| حــكــى لــي جــدي ..

[أمـ ساره ..]

[right]< نحا والمديد>


كانوا الناس في جوع منول يروّحون قافله تسمى المديد للمدينه ويجيبون معهم قلال تمر ورز وهيل وقهوه ويرجعون للديرة

نحا مره ام يتمان كانت في حاله فقر شديد في ديرتها تجّمع جله وتبيعها على الحضران في المدينه



(الجله:دمن الأبل)تبيعه على الحضران عشان يشبون به الضو



تقول:


وجمعت الجله واخذت بنيتي قمرا عشان تجريني واساقت بعاريني الثلاثه محملتهن جله


وقمت اسوقها ..ولا الليل امساني ركبت بنيتي على الذلول ولا اصبح الصبح خليتها تمشي عشان ما تتعب الذلول

وبعد ليلتين من ممشاي الا اشوف قومن راجعين من المديد ومحملين وقفوا يرتاحون ونوخو بعارينهم ..وانا وبنيتي ذبحنا الجوع ..

وهم يذبحون تويسهم (تصغير تيس )ويشوونه


ويوم أخذت شوي الا ابن الحلال جايبن الشاتسله غازها في عود (الشاكله )هذي عضو من اعضاء التيس اتوقع انها الكتف والله ما ادري بس انها توكل خخخخخخ


ومير ناخذها انا وبنيتي ونمصمص العظام ..

وكملت طريقي ومشيت الين طلعت الزديه (القديه الطلعه المعروفه قبل الرياض للجايين من الحجاز )


خلاص باقي شوي واطلع الا والله هاك الحميّليه (السياره كانوا يسمونها كذا)يوم اطلعت علّي وبعاريني تطقق كل واحدن في جهه


الا والله اللييييييييييييل ..ويالله اجمعهن

واكمل طريقي وآصل الرياض وابيع الجله واشتري بهن قلال تمر وآخذ بنيتي وارجع لديرتي ..


وكان مشورها مده شهر كااااااااااااااااااامل ..


وهذي القصه روتها لي جدتي عن حماتها (نحا)[/RIGHT]

وقد جمعت قصص جدتي وجميع ما روت لنا في دفتر فحبيت ان اشارككم بعض ما يضمه دفتري

وهذي قصه الطموح والذيب

ايضاَ حكتها لي جدتي ..

(والطموح المرأه الفاضه عند اهلها او بمعنى آخر الناشز )


كان فيه مره مفضخها (رجّالها)يوم جاء الصبح وسرح رجّالها وهي تاخذ ولدها ابو 7 او 8 شهور و تنحاش لأهلها خابرتهم وراء الهضبه

ويوم طلعت من الهضبه وما تشوف الا مراحهم لين الليل ممسيها


لاهذا الذيب يوم طلع عليها لاهو مامن فكها ماكلها والا ماكل ولدها


يوم شافت الامر كذا وهي تحذف ولدها عليه وتنحاش لهو ما يبي الولد يبيها وتحاول تنحاش ما قدرت واكلها وخلى الولد


والرجال يوم رجع للبيت وهو يدور المره ما لقاه وهو يمسي ويوم اصبح الصبح وهو يلحقها عند اهلها

يوم طلع من عند الهضبه ..لهو يشوفها ميته ومغطيها الدم ولدها يدور عندها ويحّرث التراب وهو ياخذ ولده ويسمي عليه ويرجع لأهله ..

وأتمنى الفوز ...

[The Top]

يغلق الموضوع لانتهاء الوقت ..


ترقبوا النتائج في موضوع جديد ..




The Top

[The Top]

تم الإنتهاء من التقييم ..

النتائج قريبا ..







The Top