يازين الصيفي بس !

[ذيب تميم]

.



.



سلام علييكم ..


لقد إني فرحان ..

الصدز بي نوم ، بس يوم شفت نتيجتي طار النوم شوي

طبعا نتيجة الصيفي ..

صح لحظة .. ابقهر حقين الرياض ..


انقهرووا قضينا قبلكم ، لا ونزلت النتايج على طول بعد .. يالله كل واحد قدامي ينقهر ..

تعيش جامعة القصيم ودكاترته ..

بكل مادة زايد الغياب عن النصاب يومين .. يومين يعني محاضرتين بالصيفي .. يعني اربع محاضرات زيادة على النصاب ..

وهـ بس يلومونن

لا وبعد يعرف اسمي الدكتور من بدّ الطلاب ، عاد مدري وش حيثي .. أحسّ اني كشخة

خل اوريكم النتيجة اكشخ عليكم شوي ..

لحظة ..


برنت سكرين ..

فوتشوب ..

امممم

افتح المفضلة .. اقرب تحميل

أهه





طبعا الفقة 113 .. كلو من ابو سحلب مسهرن

اما الفقة 114 .. ماتوقعت اجيب " ب " والله ياهي وناسة !

يا عيال ترى الزكاة لعبتي .. يعني لو تقولي زكاة ستين الف كيلو تمر اطلعلك الزكاة منه .. > عساك فرح ؟

[ركـن]

,’

ذيب ناشب لي يقول تكفى رد على الموضوع ..

وش تبون اكتب ؟

[ركـن]

,’

يقول أبيك ترج الموضوع رج ..

شلون ارج الموضوع رج ؟

[ذيب تميم]

هههههههههههههههههه

يا تسذووب .. هماك ناشبن لي بالماسنجر وقلتلك منب فاضيلك اكتب موضوع ثمن قلت طيب لا منك قضيت عطن الرابط > ايهن اقوى .. فلعتي ولا فلعك ؟

[ركـن]

,’

أنا قايل هالكلام ؟

أثبت ذلك يامفتري

[ركـن]

,’

من هو الي مذكرك عشان تشوف نتايج الصيفي ؟

مهوب أنا ..

ياوحش : (

[هاوي المقناص]

ماشاء الله مبروك عليك النجاح
باقي النجاحه عاد
بعدين
أرسلها لك
بس مبروك النجاح
والله يبلغك رمضان
ومن يقرأ

[السمو الملكي،،،]

ماشاء الله على البركة..



¨'*·~-.¸¸,.-~*'¨'*·~-.¸¸,.-~*'



بس فيه شيئين عجزت افهمهن شلون د
والحالة ناجح بعدين الاحظ الشسمه مكتوب
الفصل الصيفي1428هـ!

[هاوي المقناص]

اي والله انك صاز يالسمو
تتقرمش علينا يالذيب

[دامع الشجن]

وين صورة النتيجة ذلحين
بعدين انت ياتميم مأخذ شريعة مستوى ثاني ؟؟ ترا اختبار الفقه عندي الاسبوع الجاي وباب الزكاة مافتحته ولا اعرف السالفة فيه شكله من مذكرته انه يخوف .. الظاهر والله ان وجودي معكم الحين هو اللي بيخسف بالمعدل يلا مع السلامة

[البراء الرشود]

أنا من الحين أهلي قاعدين يجهزون لي فطور لحالي !

وموصي امام مسجدنا ما يطول عشان يمدي أذاكر !

بس ما يمديك علي !


أنا فيه محاضرة معدي النصاب دبل ولا حرمت


والثاني ما حضرت عنده إلا 3 محاضرات وحده منهم اختبار ولا حرمت طن طررااا !









The Top

[شكشوب]

على البركة النجاح والدرجات باين أنها حلوة
لكن حنا في الرياض معطلين لنا أسبوعين ننتظر الإختبارات

[فـيـلـسـوفـ]

المشاركة الأصلية كتبت بواسطة ذيب تميم صح لحظة .. ابقهر حقين الرياض .. انقهرووا قضينا قبلكم ، لا ونزلت النتايج على طول بعد .. يالله كل واحد قدامي ينقهر ..

وش رأيك باللي مخلص في آخر شهر سبعة من الصيفي

[.,جريج,.]

على البركة !!

[أبوالشباب]

ღ ღ ღ ღ ღ ღ ღ ღ ღ

100000000000 مبروك النجاح يا دافووووووووووور ..

ღ ღ ღ ღ ღ ღ ღ ღ ღ

[الداهية 15]

أنا مو قاهرني يا ذيب تميم
إلا ان عدد مشاركاتك 3756
ولا زلت عضو جديد

يالله حسن الخاتمة ..

وعلى العموم مبروك ...


أنا آخذ(ن) صيفي بس أنا بجامعة الملك سعود بالرياض
وقضينا من المنهج ولا فيه محاضرات ..
بس فيه تمارين .. آآآآهــ يا قرملي <<< أبو فهد

بس اللهم عندنا الإختبارات يوم 6 و 8 رمضان .
ما وافق رئيس القسم انه يقدمة اللـه لا ....

والمشكلة ان الدكتور موافق .. بس وش نسوي؟؟ !!!!

[[ ماضي ]]

؛

مُبارك يا ابني .. !!

من طول النوى ~ ماضي !

[سموت بالدين]

ماشاء الله ماشاء الله

ايش هالدفاره ياولد !!

ماخذن ذي النتايج وفرحاااان؟

سَمَوْتُ بالدِيْنْ

[ذيب تميم]

المشاركة الأصلية كتبت بواسطة هاوي المقناص ماشاء الله مبروك عليك النجاح باقي النجاحه عاد بعدين أرسلها لك بس مبروك النجاح والله يبلغك رمضان ومن يقرأ

شكراً هاوي مقناص ..

الله يجزاك خير يا ألبي ،

[ذيب تميم]

المشاركة الأصلية كتبت بواسطة السمو الملكي،،، ماشاء الله على البركة.. ¨'*·~-.¸¸,.-~*'¨'*·~-.¸¸,.-~*' بس فيه شيئين عجزت افهمهن شلون د والحالة ناجح بعدين الاحظ الشسمه مكتوب الفصل الصيفي1428هـ!

الله يبارك فيك ..


ان شاء الله لا منك كبرت تعرف وشي " د " وتصير تفهمها على طول

" هـ " راسب .. مو " د" !


1428 .. مدري عنهم .. يارجال لو 1300 هماه عدت على خير