| حــكــى لــي جــدي ..

[بارقـــ99ــــة]

بسم الله الرحمن الرحيم

سـلام الله عـلـى الـبـدوان كـلـه********يجيـهـم كــل واحــد فــي محـلـه

ســلام خالـطـه مـسـك و عـنـبـر********و كــــل اطــيــاب الــوقــت كــلــه

علـى الـبـدوان دونــت القصـيـدة********لـعــل الـفـكـر يسعـفـنـي لـعـلـه

و انـا باكتـب عـن البـدوان موجـز********و اخــبــر كــــل جــهّــال و ادلــــه

عـلـى الـبـدوان ذكــر الله و اكـبـر********هـل النخـوات و الشيمـات و الله

و امــا الطـيـب لا جـاهـم يـوقــف********شهـادة حـق و كــلٍ شـاهـد لــه

يكـفـي البـيـت لا جيـتـه تـلاقـي********تـراحــيــبٍ و فــنــجــالٍ و دلــــــة

بـيـوتٍ مـــا لـهــا بـيـبـانِ خـلـقـة********يجـيـه الضـيـف مــا يشـتـك لِـلّـه

رجــالٍ مــا غزتـهـم كــل حـضـارة********بـانـتـرنــت و جـــــوالُ و مـجــلــة

و لا بـالـدش و ارســالٍ فـضـائـي********غزونـا الغـرب و كــلٍ فــي محـلـه

حـيــاة الـبــدو لا و انـــه صعـيـبـة********تلاقيـهـم عـلـى ونـســة و فـلــة

يقـوم الصبـح قـبـل الـنـور بــدري********يـبــهــر دلــتـــه ثـــمـــن يـــزلـــه

و طول الوقت يمشي مـع نياقـه********هـواهـا دايــمٍ صـايـر هـــوى لـــه

و الى جاء الليل شب النار يرقب********نـجـوم بالـسـمـاء دايـــم مـطـلـة

و اهل المدن ما ننسـى حقوقـه********رجـال و نعـم مـا بــه نـقـص لِـلّـه

تـلاقـي العـلـم فيـهـم و الـتـطـور********و كــلــن يـنـظــر بـعـيـنـه تــدلـــه

_________

حياه أول على آنهآ صعبه .. , بس فيها نوع من المتعه والمواقف الرآئعه ,,..

طبعآ جدتي حيآتها كلهآ في البر ( بدو ) ..ما عرفت الديره إلا يوم تزوجت جدي ( رحمه الله )..
وتقول كآن سفرهم بالسيآره ( الابل والمواشي )..وكآن سفرنآ له آسباب منهآ :

اذا عتقت الارض ( جفت الزروع وآكلتهآ الموآشي ) نروح لأرض ثآنيه .. وحيآتي مع أمي وأبوي آحلى
بوآجد من آلحين ( أيام العزوبيه ) .. كنت باره بهم .. وكنت أروح أجيب الحطب وأجيب الماء من البئر ..
وأرووح أدور فقع عشآن يعّيشنآ ..
_-_
كآن لعبنآ نآخذ حصى الصّوان ونلعب به نتخيل آنه أبل .. ونلعب لين ما نزهق ..

يمآه وش ذكريآتش مع جدي !!

وردّت علّي : والله مخي مقفل ما أتذكر شي ..<< آظاهر آني فقعت كبدهآ .. ..

وتقول لي : يوم كنآ انا وآختي قآعدين عند الغنم .. كآنت تقول لي .. سبحآن الله !! يقولون بيجي يوم
الحديد يتكلم ويروح ويجي ( قصدهم الراديو والسياره)..
وأيام يوم طلعت عندنآ الموآتر ( السيارات ) .. كنآ نقول آكيد ان ( موتر ) ماخوذه من كلمه ( موت ) ..
عشآن كذا محد شرآها..

__--__

قـــصـــه ضـــيآع آمــــي :

تقول كنت آيام شبابي كانت امكم عمرهــآ 3شهور ..وكنت حاطتهآ على ظهري .. واشتغل ..وقمت وحطيتهآ
في ارض مليآنه زروع .. وانا ذاك الوقت ما أشوف زين وشوي ألا ضيعت وين مكآنها ..وقمت أدور لهآ ..
ورحت لخالتكم من جدكم ..قلت بنتي مدري وين حطيتهآ .. قالت انتظري شوي بتبكي ونسمع صوتهآ قالت
انا توني مغّيره ملابسهآ يعني بتبطي ما بكت ..عقب قامت تنآديهآ ..( فـــــــلآنـــــه ) ..وشوي الا صوتهآ تبكي
وأثرهآ من صبح كآنت جنبنآ ..



وبس ..

[green apple]

مير أنّي تاركتهم ( بالسعودية ) مادريت أنكم بتحتاجونها تسان جبتها لكم ! قالت إحدى حفيداتها : يا جَدّة مكه هي بالسعودية ! الجدة : لا بالله لو أنها بالسعودية تسان ماطرنا بالطيارة لها !

.. تحزّن الكهيلة ،، الله يشفيها : [

[green apple]

ردّ عليه بكل ثقة وشجاعة : ( تامتن غصبن عليك يا حمار ) [ كرِمتم ] , ويهجد هذاك الجنّي ولا همس , والعم يحط راسه ع الأرض وياخذ أحلى نومة ..

يممه ..أعوذ بالله منه !!
عاد حمار مرة وحدة !! ههه !

[green apple]

هذي بعض السوالف اللي قالتها لي امي الله يحفظها وضروسها تعورها هاليومين ادعوا ان الله يشفي ضروسها

.. الله يشفيها ، يا زين سوالفك ، كثري لنا منها ؟؟
.. شوق المحبة ، أنا بعد أعرف هالانشودة ، قالتها لي صديقتي ..، : )

[[ تعجّب ! ]]

الله ييسر لنا لقاء مع جدي اليوم .!
اممممم إن شاء الله يمديني لين بكرة العصر !

[The Top]

المشاركة الأصلية كتبت بواسطة [ تعجّب ! ] الله ييسر لنا لقاء مع جدي اليوم .! اممممم إن شاء الله يمديني لين بكرة العصر !

بكرة العصر الوقت منتهي !


ينتهي صباح الجمعة الساعة 5 !







The Top

[شوق المحبه]

متى النتائججج ؟؟؟؟؟

[The Top]

المشاركة الأصلية كتبت بواسطة شوق المحبه متى النتائججج ؟؟؟؟؟

بعد ما ينتهي الوقت إن شاء الله ..






The Top

[إيمــــان]

.

السلام عليكم ورحمة الله وبركاته

هذه قصه حكاها أبي لنا عن جدي لأمي ..

يقول فيها أبي : كان جدي معروف بالزهد والعبادة كان شديد الحرص على أن لا تنتهك حدود الله وكان شديد التوكل على الله ..

يقول في ذات يوم أصاب قريتهم الفقر والقحط فخرج يبحث عن الرزق وما يسد به جوع أولاده
ذهب لقرية أخرى عمل عندهم فكانت أجرته نعجتين ..
ربط النعجتين بحبل واحد طويل كل نعجة في طرف
وعاد بهما إلى أبناءه فرحا بهاتين النعجتين ..
يقول والدي : بينما هو يمشي في الطريق إذ أدركته الصلاة فتوقف لصلاة
يقول عندما أراد أن يكبر أتاه الشيطان قال له : والنعجتين إن أنت صليت أتاهما الذئب وأكلهما
فأخذ يفكر في أبناءه الجياع وكيف يعود إليهم دون أن يجلب لهم ما يسد رمقهم ..
لكن توكله على الله كان أقوى من أن يخضع لوسوسة الشيطان
فقال : أصلى وأتوكل على الله وسيحفظهم ربي بإذن الله ..
فكبر وصلى وبعد أن شرع في الصلاة أتى الذئب وأخذ يلحق بالنعجتين وهما ترهبان منه
فكر جدي بقطع صلاته وإدراك النعجتين قبل أن يأكلهما الذئب لكنه آثر أن يكمل صلاته ويترك الأمر لله ..
فجأة هدأ الضجيج فأيقن أن الذئب قضى على النعجتين ..
وبعد أن انتهى من صلاته والتفت نحو النعجتين
إذ به يرى المفاجاة




رأى النعجتين سليمتين والذئب قد مات !!
السبب أن النعجتين كانتا مربوطتان بحبل واحد وحين هاجمهما الذئب كل واحدة هربت في جهة فالتف الحبل على عنق الذئب فاختنق ومات
{ ومن يتوكل على الله فهو حسبه }

[**عذبة الروح**]

ظننت أن الوقت انتهى ..

لكن حمدآ لربي.. لذا سأحكي قصة جدتي::

توفى الله جدي وأكبر مالديه طفل عمره 9 سنوات
(استطراد):
أخذت منه أرضه الوحيدة قهرآ وغصبآ فبكى عليها ليالي
حتى توفاه الله..
الآن كل من يغضب تحاول جدتي بأقوى مالديها
أن تهون عليه لأنها ذاقت فراق زوجها بسبب الغضب..

نكمل..
سكنوا الرياض بعد وفاة أبيهم وكان رجل البيت (خالي الوحيد عمره 9 سنوات)
ولديهم أربع بنات أصغرهن سنتين والباقي تتراوح أعمارهم حتى 6 سنوات..
ولم يكن لهن عائل ولا مصدر رزق ..
مع الأيام استطاعوا أن يكون لهم مصدر رزق من عمل خالي الخارجي بعد مدرسته..
وكانوا يسكنون في بيت بحي (عتيقه) أعتقد..
وبجوارهم أحد أقاربهم ولديه أبنااء تقريبا 8..
وفي ليلة هجع الجميع وخلدوا إلى النوم.. إلا احدى خالاتي
كانت تكمل دفتر لها ..
لتتخيلوا المشهد (الكل في غرفة واحدة تنتهي الغرفة بخالي وتبتدأ بخالتي والباب أمام
خالتي)
أخذت جدتي الدفتر وخبأته تحت الوسادة حتى ينام الجميع وأغلقت الأضواء..
خالتي بقيت تنتظر جدتي تنام حتى تسحب الدفتر بهدوووء وتكمل..
لكن سمعت (هوووب) في السطح كأن دلوآ سقط..
تقول: سكت لأني شاكة بالأمر..
لكن فجأة في ظلمة الغرفة أرى يد الباب تنفتح بهدووووووووء
بدأت في الصراخ (يمممممه يممممممه حرامي عند الباب)
جدتي: أقول نومي بس ..منيب معطتك الدفتر لو يدخل اللي يدخل..
ومع الصراخ لم يتغير الحال
بل انفتح الباب قليلا وأدخلت يد سوداء
وبدأت خالتي في الصراخ ثانية.. ( والله يمه حرامي والله والله شوفي يده)
جدتي: (اللي فتح الباب قطوة سوداء وش حراميه نومي بس ..والا بعطي الدفتر بنت الجيران)
تقول جدتي: كنت أعلم أنه حرامي لكن مالحيلة وليس باليت رجل سوى ولد واحد وعمره تقريبآ أصبح 10 سنوات..
فأردت أن نسكت جميعآ ويسرق ماشاء ولا يفعل بنا شيء..
فجأة استيقظ خالي مذعور من صراخ خالتي وأخذ كرسي صغير خشبي وبدأ بضرب الكرسي
على الجدار وينادي : ياخالد يامحمد يا فهد يا يا ..قوموا...
(يوهم الحرامي أن لديه رجال بالبيت حتى يهرب وفعلآ هذا ماحصل)
واستجاب هؤلاء الجيران لصراخ خالي وضربه الجدار وحضروا بعد فرار الحرامي..
ومن حرص خالي أحضر لكل باب باب حديد آخر احتياطآ..



ومن قصص جدي.. أخبرني مرة عن قصته للوصول إلى المسجد الأقصى
والصلاة فيه لكن قبل كل هذه الأحداث قبل حوالي 65 سنة وماحصل لهم من معاناة
لكن السمع شجر (كناية عن أني نسيت)

قصة أخرى:
كان لجدتي طفلة عمرها 3 سنوات أخذتها بنت خالتها لبيتهم (مشيآ على الأقدام)
وفي الطريق وقف رجل طويل عريض المنكبين أشد سوادآ من الفحم على حد وصفهم
ووقفت بنية الـ3 سنوات أمامه فما كان منه إلا أن دفعها على ظهرها
وبعد 3 أيام توفيت خالتي الصغيرة وحين غسلها وجدوا في ظهرها أثر على شكل يد
فكان هذا من ضربة ذاك الرجل..

قصة أختم بها:
للتو حكتها لي جدتي..
(قصة وعبرة)
يحكى أن : في قديم الزمان كان هناك تاجر ولديه من الأموال
مايعجز عن صرفها طوال حياته..
وحين حانت ساعة الموت أوصى ابنه الوحيد بأن يبني في كل بلد
يمر عليها قصر..
(وصيتي لك إنك تحط بكل ديره قصر)......<< على لسان جدتي..
وفعل الابن بوصيه اباه حتى نفد المال..
فاستغرب صاحب الابن أين ذهب مال أبيه التاجر المعروف؟؟
فأخبره الابن بخبر والده ووصيته..
فلم يجد الصاحب بدآ من أن يضحك بملء فيه ويقول:
(ماكان هذا مقصد أباك .. بل معنى قوله ابن بكل بلد قصر أي
اتخذ في كل بلد صديق)

سوالف الأجداد كنز.. ولدي منها الكثير إن رغبتم.. لكن هذا مايحضرني الآن
واعذروني إن كان بالأسلوب ركاكة..
جزاكم ربي فردوسه..

[أم الذوق]

أفياء ..

أنا كنت أبسوي موضوع عن سواليف الأجداد ..

وأتمنى إني أسوي لو موضوع واااحد ..

الحين لازمـ تعوضين ولا شيء ..

[فتاة المعالي...]

[grade="DC143C FF6347 DC143C FF6347 DC143C"]فكرة رآآآئعة تحمست لها مررة !


لكني لن أقول حكى لي جدي ولا جدتي ولا عمي ولا عمتي ولا خالي ولا خالتي لاننا مسافرين وليس بالإمكان ان أراهم قبل يوم الجمعة لذلك سأقول
حكت لي أمي


قلت لأمي " يمه جيبي لي قصة من أيام زمان " قالت ( وش تبين يعني عن إيش ؟ )

قلت له : أي شئ بس يوم كنتوا بأيام زمان وأحسن شئ لو أنكم مسافرين أو متسيحين !

قالت أذكر من زمان أنا وأمي وعمتي ومرت عمي و بناتهم

وكنت أنا بخامس إبتدائي

كنا طالعين لحديقة الحيوانات ( متسيحين ) كنا قاعدين بالـ " ثيل "

وحاطين فطورنا الإعتيادي المرندا والفطاير والشاهي والساندوتشات والقهوة وقاعدين نسولف !

فجأة سمعنا صراخ من بعيـد قلنا وش فيه ونشوف الناس يركضون لم البوابة ولا لبسوا "حذييهم "

وحنا ما درينا وش السالفة بس ورحنا نركض معهم بعباياتنا وفصخنا حذيينا بعد < زيهم
ونركض ونركض ووصلنا البوابة بسلام !

وشفنا كومة من النعال بالبوابة طول الكومة تقريباً 3 أقدام كل هذولا هاجين

وأثرنا هاجين عشان فيه أسد طالع من قفصه !

وطلعنا من الحديقة وشفنا النااس متوزعين بالشوارع

هاجين من الاسد

وتقول أمي كان ذا أخوف شي صار لي

إنتهت القصة بسلام :Seko:

وإن جت لي قصة بجيبها هنا إن شاء الله ![/grade]

[لآنـــد]

هيأت نفسي على أن الوقت سينتهي في الخامسة مساءا
ويبدو أني أخطأت

لعلي أشترك في المرة القادمة بإذن الله

.

[زهرة شمر]

المشاركة الأصلية كتبت بواسطة green apple .. الله يشفيها ، يا زين سوالفك ، كثري لنا منها ؟؟ .. ، : )

امين يارب

تسلمين اهم شي انها اعجبتك ^ـــ^




أختكم
زهرة شمر

[[ تعجّب ! ]]

بسم الله ,,

ترى موب لازم مقدمات : D


/

مرة من المرات ..
وحدة من البنات منوّل بتعرس .. وتروح هي وأمها لـ محل للأقمشة بيشرون هدايا لخالاتهم بمناسبة عرس هالبنية ( )
ويقعدون حول ساعتين .. يحوسون ويدوسون .. ويكاسرون ( )
+ أقول يمه وعع ذا المحل ! خلاص خن نروح محل غيره ازين وأرخص ( )
- والله انتس صادزه يابنيتي ذا المحل وش ينبغا به .! <-- وراعي المحل ناطلن اذن يتسمع ( ) !
يجيكم راعي المحل وهو فايح قهر : نعنبوش ونعنبوا اهلش معش كانكم أوذيتوني ( ) ! < أجل تسبه هالعجوز ويسكت ؟!
<-- إلا والله هذا دواهم ! كاسروا ولّا هجينا ( )

إلا على طاري الأقمشة .. يقولون منوّل إن به وحدة الله يستر علينا وعليها .!
رايحة تشري قماش .. المهم وتشوفه رخيص .. ماش الرخص ماجاز لها تقول اكيد به عيب .. وإنه مب من هالأصلي ( ) .! عاد تقعد لها شوي وتروح محل ثاني ..
وتشوف سبحان الله .. نفس القماش الأول بس أنه أغلى بحول العشرين الظاهر .. وتشريه : إيه هذا الأصلي .. هذا اللي ما يتنتف ! <-- مع انه مافي أي اختلاف بين القماشين .. إيييه إيه حريم حريم ! بس خرد من هالدراهم ( )..!


*


إييه أما الألعاب منوّل .. وش زينه والله ( )
إذكر إلامني صحت ( ) لعبوني ذيك اللعبه اللي تقول ( حدارج مادارج من كل عينن دارج .. عمي ياباحسين كم على عيد رمضان ..
سبعة أيامٍ تمام خرزة برزة طبت في البركة قالت تيت تيت )



<-- تراي متخسرة خمسة اريل عشان يقولها ( ) ولّا مستحيل ينشد ببلاش !
وإلى يومكم هذا العّبها أخواني ولا بنات خالاتي ..شيي شييي والله ياما سكتت أقوام وأقوام ( ) !
بس تدرون .. ننشد هالأبيات ولا نعرف معناه ( ) ؟! بس أذكر نتشابك بالأيدي ونحركها جميع ( تقل نحوق لنا شي ( ) ) ! زي كذا ..






إيه وش بعد وش بعد ؟!
خن اسولف لكم لين يجي جدي ويقضي من حوسته مع هالنخل

ايه .. يقولون ان زعل العود أقشر ؟ هو صدز !
يعني إذا عصب وخررروا عنه ( )
يعني مثلاً .. واحد يقال له أبو حمد الله يطول لي عمره ( ) قاعدن بمجلس وجابوا طاري واحدن من الرجاجيل الي ما ينتواطن .. قال أبو حمد : والله لو هو داخلن الجنة لأدخل النار ( ) حس بعمره واشوا تدارك روحه ( ) !

وعلى طاري العود إذا عصب .. كنّا ببيت جداني .. قالت لي جدتي وهي تنكب الجريش روحي نادي جدتس واخوانتس من الحوش .. واروح ركض .. ركض للحوش < -- كبر قريح وشلون اناديهم الحين ( ) اتشاوف لهالعيال ما اشوف أحد ! أصوت ومهنا رد ... وش السالفة ؟! بالعادة اشوفهم يلاحقون هالدجاج ..! وقفيت بروح لجدتي ولّا جدي هذاهو قدامي ويلشطني ذيك اللشطة بالسعفة ( ) وش سويت أنا ( ) هذا جزاتي اناديكم تاكلون جريش ( ) المهم ماغير صياح الله لا يوريكم ( ) واخواني ما بانوا للحين ؟! أثر جدي يلاحق اخواني ويتصيد لهم .. محارشين دجاجة ( ) بصراحة ما ألوم جدي يوم يطقني .. لأني دايم كنت المكملة لعصابة اخواني منوّل .. اللهم هالمرة اللي بريئة ما نشت الدجاج وفراخه أبد .. عاد جدي حبيّب ما تركني اصايح وافلحط .. سكتني بـ خمسة أريل




شكل جدي ريّض .. خن استغل امي ما دامها حولي تسولف علي ( )



ايه ..

قاعدتن اسأل أمي عن الدراسة تقول : ذكرتيني بالمصاريا ياهم شديدين يجلدون جلد ( ) < -- مزدين فيكم ثث !
لايفوتكم حصة الإنجليزي بس ! أنواع الدباشة به ( ) أذكر إلامنه طلعت التيتشر ذي حقتنا ( ) نتطنز بحروفهم هالكفار ( ) كنّا نقول : أي بي سي دي والبس ثوبن جديدي

ولّا سالفتها يوم راحت تسجل بالمتوسطة تقول توي متغطية .. ومستانسة بهالعباه ( ) ادخل المدرسة مع امي متغطيه وعاد يوم سجلوني ..طلعنا لبيتنا .. واثري طول الطريق فاتشة ما دريت ( )


*

إيييه جاء الفرج < -- جدي : D

هاااه ؟! يقول جدي مهنا قصص ( ) < -- سحب علي < تسمع وتكتب ثث
بس سألته عن السفر وين كنتم تسافرون منوّل .. ضحك ويالله سكت .. قال السفر ما عرفناه الا من 15 سنه ..
منوّل حتى سدير ما نعرفها ( كانوا ساكنين بديرة وسط سدير ) المهم يقول يوم سكنا بمنفوحة <-- كشخة والله : D
إذا وديت جدتس للديرة عند اهلها .. نقعد ست شهور لين تجي .. ايييه مافيه مواصلات .. باللياله نلقاها !




المهم ماعلينا من جدي .. نسحب الكلام منه سحب ولا يطلع معه شي >< .!

رحت لجدتي غديها تتكرم بــ بقصة ولّا شي ؟!

قالت :

ذاك الواحد والواحد الله .. ولّا كل ابليس مخزيه الله !


< قاطعتها : وش ذي لعبة ولّا انشودة ؟ < -- تمدن ثث
ضحكوا كلهم ضحك عليّ .. يقولون ذي زي ( كان يامكان في قديم الزمان )

ايه المهم : هذي وحدة يقالها " قرين الشمس " عمرها حول العشر سنين .. عايشة مع اخوها ومرته .!!
جاء ذاك اليوم اللي بيسافر فيه هالأخو .. وهو يعرف ان مرته مهيب تواطن أخته .. فـ وصاها بخته ..
- أبد ابشر على راسي هالبنية ومهيب شايفة شر أبد !
+ والله قطرة الما بقطرة الدم يامرة .. هااه جاتس العلم من هالحين ..!
- أبد بتشوف اللي يسرك ان شاء الله ..

عاد من يوم سافر .. حلقت راس البنية وحاستها حوووس ( يعني اللي بيشوفها بيحسبها ولد ) .. وباعتها على راعي مزرعة بـ 20 !!
وقامت هالمرة تحفر قبر تحت الدزربه .. وخذت لها جذع نخلة ولفتها .. وقبرتها .!
عاد يوم جاء رجلها .. ونشد عن أخته .. قالت المرة : اختك ماتت ودفنتها تحت الدزربة ..
المهم مرت السنين ..
وجاكم هالأخو يبي يصيد .. ويسمع له واحدن يقصد .. هالقصيدة


يامحيحيلة الماء سلميلي على اخوي .. قولي قرين الشمس تعمل وتسني !
الله يقطــع من حط الغظي كالــفن له .. < الباقي نسته جدتي !


<-- سكتت جدتي شوي وقالت .. يآه يهالقصة نصيح عليها صياح حنا وأخواتي وش صياح إلا مشاهق نتخيل هالبنية تشتغل وتسني وهي صغيرة !

نكمل ,,

+ هييه يالصبي تعال ..
- نعم وش تبي ..؟
+ عد هاللي قلته تو ..
- لا وشهوله مهب لازم .!
+ لا لا قل وش كنت تقصد بهالقصيدة ؟!
- هذي قصيدة يتناولونها الناس وانا قلتها .!
+ لا لا أنا سمعت طاري " قرين الشمس " أختي ؟!
- يعني أنت أخوييييييي ؟!

هاك ياصياح وهاك يادموع ! ( )
المهم وياخذ أخته لبيته .. بدون ما يدري راعي المزرعة .. ووداها للسطح بدون ما تدري حرمته .!
راح لحرمته ..
+ ابشوف قبر أختي ..
- ام لاحووول تطيح عليك المقرصة الحامية !
+ لا بس بغير مكانها وشهولة دافنتها تحت الدزربة ؟!

( المهم ويفتح القبر ويشوف جذع النخلة )
+ صااااااارت اختي جذع نخلة هااااه يابنت اللذينا ؟!
- إنا لله وإنا إليه راجعون بلاك من كثر المعاصي انقلبت نخلة ؟!
< أنا هنااا شويه فطست ضحك ( ) ويقوم جدي يقول : هذا كيدكن يالحريم ثث

المهم : طلق هالحرمة وطردها شر طردة < مزدي فيها والله !

ايه عاد تقول جدتي ان هذي إسمها سبحونه ( )
+ وش يعني سبحونه يعني قصة مهيب صدقية ؟!
- هاه لا مدري هي بس يعني كذا سبحونه. < -- تكلفت الشيخة ( ) !

عاد والله اعلم إن السباحين الظاهر يعني .. إنها قصص ما قبل النوم < -- تراي أتوقع : D





جزاكم الله خير يالسفر والسياحة , الصدق جلسنا جلسة ما انساها اليوم مع جداني قالولي قصصٍ واجد مدري سباحين < ( )
قالوا قصة ذيك اليتيمة اللي يجي