهمية عبر البريد او موقع مراسلتي

[[ .. رايق .. ]]

المشاركة الأصلية كتبت بواسطة الرشيق أخوي رايق انا قد شفت هالشماغ وهالسيارة قبل انت سيارتك لونها لؤلؤي وتروح لمقهى لاكفيرنا بالتحلية ؟ اذا كنت انت هو يا أخي فأتمنى منك التواصل معي للأهمية عبر البريد او موقع مراسلتي

ـ ـ ـ ـ ـ ـ ـ ـ ـ ـ ـ ـ ـ ـ ـ ـ



اخي الفاضل لا تحدد مقهى واحد تراي طايحن بـcaza

|||||| رايق ||||||

[الرشيق]

المشاركة الأصلية كتبت بواسطة [ .. رايق .. ] ـ ـ ـ ـ ـ ـ ـ ـ ـ ـ ـ ـ ـ ـ ـ ـ شكرا الأخ الأفدغ واحد منهم :D وتدري ان شماغي الجيفنشي ضاع من يوم ما رجعت من ماليزيا ما لقيته :S فل نبدأ بهذه المقوله لأمي الحبيبه [ شف المصاريا اذا اشتروا جزم اشتروا شيء غالي ومريح بس يكرفونه كرف الحمار سنه كامله على جزمه وحده ] حكم حكم نورة الصالح ما شاء الله تبارك الله الجزمه او بمسمى آخر الكندره او بالانقليزي الشوز الأسماء مختلفه لكن القلوب متصافيه الله الله الله نرجع للموضوع الجزمه اخي القارئ الكريم هي اساس راحتك في يومك كاملا فلو انك اخي القارئ الكريم شريت جزمه من ابو 50 ريال بنص الدوام تبي تشم رائحه عفنه جدا همن تبي تجلس تفكر انا متروش اليوم الصبح زي ما قال لي عبدالكريم ولا لاء ؟ الا متروش طيب يمكن فيه شيء لاصق على ثوبي وتقوم وتجلس تدور وتسحب ثوبك وتروح لم المرايه وتناظر ثوبك .. طيب تخيل دخل عليك واحد وانت تقل جالس تهز خصر يا ما سحبت من هنا وياما رزيت شناطك من هنا وش موقفك ؟ وآخر شيء تكتشف ان هالريحه من الجزمه لا بارك الله بالجزمه شفت وش لون فشلتك عشان كذا طول الله بعمرك عزيزي القارئ عندما تفكر مليا انك تشري جزمه فـ جهز قروشك طول الله عمرك واذهب لاحد المحلات الراقيه "ماركات" وطق لك جزمه مناسبه لك ماديا ومعنويا لانك اذا شريت من هالمحلات الماركات تبي ترتاح من ناحيه الراحه بالمشي والراحه من حيث خياس الكنادر وتبي ترجع لم بيتكم وتنام بكنادرك من زود الوناسه بعد يعني انا شريت لي جزمه من ميلانو صح انها بـ بحول الـ 400 ريال بس وقسمن بالله يا مشيت فيها مشي لو فيه عداد على الكنادر كان صفرت من جديد مريحه بشكل خيالي + ما تسبب اي تعرق للرجل + شكلها مناسب جدا .. طبعا يمكن سعري مبالغ فيه شوي او يمكن تقولون يا رايق حب كوعك ادفع 400 على جزمه لكن انا اقول لا احب كوعي ولا كوعك تبي تلقا اشياء بنص سعر جزمتي لكن الجوده تبي تختلف ما اقول لك كثير لكن اكيد بيكون فيه اختلاف بالجوده .. طبعا فيه الكنادر الرسميه وفيه الكنادر الرياضيه او السبورت وفيه الكنادر الي تمشي مع كل الأمور .. وكل واحد يختار النوع المناسب له وإلي تلبي حاجاته ( السطر الأخير متاكد 100% اني ما نسخته قسم بالله ) بعض المحلات إلي ينصح بزيارتها ( اولدو ALDO - باتا Bata - القرعاوي للأحذيه - السيف للأحذيه "اعتقد اسمه كذا :S" ) هذي بعض المحلات .. فيه بعض الماركات مالها محلات مثل Boss .. وغيرها <-- توهق من ناحيه الشراريب وما ادراك ما الشراريب وقسمن بالله انا امنيتي بالحياة اذا شميت ريحة شراب ان يكون معي درزن شراب اعطيهن ذا الي شرابه مخيسه انا ما ادري وش لون يتحمل ذا الريحه المصنقه الله يحوم تسبد بليس .. يا جماعه خافوا ربكم ياخي كل خيشة بصل بس لا تجي بشراب مصنق ياخي الرسول الكريم صلى الله عليه وسلم امر للمقيم انه يمسح على خفيه يوم وليله هذا وهو خف ياخي شراب تلبسه اكثر من يوم ؟ بعقلك انت ؟ <-- وراي زعلت هذا الي بقوله بس ان الواحد يشري شراب درزن ويالله من فضلك وش رخص الشراب وابشركم ما ارتفع سعره مثل الرز الحمد لله الحمد لله طبعا فيه انواع من الشرابات الي يجي طويل مثل شراب العائله وفيه الي يجي منه رسمي ورجالي والي يلبس مع الجزم الرسميه وفيه الي يجي على قد القدم بس ( وهذا ارتحت له من تالي واجد انا ) كل واحد والشراب الي يرتاح له .. ولا احد يلبس شراب العائله بالصيف لا اقصب رجله <-- رايق يحلفون انك شام لك ريحة شراب قبل ما تكتب الموضوع .. فائده عن بعض أنواع النعال / الزبيريات .. يقال انها مضره طبياًوتسبب انحناء الظهر .. بعذري اشوف شيبان القصيم تقل اقواس ودك بس من ربط حبل بخشمه وبصبع رجله الكبير وبدى بنبط خلق الله يالله لك الحمد عالعافيه والنعمه نفتح لكم المجال بالهرج عن انواع النعال والأنواع المفضله وحياكم الله جميعا والبيت بيتكم نشكر جميع من انجح هذا المشروع الهائل وهم كلن من واحد منهم المطيري رضي الله عنه والأخ رايق "عليه السلام" <-- بوه واحدن مسلم علي عشان تسذا صار علي السلام |||||| رايق ||||||

أحب أن اشكر الأخ رائق الفؤاد على هذا الكومنت

من واقع تجربة

استخدمت الكنادر ام رفسة اللي قيمتهن 70 ريال و 40 ريال وجاني منها التهاب بالقدم غير العرق والريحة الله يكرمكم

الكنادر المحترمة والشغل النظيف يجي غالي لكن يعيش

يعني اشري لي جزمة بقيمة 400 ريال أو 800 ريال بس تقعد معي بالراحة من سنتين إلى 4 سنين وبعضهن تتجاوز هالمدة وكأنها جديدة

عندي كنادر لها الآن معي حوالي سنة وشوي ماركتها سكيتشر شريتها بحوالي 250 ريال

وكيلها عبدالغفور امين

الكنادر روعة من ناحية الراحة ومن ناحية الخامة والشغل النهائي وليومك كانها جديدة مجرد مسح للغبار وشوي ماء وتلمع

وكلاء الأحذية المحترمين كثر منهم القرعاوي عنده شي حلو خاصة الـ Cat انا اشهد ان ذيك كنادر

عبد الغفور امين عنده مجموعة ماركات حلوة مثل السكيتشر الامريكية وكلاركس ايطالية على ما اظن و سليدجير الفرنسية وفيه ماركة المانية عنده نسيتها لكن كلها شغل حلو وقوي ويتحمل

فيه محلات العويني بالبطحاء للي يروح البطحاء عنده شغلات حلوة وتتحمل

الدو رحت لهم كم مرة ما جاز لي شغلهم مرة والتخليص حقهم ما اعجبني

فيه محل بشارع العليا اسمه Red shoe أو الحذاء الأحمر ملاصق لمجمع الكمبيوتر عنده كنادر ايطالية وعنده كنادر لبنانيات شغل خطير صراحة بس غويلي ويحتاج ترخية الجيب

ميلانو عندهم كنادر حلوة

فيه محل برضه بشارع العليا اسمه ريكر شوز عنده كنادر حلوة ونظيفة

اما شغل محل باكستاني وابو 25 فهي تدمر الرجل وتطلع ريحة

لا ننسى الشرابات تراها مهمة بعد

فيه محل اشري من عنده شرابات بسوق الشعلة شغل سوري نظيف وقطن 100% ولا تطلع ريحة

عندي شرابات اكرفهن بالدوام من اكثر من سنة وليومك كأنهن جديدات


المهم انت وياه خلوا عنكم القعاطة خاصة بالرجلين تراها مهمة

[الرشيق]

المشاركة الأصلية كتبت بواسطة [ .. رايق .. ] ـ ـ ـ ـ ـ ـ ـ ـ ـ ـ ـ ـ ـ ـ ـ ـ اخي الفاضل لا تحدد مقهى واحد تراي طايحن بـcaza |||||| رايق ||||||

أخي الكريم هل تقصد مقهى Caza المقابل لـ Hagen Dazz ?

ان كنت انت وكنت تجلس قبل البارحة ومعك كاميرا Nikon D80 أرجو منك التواصل معي

الا مير تراي رحت له أمس والفلبيني يسأل وين صوره

[[ .. رايق .. ]]

المشاركة الأصلية كتبت بواسطة الرشيق أحب أن اشكر الأخ رائق الفؤاد على هذا الكومنت من واقع تجربة استخدمت الكنادر ام رفسة اللي قيمتهن 70 ريال و 40 ريال وجاني منها التهاب بالقدم غير العرق والريحة الله يكرمكم الكنادر المحترمة والشغل النظيف يجي غالي لكن يعيش يعني اشري لي جزمة بقيمة 400 ريال أو 800 ريال بس تقعد معي بالراحة من سنتين إلى 4 سنين وبعضهن تتجاوز هالمدة وكأنها جديدة عندي كنادر لها الآن معي حوالي سنة وشوي ماركتها سكيتشر شريتها بحوالي 250 ريال وكيلها عبدالغفور امين الكنادر روعة من ناحية الراحة ومن ناحية الخامة والشغل النهائي وليومك كانها جديدة مجرد مسح للغبار وشوي ماء وتلمع وكلاء الأحذية المحترمين كثر منهم القرعاوي عنده شي حلو خاصة الـ Cat انا اشهد ان ذيك كنادر عبد الغفور امين عنده مجموعة ماركات حلوة مثل السكيتشر الامريكية وكلاركس ايطالية على ما اظن و سليدجير الفرنسية وفيه ماركة المانية عنده نسيتها لكن كلها شغل حلو وقوي ويتحمل فيه محلات العويني بالبطحاء للي يروح البطحاء عنده شغلات حلوة وتتحمل الدو رحت لهم كم مرة ما جاز لي شغلهم مرة والتخليص حقهم ما اعجبني فيه محل بشارع العليا اسمه Red shoe أو الحذاء الأحمر ملاصق لمجمع الكمبيوتر عنده كنادر ايطالية وعنده كنادر لبنانيات شغل خطير صراحة بس غويلي ويحتاج ترخية الجيب ميلانو عندهم كنادر حلوة فيه محل برضه بشارع العليا اسمه ريكر شوز عنده كنادر حلوة ونظيفة اما شغل محل باكستاني وابو 25 فهي تدمر الرجل وتطلع ريحة لا ننسى الشرابات تراها مهمة بعد فيه محل اشري من عنده شرابات بسوق الشعلة شغل سوري نظيف وقطن 100% ولا تطلع ريحة عندي شرابات اكرفهن بالدوام من اكثر من سنة وليومك كأنهن جديدات المهم انت وياه خلوا عنكم القعاطة خاصة بالرجلين تراها مهمة

ـ ـ ـ ـ ـ ـ ـ ـ ـ ـ ـ ـ ـ ـ ـ ـ



صح لسانك مراد عاد انت تخصصك علاج طبيعي وممكن ان عندك فلسفه بها الاشياء

ثاني شيء سالفه السيف للمحركات يا ربيه وش اسوي بك انا اذبحك ؟ هذا الله يسلمك محل على شارع الملك فهد .. حق ناس كبار يعني انت واشكالك ما تعتبهن بعذرك ياخي ما تعرفه

|||||| رايق ||||||

[الرشيق]

لعلي اتكلم قليلاً عن العطور مع أن الحديث المفروض يكون للأستاذ الكبير والأب الروحي مهند

هناك مقولة عن عمر بن الخطاب والبعض يقول انها حديث عن الرسول صلى الله عليه وسلم

معنى المقولة ان الرجل لو انفق ثلثي ماله في الطيب ما كان مسرفاً

العطور أشكال وأنواع فيه الشرقي وفيه الغربي وفيه العود والبخور

فيه عطور تباع بـ 50 ريال بالبطحاء وبالثميري ويقولون لك هذا العطر أخو العطر أبو 350 ريال بدبنهامز

والناس تشري وتصدق

أجل عطر ارماني كود عند دبنهامز بـ 350 وبالبطحاء 50 ويقولي نفسه ومن نفس المصنع

والمشكلة الريحة فرق كبير عن الأصلي تقل صابون مغاسل مخلوط مع كلوركس

الفرق كبير بين النوعيات والعطور الفرنسية الأصلية تدوم وريحتها ما تتغير وتتحمل الحرارة لو حطيتها بالسيارة مع ان شمسنا المفروض ما يحط تحتها شي

تعطروا يا جماعة الربع ترا الواحد لا جاء متعطر واقبل على واحد يرتاح له الشخص الثاني ويأنس بالجلسة معه

المتزوجين بعد لازم يتعطرون لزوجاتهم والحريم يتعطرن لأزواجهن ما يجي هو ريحته عرق وهي ريحته بصل ويجتمعون مع بعض وتصير ريحة الغرفة فطيس

كلها قارورة عطر بقيمة 350 ريال بالشهر ولا بالشهرين اذا الواحد ما يسبح ثوبه بالعطر مثل اخوي

الواحد يقتصد وتمشيه القارورة 3 اشهر واذا هو مطفوق كل 5 دقايق يعطر يصير تمشيه شهر مع ان العطور الأصلية تدوم ريحتها ايام

ماعلينا انا وش دخلني بالموضوع اصلاً الموضوع لرايق وكريم وانا ضيف شريف

اهم شي تعطروا لا تخلونا نموت من ريحة العرق واللي يدخنون بعد تعطروا تراي اكره الدخان والمدخنين

هالحين انا وش ابي

[[ .. رايق .. ]]

ـ ـ ـ ـ ـ ـ ـ ـ ـ ـ ـ ـ ـ ـ ـ ـ


^

مراد يا جعلك سالم والله على ذا الرد الي يوسع الصدر .. من ناحيه العطور .. مهما قالك انه اصلي وما اصلي لا تصدقه .. اذكر مره رحت انا وامي لـ وجوه ذا الخراط وشريت عطر دنهل توه نااااازل السوق بـ حول الـ 300 ريال وهو اصغر شيء 30 مل مدري 40 ملي المهم اصغر شيء وقسم يا عالم ان بيت خوالي اقل من 5 دقايق بالسياره ان خالي يشم شماغي ويقول ما فيه ريحه والله من زود الغبنه خليته على الطاوله بغرفتي وصرت كل ما مريت من عنده مسكته وقمت ارشرش فيه غرفتي وامسك المخده وامليه عطر ياخي غبنه قسم بالله ولا ذا الخراط الي اسمه المصباح .. طبعا نسبة الخرط عنده اقل من وجوه رحت لمه وسئلت عن نفس العطر الي شريته من وجوه قال لي بـ 90 ريال :maaaaaaaaaaaaaaaaaaaaaaaaaaaaaaaaaaaaaa aaaaaaaaaaaaaaaaaaaaaaaad: يقلع ام القهر المهم ذاك اليوم وانا رايحن له انا ومراد يقول ان عطورنا نفس عطور دبنهامز ولا تفرق وش شيء وابد خذ العطر ورح لم دبنهامز ومدري وشو .. طبعا ما اقول لكم انها مره بايخه عطوره لكن والله العالم انها تعبيه دبي .. عطورهم ما تجلس مثل ما تجلس عطور دبنهامز ولا فافافوم .. يعني اذا بغيت اشتري عطر رحت لم احد هالمحلين ( دبنهامز ولا فافافوم ) وشريت منهم .. والصراحه للحين ما تحسفت على عطر شريته منهم :D

واذكر اني دليت عبدالكريم على فافافوم .. عاد يالله يا عبدالكريم عطهم وش عندك ووش لقيت يوم رحت هناك :D

|||||| رايق ||||||

[مستركشخه]

ياهلا بالشنبات ,, ياهلا بالطش و الرش و الفشفيش المفشفش
هلا بالشنبات و المردان ,, هلا بالشباب و الشيبان
هلا بالدبيين و العصلان
هلا بالنظيفين و الوسخان << بمناسبة الموضوع

إيش الحلاوه إيش النظافه
ياسلام على الإتكيت و الحركتات

و الله يا أنا ولهن عليكم كثير و كثيرات
كثر ولهي لشهر الخيرات
<< اللهم لا ريا

الصراحه إني قريته كله قسم << حس إنه سوى إنجاز
عاد من باب حب الإستطلاع و مشاركه الحوار و إبداء الرأي العام
أبدأ ببعض الإقتباسات

رايق

وأبشركم الحمد لله إني رجعت من ماليزيا سالم غانم

يعني قبل ماتسافر اسمك رايق !
و هالحين اسمك سالم غانم ؟!
آآآآآآخ يالقهر ,, و الله و غيرتك ماليزيا و تنازلت عن مبادئك و قيمك
أجل لو أنت رايح لم أبها مثلي وش تبي تسوي << يحس إنه مبعد هالشين
الشي الثاني رايح لمالزيا و لا جبت حقاق و لاشي ياحيف العربان بس !
أقل شي جب لنا ماليزيه تسوي لنا مساج

وبعدين يقولون إن فيه اشاعه إني متزوج

لا تكفى إلا هالعلم ,, لا يلعبون عليك و تصدق الإشاعه ذي ..
أي نعم لأن كل المهابيل << شرواك الطيب يارايق
كل المهابيل اللي زيك إذا أعرسوا يصيرون ثقل و تبدى تركبه المره و تصيطر عليه !
مير دامنا على قيد الحياة فأنا أنصحك أن تضل عزوبي حتى تنكت علينا

<-- كل تبن مع عسل وكمل الموضوع .. !

و بالله واحد زياده بالقشطه و كثر الشطه ..

الان نروح يم
واحد منهم ..

من زمان ماكتبت موضوع و تكلفت عليه في الديوانية ..

و الله مالك حق يعني بس جيد إنك تقرأ << علم نفسك يالثور

طبعا مسألة الأناقة و التكشخ مسألة تهم أغلب الشباب لعدة أسباب

بس جيدينن تحشون بي أنتم و خششكم
مير ما أقول إلا اللهم إني صائم
لكن مالكم حق ,, المفروض مستضيفينن بالبرمانج ذا لأن لي خبره طويلة عريضه بالمجال ذا !
و خير شاهد على ما أقول و يثبت كلامي ! شف وش اسمي ,, << و الله شكل مالك من اسمك نصيب

ياسلاااااااااام على الروايح الحلوه
ياخي بديت أشم ريحة لوشن مع الوشسمه
أيييييه ليتكم منزلين الموضوع من زماااااااان لان بالعاده الروايح هنا تخليك تفطر و انت صايم

نرجع و يرجع بنا الزمان لم
رايق

هناك انواع عدة من الطواقي فيه ( مشخل - ونص مشخل <-- حقت المطاوعه - ومن الانواع الي ابن ابوك تلقى فتحه ) خذ لك النوع الي يصلح لك

الله يجزاك خير ,, نصيحه تكتب بماء الذهب
تصدق قبل كنت آخذ لي اللي يصلح للخويي

<-- كل تبن مع عسل وبدون فلسفه .. !

و أنا لاتجيب لي ,, ما أدري تو يوم أكلته جتني حموضه


الصراحة موضوعكم ذا ثري بالمعلومات المفيده ..
لذا أنا أبحفظ الموضوع عندي و أبي أطبقه إذا جيت أعرس
<< جازتن له ريحته هالشين

في الختام نشكر لكم جهودكم و بيض الله وجيهكم يالثنائي الجميل

تقبلوا تحياتي مستر كشخه && الي تشم عطره و أنت فوق النخله

[الرشيق]

المشاركة الأصلية كتبت بواسطة [ .. رايق .. ] ـ ـ ـ ـ ـ ـ ـ ـ ـ ـ ـ ـ ـ ـ ـ ـ ( دبنهامز ولا فافافوم ) وشريت منهم .. والصراحه للحين ما تحسفت على عطر شريته منهم :D |||||| رايق ||||||

المصباح نوب ونوب على قولة بعض المرضى


المصباح نوب يجيك شي اصلي ونوب شي مو اصلي لأنه يخلط حقات دبي مع الأصلي فإذا كنت ما تعرف فيه احد ابعد عنه

ما مثل دبنهامز وفافافوم وعلى فكرة تراهم وكيلهم واحد

تخاويني قبل العيد ودي اطق لي كم عطر

[سلطان بن محمد ..]

الذين يشاهدون محتوى الموضوع الآن : 6 ( الأعضاء 1 والزوار 5) ‏معصوب تمر

اخ يا حقين عضوية الوسامم


الا على طاري العطور مرة جاخن قدام اخواني طاقن عطر ب70 ريال اسمة اضن شكارفيس او حولها من اجل الوكاد يومين الا العطر مخلص



اثر الشغالة تطيب بعد ذذ

[برج 10]

السلام عليكم ..
ايه هذي المواضيع المميزة ,, يا ليت المشرفين يدبلون النجوم لأنه يستاهل ..
.
.
ما شاء الله ما قصرتوا ,,
بس بغيت أنبه , قبل لا تشتري أي لوشن أو مزيل عرق أو ماشابه ,,
إقرأ المعلومات اللي خلف العلبة ,,أحياناً يكون مكتوب عليه تحذير انه يسبب حساسية للناس اللي تتحسس من مواد معينه ,,
أتوقع أحياناً ينطبق الأمر حتى على أنواع من العطور ..
فــ أنت اقرأ المعلومات خلف العلبة ,, تراها مو طويلة نظرة سريعة تكفي ..
,
أو إذا كان يضع شيء للتجربة حط كمية قليلة جداً على ظهر كفك مثلاً وامسحه ,,
لو تحول لون الجلد إلى أحمر أو حسيت بتحبب فـ انتبه , لأن عندك حساسية من الشيء هذا !!
.
ولو أحد عنده طريقة أخرى لمعرفة المنتجات اللي تسبب الحساسية أحياناً يا ليت يتحفنا فيها ..
.
.
ومشكلة إذا تمطخت بلوشن ثم طلعت وجلدك حمر ,
.
أيضاً , اللي فيهم ربو مثلي , يحرصون ان العطور اللي يشترونها ما تكون شديدة التركيز , علشان ما تسبب لهم مشاكل ,,وأيضاً لما يستخدمون كريم أو لوشن لا يكثرون على منطقة الصدر << أو لا يحطون عليها نهائياً ..
لأن الصدر دهنه قد يثور الحساسية والله يعينك على البخاخات بعدين !
,
عن نفسي عندي معاناة مع العطور بسبب الربو , لأنه يكون مستثار معي طوال الوقت على مدار السنة ..
فـ الفنتولين ما يغادر مخباتي !
.
لو واحد لا سمح الله معه ربو مثلي وجرب عطر ما يثير السعال وخفيف يا ليت يعلمني بماركته علشان أبحث عنه ..
,
,
عائد من أجل مسألة أخرى ..
,

[برج 10]

ممممممم
إن أردتم تعديل الموضوع الأساسي ووضع تنبيه كي يحذر الإخوان من مسألة التأكد من أن اللوشن أو الكريم لا يسبب حساسية قبل شراءه .. فيا ليت ,,
لأن البعض ما يقرأ الردود ..
,
والمسألة مهمة ..
,
,
أيضاً ..
,
مسألة أثارها أحد الإخوان فوق لما تكلم عن تحديد الشنب ,,
وقال ( ما ندري عن اللي تحت الثياب )

أتوقع ما فيه حياء بالمسألة هذي ...
نتف الإبط وحلق العانة من الفطره ,,,
ورد عن النبي صلى الله عليه وسلم فيما معناه ( خمسٌ من الفطرة .. ) وذكر منهن نتف الإبط وحلق العانة .. أو كما قال صلى الله عليه وسلم
<< مو ضروري نتف , الموس أو المكينة تكفي ..
,
ومن ناحية أخرى ,, الأمر يسبب راحتك + نظافتك الشخصية ,
ويحميك من أمراض أنت اللي راح تتخلص منها ,,
أجزم ان البعض ما يعرف بشأن الأمراض اللي يتسبب فيها عدم حلق هذه المناطق ..
مثل قمل العانة وما شابه .
.
.
أعتذر عن اقرافكم في هذه المسألة ولكنها مهمة + داخلة في الموضوع , فأردت التعقيب عليها ..
,

.
أعتقد اني يمكن أرجع للتحدث عن مسألة أخرى ..
,

[واحد منهم]

ياشين الخوف شينآآآه

اليوم مدري وش صار وتأخرت عالصلاة الفجر ومسجدنا هالمرة على غير العادة ماطول ذذ

و صليت بالبيت عاد قلت خلن اسوي نفسي نايم و اطفي لمبات الغرفة علشان ابوي مايقول شيء

حتى اني اذكر اني بعد ماصليت وقبل لاأطفي اللمبات اقول لواحد معي بالمسن اصبر بس عشر دقايق لين ابوي يدخل و ينام



والنومة هي النومة وتوي صاحي

راجع لكم اذا صحصت زين